သမိုင်းကို ရဲရဲ ရင်ဆိုင်ပါ | ဧရာဝတီ
အယ်ဒီတာ့အာဘော်

သမိုင်းကို ရဲရဲ ရင်ဆိုင်ပါ

Hits:1
  | |

၂၀၁၂ ဇူလိုင် ၇ ရက်နေ့သည် ရန်ကုန်တက္ကသိုလ်အတွင်းရှိ ကျောင်းသားသမဂ္ဂ အဆောက်အအုံ ဗုံးခွဲဖျက်ဆီး ခံခဲ့ရခြင်း နှစ် ၅၀ ပြည့်မြောက်သည့် နေ့ဖြစ်သည်။

၁၉၆၂ ခုနှစ် ဇူလိုင် ၇ ရက်နေ့တွင် ဒီမိုကရေစီ အရေးနှင့် ကျောင်းသားများ၏ အခွင့်အရေးကို ငြိမ်းချမ်းစွာ တောင်းဆိုခဲ့သော ကျောင်းသားများကို ဗိုလ်ချုပ်ကြီး နေဝင်း၏ တော်လှန်ရေးကောင်စီ အစိုးရက ပစ်ခတ်ဖြိုခွင်းခဲ့ရုံမက ရန်ကုန်တက္ကသိုလ် ဝန်းအတွင်းရှိ သမိုင်းဝင် ကျောင်းသားသမဂ္ဂ အဆောက်အအုံကြီးကိုပါ မိုင်းခွဲ ဖြိုဖျက်ခဲ့သည်။

ကျောင်းသားသမဂ္ဂ အဆောက်အအုံကြီးသည် မြန်မာသူဌေးကြီး ဦးညို၏ လှူဒါန်းမှုကြောင်း ၁၉၃၅ ခုနှစ် မြန်မာပြည် သူ့ကျွန်ဘဝမှ မလွတ်မြောက်ခင် ကတည်းက ရန်ကုန်တက္ကသိုလ် ဝန်းအတွင်း ပေါ်ပေါက်ခဲ့သော သမိုင်းဝင် အမှတ်အသား တခု ဖြစ်သည်။ လွတ်လပ်ရေး ကျိုးပမ်းမှုတွင် ရှေ့တန်းမှ ပါဝင်ခဲ့သော တက္ကသိုလ် ကျောင်းသားများ သမဂ္ဂ အခြေစိုက်ရာ ဖြစ်သောကြောင့် သမိုင်းဝင် နိုင်ငံရေး၊ လူမှုရေးဆိုင်ရာ အဆောက်အအုံကြီးဟု သမိုင်းဆရာများက မှတ်တမ်းပြု ကြရသည်။

ကိုအောင်ဆန်း၊ ကိုဗဟိန်း၊ ကိုကြီးနုမှ စ၍ ကျောင်းသားခေါင်းဆောင် ပေါင်းများစွာကို ကျောင်းသားသမဂ္ဂက မွေးထုတ်ပေး ခဲ့သည်။ ထိုကျောင်းသား ခေါင်းဆောင်များသည် လွတ်လပ်ရေး အကြို၊ လွတ်လပ်ရေး တိုက်ပွဲနှင့် လွတ်လပ်ရေး ရပြီးနောက် နိုင်ငံ့ခေါင်းဆောင်များ ဖြစ်ခဲ့သည်ကို ငြင်းနိုင်မည် မဟုတ်ပေ။

မြန်မာပြည်၏ ထေရဝါဒ ဗုဒ္ဓဘာသာအတွက် စံပြုရမည့် အမှတ်အသားမှာ ရွှေတိဂုံစေတီဟု ဆိုလျှင် မြန်မာပြည် လွတ်လပ်ရေးအတွက် စံပြုရမည့် အမှတ်အသားမှာ တက္ကသိုလ် ကျောင်းသားသမဂ္ဂ အဆောက်အအုံကြီးဟု ဆိုရပေလိမ့်မည်။

