စစ်အစိုးရ၊ လက်ရှိအစိုးရနှင့် NLD လွှတ်တော်တက်ရေး | ဧရာဝတီ
သူ့အတွေး သူ့အမြင်

စစ်အစိုးရ၊ လက်ရှိအစိုးရနှင့် NLD လွှတ်တော်တက်ရေး

Hits:2,538
  | |

စစ်ဗိုလ်ချုပ်တို့အနေဖြင့် ပြည်တွင်းပြည်ပ နိုင်ငံရေးအကြပ်အတည်းဖြစ်တိုင်း ဒေါ်အောင်ဆန်းစုကြည်ကို ချဉ်းကပ်ပြီး နိုင်ငံရေးအမြတ် ထုတ်လေ့ရှိသည်ကို အထူးအထွေ မတင်ပြလိုတော့ပါ။ သို့သော် အတိတ်ကသမိုင်းကြောင်းများကို ဆင်ခြင်ပြီး NLD ဆက်လက် လျှောက်လှမ်းနိုင်ရန် စာရေးသူ သိရှိခဲ့သမျှ တင်ပြအပ်ပါသည်။

ဦးအောင်လင်းထွဋ် (ဓါတ်ပုံ - photayokeking.org)

၁၉၉၀ ရွေးကောက်ပွဲတွင် ဒေါ်အောင်ဆန်းစုကြည်ကို အကျယ်ချုပ်ထားပြီး စစ်တပ်ကျောထောက်နောက်ခံ ပြုထားသော တိုင်းရင်းသား စည်းလုံးညီညွတ်ရေးပါတီ (တစည) နိုင်လိမ့်မည် သို့မဟုတ် အပြတ်အသတ် မရှုံးနိုင်ဟု စစ်ဗိုလ်ချုပ်များ တွက်ချက်ကာ လွတ်လွတ်လပ်လပ် ရွေးကောက်ပွဲ ကျင်းပပေးခဲ့သော်လည်း အမျိုးသားဒီမိုကရေစီအဖွဲ့ချုပ် (NLD) အပြတ်အသတ်နိုင်ခဲ့သဖြင့် NLD အာဏာရှိလာလျှင်တော့ ဒုက္ခရောက်ရတော့မည်ဟု စစ်ဗိုလ်ချုပ်ကြီးငယ်တို့ စိုးရိမ်ခဲ့ကြသည်။

၁၉၉၀ ရွေးကောက်ပွဲအပြီး စစ်ဗိုလ်ချုပ်ကြီးများအတွင်း ပြဿနာကြီးငယ်များ ရှိခဲ့ရာ နောက်ဆုံး ဗိုလ်ချုပ်မှူးကြီး စောမောင်ကို အလစ်အငိုက်ယူ တ်ိတ်တိတ်ဖယ်ရှားခဲ့ပြီး ဗိုလ်ချုပ်မှူးကြီး သန်းရွှေ ဦးဆောင်သည့် တင်းမာသော ဗိုလ်ချုပ်အများစု နေရာယူခဲ့ကြသည်။ အာဏာရပြီး မကြာမီ ၁၉၉၃ ခုနှစ်တွင် အမျိုးသားညီလာခံ ကျင်းပမည်ဟု ကြေညာကာ ၁၉၉၀ ရွေးကောက်ပွဲတွင် NLD အနိုင်ရမှုကို လျစ်လျူရှုခဲ့သည်။ ထို့နောက် အကျယ်ချုပ် ချထားခြင်းခံနေရသော ဒေါ်အောင်ဆန်းစုကြည်ကို NLD မှ ထုတ်ပယ်ပေးရေးနှင့် NLD အမျိုးသားညီလာခံ တက်ရောက်ရေး NLD ခေါင်းဆောင်များအား စည်းရုံးရန် စစ်ထောက်လှမ်းရေးအား တာဝန်ပေးခဲ့သည်။

ဗိုလ်ချုပ်မှူးကြီး သန်းရွှေ၏ နိုင်ငံတော် အမျိုးသားနိုင်ငံရေး ဦးဆောင်မှု အခန်းကဏ္ဍတွင် တပ်မတော်က ပါဝင်ထမ်းဆောင်နိုင်ရေး ဦးတည်ချက်ဖြင့် လက်ရှိဖွဲ့စည်းပုံကို ၁၉၉၃ ခုနှစ်မှစ၍ ရေးဆွဲခဲ့သည်။ မရှေးမနှောင်းမှာပင် စစ်ဗိုလ်များ နိုင်ငံရေးလမ်းကြောင်းအတွင်း ဝင်ရောက်နိုင်ရေးအတွက် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်းကို ဖွဲ့စည်းခဲ့သည်။

