ရန်ကုန်တွင် Austrade ရုံးခန်း ဖွင့်မည် | ဧရာဝတီ
သတင်းတို

ရန်ကုန်တွင် Austrade ရုံးခန်း ဖွင့်မည်

Hits:414
  | |

သြစတြေးလျနိုင်ငံက မြန်မာနိုင်ငံအပေါ် သံတမန်နှင့် ကုန်သွယ်ရေးဆိုင်ရာ အသွင်သစ်ဖြင့် ပူးပေါင်းဆက်ဆံမည့် Austrade ရုံးကို မြန်မာနိုင်ငံ၏ စီးပွားရေးမြို့တော် ရန်ကုန်မြို့တွင် လာရောက် ဖွင့်လှစ်မည်ဖြစ်ကြောင်း သိရသည်။ အဆိုပါ လုပ်ဆောင်မှုသည် စစ်အုပ်ချုပ်ရေးမှ ဒီမိုကရေစီ အုပ်ချုပ်ရေးအသွင်ကူးပြောင်းဆဲ မြန်မာနိုင်ငံနှင့် ခြေလှမ်းသစ် ဖြစ်ပြီး Austrade အနေဖြင့် သြစတြေးလျ ကုမ္ပဏီများ မြန်မာနိုင်ငံ အပါအ၀င် အရှေ့တောင် အာရှ နိုင်ငံများတွင် လာရောက် ရင်းနှီးလုပ်ကိုင်ပါက အကူအညီပေး နိုင်ရန်ဖြစ်သည်။ မြန်မာနိုင်ငံသည် အရှေ့တောင်အာရှတွင် အကြီးဆုံး နိုင်ငံဖြစ်ပြီး၊ စီးပွားရေးဖွံ့ဖြိုးမှု အနေဖြင့် ၂၀၁၃ တွင် ၆ ရာခိုင်နှုန်း တိုးတက်လာမည်ဟု ခန့်မှန်းထားသည်။ “ဒီ ခြေလှမ်းဟာ သြစတြေးလျနိုင်ငံရဲ့ သံတမန်နဲ့ စီးပွားရေး လုပ်ငန်းဆိုင်ရာ အာရှကို လှမ်းလိုက်တဲ့ ခြေလှမ်းပါပဲ” ဟု သြစတြေးလျ ကုန်သွယ်ရေး ၀န်ကြီး Craig Emerson က ပြောသည်။ ယင်း အစီအစဉ်တွင် စီးပွားရေးဆိုင်ရာနှင့် အတူ ပညာရေး၊ လေ့ကျင့်ရေး၊ ငွေကြေးထောက်ပံ့ ၀န်ဆောင်မှု၊ နည်းပညာ ဆက်သွယ်ရေး၊ အခြေခံ အဆောက်အအုံ၊ ဓာတ်သတ္တုရှာဖွေရေးနှင့် ခရီးသွား လုပ်ငန်းများပါဝင်ကြောင်း သိရသည်။


Leave a Reply