သို့သော်လည်း မြန်မာပြည်ကို နှစ်များစွာ အုပ်စိုးခဲ့သော စစ်အာဏာရှင်များကမူ ကျောင်းသား လူငယ်များ၏ တက်ကြွသော ကျိုးပမ်းမှု၊ ပြည်သူလူထု အတွက် စွန့်လွှတ်အနစ်နာ ခံမှုများကို မြေအောက် အဖွဲ့အစည်း များက အသုံးချနေသည်ဟု လွဲမှားစွာ စွပ်စွဲခဲ့သည်။

အမှန်မှာ ကျောင်းသားသည် မည်သည့် ခေတ်ကာလ၊ မည်သည့် အချိန်တွင်မှ အသုံးချခံမဖြစ်ခဲ့၊ ကျောင်းသား သမဂ္ဂ သည်လည်း ဂုဏ်သိက္ခာရှိစွာ ကိုယ်ပိုင် အုပ်ချုပ်ခွင့်၊ ကိုယ်ပိုင်ဆုံးဖြတ်ချက် အပြည့်အဝတို့ဖြင့် လွတ်လပ်စွာ ရပ်တည်ခဲ့သည့် အဖွဲ့အစည်း ဖြစ်သည်။ ကျောင်းသား သမဂ္ဂကို ဖြိုခွင်းလိုက်ခြင်းသည် တိုင်းပြည်၏ အနာဂတ်ကို စစ်ဖိနပ်နှင့် နင်းခြေလိုက်ခြင်းဟု သတ်မှတ်ရမည် ဖြစ်သည်။

ကျောင်းသား အရေးနှင့် အမျိုးသားပညာ လွတ်လပ်ရေးတို့ အတွက် မားမားမတ်မတ် ရပ်တည်ခဲ့သော ကျောင်းသား သမဂ္ဂ မရှိတော့သည့် အပြင် စစ်အာဏာရှင် စနစ်အောက်တွင် နှစ်ပေါင်းများစွာ နေခဲ့ရသည့် မြန်မာပြည် ပညာရေး အဆင့်အတန်း သည် ယခု အချိန်တွင် အောက်ဆုံးအဆင့်သို့ ရောက်ရှိနေပြီ ဖြစ်သည်။

ဗိုလ်ချုပ်ကြီးဟောင်း ဦးနေဝင်း၏ အစိုးရသည် ကျောင်းသားသမဂ္ဂနှင့် ကျောင်းသားသမဂ္ဂ အဆောက်အအုံကို ဖြိုခွင်းခဲ့ရုံ မက ၁၉၇၀ ပြည့်နှစ် နောက်ပိုင်းတွင် မြန်မာပြည်ပညာရေး စနစ်ကိုပါ လျစ်လျှူရှုခဲ့သည်။

၁၉၉၀ ပြည့်နှစ် နောက်ပိုင်း စစ်အုပ်ချုပ်ရေး ကာလတွင်မူ ပညာရေး စနစ်ကိုသာမက တက္ကသိုလ် ကျောင်းသားများ၏ အခွင့်အရေး များကိုပါ မသိမသာမှ သိသိသာသာ တဖြည်းဖြည်း ကန့်သတ် လာခဲ့သည်။

သမိုင်းဝင်ခဲ့သော ရန်ကုန် တက္ကသိုလ်များ၏ အခန်းကဏ္ဍကို တဖြည်းဖြည်း လျှော့ချကာ မြို့ပြင်များတွင် တက္ကသိုလ် သစ်များစွာ တည်ဆောက်၍ ကျောင်းသားများကို လူစုခွဲခဲ့သည်။

တက္ကသိုလ် အသီးသီးမှ သာမန်ဘွဲ့ရများကို စက်နှင့် လှည့်ထုတ်ကဲ့သို့ နှစ်စဉ် မြောက်မြားစွာ ထုတ်ပေးနေရုံမက အဝေးသင် ပညာရေးစနစ်ကို ဖန်တီးကာ အနီးကပ် ၁၀ ရက်အပြတ် သင်၍ ဘွဲ့လက်မှတ်များကို ပေါပေါများများ ထုတ်ပေးခဲ့သည်။ ပညာ အမှန်တကယ် မတတ်ဘဲ ဘွဲ့ရခဲ့သူများမှာ အလေးစား မခံရသော အလုပ်လက်မဲ့ ဘဝဖြင့် မြန်မာပြည်တွင် တောင်ပုံရာပုံ ပုံလျှက်ရှိသည်။

