သံဃာများ လက်ပံတောင်း စီမံကိန်း ဆန္ဒပြမှု မြိ်ု့ကြီးများတွင် ပြုလုပ် | ဧရာဝတီ
သတင်းတို

သံဃာများ လက်ပံတောင်း စီမံကိန်း ဆန္ဒပြမှု မြိ်ု့ကြီးများတွင် ပြုလုပ်

Hits:1
  | |

လက်ပံတောင်းတောင် ကြေးနီစီမံကိန်း ရပ်တန့်ရေး၊ သပိတ်စခန်း အကြမ်းဖက်မှုတို့အတွက် သံဃာတော်များ ဦးဆောင်သည့် ငြိမ်းချမ်းစွာ ဆန္ဒပြမှုများကို ရန်ကုန်နှင့် မြို့ကြီးတချို့တွင် ယနေ့ လုပ်ဆောင်ကြကြောင်း သတင်းရရှိသည်။ နိုဝင်ဘာလ ၂၉ ရက်နေ့က လက်ပံတောင်း ဆန္ဒပြ သပိတ်စခန်းများအား လုံခြုံရေး တပ်ဖွဲ့များက အကြမ်းဖက်ဖြိုခွင်းမှုနှင့် ပတ်သက်၍ ရန်ကုန်၊ မန္တလေး၊ မုံရွာ၊ ပခုက္ကူ၊ ပြည်မြို့စသည့်တို့တွင် ဆန္ဒ ဖော်ထုတ်မှုများကို ၁၂၊ ၁၂၊ ၁၂ ရက် ယနေ့ နေ့လယ်ပိုင်းက လုပ်ဆောင်ကြသည်။ ရန်ကုန်မြို့တွင် ကြေးသွန်းဘုရားကြီး အနီး နေ့လယ် ၁ နာရီခွဲကျော်က စတင်၍ သံဃာတော် ၁၀၀ နီးပါးက ဦးဆောင်ကာ မေတ္တာပို့ ဆန္ဒပြကြသည်။ မုံရွာမြို့တွင် သံဃာတော်များက ရွှေစည်းခုံ စေတီဝန်းမှ စတင်ကာ ယနေ့ နေ့လယ် ၁၂ နာရီက မုံရွာမြို့တွင်းသို့ မေတ္တာသုတ်များ ရွတ်ဆိုကာ လှည့်လည် ဆန္ဒဖော်ထုတ်ကြသည်။ ပဲခူးတိုင်း ပြည်မြို့တွင်လည်း ဗိုလ်ချုပ်လမ်းနှင့် ရွှေတချောင်း လမ်းတလျှောက် သံဃာတော်များက ငြိမ်းချမ်းစွာ ဆန္ဒဖော်ထုတ်ကြသည်။


Leave a Reply