လိုင်ဇာ ဒေသခံများ တရုတ်ဘက်သို့ တိမ်းရှောင်ရန် ပြင်ဆင်ထား | ဧရာဝတီ

လိုင်ဇာ ဒေသခံများ တရုတ်ဘက်သို့ တိမ်းရှောင်ရန် ပြင်ဆင်ထား

Hits:4,201
  | |

ကချင်လွတ်လပ်ရေး အဖွဲ့ (KIO) အခြေစိုက်ရာ လိုင်ဇာမြို့ မြင်ကွင်း (ဓာတ်ပုံ – Steve Tickner / ဧရာဝတီ)

အစိုးရတပ်ဖွဲ့များ လိုင်ဇာမြို့နှင့် ၅ မိုင်ခန့်အထိ ရောက်ရှိလာပြီး လဂျားယန်ဒေသတွင် ကချင်လွတ်လပ်ရေး တပ်မတော် (KIA) နှင့် တိုက်ပွဲများ ပြင်းထန်နေသောကြောင့် ကျန်ရှိနေသော လိုင်ဇာ ဒေသခံများ တရုတ်နိုင်ငံဘက်သို့ ထွက်ပြေးရန် ပြင်ဆင်နေပြီဖြစ်ကြောင်း သတင်းရရှိသည်။

ဇန်နဝါရီလ ၁၄ ရက်နေ့တွင် အစိုးရတပ်ဖက်မှ လက်နက်ကြီး ကျည်ဆန်များ လိုင်ဇာမြို့ ခကျန်ရပ်ကွက်အတွင်း ကျရောက်ကာ အရပ်သား ၃ ဦး သေဆုံးပြီးနောက် လိုင်ဇာမြို့တွင်းရှိ ဒေသခံများကို လုံခြုံ စိတ်ချရသည့် နေရာသို့ ရွှေ့ပြောင်းခဲ့သော်လည်း တိုက်ပွဲများ လိုင်ဇာသို့ နီးကပ်လာခြင်းကြောင့် တရုတ်နိုင်ငံဘက်သို့ တိမ်းရှောင်ရန် ပြင်ဆင်လာကြခြင်း ဖြစ်သည်။

တိုက်ပွဲများ ဖြစ်ပွားနေသည့် သေနတ်သံများ လိုင်ဇာမြို့မှ ကြားနေရသဖြင့် ဒေသခံများ စိုးရိမ်ထိတ်လန့်နေကြသည်ဟု လိုင်ဇာသို့ ရောက်ရှိနေသည့် ဧရာဝတီ သတင်းထောက်က ပြောသည်။

“သေနတ်သံတွေ ဆက်တိုက်ကြားနေရတယ်။ ဒီမနက် ၅ နာရီလောက်ကတည်းက။ အရင်နေ့တွေနဲ့ မတူဘူး၊ ဒီနေ့ သေနတ်သံက ပိုပြီးတော့ နီးလာတယ်” ဟု ၎င်းက ဆိုသည်။

ဒေသခံ တချို့ တရုတ်နိုင်ငံဘက်သို့ စတင် တိမ်းရှောင်နေပြီး ရောက်ရှိသွားသည့် လူဦးရေးစာရင်းကို လတ်တလော မသိရသေးကြောင်း၊ ယခင်က လိုင်ဇာမြို့ပေါ်တွင် နေထိုင်သူ ၆ ထောင်ကျော်ရှိကြောင်း ကချင်ဒုက္ခသည်များ ကယ်ဆယ်ရေးကော်မတီ စာရင်းအရ သိရသည်။

ကချင် ဒုက္ခသည်များ ကယ်ဆယ်ရေး ကော်မတီ ဥက္ကဋ္ဌ ဆလန်ကဘာ ဒွဲပီဆာက “ဒေသခံတွေက ပြင်တော့ ပြင်ဆင်နေကြတယ်။ တိုက်ပွဲက နေ့တိုင်း နေ့တိုင်းလိုလို ဖြစ်နေတယ်။ လိုင်ဇာအနီးအထိ ချဉ်းကပ်လာတယ်ဆိုတော့ အားလုံး စိုးရိမ်နေကြတယ်” ဟု ဧရာဝတီသို့ ပြောသည်။