တိုင်းပြည် အနာဂတ်အတွက် အရေးကြီးသည့် ပညာရေး အဆင့်အတန်း တစတစ နိမ့်ပါးနေချိန်တွင် ပညာရေး အဆောက် အအုံ ခြစားမှုကြောင့် ငွေပေးနိုင်သူများ အလွယ်တကူရနိုင်သည့် ပါရဂူ ဘွဲ့ရ ဆိုသူများမှာလည်း နိုင်ငံတကာ မဆိုထားနှင့် ဒေသတွင်းနိုင်ငံကပင် စာရင်းမသွင်းသည့် အနေအထား ဖြစ်လာသည်။

ယခု အပြောင်းအလဲကို လိုလားသော ဦးသိန်းစိန် အစိုးရ လက်ထက်တွင်မူ တိုင်းပြည်ပြန်လည် တည်ဆောက်ရေးနှင့် အနာဂတ် လှပရေးအတွက် အရေးပါသည့် ပညာရေးကဏ္ဍကို ပြန်လည် တည်ဆောက်ရတော့မည့် အချိန်ဖြစ်သည်။

ထိုသို့ ပညာရေးစနစ် ပြန်လည်တည်ဆောက် ရာတွင် အစိုးရအနေဖြင့် အထက်မှ အမိန့်ပေး တည်ဆောက်ခြင်းထက် ကျောင်းသားများ၏ အင်အားကို အသုံးချသင့်သည်၊ ကျောင်းသား အခြေပြုသည့် ပညာရေးစနစ် ပြန်လည် တည်ဆောက်ရေးကို အစိုးရက ကြိုဆိုကာ ပံ့ပိုးပေးရမည် ဖြစ်သည်။

ဆဲဗင်း ဇူလိုင် အရေးအခင်းသည် သမိုင်းဖြစ်သည်။ အနှစ် ၅၀ အတွင်း ဆုံးရှုံးမှုများကို သမိုင်းထဲမှ သင်္ခန်းစာ ယူရမည့် အချိန် ယခု ကျရောက်ပြီ။ သမိုင်းကို မမေ့သင့်၊ ချန်မထားသင့်ပေ။

မတရားသဖြင့် သေဆုံးခဲ့ရသူများကို စာနာထောက်ထား၍ သော်လည်းကောင်း၊ သမိုင်းကို ရဲရဲ ရင်ဆိုင်သည့် အနေဖြင့် သော်လည်းကောင်း ကျောင်းသားဟောင်းများ သာမက တနိုင်ငံလုံးရှိ ကျောင်းသားများ ပါဝင်သော ဆဲဗင်းဇူလိုင် နှစ် ၅၀ ရွှေရတု အောက်မေ့ဖွယ် အခမ်းအနား ကျင်းပခွင့် ပေးသင့်သော်လည်း သမိုင်းမှန်ကို ရင်မဆိုင်ရဲသောကြောင့်လား မသိ ရန်ကုန်၊ မန္တလေး စသည့် မြို့ကြီးများတွင် ကျင်းပမည့် အခမ်းအနားများကို အာဏာပိုင်များက ပိတ်ပင်ခဲ့သည်။

သမိုင်းကို ရင်မဆိုင်ရဲလျှင် အမျိုးသားပြန်လည် ရင်ကြားစေ့ရေးအတွက် ခက်ခဲပေလိမ့်မည်။

ယခုအချိန်သည် ဦးသိန်းစိန် အစိုးရ အနေဖြင့် နှစ်ပေါင်းများစွာ ခံစားခဲ့ရသော ကျောင်းသားထု၏ ရင်တွင်းမှ ဒဏ်ရာဒဏ်ချက် များကို စတင် ကုစားပေးရင်း အမျိုးသား ပြန်လည် ရင်ကြားစေ့ရေးအတွက် အားထုတ်ရန် အကောင်းဆုံး အချိန်ဟု ဧရာဝတီက ယူဆကြောင်း တင်ပြလိုက်ရပါသည်။