တိုင်းရင်းသားလက်နက်ကိုင် ငြိမ်းချမ်းရေးအဖွဲ့များ အပါအဝင် NLD ကို စစ်အစိုးရ၏ လက်ကိုင်တုတ်များဖြစ်သည့် လူထုလူတန်းစားအဖွဲ့များနှင့် အမျိုးသားညီလာခံအတွင်း ဝိုင်းဝန်းဖိအားပေးပြီး စစ်တပ်ဖြစ်ချင်သောလမ်းကို လျှောက်ခိုင်းခဲ့ပါသည်။ သို့သော် နေအိမ်အကျယ်ချုပ်မှ ဒေါ်အောင်ဆန်းစုကြည်ကို လွှတ်ပေးခဲ့ရပြီး ၁၉၉၆ ခုနှစ်တွင် NLD အမျိုးသားညီလာခံမှ ထွက်ခဲ့ရပြီးနောက် စစ်အာဏာရှင်တို့ အမျိုးသားညီလာခံကို ရပ်စဲခဲ့ရလေသည်။ ထိုအချိန်မှစ၍ NLD နှင့် ဆက်နွယ်သူမှန်သမျှကို နည်းမျိုးစုံဖြင့် ဖိအားပေးရန် နှုတ်မိန့်ပေးခဲ့ပြီး NLD ကို မျိုးပြုတ်အောင် ခြေမှုန်းခဲ့ကြသည်။ ဒေါ်အောင်ဆန်းစုကြည်ကို နည်းမျိုးစုံဖြင့် ထိန်းခိုင်းခဲ့ပြီး မရသည့်အဆုံးတွင် ဗိုလ်ချုပ်မှူးကြီး သန်းရွှေက နေအိမ်အကျယ်ချုပ်ထားရန် အမိန့်ပေးခဲ့သည်။

၂၀၀၀ ပြည့်နှစ်ပတ်ဝန်းကျင်တွင် မြန်မာ့နိုင်ငံအနေဖြင့် လူ့အခွင့်အရေးချိုးဖောက်မှု၊ ကလေးစစ်သား အသုံးပြုမှု အဓမ္မ လုပ်အားပေးခိုင်းမှု၊ အဓမ္မ ရွှေ့ပြောင်းနေရာချထားမှု၊ စစ်သားများအား မုဒိန်းပြုခွင့်လိုင်စင်ပေးမှု ဆွဲချက်များဖြင့် ကုလသမဂ္ဂတွင် အရေးယူဆောင်ရွက်ပေးရန် တင်ပြချက်များ ရှိလာသဖြင့် နိုင်ငံတကာတွင် မြန်မာ့အရေးကိစ္စသည် ရေးပန်းစား ပေါ်လွင်ထင်ရှားလာခဲ့သည်။ အဆိုပါအရေးကိစ္စကို လျစ်လျူရှုထား၍ မရမှန်း စစ်အာဏာရှင်ကြီး ကောင်းကောင်းသိပါသည်။ ထိုစဉ်အချိန်က ကမ္ဘာ့အာဏာရှင်ကြီးများ တဦးပြီးတဦး ကျဆုံးနေချိန်လည်း ဖြစ်သည်။

ထို့ကြောင့် ၂၀၀၁ ခုနှစ်မှစ၍ ဒီမိုကရေစီခေါင်းဆောင် ဒေါ်အောင်ဆန်းစုကြည်ကို လျှို့ဝှက်ပြန်လည် ချဉ်းကပ်ရန်နှင့် တပြိုင်တည်းမှာပင် အမေရိကန်ပြည်ထောင်စုအား ချဉ်းကပ်ရေး မဟာဗျူဟာကို စစ်အာဏာရှင်ကြီးမှ စစ်ထောက်လှမ်းရေးအား တာဝန်ပေးခဲ့ပြန်ပါသည်။ အမေရိကန်ပြည်ထောင်စုတွင် DCI Lobby Group ကို အမေရိကန်ဒေါ်လာ သိန်းချီပေး၍ ငှားရမ်းခဲ့ပြီး အခြားတဘက်တွင်လည်း မြန်မာပြည်သူလူထုအတွက်ဟု ခေါင်းစဉ်တပ်ကာ ဗိုလ်ချုပ်မှူးကြီး သန်းရွှေနှင့် ဒေါ်အောင်ဆန်းစုကြည် တစားပွဲတည်းထိုင် ထမင်းစားခဲ့ကြသည်။ ၂၀၀၂ ခုနှစ်တွင် မြန်မာအစိုးရမှ ကိုယ်စားလှယ် နှစ်ယောက်ကို အမေရိကန်ပြည်ထောင်စုသို့ စေလွှတ်ခဲ့ပြီးနောက် မေလတွင် ဒေါ်အောင်ဆန်းစုကြည်ကို နေအိမ်အကျယ်ချုပ်မှ ပြန်လည်လွှတ်ပေးခဲ့သည်။ ထိုကဲ့သို့သော နည်းနာကိုသုံး၍ နိုင်ငံတကာနှင့် ကုလသမဂ္ဂကို မြန်မာ့နိုင်ငံရေး အဆင်ပြေသယောင် ပြသခဲ့သည်။

