ဖမ်းထားသော ရှမ်းတပ်ဖွဲ့ ပြန်လွှတ်မည်ဟု ဝတပ်ဖွဲ့ပြော | ဧရာဝတီ

ဖမ်းထားသော ရှမ်းတပ်ဖွဲ့ ပြန်လွှတ်မည်ဟု ဝတပ်ဖွဲ့ပြော

Hits:4,696
  | |

မူးယစ်ဆေးဝါး တိုက်ဖျက်ရေး ကဏ္ဍများ လှုပ်ရှားနေမှု၊ အစိုးရနှင့် ထိတွေ့ဆက်ဆံနေမှု အပေါ် အစိုးရ တပ်များနှင့် SSA-S တို့ ပူးပေါင်း၍ ပူးပေါင်းတိုက်ခိုက်နိုင်သည်ဟု UWSA က သံသယဝင်နေ (ဓာတ်ပုံ- SHAN)

နယ်မြေကျူးကျော်မှုဖြင့် ဖမ်းဆီးထားသော ရှမ်းပြည်တပ်မတော်ေ တာင်ပိုင်း SSA-S တပ်ဖွဲ့ဝင် များကို အသက်အန္တရယ် မထိခိုက်စေဘဲ ပြန်လွှတ်ပေးမည်ဟု ဝပြည် သွေးစည်းညီညွှတ်ရေး တပ်မတော်က ပြောဆိုလိုက်သည်။

“သူတို့က နယ်မြေကျူးကျော်လာလို့လေ၊ ခဏတဖြုတ် ထိန်းထားတာပါ၊ အေးအေးချမ်းချမ်း ပြန်လွှတ်ပေးမှာပါ၊ ပြန်လွှတ်ဖို့တော့ စီစဉ်နေတယ်၊ ဘယ်အချိန်ပြန်လွှတ်မယ်ဆိုတာတော့ မသိသေးဘူး” ဟု UWSA ၀ိန်းကောင်ခရိုင် အတွင်းရေးမှူး ဦးစောလွင် က ဧရာဝတီိသို့ ပြောသည်။

ဇူလိုင်လ ၃၁ ရက်နေ့က မိုင်းတုံမြို့နယ် UWSA ထိန်းချုပ်ရာ နယ်မြေ ရာဘာခြံထဲတွင် စိုက်ပျိုးရေး လုပ်ရန် အကြောင်းပြချက်ဖြင့် ရောက်ရှိနေသူ SSA-S တပ်ဖွဲ့ဝင်များနှင့် ဒေသခံ အချို့ကို နယ်မြေကျူးကျော်မှုဖြင့် နယ်မြေခံ UWSA တပ်ဖွဲ့များက ဖမ်းဆီး ထိန်းသိမ်းခဲ့သည်။

ထိုအဖွဲ့များကို လွှတ်ပေးရေးအတွက် ယခုလဆန်းပိုင်းပိုင်းအတွင်း၌ပင် နှစ်ဘက် တာဝန်ရှိသူများ နှစ်ကြိမ်တိုင် တွေ့ဆုံ ဆွေးနွေးခဲ့သော်လည်း လွတ်မြောက်ရေး အဖြေမထွက်ခဲ့ဘဲ ထိစပ်နယ်မြေများတွင် တပ်အင်အားများတိုးချဲ့ထားပြီး တင်းမာနေလျှက်ရှိသည်။

“ကျနော်တို့ ခွင်ထဲမှာ သူတို့တပ်လာထိုင်တယ်လေ၊ ခင်ဗျားတို့ ဘာလာလုပ်လဲလို့မေးတော့ စိုက်ပျိုးရေးလာလုပ်တယ် ဘာညာ အဲဒီလိုပြောတယ်၊ စိုက်ပျိုးရေးလာလုပ်တာတော့ မဖြစ်နိုင်ဘူး” ဟု ဦးစောလွင် က ပြောသည်။

ဖမ်းဆီးထားသူများကို ရှမ်းပြည်တောင်ပိုင်းရှိ UWSA ထိန်းချုပ်ရာ တပ်စခန်းတွင် ထားရှိပြီး စိုးရိမ်စရာ မရှိကြောင်း သူက ဆက်ပြောသည်။ ယင်းသို့ ဖမ်းဆီးထိန်းသိမ်း ထားမှုကြောင့် နှစ်ဖက်တပ်များ တင်းမာသည့် အနေအထားတွင်ရှိသော်လည်း စစ်ရေးအရ ဖြေရှင်း သွားမည်မဟုတ်ဟု ဆိုသည်။

