သတင်းတို

ဗုဒ္ဓဂယာ ဗုံးကွဲမှု မြန်မာ ရဟန်းတပါးနှင့် အမျိုးသား တဦး ဒဏ်ရာရ

Hits:156
  | |
Print This Post

အိန္ဒိယနိုင်ငံ ဗုဒ္ဓဂယာ၌ ယမန်နေ့ နံနက် ၅ နာရီခွဲခန့်က ဗုံး ၇ လုံး ပေါက်ကွဲခဲ့ရာ မြန်မာနိုင်ငံမှ စာသင်သား ရဟန်းတပါးနှင့် အမျိုးသား တဦးတို့ ထိခိုက်ဒဏ်ရာ ရရှိသွားကြောင်း သိရသည်။ ဗုဒ္ဓဂယာ မဟာဗောဓိ စေတီတော်ဝင်း အတွင်းရှိ မဟာဗောဓိညောင်ပင် အောက်တွင် ဗုံး ၂ လုံး၊ ရတနာဃရ သတ္တာဟတွင် ဗုံး ၁ လုံး၊ အနိမိတ္တသတ္တာဟတွင် ဗုံး ၁ လုံး၊ ဂျပန်ဘုရားကြီး ကမာကူရ ဆင်း တုတော် အနီးတွင် ဗုံး ၁ လုံး၊ တိဗက်ဘုန်းတော်ကြီး ကျောင်းဝင်းအတွင်းတွင် ဗုံး ၂ လုံး စုစုပေါင်း ဗုံး ၇ လုံး ပေါက်ကွဲခဲ့ကြောင်း၊ ကမာကူရ ဆင်းတုတော် အနီးတွင် မပေါက်ကွဲသေးသည့် အခြားဗုံး ၁ လုံးကို တွေ့ရှိရကြောင်း မြန်မာ့ အလင်းသတင်းစာ၌ ပါရှိသည်။ ဗုံးကွဲမှုကြောင့် မြန်မာအမျိုးသား နှင့် မဟာဗောဓိ ညောင်ပင်အောက်တွင် ပဋ္ဌာန်းရွတ်ဆို ပူဇော်နေသည့် မြန်မာစာသင်သား ရဟန်း ဦးဝိလာသက္ကလင်္ကာရ (သက်တော် ၂၇ နှစ်၊ ၀ါတော် ၇ ၀ါ)တို့တွင် ထိခိုက်ဒဏ်ရာ ရခဲ့ပြီး တိဗက် အမျိုးသား တဦးတွင် လည်း ဗုံးစထိမှန်ဒဏ်ရာများ ရခဲ့ကြောင်း သိရသည်။ မြန်မာနိုင်ငံမှ ဘုရားဖူးများသည်လည်း ဗုဒ္ဓဂယာသို့ နှစ်စဉ် စက်တင်ဘာမှ ဧပြီလအတွင်း အများဆုံး သွားရောက်မှုများ ရှိသည်ဟု ဆိုသည်။


WSJ LIVE VIDEO:

Leave a Reply