“၀” ဒေသက ဘိန်းစိုက်ပျိုးနေတဲ့ ဒေသခံ အမျိုးသမီးတဦး (ဓာတ်ပုံ – သယ်ရီ ဖောလစ်)

အချိန်က ည ၇ နာရီ ခန့်။ နေ၀င်သွားပြီဖြစ်လို့ ထိုင်းနိုင်ငံ မြောက်ပိုင်းမှာ အမှောင်ထု ဖုံးလွှမ်းလာတယ်။ ချင်းမိုင် ပြည်နယ် ဖန်ခရိုင်ကို သွားတဲ့ လမ်းဘေးနားက  တောင်ပေါ် တိုင်းရင်းသား ကျေးရွာတခုမှာ ကျနော်တို့ကား ရပ်လိုက်တယ် ဆိုရင်ပဲ အသက် ၁၃ နှစ်ကနေ  ၁၇ နှစ်အရွယ်ရှိတဲ့ ဆယ်ကျော်သက် လူငယ်တစု ကားနားကို ရောက်လာကြတယ်။

ကားပြတင်းမှန်တံခါးကို ဆွဲချလိုက်တာနဲ့ ဆယ်ကျော်သက်လူငယ်တွေက တုံ့ဆိုင်းမနေဘဲ  “အစ်ကို ဘာလိုချင်လဲ” ၊ “ဘယ်လောက် လိုချင်လဲ”လို့  အဆက်မပြတ် မေးခွန်းထုတ်တယ်။

“ဘာရှိလဲ” ဟု ကျနော်မေးလိုက်ချိန်မှာတော့ လူငယ်တဦးက  ဒေသအခေါ်  ရာဘ လို့ လူသိများတဲ့ မက်သာအဖက်တမင်း (Methamphetamine) စိတ်ကြွဆေး အထုပ်ကလေးတထုပ်ကို ထုတ်ပြတယ်။

“ဘယ်လောက်လဲ”လို့  ဆေးပြားဝယ်ဖို့  စိတ်ဝင်စားပုံပြပြီး မေးလိုက်တော့ လူငယ်တဦးက “တပြားကို ဘတ် ၁၅၀” လို့ ခပ်သုတ်သုတ် ပြန်ဖြေတယ်။
အဲဒီနောက်မှာပဲ  ကားခဏရပ်နားတာပါလို့ ပြောပြီး ကျနော်တို့ ကားကို မြန်မြန်မောင်းထွက်ခဲ့တယ်။ ထိုင်း မြောက်ပိုင်း နယ်စပ်မြို့တွေဖြစ်တဲ့ ချင်းဒေါင်၊ ချင်းရိုင်၊ ဖန်၊ ဒွိုင်အကန်၊ မယ်အီ၊ မယ်ဆွေနဲ့ မယ်ဟောင်ဆောင် ပြည်နယ်ရှိ မယ်ဆူရင်း မြို့တွေကို မကြာ ခဏဆိုသလို ခရီးထွက်ဖြစ်တဲ့ ကျနော့်အဖို့ မူးယစ်ဆေးဝါး ရောင်းဝယ်မှုတွေက ပွင့်လင်းလျှို့ဝှက် အမြတ်များတဲ့ လုပ်ငန်းတွေဖြစ် နေတယ်ဆိုတာ သိလာရတယ်။

အဲဒီဒေသတွေမှာ မူးယစ်ဆေးဝါး ရောင်းဝယ်ရေး လုပ်ငန်းတွေက တိုးတိုးတိတ်တိတ် မဟုတ်တော့တဲ့ လုပ်ငန်းတွေဖြစ်နေတယ် ဆိုတာ မူးယစ်ဆေးဝါး ရောင်းဝယ်သူတွေ၊ ဆေးစွဲသူတွေ၊ ဆေးသုံးခဲ့ဖူးသူတွေနဲ့ တွေ့ဆုံစကားပြောဆိုရင်း သိလာရတယ်။

မူယစ်ဆေးဝါး ရောင်းဝယ်မှု အမြစ်ပြတ် ချေမှုန်းရေး ကြိုးပမ်းမှုတွေရှိနေပေမယ့် မှောင်ခို မူးယစ်ကုန်သွယ်မှုတွေက မြင်ကွင်းမှာ သိသိသာသာ ပျောက်သွားတာမျိုး မရှိသေးဘူး။

ဖန်မြို့မှာ နေထိုင်တဲ့ ဆေးသမားအိုက်ချိုင်း (အမည်လွှဲထားသည်) က ရာဘ  ဆေးပြား ရောင်းတဲ့အလုပ်က ၀င်ငွေကောင်းပြီး သူကိုယ်တိုင် အပင်ပန်းခံနိုင်ဖို့ ဆေးသုံးတယ်လို့ပြောတယ်။

ခြေတွေ၊ လက်တွေမှာ တက်တူး အပြည့်ထိုးထားတဲ့ အိုက်ချိုင်းက မူးယစ်ဆေးဝါးတွေက ကာယလုပ်သားတွေအတွက် စွမ်းဆောင် ရည်မြင့်စေတယ်လို့ ဆိုတယ်။

“ဒီမှာ ရှိနေတဲ့ လယ်သမားတွေက အလုပ်ကြမ်း လုပ်နိုင်အောင် ရာဘ  ကို သုံးကြတယ်။ ဒါပေမယ့် ဆေးလာဝယ်သူ တချို့က ဆယ်ကျော်သက်တွေ။ ဒီမှာက  ဘယ်သူက ဆေးရောင်းတယ်၊ ဘယ်မှာ ၀ယ်လို့ရတယ် ဆိုတာ အားလုံးသိကြပါတယ်။ ဒါပေမယ့် ဒါကိုလည်း ဘယ်သူကမှ မပြောကြဘူး။ ဒါက ပုံမှန်အလေ့အထ တခုလိုဖြစ်နေပြီ” လို့ အိုက်ချိုင်းက ဆိုတယ်။

မူးဆေးဝါးရောင်းသူတွေဟာ အာဏာပိုင်တွေရဲ့ ဖမ်းဆီးထောင်ချ ခံရတာမျိုးတွေလည်း ကြုံရပါတယ်။ တချို့ဆိုရင် မကြာခဏ ဆိုသလို အဖမ်းခံရပြီး ဆေးနည်းနည်းလောက်ရောင်းတဲ့သူတွေတောင် ဖမ်းဆီးထောင်ချခံရပါတယ်။ ဒါပေမယ့် သူတို့ပြန်လည် လွတ်မြောက် လာကြပါတယ်။
သူလည်း တကြိမ် အဖမ်းခံခဲ့ရပြီး ခဏတာ အထိန်းသိမ်းခံခဲ့ရပေမယ့် သူ့အမေနဲ့ အစ်မက ရဲတွေကို လာဘ်ထိုးလိုက်တဲ့ အခါမှာတော့ သူ ပြန်လည်လွတ်မြောက်လာခဲ့တယ်လို့ အိုက်ချိုင်းက ပြောတယ်။

အိုက်ချိုင်းရဲ့ အိမ်နီးချင်း ချန်နတ်(အမည်ရင်းမဟုတ်) ကလည်း အိုက်ချိုင်းပြောတာတွေ မှန်တယ်လို့ ထောက်ခံတယ်။ သူ့အိမ်နား က  အိမ်ကြီးအိမ်ကောင်းတွေကို လက်ညှိုးထိုးပြရင်း အိမ်ပိုင်ရှင်တွေအားလုံးက ရာဘ ရောင်းကြတဲ့ သူတွေဖြစ်ကြောင်း ပြော တယ်။
“သူတို့အားလုံး ရာဘ ရောင်းရင်း ပိုင်ဆိုင်မှုတွေ၊ စီးပွားရေးလုပ်ငန်းတွေနဲ့ ချမ်းသာလာကြတယ်။ ကျမရဲ့ အဒေါ်ကလည်း ဒီ မူးယစ် ဆေးဝါး ရောင်းရင်းကပဲ ချမ်းသာလာတာ။ ကျမ အဒေါ်ယောက်ျားက ရာဘရောင်းတဲ့ ကုန်သည်ကြီးလေ။ သူ့နောက်ကို ရဲတွေလိုက် နေလို့ အမြဲ လျှို့ဝှက်ပုန်းခိုနေရတယ်”လို့ ချန်နတ်က ဆိုတယ်။

ချန်နတ်အတွက်လည်း ရာဘရောင်းတဲ့ လုပ်ငန်းက မိသားစုလုပ်ငန်းတခုလိုပါပဲ။

“ကျမ ဦးလေးက မူးယစ်ဆေးကုန်သည်ကြီး။ သူက မြန်မာပြည်ရဲ့ဘိန်းဘုရင် ခွန်ဆာ(၂၀၀၇ တွင် ကွယ်လွန်သွားခဲ့သူ) နဲ့တွေ့ဆုံ ခဲ့တယ်။ အခုဆိုရင် သူ ဒီအလုပ်ကို မလုပ်ဘဲ နေလို့မရတော့ဘူး ။ လုပ်ငန်းရပ်လိုက်ရင် သူ့ရဲ့ အပေါင်းအသင်းတွေက သူ့ကို သတ် မှာ။ ဘာဖြစ်လို့လဲဆိုတော့ သူက မူးယစ်ဆေးဝါး ရောင်းဝယ်ရေး ကွန်ရက်တွေကို  ကောင်းကောင်း သိထားတယ်”လို့ ချန်နတ်က ဆိုတယ်။

မြန်မာ၊ ထိုင်းနဲ့ လာအို သုံးနိုင်ငံ နယ်စပ် ရွှေတြိဂံ နယ်မြေမှာ ဘိန်းရောင်းဝယ်ရေးလုပ်ငန်းကို ကျယ်ကျယ် ပြန့်ပြန့် လုပ်ကိုင်နေတဲ့ ဦးခွန်ဆာက ဘိန်းဘုရင် လို့ နာမည်ကျော်ကြားသူပါ။ ရွှေတြိဂံဆိုတာက  အာရှတိုက်မှာ ဘိန်း အများဆုံး ထုတ်လုပ်တဲ့ နယ်မြေလို့ နာမည်ကြီးတဲ့ နယ်မြေတခုလည်းဖြစ်ပါတယ်။

ရွှေတြိဂံနယ်မြေ

မက်သာအဖက်တမင်း ဆေးပြားတွေက အိမ်နီးချင်း မြန်မာနိုင်ငံက လာတာဖြစ်တယ်လို့ ဆေးရောင်းဝယ်သူ ဆူယွတ်(အမည်လွှဲ) က ပြောတယ်။ ထိုင်း-မြန်မာနယ်စပ် ရှမ်းပြည်နယ်အရှေ့ပိုင်း တောတောင်တွေ ဖြတ်ပြီး ထိုင်းနယ်စပ်မြို့တွေဖြစ်တဲ့ မယ်အီ၊ ဒွိုင် အကန်၊ မယ်ဆွေနဲ့ ဖန်မြို့တွေကနေ တဆင့် မူးယစ်ဆေးဝါးတွေက လျှို့ဝှက်သယ်ယူ ရောက်ရှိလာတာပါ။

မြန်မာနိုင်ငံက ထွက်ရှိတဲ့ မူးယစ်ဆေးဝါးတွေက ထိုင်းနိုင်ငံမြောက်ပိုင်းကို ဖြတ်ပြီး ချင်းမိုင်၊ ဘန်ကောက်မြို့နဲ့ ထိုင်းနိုင်ငံတောင်ပိုင်း တွေဆီကို အလုံးအရင်းနဲ့ ၀င်ရောက်ကြတယ်။ အဲဒီနောက် ထိုင်းတောင်ပိုင်းကနေပြီးတော့ အရှေ့အာရှ အိမ်နီးချင်းနိုင်ငံတွေကို မူးယစ်ဆေးဝါးတွေ ခရီးဆန့် ပါတယ်။ အများဆုံး ရောက်ရှိသွားတဲ့ နိုင်ငံက မလေးရှားနိုင်ငံပါ။

ဘန်ကောက်အခြေစိုက် မူးယစ်ဆေးဝါး တားဆီးနှိမ်နင်းရေးဌာန ညွှန်ကြားရေးမှူး ဆီရီပွန်(Siripong) က နယ်စပ်မြို့တွေဖြစ်တဲ့ မယ်အီ၊ ဖန်နဲ့ ချင်းမိုင်၊ ချင်းရိုင်၊ မယ်ဖာလန်း မြို့တွေက မူးယစ်ဆေးဝါး ရောင်းဝယ်သူတွေ အဓိက အသုံးပြုတဲ့ လမ်းကြောင်း ဖြစ် တယ်လို့ ဆိုပါတယ်။ ဒါပေမယ့် တချို့မူးယစ်ဆေးဝါးတွေက မယ်ဟောင်ဆောင် ပြည်နယ်မှာရှိတဲ့ နယ်စပ်မြို့တွေက တဆင့် သယ်ဆောင်ဖြန့်ဖြူးတာဖြစ်တယ်လို့ သူက ဆက်ပြောတယ်။
မူးယစ်ဆေးဝါးတွေက ချင်းမိုင်ကနေပြီး ထိုင်းနိုင်ငံအလယ်ပိုင်း၊ ဘန်ကောက်နဲ့ ထိုင်းတောင်ပိုင်းဘက်စွန်း ဒေသတွေကို မော်တော် ယာဉ်တွေနဲ့ သယ်ဆောင်ကြတာဖြစ်ပြီး အဲဒီကနေတဆင့် နယ်စပ်ဒေသတွေထပ်ဖြတ်လို့ မလေးရှားနိုင်ငံအထိ လျှို့ဝှက် သယ်ယူ ရောင်းဝယ်ကြတယ်လို့ ဆီရီပွန်က ပြောပါတယ်။

နယ်စပ်ဖြတ်ကျော်လာတဲ့ မူးယစ်ဆေးဝါးတွေထဲမှာ အဓိကအားဖြင့် မက်သာအဖက်တမင်း ဆေးပြားတွေက ထိုင်းနိုင်ငံမှာ တွင်တွင် ကျယ်ကျယ်ရောင်းဝယ်ဖောက်ကားကြပါတယ်။

“ရာဘက ထိုင်းနိုင်ငံမှာ အများဆုံးရောင်းဝယ်ကြတာပေါ့။ အိုက်စ်(Ice) လို့ခေါ်တဲ့ မက်သာအဖက်တမင်း ပုံဆောင်ခဲနဲ့ ဘိန်းဖြူတွေကတော့ ထိုင်းနိုင်ငံတောင်ပိုင်း၊ မလေးရှားနိုင်ငံနဲ့ အခြား တတိယနိုင်ငံတွေဆီ ဆက် ဖြန့်ကြတယ်”လို့ ဆီရီပွန်က ဆိုတယ်။

