ကျန်းမာရေး ၅ နှစ် စီမံကိန်း ကမ္ဘာ့ကျန်းမာရေးအဖွဲ့ ပူးပေါင်းဆောင်ရွက်မည် | ဧရာဝတီ
သတင်းတို

ကျန်းမာရေး ၅ နှစ် စီမံကိန်း ကမ္ဘာ့ကျန်းမာရေးအဖွဲ့ ပူးပေါင်းဆောင်ရွက်မည်

Hits:749
  | |

မြန်မာနိုင်ငံသည် ကမ္ဘာ့ကျန်းမာရေးအဖွဲ့နှင့် ပူးပေါင်း၍ လာမည့် ၅ နှစ် အတွက် ကျန်းမာရေး စီမံကိန်းများကို အကောင်အထည်ဖော် လုပ်ဆောင်သွားမည်ဖြစ်ကြောင်း ဆင်ဟွာ သတင်းတရပ်တွင် ဖော်ပြထားသည်။ ကျန်းမာရေးဝန်ကြီး ဒေါက်တာ ဖေသက်ခင်က နေပြည်တော်တွင် ပြုလုပ်သည့် အစည်းအဝေး၌ နိုင်ငံတကာနှင့် ပူးပေါင်း ဆောင်ရွက်မည့် ၂၀၁၁-၂၀၁၆ စီမံကိန်းရည်မှန်းချက်ကို အောင်မြင်အောင် အကောင်အထည် ဖော်ကြရန် တိုက်တွန်းခဲ့ကြောင်း မြန်မာ့အလင်း သတင်းစာက ရေးထားသည်။ တချိန်တည်းမှာပင် မြန်မာနိုင်ငံသည် ကုလသမဂ္ဂ လူဦးရေ ရန်ပုံငွေအဖွဲ့ (UNFPA) နှင့်လည်း ပူးပေါင်းကာ ၂၀၁၂-၂၀၁၅ ကျန်းမာရေး၊ လူဦးရေ၊ HIV/AIDS နှင့် ကျားမ တန်းတူ အခွင့်အရေး ဆိုင်ရာများနှင့် ပတ်သက်ပြီး ၄ နှစ်စီမံကိန်းကို အကောင်အထည်ဖော် လုပ်ဆောင်လျက်ရှိကြောင်း၊ UNFPA အနေဖြင့် မြန်မာနိုင်ငံနှင့် ဆောင်ရွက်ရာတွင် ၂၀၁၂ ခုနှစ် ဇူလိုင်လက အမေရိကန် ဒေါ်လာ ၂၉.၅ မီလီယံ ထည့်ဝင် သုံးစွဲရန် သဘောတူထားကြောင်း၊ ထို့အပြင် မြန်မာနိုင်ငံသည် ကုလသမဂ္ဂ ကလေးများ ရန်ပုံငွေအဖွဲ့နှင့်လည်း ပူးပေါင်းကာ ၂၀၁၂ ခုနှစ် နိုဝင်ဘာလက ကလေးဖွံ့ဖြိုးရေး ၅ နှစ် စီမံကိန်းကို အကောင်အထည် ဖော်လျက်ရှိကြောင်း သိရသည်။ ယင်း ပူးပေါင်းလုပ်ဆောင်မှုများသည် အခြေခံအားဖြင့် ကလေးသူငယ်ဖွံ့ဖြိုးရေး၊ ရေသန့်ရရှိရေး၊ သဘာဝ ၀န်းကျင် သန့်ရှင်းရေး၊ တကိုယ်ရည် သန့်ရှင်းရေး၊ ပညာရေး၊ ကျားမ ညီတူညီမျှ ဆက်ဆံခွင့် ရရှိရေး၊ HIV/AIDS နှင့် လူမှုအခြေပြု ကျန်းမာရေး စောင့်ရှောက်မှုများ ပါဝင်ကြောင်း သိရသည်။


Leave a Reply