ဖမ်းဆီးခံထားရသူများထဲတွင် ရှမ်းပြည်တပ်မတော် တောင်ပိုင်းမှ အရာရှိ ၂ ဦးနှင့် တပ်သား ၅ ဦးအပါအဝင် အမာခံဒေသခံ အချို့ပါဝင်ကြောင်း၊ ၎င်းတို့ လွတ်မြောက်ရေးအတွက် SSA-S တာဝန်ရှိသူများနှင့် UWSA တာဝန်ရှိသူများ ယခုလဆန်းပိုင်း အတွင် ၂ ကြိမ်တွေ့ဆုံခဲ့ပြီဖြစ်သော်လည်း အဆင်မပြေခဲ့ကြောင်း SSA-S ပြောရေးဆိုခွင့်ရှိသူ ဗိုလ်မှူး စိုင်းလောင်ဆိုင်း က ပြောသည်။

ယခုဖြစ်ရပ်ကြောင့် နှစ်ဖက် ထိစပ်နယ်မြေများတွင် တပ်များထားရှိကြသော်လည်း တိုက်ခိုက်မှုများဖြင့် ဖြေရှင်းသွားမည် မဟုတ်ကြောင်း၊ ငြိမ်းချမ်းစွာဖြေရှင်းသွားမည်ဖြစ်ကြောင်း SSA-S ကလည်း ပြောသည်။

“စစ်ရေးနည်းလမ်းနဲ့ ပြန်ဖြေရှင်းဖို့ ဆန္ဒမရှိဘူး၊ ငြိမ်းချမ်းရေးလမ်းစဉ်အတိုင်း ဆွေးနွေးခြင်းနဲ့ အဖြေရှာခြင်းကိုပဲ ကျနော်တို့ သွားမှာပါ” ဟု ဗိုလ်မှူး စိုင်းလောင်ဆိုင်း က ဧရာဝတီသို့ ပြောသည်။

SSA-S နှင့် UWSA တို့အကြား ယခင်က ဆက်ဆံရေးကောင်းမွန်ခဲ့သော်လည်း ယခုဖြစ်ရပ်တွင် ပြေလည်နိုင်ရေး ကြန့်ကြာနေသည်။ နှစ်ဘက်ပြေလည်ရေး ဆွေးနွေးရန် တွေ့ဆုံရာတွင် SSA-S အနေဖြင့် အဆင့်မြင့်အရာရှိများ လွှတ်ပြီး ဆွေးနွေးခြင်း မရှိသည့်အတွက် အဆင်မပြေဖြစ်နေကြောင်း UWSA ဖက်မှသတင်းများကို ကိုးကား၍ ရှမ်းသံတော်ဆင့် သတင်းဌာန အယ်ဒီတာချုပ် ဦးခွန်ဆိုင်း က ပြောသည်။

သို့သော်လည်း SSA-S အနေဖြင့် မူးယစ်ဆေးဝါး တိုက်ဖျက်ရေး ကဏ္ဍများလှုပ်ရှားနေမှု၊ အစိုးရနှင့် ထိတွေ့ဆက်ဆံနေမှု အပေါ် အစိုးရ တပ်များနှင့် SSA-S တို့ ပူးပေါင်း၍ ပူးပေါင်းတိုက်ခိုက်နိုင်သည်ဟု UWSA ထိပ်ပိုင်း အရာရှိအချို့က သံသယဝင်နေကြောင်း ဦးခွန်ဆိုင်းက သုံးသပ်ပြောဆိုသည်။

သို့သော် SSA-S နှင့် အစိုးရတပ်များအကြား ရှမ်းပြည်နယ် အရှေ့ပိုင်း၊ တောင်ပိုင်းနှင့် မြောက်ပိုင်းတို့တွင် တိုက်ပွဲများ ဖြစ်ပွားနေလျက်ရှိပြီး ပဏာမ အပစ်ခတ်ရပ်စဲရေး ရရှိပြီးနောက်ပိုင်းတွင် တိုက်ပွဲပေါင်း ၂၈ ကြိမ်ရှိခဲ့ပြီဖြစ်ကြောင်း ဗိုလ်မှူး စိုင်းလောင်ဆိုင်း ကပြောသည်။

အပစ်ခတ်ရပ်စဲရေး သဘောတူညီမှု ရရှိထားသော်လည်း ယင်းသို့ တိုက်ပွဲများ ဖြစ်ပွားနေမှုနှင့်ပတ်သက်၍ အစိုးရအနေဖြင့် ကိုင်တွယ်ဖြေရင်းပေးရန်အတွက် ငြိမ်းချမ်းရေးဖော်ဆောင်ရေး အဖွဲ့များထံမှတဆင့် သမ္မတ ဦးသိန်းစိန်ထံ သြဂုတ်လ ၁ ရက်နေ့က စာရေးသား ပေးပို့ထားကြောင်း သိရသည်။