သို့သော် ဒေါ်အောင်ဆန်းစုကြည်အပေါ် မြန်မာပြည်သူလူထု၏ ထောက်ခံမှု၊ အားကိုးယုံကြည်မှုသည် စစ်အာဏာရှင်ကြီး တွက်ဆသလို လျော့မသွားဘဲ ပိုတိုးလာခြင်းကြောင့် ၄င်း၏အစီအမံဖြစ်သော ကြံ့ခိုင်ရေးအသင်း၏ အနာဂတ် အန္တရာယ်ရှိလာသည်။ ထို့ကြောင့် ဒု ဥက္ကဋ္ဌနှင့် အတွင်းရေးမှူးကို တာဝန်ပေးပြီး ဒီပဲယင်းလုပ်ကြံမှုဖြင့် ဒေါ်အောင်ဆန်းစုကြည်ကို အပြတ်ရှင်းရန် အမိန့်ပေးခဲ့သည်။ သို့သော် ကံအားလျော်စွာ ဒေါ်အောင်ဆန်းစုကြည် အသက်ဘေးမှ လွတ်မြောက်ခဲ့သည်။ လုပ်ကြံသောသူများကို အရေးမယူသည့်အပြင် ရာထူးများပင် တိုးပေးခဲ့ပြီး လုပ်ကြံရန် ကြိုးပမ်းခံရသော ဒေါ်အောင်ဆန်းစုကြည်နှင့် NLD ပါတီဝင်များကိုမူ လုံခြုံရေးအရေဆိုကာ အကျဉ်းထောင်များတွင် ချုပ်နှောင်ခိုင်းခဲ့သည်။

ဒီပဲယင်းအရေးခင်းသည် နိုင်ငံတကာတွင် ဝိုင်းဝန်းရှုတ်ချခံရသည့်အပြင် အနောက်နိုင်ငံကြီးများ၏ ပြင်းထန်သော ဖိအားပေးမှုများနှင့် စီးပွားရေးပိတ်ဆို့မှုများ ဖြစ်လာသောအခါ စစ်အာဏာရှင်ကြီးသည် နိုင်ငံတကာတွင် မျက်နှာမပြရဲတော့ဘဲ ဝန်ကြီးချုပ်တာဝန်ကို ဗိုလ်ချုပ်ကြီး ခင်ညွန့်အား တာဝန်ယူစေပြီး လမ်းစဉ် ၇ ရပ် ချမှတ်ပေးကာ နိုင်ငံတကာနှင့်ဆက်ဆံရန်နှင့် ဒေါ်အောင်ဆန်းစုကြည်အား ချဉ်းကပ်ပြီး အမျိုးသားညီလာခံတွင် NLD ပါဝင်ရေး စည်းရုံးခိုင်းခဲ့ပြန်သည်။

နိုင်ငံတကာသို့လည်း ကုလသမဂ္ဂ အထွေထွေအတွင်းရေးမှူးချုပ်၏ အထူးကိုယ်စားလှယ် မစ္စတာ ရာဇာလီမှတဆင့် အချင်းချင်း နားလည်မှုရသယောင် သတင်းလွှင့်ခြင်းဖြင့် နိုင်ငံတကာကို အချိုသတ်ခဲ့သည်။ တဘက်တွင်လည်း ပြည်ထဲရေးဝန်ကြီး ဗိုလ်မှူးကြီး တင်လှိုင် ခေါင်းဆောင်သည့်အဖွဲ့နှင့် ဒေါ်အောင်ဆန်းစုကြည် အကြိမ်ကြိမ် တွေ့ဆုံခဲ့ပြီး နိုင်ငံရေးအကျဉ်းသားများ ပြန်လည်လွှတ်ပေးရေး၊ ၁၉၉၀ ရွေးကောက်ပွဲအား တနည်းနည်းဖြင့် အသိအမှတ်ပြုပေးရေး၊ ဖွဲ့စည်းပုံ မူကြမ်းပါ အခြေခံမူများ ပြန်လည်ဆွေးနွေးခွင့်ပြုရေး အစရှိသည့်အချက်များကို သဘောတူညီမှု ရခဲ့သည်။ အဆိုပါ ဆွေးနွေးမှုများကို နေ့စဉ် တာဝန်ခံများမှ ဗိုလ်ချုပ်မှူးကြီး သန်းရွှေအား တင်ပြပြီး သဘောတူညီမှုရယူခဲ့ခြင်း ဖြစ်သည်။

