ထောင်ဒဏ်ချထားသည့် ထိုင်း ၇ ဦးကို မြန်မာအစိုးရ ပြန်လွှတ်ပေး | ဧရာဝတီ
သတင်းတို

ထောင်ဒဏ်ချထားသည့် ထိုင်း ၇ ဦးကို မြန်မာအစိုးရ ပြန်လွှတ်ပေး

Hits:1
  | |

တနင်္သာရီတိုင်း ကော့သောင်းမြို့နယ်အတွင်း နယ်မြေကျူးကျော်မှုဖြင့် ဖမ်းဆီး၍ ထောင်ဒဏ် ချမှတ်ခံထားရသည့် ထိုင်းနိုင်ငံသား ၇ ဦး ပြန်လည် လွတ်မြောက်လာကြောင်း သတင်းရရှိသည်။ မကြာသေးမီးက နိုင်ငံတ၀န်း အကျဉ်းထောင်များရှိ အကျဉ်းသားများကို မြန်မာအစိုးရက ပြစ်ဒဏ်မှ လွတ်ငြိမ်းခွင့်ပြုရာတွင် ပါဝင်လာခြင်းဖြစ်ကြောင်း သိရသည်။ အစိုးရက လူဝင်မှု ကြီးကြပ်ရေး (လ၀က) ဥပဒေ၊ သစ်တော ဥပဒေ ပုဒ်မနှင့် လက်နက် ကိုင်ဆောင်သည့် အမှုတို့ဖြင့် ထောင်ဒဏ် ၁၀ ခွဲ ချမှတ်ခံထားရသူ ၁၀ ဦးအထဲမှ ၇ ဦးကို ပြန်လွတ်ပေးကြောင်း၊ ကျန် ၂ ဦးမှာ မူးယစ်ဆေးဝါး အမှုဖြင့် ထပ်မံ စွဲဆိုခံထားရပြီး ပြန်လွတ်ပေးခြင်း မရှိသေးကြောင်း သိရသည်။ ပြီးခဲ့သည့် ဇူလိုင်လ ၄ ရက်နေ့က ထိုင်းနိုင်ငံ တောင်ပိုင်း ရနောင်းခရိုင် ကလပ်ဘူရီ မြို့နယ်နှင့် မျက်နှာချင်းဆိုင် မြန်မာနိုင်ငံ နယ်နိမိတ်အတွင်း ကျူးကျော်၍ စီးပွားဖြစ် ရော်ဘာပင် စိုက်ပျိုးရန် လုပ်ကိုင်နေသည့် ထိုင်းနိုင်ငံသားများကို မြန်မာအာဏာပိုင်များက ဖမ်းဆီးကာ ပြစ်ဒဏ်များ ချမှတ်ခဲ့ခြင်း ဖြစ်သည်။


WSJ LIVE VIDEO:

Leave a Reply