တချို့ မူးယစ်ဆေးဝါးတွေက ရွှေတြိဂံ နယ်မြေထဲမှာရှိတဲ့ လာအိုနိုင်ငံက မြို့တွေထဲကို သယ်ဆောင်ကြတာတွေ ရှိတယ်လို့လည်း သိရပါတယ်။ အဲဒီနောက် လာအိုကနေပြီးတော့ မဲခေါင်မြစ်ကြောင်းကနေတဆင့် ထိုင်းနိုင်ငံအရှေ့မြောက်ပိုင်း နယ်စပ်မြို့တွေဆီကို ခရီးဆန့်ရောက်ရှိပါတယ်။

ထိုင်းအစိုးရ မူးယစ်ဆေးဝါး ထိန်းချုပ်ရေးရုံး(Thailand’s Office of the Narcotics Control Board–OCNB) က ၂၀၁၁ ခုနှစ်၊ သြ ဂုတ်လမှာ ထိုင်း-မြန်မာ နှစ်နိုင်ငံ မူးယစ်ဆေးဝါး ထိန်းချုပ်ရေးဆိုင်ရာ အပြန်အလှန် ပူးပေါင်း ဆောင်ရွက်ရေး ဆွေးနွေးပွဲတရပ်ကို ပတ္တယားမြို့မှာ ကျင်းပခဲ့ပြီး မူးယစ်မှောင်ခိုတွေရဲ့ သတင်းအချက်အလက် ဖလှယ်ရေး၊ နယ်စပ်ဖြတ်ကျော်မှုဆိုင်ရာ သတင်းအချက် အလက် ဖလှယ်ရေးတွေကို နှစ်နိုင်ငံတာဝန်ရှိသူတွေ ဆွေးနွေးသဘောတူညီခဲ့ကြပါတယ်။

“မူးယစ်ဆေးဝါး တိုက်ဖျက်ရေးတွေမှာ မြန်မာ အစိုးရနဲ့ ပူးပေါင်း ဆောင်ရွက်မှုတွေ လုပ်နေပါတယ်။ မူးယစ်ဆေးဝါး ရောင်းဝယ် သူတွေကို နှိမ်နင်းဖို့၊ နောက်ပြီး ရရှိတဲ့သတင်းအချက်အလက်တွေ ဖလှယ်ဖို့ လက်တွဲ လုပ်ဆောင်နေပါတယ်။ အချိန်တိုအတွင်းမှာ မူးယစ်ဆေးဝါး တိုက်ဖျက်ရေးလုပ်ငန်းတွေ ချက်ချင်း အောင်မြင်မယ်လို့တော့ မပြောနိုင်သေးပါဘူး။ အချိန်တော့ ယူရမှာပါ”လို့ ဆီရီပွန်က ပြောတယ်။

မြန်မာ၊ လာအို၊ မလေးရှား စတဲ့ နိုင်ငံတွေနဲ့ အာရှတိုက်ရဲ့ အဓိက ဘိန်းထုတ်လုပ်ရာ ဒေသတွေက ဘိန်းမှောင်ခိုတွေက ထိုင်းနိုင်ငံ ကို ကြားခံ ကုန်သွယ်ရေးဒေသအဖြစ် အသုံးချနေကြတယ်လို့သူက ပြောတယ်။

ထိုင်းအရာရှိတွေရဲ့အဆိုအရ တချို့သော မက်သာအဖက်တမင်း ဆေးပြားတွေက အီရန်နိုင်ငံကလာတဲ့ ဆေးပြားတွေဖြစ်တယ်လို့ သိရပါတယ်။ ရွှေလခြမ်းဒေသလို့ ခေါ်တဲ့ အာဖဂန်နစ္စတန်၊ ပါကစ္စတန်နှင့် အီရန်နိုင်ငံရဲ့ နယ်စပ်တွေကတဆင့် ဘိန်းဖြူတွေကို လေ ကြောင်းလမ်းတွေကနေ ရောက်လာတာဖြစ်တယ်လို့ သိရပါတယ်။

မြန်မာနိုင်ငံက “၀” တိုင်းရင်းသားနဲ့ ကိုးကန့် လက်နက်ကိုင်အဖွဲ့တွေဟာလည်း ဒေသတွင်း မူးယစ်ဆေးဝါးအဓိက ထုတ်လုပ်တဲ့ သူတွေ ဖြစ်တယ်လို့ ဆိုပါတယ်။ အဲဒီလက်နက်ကိုင်အဖွဲ့တွေက ဘိန်းထုတ်လုပ် သန့်စင်ရေးစက်ရုံတွေ၊ မက်သာအဖက်တမင်း ဆေးပြားထုတ်လုပ်တဲ့ ဓာတ်ခွဲခန်းတွေနဲ့ မူးယစ်ဆေးဝါး ထုတ်လုပ်နေတယ်လို့ ဆီရီပွန်က ဆိုတယ်။

မြန်မာ့ရေးရာကျွမ်းကျင်သူ ဆွီဒီနိုင်ငံသား သတင်းစာဆရာ ဘာတေး လစ်တ်နာ (Bertil Lintner) က “မူးယစ်ဆေးဝါး တရားမ၀င် ရောင်းဝယ် ဖောက်ကားမှုတွေ ဆက်လက်ရှိနေတာက ဒီ ရာဘ နဲ့ ဘိန်းဖြူ ဓာတ်ခွဲခန်းတွေ တလျှောက်လုံး “၀”နယ်မြေတွေထဲမှာရှိနေတာကြောင့်ဖြစ်တဲ့အပြင် “၀” ပြည် သွေးစည်းညီညွတ်ရေး တပ်မတော် (UWSA) ကို ငွေပေးလိုက်ရင် မူးယစ်ဆေးဝါး ထုတ်လုပ် ကုန်သွယ်မှုတွေ လွတ်လွတ်လပ်လပ် လုပ်ကိုင်နိုင်တာတွေကြောင့် မူးယစ်ဆေး ထုတ်လုပ်သူတွေ ရောင်းဝယ်သူတွေ သက်ဆိုးရှည် နေတာဖြစ်တယ်။ UWSA ခေါင်းဆောင်တွေကိုယ်တိုင် ပိုင်ဆိုင်တဲ့ မူးယစ်ဆေးဝါး ဓာတ်ခွဲခန်းတွေရှိတဲ့အပြင် သူတို့ ကိုယ်တိုင် လည်း မူးယစ်ဆေးဝါး ထုတ်လုပ်နေတယ်”လို့ ပြောတယ်။

ဘာတေး လစ်တ်နာက မြန်မာနိုင်ငံ လွတ်လပ်ရေးရပြီး ၁၉၄၈ ခုနှစ်က စတင်လာတဲ့ ဘိန်းနဲ့ သောင်းကျန်းသူတွေ အကြောင်း ဖော်ပြ ထားတဲ့ မြန်မာ့ပုန်ကန်မှု စာအုပ်ရေးသားသူလည်း ဖြစ်ပါတယ်။

မြန်မာနိုင်ငံ အကြောင်း နှစ်ပေါင်း ၂၀ ကျော် တစိုက်မတ်မတ်လေ့လာနေသူ ဘာတေး လစ်တ်နာက “သွေးစည်း ညီအစ်ကိုများ” (Blood Brothers) ဆိုတဲ့ နာမည်နဲ့ ၁၉၉၉ ခုနှစ်က UWSA ထိန်းချုပ် နယ်မြေ ဒေသအတွင်း သွားရောက်လည်ပတ်ခဲ့တဲ့ ခရီးစဉ် အကြောင်း ရေးသားခဲ့တယ်။

နိုင်ငံခြားသား သတင်းစာဆရာတွေပါဝင်တဲ့ အဖွဲ့တဖွဲ့ကို ကိုးကန့် လက်နက်ကိုင်တွေရဲ့ မိုင်းလား ဌာနချုပ် စခန်း၊ UWSA ဌာနချုပ် ပန်ဆိုင်းမြို့ စတဲ့နေရာတွေကို ခေါ်သွားတဲ့ အကြောင်း၊ ကွယ်လွန်သွားပြီဖြစ်တဲ့ ကိုးကန့် ခေါင်းဆောင် တပ်မှူး လင်မင်ဇီယန်း (Lim Mingxian) ၊  “၀”ခေါင်းဆောင် ပေါက်ယူချန်း (Pao Yuqiang) တို့နဲ့ သတင်းစာဆရာတွေကို မိတ်ဆက်ပေးခဲ့ပါတယ်။

ဒီလို မိတ်ဆက်ခေါ်ဆောင်မှုရဲ့ ရည်ရွယ်ချက်ကတော့ မူးယစ်ဆေးဝါး တိုက်ဖျက်မှု စစ်ဆင်ရေးတွေရဲ့ တိုးတက်မှု ပြသဖို့ပါ။ “၀”နဲ့ကိုးကန့် ခေါင်းဆောင်တွေကတော့ သူတို့အနေနဲ့ မူးယစ်ဆေးဝါး ရောင်းဝယ် ဖောက်ကားတာတွေနဲ့ မပတ်သက်ပါဘူးလို့ ငြင်းခဲ့ကြ တယ်။
“ဘိန်းမှောင်ခိုတွေက ဘိန်းမထုတ်ပါဘူး၊ ဆေးပြားမထုတ်ပါဘူး၊ ဘိန်းရောင်းဝယ်ကုန်သွယ်မှုတွေ မလုပ်ပါဘူးလို့ ငြင်းတာကတော့ အံ့သြစရာမဟုတ်ဘူး”လို့ ဘာတေး လစ်တ်နာ က သူ့စာအုပ်မှာ ရေးသားပါတယ်။

ထိုင်း အစိုးရက မြန်မာနဲ့ လာအို အစိုးရတွေနဲ့ ပူးပေါင်းပြီး မူးယစ်ဆေးဝါး တိုက်ဖျက်ရေးလုပ်ငန်းတွေကို အမျိုးသား အဆင့် လုပ် ငန်း အဖြစ် သတ်မှတ် လုပ်ဆောင်လာပါတယ်။ ထိုင်းဝန်ကြီးချုပ်ဟောင်း သက်ဆင် ရှင်နာဝပ် လက်ထက်မှာ မူးယစ်ဆေးဝါးတိုက်ဖျက်ရေးအနေနဲ့ ရောင်းဝယ် ဖောက်ကားသူ ၃၀၀၀ ကျော်ကို သုတ်သင်ရှင်းလင်း နိုင်ခဲ့ပါတယ်။ ဒါပေမယ့် ဒီလုပ်ဆောင်မှုက မူးယစ် ဆေးဝါး ဘေးအန္တရာယ်ကို အပြည့်အ၀ မနှိမ်နင်းနိုင်ခဲ့ပါဘူး။

ဘာတေး လစ်တ်နာ ကတော့ မူးယစ်ဆေးဝါးတိုက်ဖျက်ရေးအတွက် နိုင်ငံတွေအချင်းချင်း ပူးပေါင်းဆောင်ရွက်တာကို သံသယရှိပါတယ်။

“ဒီ နိုင်ငံတွေ (ထိုင်း၊ မြန်မာ၊ လာအို)က အမှန်တကယ် ပူးပေါင်းလုပ်ကိုင်ကြတယ်လို့ ကျနော် မထင်ဘူး။ စကားတွေပဲ ပြောနေကြ တာပါ။ ဘာဖြစ်လို့လဲ ဆိုတော့ သူတို့က တဖက်နဲ့ တဖက် မယုံကြည်ကြဘူး။ စည်းဝေးပွဲတွေ လုပ်နေတယ်၊ ဆွေးနွေးတာတွေ လုပ် နေတယ် ဆိုပေမယ့် တကယ့်လက်တွေ့မှာ ပူးပေါင်းမှုနည်းတယ်၊ ဘာပူးပေါင်း ဆောင်ရွက်မှုတွေမှ မရှိဘူးဖြစ်နေတယ်”လို့ သူက ပြောပါတယ်။

ထိုင်း ဒုတိယ၀န်ကြီးချုပ် ချာလမ်းယူဘန်ရန်း ( Chalerm Yubamrung) က ထိုင်းနိုင်ငံမှာ မူးယစ်ဆေးဝါးနဲ့ ဆက်စပ် အလိုရှိနေသူ ၂၅ ဦးအနက် တဦးဦးကို ဖမ်းမိရင် ဆုငွေ ဘတ် ၁၂ သန်း (အမေရိကန်ဒေါ်လာ ၄၁၂ ၀၀၀) ဆုချီးမြှင့်မယ်လို့ ၂၀၁၂ ခုနှစ် ဧပြီ ၂၀ ရက်နေ့က ကြေညာခဲ့တယ်။
အဲဒီလို ကြေညာပြီးတဲ့နောက် မကြာခင်မှာပဲ မဲခေါင်မြစ်တလျှောက် နာမည်ဆိုးနဲ့ ကျော်ကြားတဲ့ မူးယစ်ရာဇာ ရှမ်း တိုင်းရင်းသား စိုင်းနော်ခမ်းကို တရုတ်နိုင်ငံက ဖမ်းဆီးရမိပြီး သေဒဏ်ချမှတ် ကွပ်မျက်လိုက်တယ်။

နော်ခမ်းက မဲခေါင်မြစ်တလျှောက် သွားလာနေတဲ့ လှေ၊ သင်္ဘောတွေကို အကြမ်းဖက် တိုက်ခိုက်လာတာ ၅ နှစ်ကျော်လောက်ရှိပါပြီ။ အဲဒီကာလ အတွင်း တရုတ်ကုန်တင် သင်္ဘော အများစုကို အကြမ်းဖက် လုယက်ခဲ့ပြီး တရုတ်နိုင်ငံသားတွေကို သတ်ဖြတ် တာ တွေ လည်း လုပ်ခဲ့တယ်။ သူက လာအိုနဲ့ မြန်မာနိုင်ငံ အကြားမှာရှိတဲ့ မဲခေါင် မြစ်ကျဉ်းမှာ အဓိကလှုပ်ရှားခဲ့တာပါ။

သက်တမ်းရင့်လာတဲ့ မူးယစ်မှောင်ခို လုပ်ငန်း

ခေတ်ကာလ ရှည်လျားစွာ ဖြစ်တည်လာခဲ့တဲ့ မူးယစ်ဆေးဝါး ရောင်းဝယ်မှုကို အပြီးသတ် သုတ်သင် ရှင်းလင်းရေးမှာ မဖြစ်နိုင်သေး ဘူးလို့ လေ့လာသူတွေနဲ့ ကျွမ်းကျင်သူတွေက ပြောဆိုပါတယ်။

မူးယစ်ဆေးဝါး ရောင်းဝယ်ဖောက်ကားတဲ့ လုပ်ငန်းမှာ သာမန် အရပ်သားတွေ ပါဝင်မှု နည်းပါးပြီး ရဲတပ်ဖွဲ့ဝင်တွေ၊ နယ်ခြားစောင့် တပ်ဖွဲ့ဝင်တွေ၊ တိုင်းရင်းသားလက်နက်ကိုင်တွေနဲ့ ဥပဒေကို ထိန်းသိမ်းစောင့်ရှောက်ရမယ့် အဖွဲ့အစည်းတွေက တရားမ၀င် မှောင် ခို ရောင်းဝယ်တဲ့ လုပ်ငန်းတွေမှာ ပါဝင်ပတ်သက်နေကြတယ်။