၂၀၀၄ ခုနှစ် အမျိုးသားညီလာခံပြန်မစမီ ရက်သတ္တ တပတ်အလိုအထိ NLD ညီလာခံပြန်တက်ရေးမှာ သေချာသလောက်ဖြစ်သည်။ ဗိုလ်ချုပ်မှူးကြီး သန်းရွှေလည်း သဘောတူသည်၊ ဒေါ်အောင်ဆန်းစုကြည်လည်း လက်ခံကျေနပ်သည့်အတွက် ၉၅ ရာခိုင်နှုန်း သေချာသလောက်ရှိသည်။ ထိုအတောအတွင်း တစုံတရာ အမှားအယွင်းမရှိရန် စကားလုံး အသုံးအနှုန်းမှအစ သတိထားရန် စစ်ထောက်လှမ်းရေးအတွင်း သတိပေးမှုများရှိခဲ့ပါသည်။

သို့သော် ရက်ပိုင်းအလိုတွင် စစ်အာဏာရှင်ကြီးမှနေ၍ တာဝန်ခံများအား ခေါ်ယူပြီး “မင်းတို့ ဒေါ်အောင်ဆန်းစုကြည်ကို ပြောလိုက်၊ NLD အရင်ဆုံး အမျိုးသားညီလာခံကို တက်ပါ၊ ပြီးမှ နိုင်ငံရေးအကျဉ်းသားများ ပြန်လွှတ်ပေးဖို့ စဉ်းစားပေးမယ်လို့” ဟု ပြန်လည်ပြင်ဆင် ပြောခိုင်းခဲ့ပြီးနောက် ဒေါ်အောင်ဆန်းစုကြည်နှင့် အဆင်ပြေမှု ပျက်ပြားခဲ့ရသကဲ့သို့ နောက်ဆက်တွဲအဖြစ် ဒေါ်အောင်ဆန်းစုကြည်နှင့် ရင်းနှီးခွင့်ရခဲ့သော ဗိုလ်ချုပ်ကြီး ခင်ညွန့်နှင့် စစ်ထောက်ရေးတဖွဲ့လုံးလည်း ဘဝပျက်ခဲ့ကြသည်။ အမြတ်ရသွားသူမှာ စစ်အာဏာရှင်ကြီးဖြစ်သည်။ ထိုကာလအတွင်း ဒီပဲယင်း အရေးအခင်းကြောင့် ရခဲ့သော ဒဏ်ရာဒဏ်ချက်များကို ပြည်တွင်းပြည်ပမှ မေ့ပျောက်သွားစေခဲ့သည်။

ယနေ့ အခြေအနေများကမူ ယခင်အခင်းအကျင်းများနှင့် မတူသည်များရှိသကဲ့သို့ တူသည်များလည်း တွေ့နေရသည်။ တူသည်များမှာ မြန်မာ့နိုင်ငံရေးတွင် ဒေါ်အောင်ဆန်းစုကြည်နှင့် NLD မပါလျှင် မြန်မာ့နိုင်ငံရေး ရှေ့တိုး၍ မရခြင်းဖြစ်သည်။ ဖွဲ့စည်းပုံအခြေခံဥပဒေကြီး ပြပြ၊ လွှတ်တော်ကြီး ပြပြ၊ ပြည်တွင်းပြည်ပက လက်ရှိအစိုးရဟူ၍ ခေါ်ခေါ်၊ စစ်ဝတ်ချွတ်အစိုးရဟုသုံးသုံး လူလိမ်များဟုသာ သတ်မှတ်ကြမည်ဖြစ်သည်။

