ရီးယဲလ်နဲ့ ဘာကာတို့ သရေ ကျသွားတဲ့ စပိန် ဘုရင့်ဖလား ဆီမီးဖိုင်နယ် | ဧရာဝတီ

ရီးယဲလ်နဲ့ ဘာကာတို့ သရေ ကျသွားတဲ့ စပိန် ဘုရင့်ဖလား ဆီမီးဖိုင်နယ်

Hits:54,638
  | |

ဖာဘရီဂက်စ် ဂိုးသွင်းယူအပြီး အောင်ပွဲခံနေစဉ် (ဓာတ်ပုံ – Reuters)

စပိန်ရဲ့ အင်အားကြီး ကလပ် ၂ သင်းတွေ့ကြတဲ့ (အယ်ကလက်စစ်ကို) ရီးယဲလ်မက်ဒရစ်နဲ့ ဘာစီလိုနာတို့ ရဲ့ ဘုရင့်ဖလား ဆီမီးဖိုင်နယ်ပွဲစဉ်ကို မနေ့ ညက ယှဉ်ပြိုင်ခဲ့ရာမှာ ရီးယဲလ်အသင်းနဲ့ ဘာကာ အသင်းတို့  တဖက် တဂိုးစီသွင်းကာ သရေ ကျသွားပြီး ဒုတိယအကျော့အဖြစ် ဘာစီလိုနာကွင်းမှာ ကစားရဖို့ ရှိပါတယ်။

နှစ်ဖက် အသင်းလုံးက လူအင်အား အပြည့်အစုံနဲ့ ပွဲထွက်လာတဲ့ ဒီပွဲမှာ အဖွင့်ဂိုးကို ရရှိခဲ့တာကတော့ ဘာစီလိုနာ အသင်း ဖြစ်ပါတယ်။ ပထမပိုင်းမှာ ဂိုးမရှိ သရေ ရလဒ်ဖြင့်သာ ရှိခဲ့ပေမယ့် ဒုတိယ ပိုင်းပြန်အစ မိနစ် ၅၀ မှာတင် မက်ဆီ ဖန်ပေးတဲ့ အလုံးကနေ ဖာဘရီဂက်စ်က အပိုင် ကန်သွင်းယူတာကြောင့် ရီးယဲလ် ဂိုးသမားအသစ် ဒီယေဂို လိုးပက်စ် ဘာမှမတတ်နိုင်ဘဲ ဂိုးပေးလိုက်ရပါတယ်။ ဒီဂိုးဟာ ဘာစီလိုနာ အသင်းအတွက် အဝေးဂိုး ဖြစ်တာကြောင့် အဖိုးတန် ဂိုးလို့ ဆိုရမှာဖြစ်ပြီး နောက်တကျော့မှာ စိတ်ဓာတ်ပိုင်း အသာစီးနဲ့ ကစားနိုင်ဖို့ ရှိပါတယ်။

ဘာစီလိုနာ အသင်းဟာ နောက်ထပ် ဂိုးသွင်းဖို့ အခွင့်အရေးတွေ ရရှိခဲ့ပေမယ့် ဂိုးအဖြစ် မပြောင်းလဲနိုင်ခဲ့တာကြောင့် ပွဲပြီးခါနီးမှာ ရီးယဲလ်နောက်ခံလူ လူငယ်ကစားသမား ဗာရိန်းရဲ့ ဂိုးကြောင့် ပွဲဟာ သရေ ရလဒ်ဖြင့်သာ ပြီးဆုံးခဲ့တာ ဖြစ်ပါတယ်။

ဒီပွဲ သရေကျလို့ ဘာစီလိုနာ အသင်းအတွက် အသာစီးရနေတယ်လို့ ဆိုနိုင်ပေမယ့် ဒဏ်ရာကြောင့် မပါဝင်နိုင်ခဲ့တဲ့ ကာစီးလက်နဲ့ ပီပီ၊ ပြီးတော့ ပွဲပယ်ခံထိထားတဲ့ ဆာဂျီယို ရာမို့စ်တို့ မပါဝင်နိုင်ခဲ့တာကို အခွင့်ကောင်းမယူ လိုက်နိုင်ဘူးလို့ ဆိုနိုင်ပါတယ်။

ဘာစီလိုနာရဲ့ ဂိုးသွင်းရှင် ဖာဘရီဂက်စ် ကတော့ “ရီးယဲလ်နဲ့ ကန်ရတဲ့ပွဲတိုင်းဟာ အလွန်ခက်ခဲပါတယ်၊ ရီးယဲလ်ကွင်းမှာ သရေ ရလဒ် ရယူခဲ့နိုင်တာနဲ့တင် ကျနော်တို့ အတွက် တပမ်းသာနေပါပြီ” ဆိုပြီး ပြောသွားပါတယ်။