4 Responses

Leave a Reply

  1. SSA ပဲ ဖြစ်ဖြစ် UWSA ပဲဖြစ်ဖြစ်..သူပုန်ဟာသူပုန်ပါပဲ။ဒီသူပုန်တွေကိုမြန့်မာ့မြေမှထာဝရ
    ပျောက်ကွယ်၊အပြီးတိုင်ချုပ်ငြိမ်းသွားအောင်ပြုလုပ်ရမယ်။အသာတကြည်ဖိတ်ခေါ်ဆွေးနွေး၊
    လက်နက်အပ်ခိုင်းပြီးမြန်မာပြည်ကြီးထာဝရငြိမ်းအောင်မှလုပ်လို့မရင်…အထူးစစ်ဆင်ရေးကြီး
    တွေဆင်နွဲပြီးသူပုန်တွေကိုအပြီးတိုင်ချုပ်ငြိမ်းသွားအောင်ပြုလုပ်ရမယ်။

  2.ှSSA နဲ့ UWSA ကမတူဘူး။ UWSA ကတရုတ်ကျောထောက်နောက်ခံနဲ့ဖွဲ့ထားတဲ့ မြန်မာနိုင်ငံတွင်းက တရုတ်ပြည်နယ်တစ်ခု(ခိုင်လုံသောသက်သေအထောက်အထားအများအပြားရှိပါတယ်)၊SSA ကတိုင်းရင်းသားစစ်စစ်လက်နက်ကိုင်အဖွဲ့၊ အက်စ်အက်စ်အေ နဲ့ပေါင်းတဲ့အစိုးရလုပ်ရပ်မှန်တယ်။သူပုန်ချင်းတူရင်တောင်မှ တိုင်းရင်းသားကိုအားပေးရမယ်။ဒါဗျူဟာပဲ။အခုအချိန်မှာတိုင်းပြည်အတွက် အက်စ်အက်စ်အေ ထက် နိုင်ငံအတွင်းကခွဲထွက်နိုင်ဖွယ်ရှိတဲ့ UWSA (ပေါက်ဖေါ်အိမ်စောင့်ခွေး)အဖွဲ့က ပိုအန္တရာယ် ကြီးပါတယ်။ (မယုံကြည်တဲ့သူများ UWSA ရဲ့စစ်ရေးပြအခမ်းအနား မှတ်တမ်းခွေကို ပြန်ကြည့်ပါ။ဘယ်လောက်အထိ မြန်မာနိုင်ငံနဲ့လူမျိုးကို သိက္ခချပြထားလည်းလို့)

  3. မင်းကြီးညို

    ဗမာပြည်ကွန်မြူနစ်ပါတီပြိုကွဲစဉ်ကာလ ကြူကုတ်(ပန်ဆိုင်း)ထိ တပ်မတော်ကသိမ်းပိုက်ထား
    နှိုင်ပြီ။ အဲဒီတုံးက ကွန်မြူနစ်လက်ကျန်(၀ တပ်ဖွဲ့)တွေကိုအပြီးအပိုင်ချေမှုန်းတိုက်ခိုက်နှိုင်ပါ
    လျှက် သွားပြီးငြိမ်းချမ်းရေးလုပ်လိုက်တာအမှားဘဲ။ ငြိမ်းချမ်းရေးလက်ဆောင်အဖြစ်ကြူကုတ်
    (ပန်ဆိုင်း)ကို ၀ တပ်ဖွဲ့တွေကိုပေးလိုက်ရတယ်။ အခုတော့ကြူကုတ်(ပန်ဆိုင်း)ကိုအခြေပြုပြီး
    အစိုးရကိုအာခံနေပြီ။ စစ်အင်အားလဲတောင့်တင်းနေပြီ။ စီးပွားရေးအင်အားလဲရှိနေပြီ။မြန်မာ့
    တပ်မတော်အနေဖြင့် အဲဒီ UWSA တပ်ဖွဲ့တွေကိုဘယ်လိုရှင်းထုတ်နှိုင်မလဲ။အကြံဥာဏ်ပေး
    ကြပါအုံး။

  4. UWSA is pro-china rebel groups.Thay are equiped with china made arms including
    tanks and machine gun carriers.And then they become more stronger and
    stronger day to day.If we can control them,we must lost our territory and land.