NLD ကို ၂၀၁၀ ရွေးကောက်ပွဲ မဝင်နိုင်အောင် ဒေါ်အောင်ဆန်းစုကြည်ကို အကျယ်ချုပ်ချထားပြီး ကြံ့ခိုင်ရေးပါတီ နိုင်အောင် ဆောင်ရွက်ခဲ့သည်။ အစိုးရဖွဲ့ခဲ့သော်လည်း နိုင်ငံတချို့၏ အသိအမှတ်ပြုမှုကိုသာ ရခဲ့ပြီး လူရာအသွင်း မခံရသည့်အပြင် အိမ်နီးချင်းနိုင်ငံကြီး၏ အနိုင်ကျင့်မှုများကိုပါ ခံလာရပါသည်။ ဤအတိုင်း ဆက်သွားလျှင် အာရပ်နိုင်ငံများကဲ့သို့ ပြည်သူ၏ ဒဏ်ခတ်မှုကို ခံရမည်ဖြစ်သည်။ ထို့အတူ လူမျိုးစုတိုင်းရင်းသား လက်နက်ကိုင်များကြောင့် ပြည်ထောင်စု တစိပ်တပိုင်း ပြိုကွဲသွားနိုင်သည်ကို လက်ရှိအစိုးရ တွက်ချက်ခဲ့သည်။ ထို့ကြောင့် ၂၀၁၁ နှစ်လည်ပိုင်းလောက်တွင် ဒေါ်အောင်ဆန်းစုကြည်ကို တွေ့ဆုံခဲ့ရသည်။ ထုံးစံအတိုင်း အစိုးရ အခက်အခဲတွေ့လာလျှင် နောက်ဆုံး ဂျိုကာ (Joker) ကို ထုတ်သုံးခြင်းသည် စစ်အစိုးရ အဆက်ဆက်၏ သီအိုရီပင်ဖြစ်သည်။ ဤသည်မှာ တူသည့်အချက်များ ဖြစ်သည်။

မတူသည့်အချက်များမှာ ယခင်နှစ်ပေါင်းများစွာ ထိန်းချုပ်ထားခဲ့သည်များကို အတော်အတန် လွတ်လပ်မှု ပေးခဲ့သည်များ တွေ့ရသည်။ အထူးသဖြင့် မီဒီယာများဖြစ်သည်။ နိုင်ငံတကာ ဆက်ဆံရေးများတွင်လည်း ပွင့်လင်းမှုများ ရှိလာသည်။ တချို့အမှားများကို ခေါင်းဆောင်ပိုင်းများကိုယ်တိုင် ဝန်ခံလာသည်ကို တွေ့ရသည်။ ခေတ်နှင့်အညီ နိုင်ငံရေးကစားကွက်များ ပြောင်းသုံးလာသကဲ့သို့ ဖွဲ့စည်းပုံအခြေခံဥပဒေကို ကိုင်ပြီး ဥပဒေအတိုင်း ဆောင်ရွက်နေပါသည်ဟု အသံကောင်းဟစ်နေသည်ကိုလည်း တွေ့နေရသည်။ ပြည်သူအတွက်ဟူသော ခေါင်းစဉ်ဖြင့် ဒေါ်အောင်ဆန်းစုကြည်နှင့် NLD တို့ လွှတ်တော်အဝန်းအဝိုင်းအတွင်း ဝင်လာအောင် တံခါးအသာ ဟပေးခဲ့ပြီး အနောက်နိုင်ငံများကို မြန်မာနိုင်ငံ ပြုပြင်ပြောင်းလဲနေပါသည်၊ နောက်ပြန်မဆုတ်ပါဟု တဘက်မှ ကြွေးကြော်နေသည်။ ထို့အတူ တဖက်တွင်လည်း အင်အားကြီးလာသည့် တရုတ်နိုင်ငံသြဇာခံ မရောက်စေရန် ကူညီရေးကိုလည်း လေသံပစ်ခဲ့သည်။

ယခုအခါ မြန်မာအစိုးရ၏ နိုင်ငံရေးလှုပ်ရှားမှုကြောင့် ကြံ့ခိုင်ရေးပါတီ စစ်ဝတ်ချွတ် ဗိုလ်ချုပ်ကြီးများ အစိုးရကို နိုင်ငံတကာမှလည်း ယခင် စစ်ရာဇဝတ်မှုများကို မေ့ပျောက်ပြီး ချီကျူးထောပနာ ပြုနေကြသည်ကို တွေ့ရသည်။ ဒေါ်အောင်ဆန်းစုကြည်နှင့် NLD အနေဖြင့် ၁၉၉၀ ခုနှစ်ကတကြိမ်၊ ၂၀၀၂ ခုနှစ်ကတကြိမ် ၊ ၂၀၀၄ ခုနှစ်ကတကြိမ် အလားတူဖြစ်စဉ်များ ကြုံခဲ့ရပြီးဖြစ်သည်။ ယခုတကြိမ်တွင် ဗိုလ်ချုပ်မှူးကြီး သန်းရွှေ မဟုတ်သော်လည်း ၄င်းလက်သပ်မွေးထားခဲ့သော တပည့်များသာ ဖြစ်ပါသည်။ ဉာဏ်နီဉာဏ်နက် အတွေးအခေါ်များမှာမူ သိပ်ပြောင်းလဲလိမ့်မည်ဟု စာရေးသူမထင်ပါ။