လတ်တလောတွင် လိုင်ဇာမြို့ အခြေအနေနှင့် ပတ်သက်၍ ဒေသခံများသို့ တရားဝင် ထုတ်ပြန်မှု တစုံတရာ မရှိသေးကြောင်း၊ တရုတ် အာဏာပိုင်များကလည်း စစ်ပြေးဒုက္ခသည်များကို လက်ခံနိုင်ဖွယ်ရှိကြောင်းလည်း ၎င်းက ဆိုသည်။

“တကယ်လို့များ ဒီမှာ နေလို့မရတော့ဘူးဆိုရင် သူတို့ (တရုတ်အာဏာပိုင်တွေက) လက်ခံနိုင်ဖို့ အခြေအနေရှိပါတယ်။ ကျနော်တို့က နေနိုင်သလောက် နေရမှာပဲ။ ကြိုတင်ပြီးတော့ ထွက်ပြေးတာမျိုးတော့ မလုပ်ပါဘူး” ဟု ဆလန်ကဘာ ဒွဲပီဆာက ဆက်ပြောသည်။

ဆလန်ကဘာ ဒွဲပီဆာ၏ အဆိုအရ ယမန်နေ့မှစတင်၍ လိုင်ဇာဌာနချုပ်ဘက်သို့ ဦးတည်ကာ အစိုးရတပ်က ထိုးစစ်ဆင် တိုက်ခိုက်နေခြင်း ဖြစ်ကြောင်း သိရသည်။

ပြန်ကြားရေး ဝန်ကြီးဌာန ဒု ဝန်ကြီး၊ သမ္မတ၏ ပြောခွင့်ရပုဂ္ဂိုလ် ဦးရဲထွဋ်က “လဂျာယန်း ဒေသမှာ စစ်အရှိန်မြင့် လာတယ်ဆိုတာက လဂျာယန်း စခန်းမှာရှိတဲ့ ရဲဘော်တွေကို ပြီးခဲ့တဲ့ လေး၊ ငါး၊ ခြောက်လလောက် ၀ိုင်းရံမထားခဲ့ဘူး၊ ရိက္ခာလာပို့တဲ့ အဖွဲ့တွေကို ဖြတ်တောက် တိုက်ခိုက်တာ ၃ ကြိမ် မလုပ်ခဲ့ဘူးဆိုရင် ကျနော်တို့ ဒီနေရာမှာ စစ်အရှိန်မြှင့်စရာ အကြောင်းလည်း မရှိပါဘူး” ဟု ဧရာဝတီ သတင်းဌာနနှင့် သီးသန့် တွေ့ဆုံမေးမြန်းခန်းတွင် ပြောဆိုခဲ့သည်။

၂၀၁၂ ဒီဇင်ဘာလ ၂၅ ရက်နေ့တွင် နောက်ဆုံးထားပြီး လိုင်ဇာဌာနချုပ် အနီးတွင် လှုပ်ရှားနေသည့် KIA တပ်ဖွဲ့ဝင်များကို ဖယ်ရှားပေးရန် အစိုးရတပ်က သတိပေးခဲ့ပြီးနောက် တိုက်ပွဲများ စတင်၍ ပြင်းပြင်းထန်ထန် ဖြစ်ပွားခဲ့သည်။

KIA တပ်များကို ဖယ်ရှားပေးရန် မြောက်ပိုင်းတိုင်း စစ်ဌာနချုပ် (မပခ) တိုင်းမှူး ဗိုလ်မှူးချုပ် ထွန်းထွန်းနောင်က မြစ်ကြီးနားမြို့ရှိ ကချင်ပြည်နယ် ငြိမ်းချမ်းရေး အကျိုးဆောင် (PCG) အဖွဲ့မှတဆင့် စာဖြင့်သတိပေး အကြောင်းကြားခဲ့ခြင်း ဖြစ်သည်။

ယင်း သတိပေး အကြောင်းကြားစာတွင် “လဂျားယန် တပ်စခန်းအတွက် အုပ်ချုပ်မှု ကိစ္စများ ဆောင်ရွက်ရန် လမ်းကြောင်းအတိုင်း တပ်များ ဝင်ရောက်ရန် ရှိပါသည်။ သို့ပါ၍ လမ်းကြောင်းတလျှောက်ရှိ KIA အဖွဲ့များအား ၂၀၁၂ ခုနှစ် ဒီဇင်ဘာလ ၂၅ ရက်နေ့ နောက်ဆုံးထား၍ နောက်ဆုတ်ပေးရေး KIO အဖွဲ့သို့ သတိပေးသွားရန်”ဟု ဖော်ပြပါရှိသည်။