12 Responses

Leave a Reply

  1. ကိုအောင်အောင်

    အာရှ နိုင်ငံတွေဟာ ကိုယ့်သမိုင်းကို ကိုယ် ရင် မဆိုင်ရဲ ကြဘူး။ ဂျပန် ဟာ ဥပမာကောင်းတခုဘဲ။ သူရက်ရက် စက်စက် လုပ်ခဲ့တာတွေကို ဘယ်တော့ မှ ၀န်မခံဘဲ နဲ. ငြင်းကွယ်ဖို. အမြဲကြိုးစားတယ်။ အဲတော့ ဂျပန်ဟာ သမိုင်းအရိပ်ဆိုးအောက်က မထွက်နိုင်ဘူး။ ဂျာမနီ ဆိုရင် သူ.အမှားကို လက်ခံလိုက်တယ်။ ပြီးတော့ ရှေ.ဆက်သွားတယ်။ အတိတ်ဆိုးအောက် က ရုန်းထွက်သွားတယ်။
    ဗမာ စစ်ဗိုလ်တွေလဲ အတိတ်ဆိုးအောက်က ရုန်းမထွက်နိုင်ဘူး။ အတိတ်ဆိုးကို လက်ခံလိုက်ပြီး ရင် အနာဂါတ်ကို် ရှင်းရှင်းလင်းလင်းသွားလို. ရပြီ။ အနှောင်အဖွဲ.ထဲ က ရုန်းထွက်နိုင်ပြီ။ ဒါပေမဲ့ သူတို.က ရာစုနှစ်တ၀က်လောက်က ဆရာကြီး လုပ်ခဲ့ကြတဲ့ သူတို.နဲ. မသိတဲ့ စစ်ဗိုလ်ဟောင်းတွေကို ကာကွယ်ပေးချင်ကြတာလား။ သူတို. ရဲ့ တပ်မတော် ဆိုတဲ့ ဟာကြီး အမှားလုပ်ခဲ့တယ် ဆိုတာကို လက်မခံ ငြင်းဆန် ချင်တာလား။ စစ်ဗိုလ်တွေကိုယ်တိုင်ရော သူတို.ဘာတွေကို ဗျောင် ဖုံးဖိနေရတယ် ဆိုတာကို နားလည်ကြရဲ့လား။
    အတိတ်ကို ရင်ဆိုင်လိုက်ကြစမ်းပါ။ စစ်သားဆိုတာ ယောင်္ကျားတွေ ဆိုရင်ပေါ့။

  2. It is right that my country education standard is lower.
    (unskilled manpower)-(Education and Training)-(semi-skilled manpower)-(work)-(skilled manpower)
    As your opinion, Education and Training is very important but PhD and bachelors Degree Responsibilities were proliferated non knowledge.How does we have skilled manpower.?

  3. သမိုင်းလား အုပ်ကျင်းလား ကုလားကျောင်းလား

  4. တက္ကသိုလ် ဆိုတာ လုံးဝလွတ်လပ်တဲ့ နေရာ ဖြစ်ရမယ်။ ဒါမှဥာဏ်ပညာရှင်သန်တိုးတက်နိုင်မယ်။

