ချင်း အပစ်ရပ် အဖွဲ့ဝင်များ မှောင်ခိုပစ္စည်း တင်သွင်းမှုဖြင့် ဖမ်းဆီးခံရ | ဧရာဝတီ

ချင်း အပစ်ရပ် အဖွဲ့ဝင်များ မှောင်ခိုပစ္စည်း တင်သွင်းမှုဖြင့် ဖမ်းဆီးခံရ

Hits:1
  | |

အစိုးရနှင့် ပဏာမ အပစ်အခတ် ရပ်စဲထားပြီး ဆက်ဆံရေးရုံးများ ဖွင့်လှစ်ထားပြီးဖြစ်သော ချင်းအမျိုးသားတပ်ဦး CNF အဖွဲ့ဝင် အချို့ အိန္ဒိယ နိုင်ငံဖက်မှ တရားမဝင်မှောင်ခိုပစ္စည်းတင်သွင်းမှုဖြင့် တီးတိန်မြို့နယ် အစိုးရ အာဏာပိုင်များက ဖမ်းဆီး အရေးယူထားကြောင်း မြန်မာနိုင်ငံ ရဲတပ်ဖွဲ့၏ ထုတ်ပြန်ချက်အရ သိရသည်။ ယခုလ ၉ ရက်နေ့က CNF အဖွဲ့မှ ရိဒ်မြို့နယ်ခွဲ စီးပွားရေး ရုံး ဒုတာဝန်ခံ ဦးပီတာ ၏ အဖွဲ့ဝင်များမောင်းနှင်လာသော ယာဉ် ၈ စီးအား စစ်ဆေးရာ အိန္ဒိယနိုင်ငံထုတ် ကွမ်းစား ဆေးမွှေးဗူးပေါင်း ၂၀၉၁၆၀ ဗူး၊ စုစုပေါင်းတန်ဘိုး ကျပ် ၁၅၆,၄၈၈,၄၀၀ နှင့် သင်းခွေချပ် အခွံ ၁၇၁.၂၅ ပဿာ တန်ဘိုး ကျပ် ၆၈,၅၀၀,၀၀၀ တို့ဖြင့် ဖမ်းဆီးရမိခဲ့သည်ဟုဆိုသည်။ ထို့ကြောင့် ဦးပီတာ နှင့် ပါဝင်နေသူ ၉ ဦးအား သွင်းကုန်ထုတ်ကုန် ဥပဒေ ပုဒ်မ ၈၊ တောရိုင်းတိရစ္ဆာန်နှင့် သဘာဝအပင်များကာကွယ်ရေးနှင့် သဘာဝနယ်မြေများထိန်းသိမ်းရေး ဥပဒေပုဒ်မ ၃၇(က) တို့ဖြင့် အမှုဖွင့် စစ်ဆေးလျက်ရှိကြောင်းသိရသည်။ ဖမ်းဆီး ရမိထားသော ဆေးမွှေးဗူးများကို တီးတိန်မြို့နယ် အကောက်အခွန် ဦးစီးဌာနနှင့် သင်းခွေချပ်အခွံများကို မြို့နယ် သစ်တောဦးစီးဌာနသို့ ရဲအဖွဲ့ကလွှဲပြောင်းပေးအပ်လိုက်ပြီဖြစ်ကြောင်း သိရသည်။


Leave a Reply