ထိုင်းနိုင်ငံ ဖန်ခရိုင် ချိုင်ပရာကန်မြို့မှာ နေထိုင်တဲ့ ထိုင်းလူမျိုး မူးယစ်ဆေးဝါး ရောင်းဝယ်သူ တဦးက မူးယစ်ဆေးဝါး ရောင်းဝယ်တဲ့ လုပ်ငန်းက အဆုံးသတ်ဖို့ ခက်တဲ့ စီးပွားရေး လုပ်ငန်းဖြစ်တယ်လို့ ဆိုတယ်။

“ဒီလုပ်ငန်းနဲ့ ထဲထဲဝင်ဝင် ပါဝင်ပတ်သက်မိပြီ ဆိုတာနဲ့ ဒီအလုပ်ကို ရပ်လို့ မရတော့ဘူး။ ဘာဖြစ်လို့လဲ ဆိုတော့ ပိုပြီးချမ်းသာ ကြွယ်ဝ လာမယ်၊ ပြီးတော့ မူးယစ်ဆေးဝါးနဲ့ ပတ်သက်တဲ့ အဆက်အသွယ်တွေလည်း ကြီးကြီးမားမားတွေ ရှိလာနေလို့ပဲ။ တကယ်လို့ အရောင်းအ၀ယ် လုပ်ငန်းကို ရပ်လိုက်မယ်ဆိုရင် အန္တရာယ်က ရောက်လာမှာ အသေအချာပဲ။ မူးယစ် ဆေးဝါး ဂိုဏ်းကြီးတွေက ကိုယ့်ကို သိနေတယ်လေ။ ကိုယ်က ရပ်ချင်တာတောင် ရပ်ခွင့်ပြုမှာ မဟုတ်ဘူး၊ ဘာဖြစ်လို့လဲဆိုတော့ သူတို့ရဲ့ အရောင်းအ၀ယ် အဆက်အသွယ်နဲ့ အဆက်အဆံလုပ်တာအားလုံး သိနေတာကြောင့်ပဲ။ သူတို့က နောက်ကွယ်က လိုက်လံ စောင့်ကြည့်မယ်၊ ပြီး တော့ သတ်ပစ်တဲ့ အထိ လုပ်ကြမှာပဲ”လို့ သူက ဆိုတယ်။

ရှမ်းပြည် တပ်မတော် တောင်ပိုင်း(SSA-S)မှာ အမှုထမ်းခဲ့ဖူးတဲ့ ရဲဘော်တဦးက သူတို့တွေ ရှမ်းပြည်နယ်နဲ့ ထိုင်း နယ်စပ်အနီးမှာ လုံခြုံရေးအတွက် ကင်းလှည့်တိုင်း လက်နက်ကိုင် မူးယစ်ဆေးဝါး ရောင်းဝယ်ဖောက်ကားနေတဲ့ ဂိုဏ်းတွေနဲ့ မကြာခဏဆိုသလို တိုက်ပွဲဖြစ်တယ်လို့ ဆိုတယ်။

အဲဒီဂိုဏ်းတွေက ရာဘ ဆေးပြားတွေကို ရှမ်းပြည်နယ်ထဲကနေ ထိုင်းနိုင်ငံမြောက်ပိုင်းနယ်စပ်မြို့တွေ ဆီ သယ်ဆောင်ကြတယ်လို့ ဆိုတယ်။

လက်နက်ကိုင် မူးယစ်ဂိုဏ်းတွေက မူးယစ်ဆေးဝါး သယ်ဆောင်တဲ့ လမ်းကြောင်းပေါ်မှာ တွေ့ရတဲ့ မည်သူ့ကိုမဆို လမ်းကြောင်းရှင်း ဖို့ သတ်ဖြတ်ပစ်ကြတယ်။

“ရွာသူရွာသားပဲဖြစ်ဖြစ်၊ လယ်သမားပဲဖြစ်ဖြစ်၊ အမျိုးသမီး၊ အမျိုးသားမရွေးဘူး သတ်ပစ်ကြတယ်။ ကလေးတွေ တောင်မချန်ဘူး။ အကုန်သတ်တာ”လို့ အဲဒီ ရဲဘော်က ဆိုတယ်။

ဘယ်လ်ဂျီယမ် နိုင်ငံသား သယ်ရီ ဖောလစ်(Thierry Falise)က  ဘန်ကောက်အခြေစိုက် ၀ါရင့်ဓာတ်ပုံသတင်းစာဆရာတဦး ဖြစ်ပြီး နှစ်ပေါင်း ၂၀ ကျော် မြန်မာနိုင်ငံအကြောင်း သတင်းတွေ၊ ဓာတ်ပုံတွေ ရိုက်ကူးရေးသားခဲ့သူဖြစ်ပါတယ်။ သူက “၀” ပိုင်နက်ဒေသမှာရှိတဲ့ ဘိန်းစိုက်ခင်းတွေကို သွားရောက် လေ့လာခွင့် ရခဲ့တယ်။

သူက “၀”လူမျိုးစုတွေဟာ မျိုးဆက်ပေါင်းများစွာကတည်းက ဘိန်းထုတ်လုပ်ခဲ့သူတွေ ဖြစ်တယ်လို့ ဆိုပါတယ်။

“၀” ဒေသဟာ ဗြိတိသျှတို့ အုပ်ချုပ်တဲ့ ကိုလိုနီခေတ်ကဆိုရင် လူသူမနေတဲ့ အရပ်ဖြစ်ခဲ့ပြီး ခေါင်းဖြတ် လူရိုင်းများ သောင်းကျန်းတဲ့ အရပ်ဖြစ်လို့ တရုတ်ရော ဗြိတိသျှတို့ပါ မအုပ်ချုပ်ချင်တဲ့ ဒေသတခု ဖြစ်ခဲ့တယ်လို့ သူက ပြောပါတယ်။

“UWSA မှာ ကိုယ်ပိုင် မူးယစ်ဆေးဝါး စက်ရုံ ရှိတယ်ဆိုတာက ဖြစ်နိုင်တယ်ဆိုတာထက် ပိုပါတယ်။ ရာဘ ဆေးပြားထုတ် စက်ရုံတခု ဆိုတာကလည်း သစ် သို့မဟုတ် ၀ါးနဲ့ ဆောက်လုပ်ထားတဲ့ တဲတခုသာ ဖြစ်လို့ ဖုံးကွယ်ထားဖို့ အင်မတန်လွယ်ကူပါတယ်။ ဘိန်းဖြူစက်ရုံတွေကို ချောင်း သို့မဟုတ် မြစ်ကမ်းပါး တလျှောက်မှာ ခပ်သေးသေးပဲ ဆောက်လုပ်ထားတာမို့ မြင်ကွင်းမှာ ဖျောက် ထားဖို့ အရမ်းလွယ်ကူတယ်”လို့ သယ်ရီ ဖောလစ်က ဆိုတယ်။

သယ်ရီ ဖောလစ်နဲ့ SSA-S လက်နက်ကိုင်အဖွဲ့က ရဲဘော်တချို့ ၂၀၀၃ ခုနှစ်အတွင်း ရှမ်းပြည်နယ်အတွင်း လှည့်လည်ခဲ့တဲ့ ခရီးစဉ် တခုအတွင်းမှာ ဘိန်းစက်ရုံဆောက်လုပ်နေတဲ့ တရုတ်လုပ်သားတစုကို မြင်တွေ့ရခဲ့ရတယ်လို့ ဆိုပါတယ်။ အဲဒီဒေသက မြန်မာ အာဏာပိုင်တွေ ထိန်းချုပ်တဲ့ နေရာဖြစ်နေတယ်လို့ ဆိုပါတယ်။

“၀ါးတွေနဲ့ ဆောက်ထားတဲ့ တဲလေးပေါ့။ ဘိန်းတွေကို သန့်စင်ထုတ်လုပ်ဖို့ မြစ်ကမ်းပါးမှာ တွင်းတွေတူးထားတယ်”လို့ သယ်ရီ ဖောလစ် က ပြောပါတယ်။
၁၉၉၃ ခုနှစ်က “၀” ဒေသကို သွားရောက်လည်ပတ်ခဲ့တဲ့ ခရီးစဉ်အတွင်း “၀” လက်နက်ကိုင်နဲ့ SSA-S လက်နက်ကိုင် အဖွဲ့ တွေဆီက ယုံကြည်စိတ်ချရတဲ့ သတင်းရင်းမြစ်တွေနဲ့ တွေ့ဆုံမေးမြန်းမှုတွေ လုပ်ခဲ့ပြီးတဲ့နောက်ပိုင်း သူခေတ္တ တည်းခိုနေတဲ့ နေရာ တွေမှာတောင် ဘိန်းသန့်စင် ထုတ်လုပ်တဲ့ ဓာတ်ခွဲခန်းတွေရှိနေတယ်ဆိုတာ သိလာရတယ်လို့ သယ်ရီ ဖောလစ်က ဆိုတယ်။

“ကျနော် ရောက်နေတဲ့နေရာမှာ ဘိန်းဖြူဓာတ်ခွဲခန်းတွေ ရှိနေတာသိရတော့ ဓာတ်ခွဲခန်းတွေကို ကျနော် လေ့လာချင်တယ်လို့ ပြော တော့ သူတို့ ထိပ်ပိုင်းခေါင်းဆောင်တွေ အချင်းချင်း တိုင်ပင်ကြတယ်။ ခဏအကြာမှာ ကျနော်ပြောတဲ့ စက်ရုံမျိုး သူတို့ဆီမှာ မရှိဘူး လို့ ပြောတယ်။ အဲဒီမှာ သဘောပေါက်လာတာက ဘိန်းချက်စက်ရုံကို ကျနော် မြင်တွေ့ခွင့် မရနိုင်တော့ဘူးဆိုတာ သိလာရတယ်” လို့ သယ်ရီ ဖောလစ်က ပြောပါတယ်။
၁၉၉၀ ပြည့် နှစ်လယ်လောက်စပြီး မြန်မာနိုင်ငံရဲ့ မူးယစ်ဆေးဝါး ထုတ်လုပ်မှုရဲ့အများစုက ဒေသတွင်းဈေးကွက်ကို ဦးတည်တဲ့  ရာဘ ဆေးပြားတွေ ဖြစ်လာတယ်။ ဘိန်းဖြူထုတ်လုပ်မှုတွေ အရမ်းများခဲ့တဲ့ ၁၉၉၀ မတိုင်မီကာလတွေက အနောက်နိုင်ငံတွေက ဘိန်းဖြူထွက်ကုန် အဓိကဈေးကွက်ကြီးတွေ ဖြစ်ခဲ့တယ်။

အမြတ်များတဲ့ လုပ်ငန်း

ကမ္ဘာ့ကုလသမဂ္ဂ မူးယစ်ဆေးဝါးနဲ့ ရာဇ၀တ်မှု နှိမ်နင်းရေးရုံး(UNODC)ရဲ့ မကြာသေးခင်က ထုတ်ပြန်ချက် အရ အာရှ-ပစိဖိတ် ဒေသ တွင်း ဖြစ်ပွားခဲ့တဲ့ လူမှောင်ခို ကုန်ကူးမှုများ၊ မူးယစ်ဆေးဝါး တရားမ၀င် ရောင်းဝယ်မှုများ၊ သားရိုင်းတရိစ္ဆာန် ရောင်းဝယ်မှု စတဲ့ ရာဇ၀တ်မှုတွေက ရရှိတဲ့ ငွေပမာဏက တနှစ်ကို အမေရိကန်ဒေါ်လာ ဘီလီယံ ၉၀ လောက် ရှိတယ်လို့ဆို တယ်။ အဲဒီ ပမာဏဟာ မြန်မာ တနိုင်ငံလုံး ပြည်တွင်း အသားတင် ထုတ်လုပ်မှု တန်ဖိုး ရဲ့ ၂ ဆ ပမာဏ ရှိတယ်လို့ သိရပါတယ်။

နိုင်ငံတကာမှာ ဖြစ်ပွားနေတဲ့ ရာဇ၀တ်မှုခင်းတွေရဲ့ ၃ ပုံ ၁ပုံက မူးယစ်ဆေးဝါး ရောင်းဝယ် ဖောက်ကားမှုတွေဖြစ်တယ်လို့ ထုတ်ပြန် ချက်က ဆိုတယ်။ ၂၀၁၁ ခုနှစ်မှာ ကမ္ဘာ့ဈေးကွက်အတွင်းကို အမေရိကန်ဒေါ်လာ ၁၆ ဒသမ ၃ ဘီလီယံ တန်ဖိုးရှိတဲ့ မက်ထရစ် တန်ချိန် ၆၅ တန်လောက်ရှိတဲ့ ဘိန်းဖြူတွေ ၀င်ရောက်ခဲ့တယ်လို့လည်း ထုတ်ပြန်ချက်မှာ ပါရှိပါတယ်။

အဲဒီ ဘိန်းဖြူတွေရဲ့ ၃ ပုံ ၂ ပုံကို “၀” လက်နက်ကိုင်၊ ရှမ်းလက်နက်ကိုင်တွေနဲ့ အစိုးရက ကျောထောက် နောက်ခံပေးထားတဲ့ ပြည်သူ့ စစ်တွေ ကြီးစိုးတဲ့ မြန်မာနိုင်ငံ ရှမ်းပြည်နယ်က ထုတ်လုပ်တာဖြစ်တယ်လို့လည်း အစီရင်ခံစာက ဖော်ပြတယ်။

ဒီ့အပြင် အမေရိကန် ဒေါ်လာ ၁၅ ဘီလီယံ တန်ဖိုးရှိ ရာဘ ဆေးပြား တွေကို မြန်မာနိုင်ငံ အရှေ့ပိုင်းနဲ့ အရှေ့မြောက်ပိုင်းဒေသ တွေ မှာ ထုတ်လုပ်တယ်လို့ လည်း အစီရင်ခံစာက ဆိုပါတယ်။

UNODC အရှေ့တောင် အာရှနဲ့ ပစိဖိတ် ဒေသ ဆိုင်ရာ ကိုယ်စားလှယ် ဂျယ်ရမီ ဒေါက်ဂလတ်စ် (Jeremy Douglas) က “နိုင်ငံ တကာမှာ ကြီးမားကျယ်ပြန်လာတဲ့ ဒီ မူးယစ်ဆေးဝါး ရောင်းဝယ်ဖောက်ကားမှုတွေက တကမ္ဘာလုံးအတွက် စိုးရိမ်စရာပါ”လို့ အစီရင် ခံစာမှာ ရေးသားဖော်ပြထားပါတယ်။