  5. မောင်မောင်ကျော်ဝင်း

    သိန်းစိန်အစုိုးရဟာ စစ်အုပ်စုက အင်ထုလိုက်တဲ့ အစိုးရအတုဖြစ်တယ်ဆိုတာ တဖြေးဖြေးရုပ်
    လုံးပေါ်လာပါပြီ။ သိန်းစိန်က ငြိမ်းချမ်းရေးလုပ်နေပါတယ်လို့ ရှေ့ ကအော်လုိုက်၊ စစ်တပ်က
    နောက်ကနေ တိုင်းရင်းသားတွေကိုလိုက်ပြီး တိုက်ခိုက်သတ်ဖြတ်လိုက်နဲ့  လုပ်နေကြတာ
    အတော့်ကို အရုပ်ဆိုးအကျဉ်းတန်လွန်းလှပါတယ်။ ဒါဟာ နောက်ကွယ်ကကြိုးကိုင်မှုရှိနေလို့  ခုလို ရှေ့ နောက်မညီဖြစ်နေရတာပါ။ နောက်ကွယ်က ကြိုးကိုင်နေတာ စစ်တပ်ကလွဲလို့ ဘယ်သူရှိနိုင်ဉီးမှာလဲ။ စစ်တပ်ကနောက်ကွယ်ကနေကြိုးဆွဲနေသမျှ အမိန့် အာဏာပေးမယ်၊ ဖမ်းဆီးမယ်၊ ချိမ်းချောက်မယ်၊ လစ်ရင်ဖြောင်ပစ်မယ် စတာတွေနဲ့ လွတ်ကင်းဖို့ မမျှော်လင့်ကြပါနဲ့ ။ အစတုန်းကတော့ ဒီမိုကရေစီနိုင်ငံသစ်ဆီ ချီတက်ကြရအောင်ဆိုပြီး ခုတော့ လွတ်လပ်ခွင့်
    တွေကိုအာဏာသံနဲ့ လိုက်ပြီး ပိတ်ပင်တားဆီးနေပြန်ပြီ။ စစ်တပ်ကို အမြစ်ပြတ်အောင် မလှန်
    နိုင်သမျှ ဒီမိုကရေစီပန်းတိုင်ရောက်ဖို့  လမ်းသိပ်မမြင်ကြောင်းပါ။ သိန်းစိန်အစိုးရကို ယုံစားကြ
    သူတွေ သတိထားတော်မူကြပါကုန်။

  6. မောင်မောင်ကျော်ဝင်း

    ၆၂ ၊ ၇ရက်၊ ဇူလိုင် အရေးတော်ပုံ တွင် စစ်အာဏာရှင် နှင့် နောက်လိုက်ခွေးတွေ ကို ဉီးမညွတ်ဒူးမထောက်ပဲ တိုက်ပွဲဝင်ကာ အသက်ပေးဆပ်ခဲ့ကြသော နောင်တော် ကျောင်း
    တော်သားကြီးများကုိုလေးပြုပါသည်။
    မောင်မောင်ကျော်ဝင်း
    ချီကာဂို။
    (၆၉ကျွန်းဆွယ်အရေးအခင်းကျောင်းသားဟောင်း)
    ကိုထွန်းသွင်၊ ကိုကြင်ဉီး၊ လက်ပွါးသိန်းမြင့်၊ စောဝီးလ်ဖရက်၊ ကိုအောင်သန်း၊
    ကိုသန်းထွန်း၊ နှင့်တွဲဘက်ထောင်မှ ရဲဘော်တို့ အားထာဝရသတိရလျှက်။

  7. သမိုင်းဆိုဒါ….အတိတ်ကအမှန်တရားကိုပြောပြတဲ.အဖိုးအိုတစ်ယောက်ဘဲ..
    ဒါကြောင်.မို. နိုင်ငံရေးလုပ်တဲ.သူတွေ စစ်ဗိုလ်စစ်သားတွေ သမိုင်းရဲ.အမှန်
    တာရားကိုဖော်ထုပ်ဖို.သွေးမကြောင်ကြပါနဲ.လို.
    တိုက်တိုးနိုးဆော်ပါရစေ…..