ရီးယဲလ် မက်ဒရစ် လက်ထောက်နည်းပြ ကာရန်ကာကတော့ ရားမို့စ် ပွဲပယ်ခံထားရတာကြောင့် ၀င်ကစားခဲ့တဲ့ အသက် ၁၉ သာရှိသေးတဲ့ ဗာရိန်းကို ချီးကျူးခဲ့ပြီး မက်ဆီတို့လို တိုက်စစ်မှူးတွေကို လှုပ်မရအောင် ကစားနိုင်ခဲ့တယ်လို့ ပြောကြားသွားပြီး အသစ်ခေါ်ယူထားတဲ့ ဂိုးသမား ဒီယေဂို လိုးပက်ကိုလည်း ချီးကျူးစကားဆိုခဲ့ပါတယ်။ ဒီပွဲအပြီးမှာ စပိန် မီဒီယာ တော်တော်များများ လူငယ်ကစားသမား ဗာရိန်းကို မျက်စိကျနေကြပြီး ရီးယဲလ်အသင်းရဲ့ အနာဂတ် ကြယ်ပွင့် ဖြစ်လာနိုင်တယ်လို့ ခန့်မှန်းသုံးသပ်နေကြပါတယ်။

ပြင်းထန်တဲ့ အယ်ကလစ်ကို “El Clasico” အားပြိုင်ပွဲ

ဒီပွဲဟာ စပိန် နာမည်ကျော် ကစားသမားတွေ ထိပ်တိုက်တွေ့ ဆုံတဲ့ပွဲ ဖြစ်သလို ကမ္ဘာ့အကောင်းဆုံး ဘောလုံးသမား ၂ ယောက်ဖြစ်တဲ့ မက်ဆီနဲ့  ရော်နယ်ဒိုတို့ရဲ့ အားပြိုင်မှုလည်း ဖြစ်ခဲ့တာကြောင့် ပွဲဟာ ကြည့်ကောင်းခဲ့ပါတယ်။ ဒီပွဲဟာ ရီးယဲလ်မက်ဒရစ်နဲ့  ဘာစီလိုနာ အသင်းတို့ ၂၂၃ ကြိမ်မြောက် ထိပ်တိုက်တွေ့ ဆုံကြတာဖြစ်ပြီး ဘုရင့် ဖလားမှာ ဆိုရင်တော့ ၃၁ ကြိမ်မြောက် တွေ့ဆုံခြင်း ဖြစ်ပါတယ်။

မနှစ်ကလည်း ဒီနှစ်သင်းဟာ ထိပ်တိုက်တွေ့ ဆုံခဲ့ဖူးပြီး ဘာကာက ရီးယဲလ်ကို ကွာတားဖိုင်နယ်မှာ အနိုင်ရခဲ့သလို ၂၀၁၁ တုန်းကတော့ ရီးယဲလ်က ဘာကာကို ဘုရင့်ဖလား ဖိုင်နယ်မှာ အနိုင်ရခဲ့ပြီး သူတပြန် ကိုယ်တပြန် အနိုင်ယူထားကြပါတယ်။ ဒီပွဲကို ရော်နယ်ဒိုက သူရဲ့ ပွဲ ၆၀၀ မြောက် ကစားခဲ့တာဖြစ်ပြီး ရီးယဲလ် အသင်းခေါင်းဆောင် အဖြစ်လည်း တာဝန်ယူခဲ့ပါတယ်။

ဒုတိယအကျော့ ဆီမီးဖိုင်နယ် ပွဲစဉ်ကိုတော့ ဖေဖော်ဝါရီလ ၂၇ ရက်နေ့မှာ ကစားရမှာဖြစ်ပြီး ဘာစီလိုနာက သူရဲ့ နူးကမ့် ကွင်းမှာ ဧည့်ခံကစားမှာ ဖြစ်ပါတယ်။ တခြား ဆီမီး ဖိုင်နယ်ပွဲစဉ်မှာ အက်သလက်တီကို မက်ဒရစ်နဲ့  ဆဲဗီလာတို့ ယှဉ်ပြိုင်ကစားကြမှာဖြစ်ပြီး ဘောလုံးပရိသတ်ကြီး အနေနဲ့တော့ ကြည့်ကောင်းတဲ့ စပိန်ဘုရင့်ဖလားပွဲတွေကို ကြည့်ရှုရမှာ ဖြစ်ပါတယ်။

Source: Reuters


Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>