၂၀၁၂ ခုနှစ်အတွင်း ထိုင်းနိုင်ငံမှာ မြောက်မြားစွာသော မူးယစ်ဆေးဝါးတွေကို မကြာခဏဆိုသလို ဖမ်းဆီးရမိခဲ့တယ်။ မနှစ်က ဇန်န၀ါရီလ အတွင်း ဘန်ကောက်မှာ ဘတ်ငွေ ၁ ဘီလီယံ (အမေရိကန် ဒေါ်လာ ၃၄ သန်း) တန်ဖိုးရှိ မက်သာအဖက်တမင်း ဆေးပြား ၃ ဒသမ ၈ သန်း ကို ထိုင်းရဲတပ်ဖွဲ့က ဖမ်းဆီးရမိခဲ့တယ်။

ဒီဖမ်းဆီးမှုက နှစ်ပေါင်းများစွာအတွင်း ပမာဏ အများဆုံးသော မူးယစ်ဆေးဝါးဖမ်းဆီးရရှိမှုကြီးတခုလည်း ဖြစ်ပါတယ်။ အဲဒီ ၃ ဒသမ ၈ သန်းရှိတဲ့ မက်သာအဖက်တမင်း ဆေးပြား နဲ့ ၇၂ ကီလိုရှိတဲ့ မက်သာအဖက်တမင်း ပုံဆောင်ခဲတွေကို ဘန်ကောက်မြို့ပြင် က အိမ်တအိမ်မှာ ဖမ်းဆီးရမိခဲ့တာဖြစ်ပါတယ်။

ထိုင်းအခြေစိုက် ရှမ်းသံတော်ဆင့် သတင်းအေဂျင်စီရဲ့ ၀ါရင့် အယ်ဒီတာ ခွန်စိုင်းဂျာယန်း(Khunsai Jaiyen) က ဒေသတွင်း မူးယစ် ဆေးဝါး သတင်းနဲ့ ဆက်စပ်တဲ့ သတင်းတွေကို အမြဲလိုလို ရေးသားဖော်ပြခဲ့တယ်။

ရှမ်းလက်နက်ကိုင်တွေနဲ့ ဗမာစစ်တပ်တို့ အပစ်အခတ်ရပ်စဲပြီး မူးယစ်ဆေးဝါးတိုက်ဖျက်ဖို့ ပူးတွဲလုပ်ဆောင်ကြပေမယ့် ၆ လကျော်ကြာ လာတဲ့အချိန်အထိ ဘာတိုးတက်မှုမှ မရှိခဲ့ဘူးလို့ သူက ဆိုတယ်။

မြန်မာနိုင်ငံရဲ့ မူးယစ်ဆေးဝါး ရောင်းဝယ်ဖောက်ကားမှုဟာ နိုင်ငံရေးနဲ့ ဆက်စပ်နေတယ်လို့လည်း ခွန်စိုင်းဂျာယန်း က ပြောတယ်။

မြန်မာအစိုးရနဲ့ လူမျိုးစု လက်နက်ကိုင်အဖွဲ့တွေ နိုင်ငံရေး ဆွေးနွေးမှုတွေ မအောင်မြင်တာကြောင့်မို့  လူနည်းစု လက်နက်ကိုင်တွေက လူသစ် စုဆောင်းဖို့၊ အင်အားတိုးချဲ့ဖို့နဲ့ စစ်တိုက်ဖို့အတွက် ရန်ပုံငွေရှာရင်း မူးယစ်ဆေးဝါးလို အမြတ်များတဲ့ မှောင်ခိုလုပ်ငန်း တွေ လုပ်ကြတယ်လို့ ခွန်စိုင်းဂျာယန်းက ဝေဖန် ထောက်ပြပါတယ်။

ခွန်စိုင်းဂျာယန်းကတော့ မူးယစ်ဆေးဝါး ရောင်းဝယ်မှုလုပ်ငန်းတွေ ရှင်သန်ကြီးထွားနေရတာက ပြည်သူ့စစ်တွေ၊ တိုင်းရင်းသား လက်နက်ကိုင်တွေနဲ့ မြန်ာမာ အစိုးရ စစ်တပ်တွေ အပါအ၀င် လက်နက်ကိုင်အဖွဲ့အစည်းတွေ အားလုံးကြောင့်လို့ အပြစ်တင်ပါတယ်။ အစိုးရနဲ့ လက်နက်ကိုင် အဖွဲ့အစည်းတွေကြား နိုင်ငံရေးအရ သဘောတူညီချက်တွေ ရှိလာရင်တော့ ဒီမူးယစ်ဆေးဝါးလုပ်ငန်းတွေ အဆုံးသတ်နိုင်မယ်လို့ သူက အကောင်းမြင်မှုနဲ့ သုံးသပ်တယ်။

“နိုင်ငံရေး သဘောတူညီချက်တွေ မဖြစ်မနေ ရဖို့လိုတယ်”လို့ ခွန်စိုင်း ဂျာယန်း က ဆိုတယ်။

ဓာတ်ပုံသတင်းထောက် သယ်ရီ ဖောလစ်က မြန်မာနိုင်ငံနဲ့ နယ်နိမိတ်ချင်း ထိစပ်နေတဲ့ ထိုင်းနယ်စပ်အကုန်လုံးက အထူးသဖြင့် ထိုင်းမြောက်ပိုင်းဒေသက မူးယစ်ဆေးဝါး မှောင်ခိုလုပ်ငန်းတွေအတွက် ဆယ်စုနှစ်ပေါင်းများစွာ အဓိက အသုံးပြုတဲ့ လမ်းကြောင်း တွေဖြစ်တယ်လို့ ပြောတယ်။

“နယ်စပ်က ထောင်ချီရှိတဲ့ လမ်းကြောင်းတွေ၊ တောလမ်းတွေ၊ တောင်ကြားလမ်းတွေ၊ တောင်တက်လမ်းတွေ၊ လမ်းမကြီးတွေအားလုံးကို ထိန်းချုပ်ဖို့ ဘယ်လိုမှ မဖြစ်နိုင်ဘူး”လို့ သယ်ရီ ဖောလစ် က ပြောပါတယ်။

ဒေသတွင်းမူးယစ်ဆေးဝါး ရောင်းဝယ်မှုတွေက မူးယစ်မြို့တော် ဖန်ခရိုင် အပြင်ဘက် ကမ္ဘာတ၀န်းဒေသတွေအထိ ရောက်ရှိနေပြီ လို့ ဂျယ်ရမီ ဒေါက်ဂလတ်စ် က ပြောပါတယ်။

“အရှေ့အာရှနဲ့ ပဖိတ် ဒေသတွေမှာဖြစ်ပွားနေတဲ့ တရားမ၀င် ရာဇ၀တ်မှု လုပ်ငန်းတွေက ရရှိလာတဲ့ အမြတ်ငွေတွေက ကမ္ဘာတ၀န်း ရှိ လူ့အဖွဲ့အစည်းကို မတည်မငြိမ် ဖြစ်စေတယ်။ အရှေ့အာရှက တရားမ၀င် ငွေတွေနဲ့ ပိုင်ဆိုင်မှုတွေ၊ ကုမ္ပဏီတွေ ၀ယ် မယ်။ ပြီးတော့ နေရာတိုင်းမှာ လာဘ်ပေး လာဘ်ယူတွေဖြစ်စေတယ်”လို့လည်း သူက ပြောပါတယ်။

“ကျနော်တို့ စကားပြောဆွေးနွေး ဖို့လိုပြီ။ စည်းစည်းလုံးလုံး ရှိရမယ်၊ ပူးပေါင်းပြီး တုံ့ပြန်ဖို့လိုပြီ မူးယစ် ကွန်ရက်ကို ထိန်းချုပ် နှိမ် နင်းနိုင်မယ့် ညီညွတ်တဲ့ ကွန်ရက်တခု လိုနေပါပြီ”လို့ ဂျယ်ရမီ ဒေါက်ဂလတ်စ် က ပြောဆိုပါတယ်။   ။

(An Open Secret, an Illicit Trade without End By SAW YAN NAING ကို ဆီလျော်အောင် ဘာသာပြန်ဆို ဖော်ပြသည်။)

ကချင်ပြည်နယ် မန်စီမြို့နယ် တရုတ်နယ်စပ်အနီး ခိုလှုံနေသော ကချင်စစ်ပြေးဒုက္ခသည် ကလေးငယ်တဦး ထင်းရှာဖွေပြီး ပြန်လာစဉ် (ဓာတ်ပုံ- ဂျေပိုင် / ဧရာဝတီ)

ကချင်ပြည်နယ်နှင့် ရှမ်းပြည်နယ်စပ် နမ့်ခမ်းမြို့နယ်ရှိ ကချင်စစ်ဘေးရှောင် နေ၀န်းနီ ပလောင်ဒုက္ခသည်စခန်းမှ ကလေးငယ်များသည် စာမေးပွဲအောင်သော်လည်း အတန်းတက်ရန် အခက်အခဲရှိနေကြောင်း သတင်းရရှိသည်။

ဒုက္ခသည်စခန်းတွင် ကျောင်းနေအရွယ်ကလေး ၃၄ ယောက်ရှိပြီး နမ့်ခမ်းမြို့နယ်ရှိ ကျောင်းများ၌ ၂၀၁၂-၂၀၁၃ စာသင်နှစ် တ၀က် တက်ရောက်၍ စာမေးပွဲ ဖြေဆိုခဲ့ကြသူများ ဖြစ်သည်။

ထိုကလေးများသည် ၂၀၁၃-၂၀၁၄ ပညာသင်နှစ်အတွက် နောက်အတန်း တတန်း တက်ရောက်ရန် စာမေးပွဲ အောင်မြင်သော် လည်း ကျောင်းပြောင်း လက်မှတ် မပါရှိသောကြောင့် ကျောင်းမှလက်မခံသေးကြောင်း ပလောင် အမျိုးသမီး အစည်းအရုံးမှ ဒေါ်လွင်မိုခမ်း က ပြောပြသည်။

နေ၀န်းနီ ဒုက္ခသည်စခန်းတွင် ကူညီနေသူ ပလောင်စာပေနှင့် ယဉ်ကျေးမှုကော်မတီ မှ ဦးဘသန်း ကလည်း“မနှစ်က စာသင်နှစ် ၀က် လက်ခံတာက ကျောင်းက ယာယီပဲတက်မှာဆိုပြီး လက်ခံထားတာလို့ ပြောတယ်။ ဒါပေမယ့် အခုတက်မယ်ဆိုရင် ကျောင်းမှာစာရင်းသွင်းဖို့ ကျောင်းပြောင်းလက်မှတ် ပါမှ တက်လို့ရမယ်တဲ့”ဟု ပြောသည်။

ကလေးမိဘများ အနေဖြင့် ခရီးဝေးခြင်း၊ ကုန်ကျစရိတ်မတတ်နိုင်ခြင်း တို့ကြောင့် မူလကျောင်းများသို့ ပြန်၍ ကျောင်းပြောင်း လက်မှတ် ယူရန် အခက်အခဲဖြစ်နေကြကြောင်းလည်း သိရသည်။

ဦးဘသန်း က ဆက်လက်ပြီး မြို့နယ်ပညာရေးမှူးနှင့် ဆွေးနွေး၍ ကျောင်းပြောင်းလက်မှတ်ရယူရန် ကူညီသွားမှာဖြစ်ကြောင်းနှင့် ကလေးများ ယခု ပညာသင်နှစ်တွင် ကျောင်းတက်ခွင့် ရရန် အတတ်နိုင်ဆုံး ဆောင်ရွက်သွားမည် ဖြစ်ကြောင်း ပြောဆိုသည်။

နေ၀န်းနီ ဒုက္ခသည်စခန်းမှ တာဝန်ခံ ဦးကျော်ဆွေကလည်း“အစက ကလေးတွေ အောင်စာရင်းမှာ နာမည် မပါလာလို့ စိတ်ပူသွားတယ်။ အတန်း တက်ဖို့ စာရင်းသွင်းရမှာပါ။ ကျောင်းပြောင်းလက်မှတ်ရရင် အဆင်ပြေပါပြီ”ဟု ဆိုသည်။

နေ၀န်းနီဒုက္ခသည်စခန်းတွင် မိသားစုပေါင်း ၉၇ စုရှိပြီး ကလေးအများစုမှာ ၅ နှစ်အောက် ကလေးများဖြစ်ကြောင်း၊ တချို့ကျောင်း နေအရွယ် ကလေးများမှာ ဘုန်းတော်ကြီးကျောင်းများနှင့် သီလရှင်ကျောင်းမျာသို့ ပို့ထားကြောင်း သိရသည်။

နေ၀န်းနီဒုက္ခသည်စခန်းတွင် စစ်ဘေးရှောင် ဒုက္ခသည်များအား ၂၀၁၂ ခုနှစ် နှစ်ဆန်းပိုင်းမှ စတင်ပြီး ထားရှိခဲ့ခြင်း ဖြစ်သည်။

ယခုမိုးရာသီဝင်ရောက်ပြီ ဖြစ်သောကြောင့် ဒုက္ခသည်စခန်းများရှိ ကလေးငယ်များ ၀မ်းပျက် ၀မ်းလျှော ဖြစ်ပွားမည်ကို စိုးရိမ်ရကြောင်းနှင့် ဆေးဝါးမလုံလောက်မှုလည်း ရှိကြောင်း ဒုက္ခသည်စခန်း တာဝန်ရှိသူများက ပြောသည်။

လက်ရှိတွင် ဒုက္ခသည်စခန်း၏ စားရေးသောက်ရေးအတွက် ကမ္ဘာ့ စားနပ်ရိက္ခာ အစီအစဉ်မှ လစဉ် ဆန်ထောက်ပံ့မှုရှိပြီး ဒုက္ခသည်များကို ကူညီနေသည့် ကရုဏာ အဖွဲ့က တရက်လျှင် ဒုက္ခသည် တဦးအတွက် ကျပ်၂၀၀ ထောက်ပံ့ကြောင်း သိရသည်။

“ဒုက္ခသည်တွေအတွက် အိမ်ဆောက်ပေးဖို့ ရှိတယ်။ ပစ္စည်းမစုံသေးလို့ မဆောက်ဖြစ်သေးတာ။ အခုမိုးရာသီအတွက်တော့ နေ စရာ နေရာ အဓိကပဲ”ဟု ဦးကျော်ဆွေ က ဆိုသည်။

ဒုက္ခသည် အများစုမှာ ကချင်ပြည်နယ် ဗန်းမော်ခရိုင်၊ မန်စီမြို့နယ် အူလံဘာ ကျေးရွာအုပ်စုရှိ အထက် မန်လွယ်ရွာ၊ အောက် မန်လွယ်ရွာနှင့် ကျူဝိုင်း ကျေးရွာများမှ ထွက်ပြေးတိမ်းရှောင်လာကြသူများ ဖြစ်သည်။