  8. Maung Kyaw Nu ,A former political prisoner of conscience

    We salute all hero of 7th July. 50 years over ,we failed to follow and full fill our seniors who fought to restore rule of law.Our seniors were crushed by war dog Ne Win. Ne Win’s pet dogs crushed my fellows during 70s and my younger colleagues in 8888 ,2007s.
    We betrayed Ko Aung San,Ko Ba Hin ,Ko Aung Gyaw ,Ko Salai Tin Maung Oo.
    We joined hand with Ne Win’s pet dogs in the name of change, reconciliation and ceasefire. These war dogs controlled mostly all wealth ,news medias and power.They didn’t stopped killing ,arresting ,burning houses ,raping women and looting national and individual properties.
    They recently killed more than 20 thousands Rohingyas ,burned thousands of houses and raped hundreds of women. The same ethnic cleansing are going against the Kachin and other ethnics.
    Now ,the pet dogs start arresting student activists. How some people in the name of politic budding with these killer pet dog . If the politic is going like this,
    it will take another 50 years to restore rule of law in Burma.
    Freedom can not come to you with out shedding blood. Freedom is not a banana you can easily buy from the shop.

    COME FORWARDS TO SAVE THE COUNTRY FROM WAR DOGS AND SO CALLED OPPORTUNIST POWER MONGER ACTIVISTS.
    Salute to 7th July.

  9. သမိုင်းကို ပြည်သူကဖန်တီးတယ်လို့ဆိုတယ် သမိုင်းမှာအပြောင်းအလဲကို လိုခြင်သူကပြည်သူတွေဖြစ်ပြီး အပြောင်း အလဲကို ဆန့်ကျင်သူက အုပ်စိုးသူ အထူးသဖြင့် အာဏာရှင်တွေ ဒီထက်ထူးသူတွေက စစ်အာဏာရှင်တွေ ပါ။ သမိုင်းလို့ပြောရင် စနစ်ဆိုတာကို မေ့ထားလို့မရဘူးထင်တယ် ။ စနစ်ကို သဘောပေါက်မှ အဖြစ်ကိုနားလည်မယ် ထင်ပါတယ်။ အဖြစ်ကိုသက်သက်ပြောနေရင် စနစ်ကိုမေ့ထားရင် အဖြစ်ဆိုတာ အပေါ်ယံပြောင်လဲလို့ရပေမဲ့ စနစ် ကတော့ အမြစ်ကလှန်မှရတာပါ။ ဒါလေးတခုစဉ်းစားကြည့်ပါ -
    What is Political Science?
    Political science is the study of governments, public policies and political processes, systems, and political behavior. Political science subfields include political theory, political philosophy, political ideology, political economy, policy studies and analysis, comparative politics, international relations, and a host of related fields.

  10. We pay homage to our brothers and sisters who sacrificed their lives for the democratic freedom of our University life and progressive culture. A group of military leaders who had not enough education, ideas and knowledge to assess the value of our students life spoiled everything systematically. Gunned down the activists, bombarded the symbol of students union and uprooted everything from the University campus. One and only Bo Aung Kyaw died by the Colonial troops during the strike but hundreds lost their lives by our own myochit Myanmar troops. It’s a pity how and why we forget 7 JULY.

  11. ဘာပညာမှမတတ်ဘဲဘာအလုပ်မှကြိုးကြိုးစားစားမလုပ်ဘဲနဲ့ကိုယ့်ထက်မြင့်တဲ့လူကိုဖားပြီးပြား
    နေအောင်ကြောက်ပြ ၊ကိုယ့်ထက်နိမ့်တဲ့လူကိုအသေနှိပ်ကွပ် ပြီးချမ်းသာချင်တဲ့လူတန်းစား
    ကိုစစ်အုပ်ချုပ်ရေးကနေအများကြီးမွေးထုတ်ပေးခဲ့တဲ့သမိုင်းဘဲ မြန်မာစစ်တပ်မှာရှိတယ်။
    ကျောင်းသားသမိုင်းမှာတော့ တိုင်းသူပြည်သားတွေကောင်းစားဖို့။ငြိမ်းငြိ်မ်းချမ်းချမ်းနဲ့နေရဖို့လုပ်
    ဆောင်ခဲ့တဲ့သမိုင်းဘဲရှိတယ်ကိုယ်ကြိုးရှုာခဲ့တာတစ်ခုမှမရှိခဲ့ကြဘူး။

  12. How ?
    ‘ Who is going to bell the cat ‘ ?

    Tell me how.

    Can you tell me how.

    How can you/ we ‘ face’ ?

    Tell us how.