4 Responses

Leave a Reply

  1. All people from around laiza prepare to go Sina?KiA generals are already in there.let civilians only stay in refugee camp.Don’t make another kia strong hold in there.Nihao

  2. ပါဂျောင်ကနေ လိုင်ဇာ ကိုပြောင်းတော့ ဒုက္ခသည် အဖြစ်
    တရုတ်ကို ချက်ချင်းရောက်သွားနိုင်တာပေါ့
    ဘာဖြစ်ဖြစ် ငြိမ်းချမ်းရေးက အားလုံးအတွက် အကောင်းဆုံး
    ပါဘဲ

  3. ကချငိလူမျိူးတွေနိုင်ငံရေးမကြွင်းကျင်သေးတာ တပိုင်း မြန်မာ့ပြန်တွင်းရှိ တိုင်းရင်းသားတွေ နှင့်မခွါနိုင်တာ တပိုင်းကြောင့် ကချင်တွေ့ အခုလို ခံနေရတာဖြစ်တယ်။ အမှန်စင်စစ် ကချင်တိုက်ပွဲဟာ ဒီလောက်ကြာစရာ ၊ ခံစရာအကြောင်းမှမရှိတာ။ ကုန်အောင်ပြောမည်ဆိုရင် ဗိုလ်ချုပ် အောင်ဆန်း မှ ဦးဆောင်ပြီး လွတ်လပ်ရေးရ။တဲ့အချိန်မှာ ဗိုလ်ချုပ်သည် ဦးဆောင်တာပဲရှိပြီး ကချင် ၊ချင်း၊ ရှမ်း လူမျိုးများနဲ့  လွတ်လပ်ရေး အတူတူယူ တာပဲဖြစ်တယ်။ ပင်လုံစာချုပ် မူရင်းသည် အင်္ဂန် နိုင်ငံ မက တိုင်းရင်းသားများ၏ လက်ဝေတွင် ယနေ့ အထိ မူရင်းများရှိပြီး အချိမရွေး ထုပ်ပြနိုင်သည့်အနေအထားတွင်ရှိတယ်ဆိုတာ စစ်အစိုးရ အဆက်ဆက်သိထားပုံ၊ ဂရုဆိုက်ပုံမရဘဲ ထင်တိုင်းကြဲနေကြတယ်။
    တနေးအားဖြင့် ကချင် ၊ချင်း ၊ရှမ် လူမျိုးများသည် ကရင်၊ မွန်၊ ရခိုင်တို့ နဲ့ မတူပါ။ မိမိလူမျိုးအတွက်မည်သူကိုမှ ကိုယ်စားလှယ်မထားပဲ လွတ်လပ်ရေး ၊ တန်းတူရေးများအတွက် မိမိခေါင်းဆောင်းများမှ ကိုယ်တိုင် လက် မှတ်ရေးထိုးခြင်းဖြစ်သညါ။ အထက်ပါတိုင်းသားများအပေါ် အင်အားကြီးမ်ြန်မာစစ်တပ် မှ ထင်တိုင်းကြဲနေ မည်ဆိုလည်း ယူကျူံးမရနောင်တများနှင့် သမိုင်း ဇရ၀တ်ကောင်များဖြစ်သွားမည်။ တိုင်းသားများအပေါ် ထင်တိုင်းကြဲတတ်သည့် မိမိ ဗိုလ်ချုပ်သွေးဆာနေသူများ၊ အပ်တကြီးသူများအား တာဝန်မှအနားပေးသင့်ကြောင်း အကြံပြုသင်ပြချပါသည်။ သို့ မဟုတ် အတိတ်ကလို ထင်တိုင်းကြဲတတ်သည့် သူများနေရာပေးမည်ဆိုလျင် အထက်ပါတိုင်းရင်းသားများသည် ကိုယ့်လမ်းကိုလျှောက်သွားရပါလိမ့် မည်။

  4. ပြည်ထောင်စုတပ်နှင့်ဗမာတပ်ချပေတောဟေ့။ဒီလောက်ထိုးစစ်လုပ်ချင်တာအားပေးတယ်။