နမ့်ခမ်းမြို့နယ်တွင် ဒုက္ခသည်စခန်းပေါင်း ၄ ခုရှိပြီး မိသားစုဝင်ပေါင်း ၃၀၀ ကျော် ရှိကြောင်း သိရသည်။

ကချင်ပြည်နယ်အတွင်း အစိုးရစစ်တပ်နှင့် ကချင်လွတ်မြောက်ရေး တပ်မတော် (KIA) တို့အကြား ၂၀၁၁ ခုနှစ် ဇွန်လ ၉ ရက်နေ့မှ စတင်ဖြစ်ပွားခဲ့သော တိုက်ပွဲများကြောင့် ဒေသခံ ကချင်ပြည်သူ သောင်းချီ၍ စစ်ပြေးဒုက္ခသည်များအဖြစ် ဒုက္ခသည် စခန်းများတွင် နေထိုင်ကြရဆဲ ဖြစ်သည်။

ရွေးကောက်ပွဲအတွက် ဥပဒေ၊ နည်းဥပဒေများ (ဓာတ်ပုံ – ဧရာဝတီ)

လွန်ခဲ့သည့် ဆယ်စုနှစ်အတွင်း ပညာရှင်များ၊ နိုင်ငံရေးနှင့် လူမှုပဋိပက္ခများကို ဖြေရှင်းရန် တာဝန်ပေးခြင်း ခံထားရသူများသည် ဖွဲ့စည်းပုံ အခြေခံဥပဒေ ရေးဆွဲခြင်း ပညာရပ်ကို ပြန်လည်ရှာဖွေ တွေ့ရှိခဲ့ကြသည်။ ဖွဲ့စည်းပုံ အခြေခံဥပဒေ ရေးဆွဲခြင်း ကိစ္စရပ်သည် ဒီမိုကရေစီ နိုင်ငံများတွင်သာမကဘဲ လတ်တလော ပဋိပက္ခဖြေရှင်းရေး ရည်မှန်းချက်များနှင့်လည်း အများဆုံး ပတ်သက်နေသည့်၊ ဒီမိုကရေစီ အသွင်ကူးပြောင်းရန် ကြိုးပမ်းနေကြသည့် နိုင်ငံများ၌လည်း ဆောင်ရွက်နေသည့် ကိစ္စရပ် ဖြစ်သည်။  တောင်အာဖရိကနှင့် ဘော့စနီးယားမှသည် ဖီဂျီ၊ မြောက် အိုင်ယာလန်၊ အာဖဂန်နစ္စတန်နှင့် အီရတ်တို့ အပါအ၀င် ကမ္ဘာပေါ်ရှိ ပဋိပက္ခဒဏ် အခံစားရဆုံး နိုင်ငံတချို့၏ ငြိမ်းချမ်းရေးနှင့် လွတ်လပ်သည့် ကိုယ်ပိုင်အုပ်ချုပ်ခွင့်တို့ ပေါ်ထွန်းရေးအတွက် ကြိုးပမ်း အားထုတ်မှုများတွင် ဖွဲ့စည်းပုံ အခြေခံဥပဒေ ရေးဆွဲသည့် ၀ိဇ္ဇာ သို့မဟုတ် သိပ္ပံပညာရပ်သည် အဓိကကျသည်။

အက်စ်တိုးနီးယားနှင့် သီရိလင်္ကာမှသည် ဂွာတီမာလာ၊ အင်ဒိုနီးရှား၊ နိုက်ဂျီးရီးယားနှင့် ဖိလစ်ပိုင် အပါအ၀င် မရေမတွက်နိုင်သည့် နိုင်ငံများစွာတို့သည် ရွေးကောက်ပွဲစနစ်များ ပြင်ဆင်ခြင်း၊ နယ်စပ်ဒေသများကို ကိုယ်ပိုင်အုပ်ချုပ်ခွင့်ပေးသည့်  သဘောတူညီချက်များ သို့တည်းမဟုတ် နိုင်ငံတော်အလံအောက်တွင် အပြည့်အ၀ မစုစည်းနိုင်သည့်တိုင် အမျိုးသား စည်းလုံးညီညွတ်ရေးကို ပြင်ပမှ ဖျက်ဆီးပစ်နိုင်သည့် အုပ်စုအသီးသီးဖြင့် ပြန်လည်သင့်မြတ်ရေးကို ရည်ရွယ်၍ ယင်းတို့၏ အဖွဲ့ဝင်များကို အစိုးရအဖွဲ့တွင် ၀န်ကြီးရာထူးနေရာများနှင့် အခြားသော ရာထူးနေရာများကို ခွဲဝေပေးခြင်း အစရှိသည့် ပဋိပက္ခများကို ဖြေရှင်းသည့် စမ်းသပ်မှုများ  ပြုလုပ်ခဲ့သည်။

ကမ္ဘာပေါ်ရှိ ခေါင်းအမာဆုံး အာဏာရှင်စနစ်များ မည်သို့ နိဂုံးချုပ်အောင် ပြုလုပ်ရမည်နှင့် ယင်းတို့ အုပ်စိုးမှုကြောင့် နိုင်ငံတွင် ထိခိုက်ပျက်စီးခဲ့ရသည်များကို မည်သို့ စတင်ပြင်ဆင်ရမည် အစရှိသည်တို့ဖြင့် သက်ဆိုင်သည့် ဆွေးနွေးမှုများတွင်  ဖွဲ့စည်းပုံ အခြေခံဥပဒေ ရေးဆွဲရေး ဆိုင်ရာ မေးခွန်းများက မကြာခဏ လွှမ်းမိုးထားသည်ကို မျက်မှောက်ကာလတွင် ပိုမိုသိသာထင်ရှားစွာ ရှိနေသည်ကို တွေ့ရှိရသည်။ အီရတ်၊ ကွန်ဂို၊ ဆူဒန်၊ လိုက်ဘေးရီးယားနှင့် မြန်မာ ကဲ့သို့သော နိုင်ငံများတွင် အာဏာရှင်စနစ် ကျဆုံးလျှင် ဘာဖြစ်မည်နည်းဆိုသည့် ခန့်မှန်းချက်များ၊ တင်ကြို ဟောကိန်းထုတ်မှုများ ရှိကြသည်။ ယင်းခန့်မှန်းချက်များမှနေ၍ အာဏာဝေခွဲရေး အစီအမံများ၊ အစိုးရအဖွဲ့တွင် လူနည်းစု တိုင်းရင်းသားများ ပါဝင်ရေးနှင့် ဖယ်ဒရယ်စနစ် သို့တည်းမဟုတ် ဒေသန္တရ ကိုယ်ပိုင်အုပ်ချုပ်ခွင့်ဆိုင်ရာ ဆွေးနွေးမှုများကို မလွှဲမရှောင်သာ ဖြစ်ပေါ်လာစေသည်။

ဖွဲ့စည်းပုံ အခြေခံဥပဒေ ရေးဆွဲရေးပညာရပ်သည်  ပြီးခဲ့သည့်ဆယ်စုနှစ်အတွင်း ကြီးမားသည့်  ပညာရပ်ဆိုင်ရာ ခြေလှမ်းများကို လှမ်းခဲ့နိုင်သော်လည်း ပြီးပြည့်စုံသည် မဟုတ်သေးဘဲ ယခုအချိန်အထိ တိုးတက်ကောင်းမွန်အောင် လုပ်ရန် လိုအပ်လျက်ရှိသည်။ အထူးသဖြင့် သီးခြား ၀ိသေသလက္ခဏာများရှိသော နိုင်ငံများတွင် ပဋိပက္ခများ ဖြစ်ပေါ်ရသည့်  အကြောင်းရင်း ဇစ်မြစ်ကို ရှာဖွေသည့်အခါနှင့် ရရှိခဲ့သည့် သင်ခန်းစာများကို ခြုံငုံသုံးသပ်ခြင်းတို့တွင် ဖြစ်သည်။

ဤနေရာတွင် ဆေးသိပ္ပံပညာဖြင့် နှိုင်းယှဉ်ခြင်းသည်  အသုံးဝင်နိုင်သည်။ သမားတော်၏ အတတ်ပညာနှင့် ဖွဲ့စည်းပုံ အခြေခံဥပဒေဆိုင်ရာ ကျွမ်းကျင်သူ၏ အတတ်ပညာတို့တွင် တူညီသည့်အချက်များ အများအပြား ရှိသည်။ ဆရာဝန်က လူနာ၏ ရောဂါလက္ခဏာများကို စစ်ဆေးခြင်းနှင့်  လိုအပ်သည့် ကုသမှုပေးခြင်းကဲ့သို့ပင်၊ ဖွဲ့စည်းပုံ အခြေခံဥပဒေဆိုင်ရာ ကျွမ်းကျင်သူသည်လည်း ပဋိပက္ခကြောင့်  ဒုက္ခဆင်းရဲများ ခံစားနေရသည့်  လူ့အဖွဲ့အစည်းကို လေ့လာကြည့်ရှုပြီး ထိုလူ့အဖွဲ့အစည်း၏ ရေရှည် ကျန်းမာရေးအတွက် ပဋိပက္ခ ဆိတ်သုဉ်းကာ ဒုက္ခဆင်းရဲများမှ လွတ်မြောက်ရန် မည်သို့ ဆောင်ရွက်ရမည်ဆိုသည့်  လမ်းကြောင်းကို ရေးဆွဲရလေသည် (အများလက်ခံနိုင်မည့် ငြိမ်းချမ်းရေး၊ ဖွံ့ဖြိုးတိုးတက်မှုနှင့် လွတ်လပ်သည့် ကိုယ်ပိုင်အုပ်ချုပ်မှုအဆင့်များ ရေးဆွဲပြီး ကျယ်ပြန့်စွာ ဖွင့်ဆိုထားရမည်)။

ရောဂါ (ပဋိပက္ခ) ကို ကုသမှု ပြုခြင်းထက်၊ ရောဂါ လက္ခဏာများကို သက်သာအောင် ပြုလုပ်ခြင်းနှင့် ရောဂါထိန်းချုပ်ခြင်းကို ပိုမိုလုပ်ဆောင်ရတတ်ကြောင်း လူမှုသိပ္ပံပညာရှင် အများစုက ယခုအခါ လက်ခံလာကြသည်။ သို့သော်လည်း လုံးဝ ချို့ယွင်းမှုရှိနေသည့် နိုင်ငံတခုတွင်မူ ယင်းကဲ့သို့ ရောဂါလက္ခဏာများ သက်သာအောင် ကောင်းမွန်စွာ ကုသပေးခြင်းသည်ပင်လျှင် အကျိုးကျေးဇူး အများအပြား ဖြစ်ထွန်းစေနိုင်သည်။

နိုင်ငံတခု၏ အသက်ဇီဝိန်ကို ဇီဝဗေဒအမြင်ဖြင့် ရှုမြင်သုံးသပ်သည့် အယူအဆသည် ရှေးပဝေသဏီကပင် ရှိခဲ့ပြီး ဂရိနိုင်ငံ အစောပိုင်း ကာလကတည်းက ရှိခဲ့ကြောင်း ပလေတို၊ အရစ္စတိုတယ်၊ စီစာရို၊ မာခီယာဗယ်လီ၊ လော့ခ်၊ ရူးဆိုး၊ ဟေဂယ်၊ တီအိတ်ခ်ျ ဂရင်း နှင့် အခြားသော အတွေးအခေါ် ပညာရှင်များ၏ စာပေများကို လေ့လာကြည့်ခြင်းဖြင့် သိရှိနိုင်သည်။

ရောဂါရှာဖွေခြင်း (Diagnosis) ဆိုသည့် ဝေါဟာရသည်ပင် ဂရိဘာသာစကားမှ ဆင်းသက်လာခြင်းဖြစ်သည်။ ဂရိ စကားလုံး gnosis သို့မဟုတ် knowledge (ပညာဗဟုသုတ) မှ ဆင်းသက်လာခြင်းဖြစ်သည်။ နိုင်ငံရေးတွင် ဖြစ်စေ၊ ဆေးပညာတွင် ဖြစ်စေ၊ ရောဂါရှာဖွေခြင်း သို့မဟုတ် ပညာဗဟုသုတ ရှာဖွေခြင်းဆိုသည်မှာ လက်တွေ့လေ့လာ ဆန်းစစ်နိုင်သည့် အချက်အလက်များကို စုစည်းခြင်းနှင့် ယင်းတို့ကို အသေးစိတ် ဆန်းစစ်ခြင်းတို့မှ စတင်သည်။ ကံကောင်းထောက်မစွာပင် ထိုကဲ့သို့သော အချက်အလက်များ ကောက်ခံ၍ ရနိုင်သည့် နိုင်ငံအရေအတွက်မှာ ဒီမိုကရေစီ တတိယလှိုင်းနှင့်အတူ ၁၉၇၀ ပြည့်နှစ်များက စတင်ပြီး ဒီမိုကရေစီ အသွင်ကူးပြောင်းခဲ့ကြသည့် လက်တင်အမေရိက၊ အာဖရိက၊ အာရှ၊ အရှေ့နှင့် အလယ်ပိုင်း ဥရောပရှိ နိုင်ငံများကြောင့် ယခင်ကထက် လွန်စွာ များပြားလာခဲ့သည်။

သို့သော်လည်း အသစ်ပြင်ဆင် ရေးဆွဲခဲ့သည့် ဖွဲ့စည်းပုံ အခြေခံဥပဒေ အများအပြားသည် ပဋိပက္ခများကို အောင်မြင်စွာ မဖြေရှင်းနိုင်ခဲ့ပေ။ အဘယ်ကြောင့်ဆိုသော် ယင်းဖွဲ့စည်းပုံ အသစ်များကို ရေးဆွဲသူများသည် (နိုင်ငံခြားသားဖြစ်စေ၊ ပြည်တွင်းမှ ပုဂ္ဂိုလ်များဖြစ်စေ) ကောင်းမွန်သည့် ရောဂါရှာဖွေမှုနှင့် ကုသမှု၏ အခြေခံ သဘောတရားများကို ဂရုမပြုခဲ့ခြင်းကြောင့် ဖြစ်သည်။ ယင်းသို့ ရောဂါရှာဖွေမှုနှင့် ကုသမှု ပြုလုပ်ရာတွင် ကုသသူ သမားတော်သည် ကျင့်ဝတ်နှင့်အညီ ရိုးသားစွာ ကုသပါမည်၊ ဝေဒနာရှင်ကို ထိခိုက်နစ်နာအောင် မလုပ်ပါဟုသော ကျမ်းကျိန်မှုဖြင့် စတင်ရပါမည်။