ပြီးခဲ့သည့် ကြားဖြတ် ရွေးကောက်ပွဲသည် ဒေါ်အောင်ဆန်းစုကြည်နှင့် NLD အား ပြည်သူ၏ထောက်ခံမှုကို အစိုးရက အားစမ်းကြည့်ခြင်းဖြစ်သည်။ အနိုင်ရ NLD အမတ် ၄၃ ဦးသည် အကြောင်းမဟုတ်သော်လည်း ၂၀၁၅ ခုနှစ်တွင် ကြံ့ခိုင်ရေးပါတီ ဒုက္ခရောက်သွားနိုင်သသကဲ့သို့ စစ်ဗိုလ်ဟောင်းများလည်း အန္တရာယ်ရှိလာနိုင်၍ ယခုကတည်းက စကားလုံးအသုံးအနှုန်း အကြောင်းပြ ကြိုတင်ကာကွယ်နေခြင်း ဖြစ်သည်။

အထက်ပါ အကြောင်းအရာများကို ဒေါ်အောင်ဆန်းစုကြည်နှင့် NLD သည် ဆင်ခြင်သုံးသပ်ပြီး လက်ရှိအခြေအနေတွင် အကောင်းဆုံးဖြစ်စေရန် ပါတီတွင်း သဘောထားသာမက တိုင်းရင်းသားပါတီများ၊ လက်နက်ကိုင် ငြိမ်းချမ်းရေးအဖွဲ့များ၊ လွှတ်တော်အတွင်းအပြင် ဒီမိုကရေစီအင်အားစုများ၊ လူထုလူတန်းစား အဖွဲ့စည်းများ၏ အသံကိုလည်း အလေးတယူ နားထောင်သင့်သည်။ ထို့အပြင် နိုင်ငံတကာ၏ အသံကိုလည်း နားစွင့်ပြီးမှ ဆုံးဖြတ်ချက်ကို ချစေလိုပါသည်။ အားလုံးကမူ စစ်ဗိုလ်ချုပ်ဟောင်းအများစုမှာ ဤကိစ္စတွင် မရိုးသားသည်ကို သိနေကြသည်။  မှန်ကန်သော ဆုံးဖြတ်ချက် ချနိုင်စေရန် ဆန္ဒပြုပါသည်။

(ဗိုလ်မှူးဟောင်း အောင်လင်းထွဋ်သည် တန်ပြန်ထောက်လှမ်းရေး အရာရှိ၊ အမေရိကန်နိုင်ငံ ၀ါရှင်တန်မြို့ရှိမြန်မာသံရုံး၌ သံမှူးကြီး စသည့် တာဝန်များ ထမ်းဆောင်ခဲ့ပြီး ၂၀၀၅ ခုနှစ်တွင်အမေရိကန်၌ နိုင်ငံရေးခိုလှုံခွင့် တောင်းခံခဲ့သည်။)


27 Responses

Leave a Reply

  1. Insider information*

    Insider information is right!

    Than Shwe stll controls his pawns.

    Be wise , don’t forget to get from othter help/power and don’t waste time for people. Everybody is getting old ; time is not stopping.

    Military junta is never worthy to trust….even though they swear in front of Buddha..

  2. Trator Banyunt

  3. မရိုးသားမှု…(နှင့်)မှန်ကန်သောဆုံးဖြတ်ချက်..ဟုတ် အလွန်အရေးကြီးသောကာလပါတကား။ဖွဲ့စည်းပုံ
    ကြီးကမှမရိုးသားတာ…

  4. He is the real lier.

  5. ကိုအောင်လင်းထွဋ်ရဲ့ ထောက်လှမ်းရေးမှန်းချေ အရဆိုရင်တော့ မှန်သလောက်ရှိတာပေါ့ ….

  6. This is true ! The gov is not honest. See what
    really happen in the country. The people and
    ethnic groups in the country are still poor and
    bully by the gov and military.

  7. Not only international countries forget Burmese Military government’s criminal actions on people, but also some media forget them. And then, some media praises Burmese government. Shame one them.

  8. Not only international countries forget Burmese Military government’s criminal actions on people, but also some media forget them. And then, some media praise Burmese government. Shame on them.
    It is a good article.

  9. Not only international countries forget Burmese Military government’s criminal actions, but also some media forget them.
    And then, some media even praise Burmese government. Shame on them.
    The article is a good one.