၁၉၉၀ ခုနှစ်များအတွင်းက အင်ဂိုလာနိုင်ငံကို လေ့လာကြည့်သင့်သည်။ အနည်းဆုံး လူပေါင်း ၁.၅ သန်းကျော် သေကြေခဲ့ရသည့် ၁၅ နှစ်ကြာ ပြည်တွင်းစစ် အဆုံးသတ်ရန် နိုင်ငံတကာ စေ့စပ်ညှိနှိုင်းသူများသည် Eduardo Dos Santos ဦးဆောင်သည့် အာဏာရ MPLA ပါတီ နှင့် Jonas Savimbi ဦးဆောင်သည့် ယူနီတာ (UNITA) သူပုန်များအကြား ၁၉၉၁ ခုနှစ် သဘောတူညီချက် စာချုပ်ကို စေ့စပ်ညှိနှိုင်းပေးခဲ့ကြသည်။ သို့သော် အဆိုပါ သဘောတူညီချက် ပျက်ပြယ်ခဲ့ရသည်။ အကြောင်းမှာ နိုင်သူ အကုန်ယူ (winner-take-all) သမ္မတ ရွေးချယ်တင်မြှောက်သည့် ရွေးကောက်ပွဲစနစ်ကြောင့် ဖြစ်သည်။ ယင်းစနစ်သည် စိတ်ဓာတ်ကျစရာ ကောင်းသော လွှတ်တော်တွင်း “သစ္စာရှိအတိုက်အခံ” အဖြစ် တာဝန် ထမ်းဆောင်ရန် MPLA ထက် သေးငယ်သည့် ယူနီတာ ပါတီကို မည်သည့်မက်လုံးမျှ မပေးနိုင်ခဲ့ချေ။ ၁၉၉၂ ခုနှစ် စက်တင်ဘာ ရွေးကောက်ပွဲတွင် မျှော်မှန်းထားသည့်အတိုင်း Dos Santos က Savimbi ကို ၄၉-၄၀ ရာခိုင်နှုန်းဖြင့် အနိုင်ရရှိသည့်အခါ ပြည်တွင်းစစ်မီး ပြန်လည် တောက်လောင်ခဲ့သည်။ သိန်းနှင့်ချီသော ပြည်သူများ ထပ်မံ သေဆုံးခဲ့ရသည်။

ဖွဲ့စည်းပုံ အခြေခံဥပဒေ ရေးဆွဲသူများ အနေဖြင့် နိုင်ငံတနိုင်ငံ၊ လူ့အဖွဲ့အစည်းတခုတွင်  ဒုက္ခဆင်းရဲများ ပဋိပက္ခများကို မည်သည့်အရာများက ဖန်တီးပေးနေသနည်း ဆိုသည်ကို ကောင်းစွာ ရှာဖွေတတ်ရန် လိုအပ်လျှင် ယင်းတို့အနေဖြင့် မည်သည့် နည်းလမ်းကို ကျင့်သုံးပြီး ရှာဖွေသင့်သနည်း။ ဆေးပညာဆိုင်ရာ ရောဂါရှာဖွေမှုတွင် ခန္ဓာကိုယ်ကို စစ်ဆေးခြင်းနှင့် လူနာ ရာဇ၀င်ကို လေ့လာဆန်းစစ်ခြင်းတို့ ပြုလုပ်ဆောင်ရွက်သည်။ လိုအပ်လျှင် အထက်ပါ လေ့လာဆန်းစစ်မှုများမှ တွေ့ရှိချက်များကို အတည်ပြုပေးနိုင်မည့် တခြားသော လုပ်ထုံးလုပ်နည်းများကို ဆောင်ရွက်လေ့ရှိသည်။ ရောဂါရှာဖွေမှုကို ဆေးဘက်ဆိုင်ရာ နည်းစနစ်ဖြင့် စတင်သည်။ ယင်းစနစ်သည် အချက်အလက်များကို မည်သို့ စုစည်းရမည်၊ လူနာ ရာဇ၀င်နှင့် ခန္ဓာကိုယ် စစ်ဆေးခြင်းတို့မှ တွေ့ရှိချက်များကို မည်သို့ အဓိပ္ပာယ် ဖေါ်ဆောင်ရမည်ကို  လမ်းညွှန်ပေးသည်။ ဖွဲ့စည်းပုံ အခြေခံဥပဒေ ရေးဆွဲသည့် နယ်ပယ်တွင်မူ ယင်းရောဂါရှာဖွေမှု နည်းစနစ်ဆိုသည်မှာ လူမှုစီးပွား၊ နိုင်ငံရေးနှင့် သမိုင်းဆိုင်ရာ ညွှန်းကိန်းများအား ဆန်းစစ် လေ့လာမှုပြုခြင်းကို အဓိက ဦးစိုက်ဆောင်ရွက်ခြင်းကို ဆိုလိုသည်။ ယင်းညွှန်းကိန်းများကို ဆန်းစစ် လေ့လာမှုပြုခြင်းသည် ရောဂါရှာဖွေမှုအပေါ် များစွာ အကျိုးသက်ရောက်မှု ရှိနိုင်သည်။

ထိုညွှန်းကိန်းများမှ တဆင့် ရောဂါရှာဖွေသူသည် Etiology ခေါ် ရောဂါလက္ခဏာများ ပေါ်ပေါက်ရခြင်း၏ အကြောင်းရင်းများကို ဖော်ထုတ်သွားမည် ဖြစ်သည်။ နှိုင်းယှဉ်ခွဲခြား ရောဂါရှာဖွေမှု (Differential diagnostic) သည် စနစ်တကျ ရောဂါရှာဖွေမှု နည်းစနစ်ဖြစ်ပြီး လူနာ ရောဂါဖြစ်ရခြင်း၏ ဖြစ်နိုင်ခြေ အကြောင်းရင်းများကို ယင်းတို့၏ ဖြစ်နိုင်ခြေ၊ ရောဂါအတိမ်အနက်နှင့် ကုသနိုင်မှုအပေါ် မူတည်ပြီး အဆင့်များ သတ်မှတ်ပေးသည်။ (Differential diagnosis ဆိုသည်မှာ ရောဂါလက္ခဏာများ၏ အဖြစ်နိုင်ဆုံး ရောဂါအကြောင်းရင်းကို ဖော်ထုတ် သတ်မှတ်ခြင်း ဖြစ်လေသည်။ ဆေးကျောင်းသားများအား ရောဂါရှာဖွေမှုနှင့် ပတ်သက်ပြီး နမူနာတခုပေးထားသည်။ ယင်းမှာ မြင်းခွာသံကြားလျှင် မြင်းကိုရှာ၊ မြင်းကျားကို မရှာနှင့်ဟု ဖြစ်လေသည်။ အရိုးဆုံး ရောဂါရှာဖွေမှုနှင့် စတင်ရန် ဖြစ်သည်။ နှာစေးလျှင် အအေးမိခြင်း ဖြစ်သည်ဟု အရိုးရှင်းဆုံး ရောဂါရှာဖွေမှုနှင့် စတင်ရန်ဖြစ်သည်။ ယင်း အအေးမိသည်ဟု ရောဂါရှာဖွေမှုကို ဖယ်ရှားပြီးမှသာလျှင် အခြား ပိုမိုရှုပ်ထွေးသည့် ရောဂါရှာဖွေမှုများကို ပြုလုပ်ရမည် ဖြစ်သည်။) ပြီးမှသာလျှင် ရောဂါရှာဖွေမှုဆိုင်ရာ ဆေးစစ်ဆေးခြင်းများ (Diagnostic tests)  ပြုလုပ်ရမည် ဖြစ်သည်။ ဤအဆင့်တွင် ဖွဲ့စည်းပုံ အခြေခံဥပဒေ ကျွမ်းကျင်သူ ပညာရှင်အနေဖြင့် နိုင်ငံရေး မတည်မငြိမ်ဖြစ်မှု၏ အဓိကအကြောင်းရင်းကို လေ့လာဆန်းစစ်ရန် မည်သည့် အချက်အလက်များ စုစည်းကောက်ခံရန် လိုမည်နည်းဟု စဉ်းစားဆင်ခြင်ရမည်။ နောက်ဆုံးအဆင့်တွင် Prognosis ဟုခေါ်သည့် ကာလတခုအတွင်း ပြောင်းလဲလာနိုင်သည့် လူနာ၏ အခြေအနေနှင့် ရောဂါဆက်လက် ကြီးထွားလာပြီး အခြားရောဂါများ ၀င်လာနိုင်မှုတို့ကို တင်ကြိုခန့်မှန်းခြင်းကို ဆောင်ရွက်သည်။ ဤအဆင့် ၅ ဆင့်ပါဝင်သည့်  လုပ်ငန်းစဉ်မှ ကြိုတင်ကာကွယ်မှု၊ ကုသမှုနှင့် မိမိကိုယ်ကို ပြန်လည် ကျန်းမာအောင် ဆောင်ရွက်သည့် မဟာဗျူဟာများ ပေါ်ထွက်လာမည် ဖြစ်သည်။

ဆေးပညာ နည်းစနစ်များကို ဒီမိုကရေစီစနစ်အတွက် ဖွဲ့စည်းပုံအခြေခံ ဥပဒေ ရေးဆွဲရာတွင် လက်တွေ့အသုံးချရာ၌ စတင်အသုံးပြုရန် အကောင်းဆုံးနည်းလမ်းမှာ နာမကျန်းမှု၏ အခြေအနေများကို ကျယ်ပြန့်စွာ အုပ်စုခွဲခြား ကြည့်ရှုခြင်းနှင့် ယင်းတို့သည် ဖွဲ့စည်းပုံ အခြေခံဥပဒေ ဆေးညွှန်းနှင့် မည်သို့ဆက်စပ်သည်ကို စစ်ဆေးခြင်း ဖြစ်ကောင်းဖြစ်လိမ့်မည်။ ဖွဲ့စည်းပုံအခြေခံ  ဥပဒေဆိုင်ရာ ရောဂါရှာဖွေသူ အနေဖြင့် အောက်ပါမေးခွန်းများကို မေးမြန်းနိုင်သည်။

(၁) ပဋိပက္ခ အဆုံးသတ်ရန် လေ့လာသုံးသပ်နေသည့် နိုင်ငံတွင် ပါတီနှင့် ရွေးကောက်ပွဲ နိုင်ငံရေးသည် မည်မျှအထိ အဆင့်မြင့်စွာ သို့မဟုတ် ချိနဲ့စွာ ဖွဲ့စည်းပုံအခြေခံဥပဒေနှင့် အညီ သက်ဝင်လှုပ်ရှားနေသနည်း။

(၂) အာဖဂန်နစ္စတန်မှာကဲ့သို့ နိုင်ငံတော်အစိုးရသည် လုံးဝ ပြိုလဲသွားခဲ့ပြီလား၊ သို့တည်းမဟုတ် မြန်မာနိုင်ငံမှာကဲ့သို့ ပဋိပက္ခ အခြေအနေများထဲမှာပင် အစိုးရယန္တယားသည် ယင်း၏ လုပ်ငန်းတာဝန်များကို ဆက်လက် ထမ်းရွက်နေပါသလား။

(၃) အုပ်စုများအကြား ယေဘုယျ မုန်းတီးမှုနှင့် နှိုင်းယှဉ်လိုက်လျှင် အမှန်တကယ် အကြမ်းဖက်မှုများ၏ အခြေအနေသည် မည်သို့ရှိသနည်း။ ဥပမာအားဖြင့် ဖီဂျီနှင့် သီရိလင်္ကာ နှစ်နိုင်ငံစလုံးတွင် ခါးသီးသော လူမျိုးရေး ဂိုဏ်းဂဏ ကွဲပြားမှုများ ရှိနေသည်။ သို့သော် ဖီဂျီနိုင်ငံတွင် နိုင်ငံရေးနှင့် ဆက်နွှယ်၍ အကြမ်းဖက် သတ်ဖြတ်မှုများသည် ကံအားလျော်စွာ နည်းပါးလေသည်။ အဘယ်ကြောင့် ထိုသို့ ကွဲပြားခြားနား နေရသနည်း။

(၄) အဆိုပါနိုင်ငံတွင် မတူညီသည့် တိုင်းရင်းသား လူမျိုးစုနှင့် တခြားဒေသဆိုင်ရာ အုပ်စုပေါင်း မည်မျှရှိသနည်း။ ယင်းတို့၏ လူဦးရေ စုစုပေါင်း မည်မျှရှိကြသနည်း။ ယင်းတို့သည် မည်သည့် အရပ်ဒေသများတွင် နေထိုင်ကြသနည်း။

(၅) အဓိက တိုင်းရင်းသားလူမျိုးစုများနှင့် ဒေသဆိုင်ရာ အုပ်စုများသည် ဘာသာရေး၊ စာပေ၊ ဘာသာစကား၊ တိုင်းရင်းသားလူမျိုးစု၊ အမျိုးသားရေး ခံစားချက်၊ အရပ်ဒေသကို အခြေခံ၍သော်လည်းကောင်း သို့တည်းမဟုတ် ယင်းအချက်များထဲမှ အချက်အချို့ ပေါင်းစပ်ပြီးသော်လည်းကောင်း စည်းလုံးညီညွတ်မှု ပျက်ပြားနေကြပါသလား။

(၆) ပဋိပက္ခ၏ အဓိက အကြောင်းတရားသည် မြေယာ သို့မဟုတ် ရေနံကဲ့သို့သော အရင်းအမြစ်များ ပိုင်ဆိုင်မှုအပေါ် အငြင်းပွားမှုများနှင့် ယဉ်ကျေးမှု သို့မဟုတ် ဘာသာရေး ဓလေ့ထုံးတမ်းများ ကွဲပြားခြားနားမှုများအပေါ် အခြေခံပါသလား။ အရင်းအမြစ်များ ပိုင်ဆိုင်မှုအပေါ် အငြင်းပွားမှုများထက်လည်း ယဉ်ကျေးမှု သို့မဟုတ် ဘာသာရေး ဓလေ့ထုံးတမ်းများ ကွဲပြားခြားနားမှုများ အပေါ် ပိုမို အခြေခံနိုင်ပါသလား။

ထိုကဲ့သို့သော မေးခွန်းများကို မေးမြန်းခြင်းဖြင့် ဖွဲ့စည်းပုံ အခြေခံဥပဒေ ပညာရှင်သည် ၎င်းရင်ဆိုင် ဖြေရှင်းနေရသည့် နိုင်ငံကို အမျိုးအစား ခွဲခြားသတ်မှတ်ခြင်းတွင် တိုးတက်လာလိမ့်မည် ဖြစ်သည်။ အတော်အတန် ရှင်းလင်းသည့် ဥပမာ ၂ ခုကို လေ့လာကြည့်ကြစို့။ အင်အားကောင်းသည့် နိုင်ငံရေးပါတီများ၊ ကောင်းစွာ လည်ပတ်နေသည့် အစိုးရယန္တရား၊ မတူသည့်ဘာသာဝင်များ ရောယှက် နေထိုင်နေကြသည့် နယ်မြေဒေသများရှိသည့် မြောက် အိုင်ယာလန် နိုင်ငံသည် အာဏာလွန်ဆွဲပွဲတွင် ပိတ်မိနေသည်။ ရံဖန်ရံခါ ဆန္ဒပြမှုများနှင့် အကြမ်းဖက်သမားများ၏ တိုက်ခိုက်မှုများလည်း ရှိနေသည်။

သို့သော် ဥပဒေနှင့်အညီ နိုင်ငံရေးပါတီများ  ဖွဲ့စည်းတည်ထောင်ခြင်းနှင့် ပတ်သက်ပြီး လုံးဝမကြားဖူးသော၊ အစိုးရ ပြိုလဲခဲ့သော၊ လူမျိုးစု အုပ်စုများသည်လည်း ယင်းတို့၏ သက်ဆိုင်ရာ နယ်မြေများတွင်သာ သီးခြားနေထိုင်လျက်ရှိပြီး အကြမ်းဖက်မှုများက နေရာအနှံ့ပြန့်နှံ့လျက် နိုင်ငံရေး ဆွေးနွေးမှုများမှာလည်း အရင်းအမြစ်များ ခွဲဝေရေးအပေါ် ယှဉ်ပြိုင်မှုများက လွှမ်းမိုးထားသော (ယနေ့ထိ ကျယ်ပြန့်သည့် အတိုင်းအတာတခုထိ လွှမ်းမိုးလျက်ရှိဆဲ) အာဖဂန်နစ္စတန်နိုင်ငံနှင့် မြောက်အိုင်ယာလန် နိုင်ငံသည် များစွာ ကွဲပြားခြားနားသည်။ နိုင်ငံတနိုင်ငံတွင် အလုပ်ဖြစ်သည့် အစီအမံများသည် အခြားတနိုင်ငံတွင် အလုပ်ဖြစ်ချင်မှ ဖြစ်မည်ဟု အလွယ်တကူ သိမြင်နိုင်သော်လည်း ရောဂါရှာဖွေခြင်းဆိုင်ရာ စမ်းသပ်စစ်ဆေးမှုများကို အသုံးပြုခြင်းသည် ဤနိုင်ငံ ၂ နိုင်ငံတွင် ပဋိပက္ခများ လျော့နည်း ပြေလည်သွားရေးအတွက် မရှိမဖြစ် လိုအပ်သည့် ပထမအဆင့်ဖြစ်ပြီး လိုက်နာဆောင်ရွက်ရမည့်  နည်းလမ်းများ ညွှန်ကြားမှုကိုလည်း ခိုင်မာစေသည်။

ဖွဲ့စည်းပုံ အခြေခံဥပဒေဆိုင်ရာ သမားတော်အနေဖြင့် နာမကျန်းဖြစ်နေသည့် နိုင်ငံအား ပေးနိုင်သည့် ဆေးညွှန်းတွင် အဓိကပါဝင်သည့် ဆေးများမှာ မည်သူများက အုပ်ချုပ်မည်၊ ယင်းတို့အား မည်သို့ ရွေးချယ် တင်မြှောက်မည်ဟူသော ကျယ်ပြန့်သည့် ရွေးချယ်စရာများ ပါဝင်နိုင်သည်။ မည်သူများနှင့် အစိုးရ အုပ်ချုပ်ရေးအဖွဲ့ကို ဖွဲ့စည်းမည်၊ မည်သည့် အာဏာများကို ပေးအပ်ထားမည်၊ လွှတ်တော်သည်  မည်သည့် အခန်းကဏ္ဍမှ ပါဝင်လှုပ်ရှားမည်၊ လွှတ်တော် ကိုယ်စားလှယ်များကို မည်သို့ ရွေးချယ်တင်မြှောက်မည်၊ လွှတ်တော် အမတ်နေရာများအား မည်ကဲ့သို့ ခွဲဝေမည်၊ လွှတ်တော်တွင် အထက်နှင့် အောက် လွှတ်တော် ၂ ရပ် ရှိမည်လား၊ သို့တည်းမဟုတ် တပေါင်းတစည်းထဲ လွှတ်တော် တရပ်သာ ထားရှိမည်လား၊ အစိုးရအာဏာကို မည်သည့် အတိုင်းအတာထိ ဗဟိုဦးစီး ချုပ်ကိုင်မှုဖြင့် ကိုင်စွဲထားမည်နည်း၊ ထူးခြားသည့် ၀ိသေသရှိသည့် ဒေသကြီးများနှင့်  တိုင်းရင်းသား လူနည်းစုများ အနေဖြင့် ကိုယ်ပိုင်အုပ်ချုပ်ခွင့် ရရှိနိုင်မည်လား၊ ကိုယ်ပိုင်အုပ်ချုပ်ခွင့် ရရှိပါက မည်သည့်ပုံစံဖြင့် ဖြစ်မည်နည်း။ ဒီမိုကရေစီ ရှင်သန်ကြီးထွားလာစေရန် အထက်ပါ မေးခွန်းများနှင့် အခြားသော ယဉ်ကျေးမှု ဓလေ့ထုံးတမ်းဆိုင်ရာ မေးခွန်းများကို ဖြေကြားပေးမည့်  ဖွဲ့စည်းပုံ အခြေခံဥပဒေ စည်းမျဉ်းများ ခိုင်မာစွာ ရှိနေရမည် ဖြစ်သည်။

သို့တည်းမဟုတ် လူ့အဖွဲ့အစည်းတခုတွင်  ဖြစ်ပွားနေသည့် ပဋိပက္ခကို ထိန်းချုပ်ရန် အဓိက သော့ချက်မှာ ရွေးကောက်ပွဲများနှင့် အာဏာကို အဆင့်ဆင့် ခွဲဝေပေးထားသည့်  အုပ်ချုပ်ရေး စနစ်အပေါ် မူမတည်ဘဲ၊ တရားစီရင်ရေး အဆောက်အအုံ၊ မြေယာပြုပြင်ရေး အခြေအနေ၊ ပြုပြင်ပြောင်းလဲထားသည့် ပညာရေးစနစ်၊ တရားဥပဒေ စိုးမိုးရေးကို ပိုမိုကောင်းမွန်စွာ ဆောင်ရွက်နိုင်သည့် ရဲတပ်ဖွဲ့များ၊ ထိလွယ်ရှလွယ်ပြီး စိတ်ခံစားမှုများ အကြီးအကျယ် ဖြစ်စေသည့် အမှန်တရား ရှာဖွေဖော်ထုတ်ရေး ကော်မရှင်များ၊ အုပ်စုများအတွင်း ဆက်ဆံရေးကို တိုးတက်ကောင်းမွန်အောင်  ဆောင်ရွက်ပေးနိုင်သည့် အရပ်ဘက် အဖွဲ့အစည်းများ သို့မဟုတ် ယင်းအချက်များအားလုံး ပေါင်းစည်းထားခြင်းမျိုးအပေါ် ပိုမို မူတည်နိုင်လေသည်။ မည်သို့ပင် ဆိုစေကာမူ ကျယ်ပြန့်သည့်  ရွေးချယ်စရာများ ရှိနေဖို့သည် ဖွဲ့စည်းပုံ အခြေခံဥပဒေဆိုင်ရာ ပညာရှင်၏ ဆေးအညွှန်းစာအုပ်အတွက် အရေးအကြီးဆုံး ဖြစ်သည်။

ဖွဲ့စည်းပုံ အခြေခံဥပဒေရေးဆွဲခြင်းကို ဆေးပညာတွင် ဆိုင်ရာ ရောဂါရှာဖွေခြင်း၊ ကုသမှုပေးခြင်းတို့ဖြင့် နှိုင်းယှဉ်ချက်မှ စမ်းသပ်စစ်ဆေး၍ရသည့် အဆိုပြုချက် ၆ ချက် ပေါ်ထွက်လာခဲ့သည်။ ယင်းအချက် ၆ ချက်အပေါ် မူတည်၍လည်း နည်းနာရွေးချယ်ခြင်း လုပ်ငန်းများ ရှေ့သို့ ဆက်လက် လျှောက်လှမ်းနိုင်သည်။ ယင်းတို့မှာ -

(၁) စည်းလုံးညီညွတ်မှု မရှိသည့် (သွေးကွဲနေသည့်) လူ့အဖွဲ့အစည်းများတွင် နိုင်ငံရေးဆိုင်ရာ အင်စတီကျုးရှင်းများ မအောင်မြင်ရခြင်းသည် ပြဿနာရောဂါကို စစ်ဆေးရာတွင် မှားယွင်းသောကြောင့် ဖြစ်သည်။

(၂) ဖွဲ့စည်းပုံ အခြေခံဥပဒေ ကုထုံးများဖြင့် ကုသသည့်အခါတွင်လည်း ဆေးဘက်ဆိုင်ရာ ကုထုံးမှာကဲ့သို့ပင် အရေးပေါ်ကုသမှု၊ နာလန်ထနှင့် ရေရှည်ကျန်းမာရေး ထိန်းသိမ်းစောင့်ရှောက်မှုအစရှိသည့် အဆင့်ဆင့် ကုသမှု နည်းစနစ်အတိုင်း လိုက်နာသင့်သည်။

(၃) နိုင်ငံရေးဆိုင်ရာ စည်းမျဉ်းစည်းကမ်းများသည် တခုနှင့်တခု အပြန်အလှန် သဟဇာတ ဖြစ်ရမည်။

(၄) ဒီမိုကရေစီ အခြေခိုင်မာဖို့ဆိုလျှင် နိုင်ငံတော်လူနာအား မကြာခဏ ပြုလုပ်လေ့ရှိသည့်  ရောဂါ အမြစ်မပြတ်ခင် ကုသခြင်းကို ရပ်ဆိုင်းပစ်ခြင်းမျိုး မပြုလုပ်ရ။

(၅) မတည်မငြိမ်ရှိနေပြီး အန္တရာယ်များ ၀ိုင်းရံနေသည့် နိုင်ငံတနိုင်အတွက် ဖွဲ့စည်းပုံ အခြေခံဥပဒေများ၏ အထောက်အပံ့နှင့်  အကာအကွယ်ကို ရယူရာတွင် အကန့်အသတ်များ  ရှိသည်။

(၆) ဖွံ့ဖြိုးဆဲနိုင်ငံများမှ ပြည်သူများအား ယင်းတို့ ကြိုက်နှစ်သက်သည့် နိုင်ငံရေးဆိုင်ရာ ဥပဒေများ၊ စည်းမျဉ်းများကို ကျင့်သုံးရန် တနေ့တခြားတိုးမြှင့် အကြံပြုနေကြသော အနောက်နိုင်ငံမှ ပညာရှင်များသည် သက်ဆိုင်ရာ နိုင်ငံ၏ ယေဘုယျ အခြေအနေများကို လုံလောက်စွာ ထည့်သွင်းစဉ်းစားခြင်း မပြုဘဲ နေလေ့ရှိသည်။

(၁) ရောဂါရှာဖွေမှု မှားယွင်းခြင်း

နိုင်ငံရေးသိပ္ပံ ပညာရှင်များအကြား လတ်တလော အဓိက အကြိတ်အနယ် ငြင်းခုံဆွေးနွေးနေမှုများအား လေ့လာ သုံးသပ်ကြည့်ခြင်းအားဖြင့် နိုင်ငံတနိုင်ငံ၏ ပကတိအခြေအနေနှင့် နိုင်ငံတွင်း ဒုက္ခဆင်းရဲများကို ဖြစ်စေသည့် အကြောင်းရင်းများကို သိရှိရန် အရေးကြီးပါသည်။ နိုင်ငံရေးသမားတော်များသည် ပဋိပက္ခများကြောင့်  ဆင်းရဲဒုက္ခ ခံစားနေရသည့်  နိုင်ငံများကို အများဆုံး ပေးလေ့ပေးထရှိသည့် ဖွဲ့စည်းပုံ အခြေခံဥပဒေ ကုထုံး၂ မျိုး၏ အားသာချက်၊ အားနည်းချက်များကို (နှိုင်းယှဉ်) ချိန်ထိုးကြည့်နေကြချိန်တွင် အဆိုပါ ဆွေးနွေးငြင်းခုန်မှု ဒီရေသည်လည်း နိမ့်ချည်မြင့်ချည် ဖြစ်လျက်ရှိသည်။ ဖွဲ့စည်းပုံအခြေခံဥပဒေ ကုထုံး ၂ မျိုးအနက် ပထမတမျိုးမှာ အများအားဖြင့် Consociationalism  (အာဏာခွဲဝေမှုစနစ်ကို ကျင့်သုံးပြီး ပူးပေါင်းဆောင်ရွက်ခြင်း) ဟု သိရှိကြသည်။ ဒုတိယ ကုထုံးကိုမူ အစွန်းတရားရှောင် အလယ်အလတ် ဦးစိုက်သည့် မက်လုံးပေးဝါဒ moderation-focused incentivism ဟု ခေါ်ဆိုနိုင်သည်။ အဆိုပါ ကုထုံး ၂ မျိုးအနက် တမျိုးမဟုတ် တမျိုးကို ထောက်ခံ အားပေးသူများအကြား ဆွေးနွေးဖလှယ်မှုများသည် အစိုးရနှင့် ဒီမိုကရေစီ အသွင်ကူးပြောင်းရေးများကို နှိုင်းယှဉ်လေ့လာမှု ပညာရပ်၏ အဓိက အစိတ်အပိုင်း တခုဖြစ်လာခဲ့သည်။ နှစ်ဘက်စလုံးတွင် ထင်ရှားသည့် ပညာရှင်များ ပါဝင်ကြသည်။ ဤနေရာတွင် ကျွန်ုပ်တို့ကို ယင်းကုထုံး ၂ မျိုး၏ အသေးစိတ်  အချက်အလက်များနှင့် ယင်းတို့၏ အငြင်းပွားစရာ အချက်များအကြောင်း ဆွေးနွေးခြင်းဖြင့် အချိန်ကုန်ခံရန် မလိုအပ်ပေ။ မှတ်သားရမည်မှာ ယင်းကုထုံး ၂ မျိုးအနက် တမျိုးကို အသုံးမချမီတွင် မည်သည့်အရာများက နိုင်ငံတနိုင်ကို ပဋိပက္ခများ ဖြစ်ပေါ်အောင် လုပ်ဆောင်နေသနည်း ဆိုသည်ကို အတိအကျ သိရှိရန်မှာ အရေးကြီးသည့်အချက် ဖြစ်သည်။