  10. ဦးအောင်လင်းထွဋ်ပြောသည်မှာ လက်ခံသင့်သောအကြောင်းအရာများဖြစ်ပါသည်စစ်သားသည်ယခင်ပြည်သူချစ်သော် လဲယခုချဉ်ဖတ်ဖြစ်နေသည်ကိုသိသင့်ပါသည် အနောက်နိုင်ငံများမှလျော့ပေါ့ပေးလာသည်နှင့်အမျှစကားလုံးများမာကျောလာသည်ကိုသတိထားသင့်ပါသည် ပရိယာယ်များသောလူထွက်ကြီးများသည် ကိုယ်ကျိုးမကျန်းရင် ဘာမျှမလုပ်ပါ ယုံချင်စရာဘာမျှမရှိပါ သူ့တို့ဖခင် သန်းရွှေကိုအကာအကွယ်ပေးနေရသည် ဥပဒေကလဲကမောက်ကမ လူတွေကလဲကမောက်ကမနဲ့မယုံတာအကောင်းဆုံးပါ ခုဒါလေးပြင်ဖို့တောင်ဒီလောက်ခက်နေရင် ရှေ့ဘယ်လိုဆက်ကျမှာလဲ ကိုယ်ပြင်သင့်တယ်ထင်တာကိုပြင်မပေးရင်လွတ်တော်ကို

  11. ကိုပြုံးငို

    ဗိုလ်မှုဟောင်း အောင်လင်းထွဌ်ကို ဂုဏ်ယူပါတယ်
    အမေရိန်မှာ နေပြီးတဖက်တလမ်းကနေ မြန်မာ
    နိုင်ငံကို မချော်လှဲအောင် ကုတ်ကလေဆွဲပေးနေ
    တာကို ကျေးဇူးတင်ပါတယ်

  12. thank you for your journal.absolutely right your subject.we hope batter in future for our country.

  13. စစ်အစိုးရနဲ.အာဏာရှင်လက်သစ် ဗိုလ်မင်းအောင်လှိုင်တို.တဖြည်းဖြည်းမရိုးသားဘူးဆိုတာ ပြသနေပါပြီ ကြံ့ဖွတ်ပါတီဝင်များဟာ ပြည်သူတင်မြှောက်သော ပါတီမဟုတ်လို.ပြည်သူတွေ၇ဲ.လိုအပ်ချက် ပြည်သူတွေဖြစ်ချင်တာကို မလိုက်လျောနိုင်ဘဲ နိုင်ငံတကာမှာအရှက်မရှိဗြောင်လိမ်နေတယ် ဗိုလ်မင်းအောင်လှိုင်လဲဘဲ သူ၏လက်ကိုင်တုတ် သူ.စိတ်ကြိုက် သူ.အာဏာတည်မြဲေ၇းအတွက်စစ်ဗိုလ်များကို အသုံးချနေရုံမက သမတအာဏာဖီဆန် တချို.တိုင်းရင်းသားတွေ ငြိမ်းချမ်းတယောင်ပြပြီးတိုင်းရင်းသားများကိုစစ်ခင်းနေတယ် ပြည်သူများနဲ.တိုင်းရင်းသားများ စည်းလုံးပြီး ဒီမိုကရေစိအတွက်၇ယူပါ။

  14. I agree with him, he is the one who had already played in this Burmese Drama or Tragedy play. If we people rely on this junta that will take another decades to reach our goal.Let us think of the days students, Sanghas, writers and even artists suffered. Once golden Land lost his image & turn as a poorest one as Zimbabwe. It’s a pity although the country is listed as a poverty land you can find the ruling members as millionaires and bankers and still in the Hluttaw to exploit further immunity.

  15. ပါကြီးဖိုး

    မရိုးသားတာ ညစ်ပတ်တာတွေက အာဏာရှင်တွေရဲ့ပုံရိပ်တွေပါ။
    လူစင်စစ်ဖြစ်လျှက် လူ့သိက္ခာကင်းမဲ့သူတွေပါ။
    လူဖြစ်လျှက် တိရစ္ဆာန်စိတ်ပေါက်နေသူတွေဟာ သေပြီးနောက်
    တိရစ္ဆာန်ဖြစ်ရမည်မှာ သေချာလှပါတယ်။
    လုပ်ပိုင်ခွင့်အာဏာရှိခိုက် တိုင်းပြည်နဲ့ပြည်သူအပေါ် စစ်မှန်တဲ့စိတ်ရင်းစေတနာနဲ့
    ဆောင်ရွက်ပေးသူတွေအဖို့ ပြည်တွင်းသာမက နိုင်ငံတကာမှ
    ချီးမွမ်းဂုဏ်ပြုတာ ခံကြရတာမျက်မြင်ပါ။
    စေတနာရဲ့အကျိုးဟာ အချိန်မဆိုင်းပဲ အကျိုးပေးတတ်တဲ့သဘောပါ
    ဘယ်အလုပ်မဆို ရိုးသားမှုရှိမရှိ စေတနာမှန်မမှန်ဆိုတာကို လူ့နှလုံးသားက အလိုလို ခံစားနားလည်နိုင်ပါတယ်။

  16. Ko Aung Lin Htut,
    Good article, fair enough opinion to both sides. By the way, do you or your colleague has any joker?

  17. Very good article and very true information that is leading the current situation in Burma/Myanmar these days. All the information is provided in this article seems to link to each other quite well and logical.

  18. Most of what Aung Lin Htut said was right . But he always try to protect his old boss Khin Nyunt . Ae all of us never forget Khin Nyunt was the real culprit in prolonging the military dictatorship . He was the very cunning henchman of Ne Win and Than Shwe . He was the man who tortured , jailed and and destroyed tens of thousands of families . If given the chance he will definitely do the same things again .What a cunning man Khin Nyunt was and still is . Burmese people will never forget and neve

  19. တိုင်းပြည်ကိုချစ်သောစစ်သားကောင်းပါပေပဲဗိုလ်မှူးအောင်လင်းထွတ်။

  20. စစ်ဖက်က အာဏာရူးတွေ လုပ်လိုက်တာ တစ်နိုင်ငံလုံးအကျင့်တွေပျက်ကုန်ပြီ … တစ်ကိုယ်ကောင်းစိတ်ဓါတ်တွေခိုင်မာလာပါပြီ … တိုင်းရင်းသားတွေကလည်းစိတ်ကုန်နေပုံရပါတယ်…. ဒီအတိုင်းကြာလာရင် တိုင်းပြည်ပြိုကွဲပြီး တရုတ်လက်ကို ကချင်ပြည်နယ်ပါသွားမှာ ကို စိုးရိမ်မိပါတယ်

  21. ဦအောင်လင်းထွဋ်တို. ဒီအက်အေဆင်းတွေ အသုံးမကျလို. သန်းရွေလက်ထဲ တိုင်းပြည်ရောက်၇တယ်။

  22. မေနိုင်း

    ဦးအောင်လင်းထွဋ်ရေေ ကျးဇူးတင်ပါတယ်။ ဒီကောင်တွေက ဘယ်တုံးကမှရိုးသားမှုမရှိဘူး။ အမြဲကလိမ်ကျနေကြပဲ။ အခုလည်းရှေ့မှာပြင်ထားပြီ့းသား စကားလုံးကိုအခုပြင်လိုက်လဲ ဘာဖြစ်လဲ။သူတို့ကိုက မရိုးသားတာသေချာတာ။ အဲ့ဒါနဲ့များအရှက်မရြှိ ပည်သူတွေအကျိုးစီးပွားေ ရှးရှုတယ်ပြောနေသေးတယ်။ရွံစရာကောင်းတယ်။

  23. မင်းဂွတ့်

    လာဘ်လာဘကေါင်းတဲ့ အမေစုကို ပြည်သူတွေ
    ထောက်ခံမဲပေးရ ကျိုးနပ်ပြီ ခွပ်ဒေါင်း ပေါက်ခံရ
    သည့် ပါတီက ဖျက်လိုဖျက်ဆီးအကြံကို ကြိုတင်
    သတိထားပါ အရပ်၈မျက်နှာမှ လာသောငွေကြေး
    ကို ကြည့်ပြီး လွတ်တော်အမတ်တွေ စိတ်ယားနေပြီ

  24. Nld and peoples should be low profile in this few years ,should not be too much emotion to attack the military , thein Sein ,min Aung hlain are partner ,Daw Su and all of citizens have to wait the time of army power became weak ,it need a few decade not 2 ,3 years .See our neighbors , if we was too rush and rough ,we will loss the tiny progress what we got now ,peoples power can not beat gun,s power,

  25. တပ်ထဲမှာနေလာတုန်းကတော့ဘာမှမပြောဘဲ..ခုမှ.သူတို့တွေမကောင်းပေမဲ့.သူတို့လဲပြောင်းချင်စိတ်လည်းရှိကောင်းရှိလာနိုင်တာဘဲ..ကိုအောင်လင်းထွတ်၇ယ်သဲနဲ့ပက်သလိုဖြစ်နေပြီ..