Consociationalism သည် ရန်ဘက်အုပ်စုများအကြား သဘောတူညီချက် ရရှိရန် မျှော်လင့်ချက် ကင်းမဲ့နေသည့် သွေးကွဲနေကြသော လူ့အဖွဲ့အစည်းများတွင် ပဋိပက္ခများ လျော့နည်းသွားအောင် ဆောင်ရွက်သည့် ထိရောက်သည့် နည်းလမ်းများကို ပေးအပ်နိုင်သည်။ သို့သော် ယင်းသည် အုပ်စုများအကြား သွေးကွဲနေမှုများကို ပိုမိုခိုင်မာလာစေပြီး သဘောတူညီချက် ရရှိရန် အလားအလာရှိသည့် နိုင်ငံတနိုင်ငံကို ကပ်ဘေးအန္တရာယ်လည်း ကျရောက်အောင် ပြုလုပ်နိုင်သည်။ တနည်းဆိုသော် Consociationalism သည် အချို့သော ဝေဒနာရှင်များကို ပိုမို နာမကျန်းဖြစ်အောင် ပြုလုပ်နိုင်သည့် အပြင်းစား (ဓာတ်ကြမ်းတိုက်) ကုထုံးဖြစ်သည်။ ထို့အတွက်ကြောင့် တခြား အပျော့စား ကုထုံးများဖြင့် ကုသ၍မရသည့်  မျှော်လင့်ချက် ကင်းမဲ့နေသည့်  ရောဂါအခြေအနေမျိုးတွင်သာ ယင်းကုထုံးဖြင့်  ကုသသင့်သည်။

Consociationalism ကုထုံးကဲ့သို့ပင် အစွန်းရောက်မှုများ လျော့နည်းသွားစေရန် မက်လုံးများ ပေးသည့် ကုထုံးများသည်လည်း အန္တရာယ်ရှိနိုင်သည်။ သို့မဟုတ် နည်းလမ်းများစွာဖြင့် အခြေအနေများ လွဲမှားနေခဲ့လျှင် ပေးသည့်  မက်လုံးများသည် အလုပ်မဖြစ်ဘဲ နိုင်ငံသည်လည်း အုပ်စုတစု သို့မဟုတ် ဒေသတခုက အလွန်လွယ်ကူစွာ လွှမ်းမိုးထားနိုင်သည့် ဖွဲ့စည်းပုံအခြေခံ စည်းမျဉ်းများဖြင့် ကျန်ခဲ့နိုင်လေသည်။ အတင်းအကျပ် သဘောတူညီချက် ရရှိအောင် ပြုလုပ်ခြင်းနှင့်  ကွဲပြားခြားနားသော်လည်း အကျိုးဖြစ်ထွန်းစေသည့် အတွေးအခေါ် အယူအဆများ မရှိခြင်းကြောင့် ပဋိပက္ခ ဆိတ်သုဉ်းရေး တိုးတက်ဖြစ်ပေါ်မှုကို အနည်းဆုံးအားဖြင့် ထိခိုက်စေနိုင်သည်။ အဆိုးဆုံးမှာ လူများစု၏ အာဏာရှင်စနစ်သည် တိုင်းပြည်အတွက် ပြဿနာဖြစ်လာခြင်း ဖြစ်သည်။ အရေးကြီးဆုံးမှာ ဖွဲ့စည်းပုံ အခြေခံဥပဒေ ကုထုံးကို  အသုံးချတော့မည့် အချိန်တွင် နိုင်ငံ၏ အခြေအနေများကို မှန်ကန်စွာ သုံးသပ်နိုင်ခြင်းသည်  ဤကျယ်ပြန့်သည့်  ကုထုံး ၂ မျိုးထဲမှ ၁ မျိုးကို ရွေးချယ်မှု၏ အဓိက သော့ချက်ဖြစ်သည်။

မှားယွင်းစွာ ရောဂါရှာဖွေမှုကြောင့် ရောဂါနှင့် မအပ်စပ်သည့် ဆေးညွှန်းအမှားကို ပေးတတ်ကြသည်။ သို့သော် ထိုသို့ ရောဂါရှာဖွေမှု မှားခြင်းသည် အဘယ်ကြောင့် ဖြစ်လေ့ဖြစ်ထရှိသည့် အရာတခု ဖြစ်နေရသနည်း ဆိုသည်ကို ရောဂါလက္ခဏာများကို လေ့လာကြည့်ခြင်းဖြင့် သိရှိနိုင်သည်။ ရောဂါဖြစ်စေသည့် အခြေခံအကြောင်းရင်းများ  ကွဲပြားခြားနား ကြသော်လည်း (ဥပမာ အစိုးရပြိုလဲသွားခြင်း၊ လူမျိုးစုများအတွင်း ဖြစ်ပွားသည့် ပဋိပက္ခ) ရောဂါ လက္ခဏာများသည် ဆင်တူယိုးမှား ရှိကြသည်။ အာဖဂန်နစ္စတန် နိုင်ငံအတွင်း ဖြစ်ပေါ်နေသည့် တင်းမာမှုများ၏ အခြေခံ အကြောင်းရင်းသည်  မျိုးဆက်ပေါင်းများစွာ အမွေဆက်ခံခဲ့သည့် လူမျိုးစုနှင့် ဘာသာစကား ကွဲပြားခြားနားမှုအပေါ် အခြေခံခြင်းလား၊ သို့တည်းမဟုတ် သက်ဆိုင်ရာ နယ်မြေဒေသများကို ထိန်းချုပ်ထားကြသည့် စစ်ဘုရင်များ၏ အရင်းအမြစ်များ ခွဲဝေမှုနှင့် အာဏာပြိုင်ပွဲများဖြင့် ပိုမိုသက်ဆိုင်သည်လား။ မြောက် အိုင်ယာလန် နိုင်ငံတွင် ပါဝင်သည့် နယ်မြေဒေသ ၆ ခု၏ အခြေခံ ပြဿနာသည် ရိုမန်ကက်သလစ် ကိုးကွယ်သည့် ဘာသာဝင်များ၏ မလုံခြုံမှုနှင့် ပရိုတက်စတင့် ဘာသာဝင်များ၏ ဘာသာရေး သည်းခံမှု မရှိခြင်းကြောင့်လား၊ သို့တည်းမဟုတ် ဘာသာရေး အခြေခံ စီးပွားရေးအရ မညီမျှမှုကြောင့်လား။

အာဖရိကတိုက် အလယ်ပိုင်းတွင် တည်ရှိသည့် မာလာဝီ နိုင်ငံငယ်လေးသည် ရောဂါ မှားယွင်းစွာ ရှာဖွေမှု၏ ထင်ရှားသည့် သာဓကတခုဖြစ်သည်။ ၁၉၉၄ ခုနှစ်တွင် မာလာဝီနိုင်ငံကို နှစ်ပေါင်းများစွာ အုပ်စိုးနေသည့် အာဏာရှင် ဟေစ်တင်း ကူမူဇ် ဘန်ဒါ (Hastin Kumuz Banda) သည်  ပြည်တွင်းနှင့် နိုင်ငံတကာ၏ ဖိအားပေးမှုများကြောင့်  ပါတီစုံ ရွေးကောက်ပွဲများ  ကျင်းပရန် သဘောတူခဲ့ရပြီး ရွေးကောက်ပွဲ ကျင်းပမည့် နေ့ရက်များကို သတ်မှတ်ပေးခဲ့ရသည်။ အတိုက်အခံ နိုင်ငံရေးသမားများ၊ ဓနသဟာယနှင့် ဥရောပသမဂ္ဂ အဖွဲ့ဝင် အလှူရှင်နိုင်ငံများသည် မာလာဝီနိုင်ငံတွင် ဖြစ်ပေါ်နေသည့် အခြေအနေများကို ဘန်ဒါနှင့် တနိုင်ငံလုံး၊ အာဏာရှင်နှင့် ဒီမိုကရက်များ၊ လူဟောင်းနှင့် လူသစ်များအကြား ဖြစ်ပွားနေသည့် ပြဿနာဟု အလွန်ရိုးစင်းစွာ ရှုမြင်ခဲ့ကြသည်။

တိုင်းရင်းသား လူမျိုးစုများ တဖြည်းဖြည်းခြင်း အတူတကွ ရောနှောနေထိုင်လာခြင်းနှင့် အပြန်အလှန် လက်ထပ် ထိမ်းမြားခြင်းများက Identity politics ဟု ခေါ်ဆိုသည့် ကိုးကွယ်သည့်ဘာသာ၊ လူမျိုး၊ ကျား၊ မနှင့် ဒေသ အစရှိသည့် အခြေခံတူအုပ်စုများ နိုင်ငံရေးကို  မထင်မရှား ခြိမ်းခြောက်မှုတခု အနေဖြင့်သာ အများဆုံး ယူဆခဲ့ကြသည်။ ဗြိတိသျှ ကိုလိုနီ ဖြစ်ခဲ့သည့် မာလာဝီနိုင်ငံသည် ဗြိတိန်နိုင်ငံတွင် ကျင့်သုံးသည့်  Westminster-style Majoritarianism  ဟုခေါ်သည့် (တမဲဖြင့် ကပ်နိုင်စေကာမူ) မဲများသူ အနိုင်ရသော ရွေးကောက်တင်မြှောက်သည့်စနစ်နှင့် တန်ခိုးအာဏာထွားသည့် သမ္မတစနစ်ကို မာလာဝီက ဆက်လက် ကျင့်သုံးခဲ့သော်လည်း မည်သူကမျှ စိုးရိမ်ပူပန်မှု မဖြစ်ခဲ့ချေ။ အပေါ်ယံလွှာ အောက်တည့်တည့်တွင် ခိုအောင်းနေသည့် အရာမှာ ယခင် အကွဲအပြဲဟောင်းများ အတိုင်း ဆက်လက် ဖြစ်ပွားနေသော်လည်း ပုံစံအသစ်ဖြင့် ခြိမ်းခြောက်နေသော အခြေခံတူ အုပ်စုများ၏ နိုင်ငံရေးပင် ဖြစ်သည်။

ဤသတိမမူခဲ့မိသည့်  အန္တရာယ်မှာ ဒေသစွဲဝါဒပင် ဖြစ်လေသည်။ ရာစုနှစ်ပေါင်းများစွာ ဒေသခံတိုင်းရင်းသား အချင်းချင်းအကြား ဖြစ်ပွားခဲ့သည့် ပဋိပက္ခ၊ ကိုလိုနီစနစ်၊ ခရစ်ယာန်ဘာသာ ပြန့်ပွားရေး ဆောင်ရွက်နေသည့် ခရစ်ယာန်ဘုန်းကြီးများနှင့် ဘန်ဒါ၏ အနှစ် သုံးဆယ် အုပ်စိုးမှုတို့ ပေါင်းစပ်လိုက်သည့် အခါတွင် မာလာဝီနိုင်ငံ အလယ်ပိုင်း ဒေသသားများက ထိပ်ဆုံးနေရာတွင် ရှိနေပြီး တောင်ပိုင်းသားများက ဒုတိယလွှာနှင့် မြောက်ပိုင်းသားများက တတိယလွှာတွင် ရှိနေကြသည်။

၁၉၉၄ ခုနှစ်တွင် ကျင်းပခဲ့သည့် ရွေးကောက်ပွဲများနှင့် ၅ နှစ်အကြာ ၁၉၉၉ ခုနှစ်တွင် ကျင်းပခဲ့သည့် ရွေးကောက်ပွဲများမှာလည်း မဲစုစုပေါင်း၏ ၉၉ ရာခိုင်နှုန်းသော မဲများကို ပါတီသုံးခုက ခွဲဝေယူသွားကြသည်။  ယင်းပါတီ သုံးခုစလုံးသည် နိုင်ငံ၏ မတူသည့် ဒေသအသီးသီးတွင် အခြေစိုက်ထားကြသည်။ သမိုင်းက မာလာဝီနိုင်ငံအတွက် ဒေသအပေါ် အခြေခံသည့် နိုင်ငံရေးစနစ်ကို ဖန်တီးပေးခဲ့သည်။ ယင်းကို မှားယွင်းစွာ သုံးသပ်ပြီး ရေးဆွဲခဲ့သည့်  ဖွဲ့စည်းပုံအခြေခံ ဥပဒေက ပိုမို ကွဲပြဲအောင် ပြုလုပ်ပေးလိုက်ပြီး မြောက်ပိုင်းနှင့် တောင်ပိုင်း ဒေသများသည် နိုင်ငံတော်အာဏာ မရရှိနိုင် ဖြစ်နေသည်။ ယနေ့အခါတွင် မာလာဝီနိုင်ငံသည် ဒါဏ်ရာ အနာတရများ ရရှိအောင် ပြုလုပ်ခဲ့သည့် ဖွဲ့စည်းပုံအခြေခံ ဥပဒေ ကျဆုံးမှုနှင့် နိုင်ငံရေး အကွဲအပြဲများကို ပြေလည်အောင် ရုန်းကန်လှုပ်ရှားနေရသည်။ ထိုသို့ဖြစ်ရခြင်းမှာ မာလာဝီနိုင်ငံ၏ ဖွဲ့စည်းပုံ အခြေခံဥပဒေပါ နိုင်ငံရေးစည်းမျဉ်းများသည် တိုင်းပြည်ကို ဆိုးရွားစွာ ကွဲပြဲစေသည့် ဒေသဆိုင်ရာ အကွဲအပြဲများ လျော့နည်းသွားအောင် မည်သို့မျှ မဆောင်ရွက်နိုင်သောကြောင့် ဖြစ်သည်။

(၂) အရေးပေါ် ဆေးဝါးကုသမှုနှင့် နာလန်ထ ပြုစုစောက်ရှောက်မှု

နိုင်ငံရေးဆိုင်ရာ စည်းမျဉ်းများ ရေးဆွဲခြင်းသည် နာမကျန်းဖြစ်နေသည့် လူနာကို ကုသမှု ပေးသကဲ့သို့ပင် အချိန်ကာလများ ခွဲခြားသတ်မှတ်ရန် လိုအပ်သည့် ကိစ္စတခုဖြစ်သည်။ သမားတော်တဦးအတွက်  ရောဂါ၏ ပြင်းထန်မှုနှင့် ရောဂါအခြေအနေ အဆင့်ဆင့်အတွက် မတူသည့်ကုသမှု အမျိုးမျိုးပေးရန် လိုအပ်သည်ဆိုသည်ကို  ကောင်းစွာ သိရှိနိုင်သော်လည်း နိုင်ငံရေး သမားတော်များသည် ထိုဆေးပညာဆိုင်ရာ အခြေခံ သဘောတရားကို သဘောမပေါက်ကြသည်မှာ အံ့သြဖွယ် ကောင်းသည်။ ပို၍အတိအကျ ပြောရလျှင် အရေးပေါ် အခြေအနေတွင် အသက်ကယ်ရန် ပေးသည့် ဆေးဝါးကုထုံးသည်  ရေရှည် ပျောက်ကင်းအောင် ကုသရန်အတွက် အဆင်မပြေနိုင် ဆိုသည့်အချက်ကို ဖွဲ့စည်းပုံ အခြေခံဥပဒေ ကုထုံးပေးကြသည့် သမားတော်များသည် မမြင်နိုင်၊ သို့မဟုတ် လက်မခံလိုကြချေ။

ပြောရလျှင် ၁၉၉၅ ခုနှစ်တွင် ဘော့စနီးယားနိုင်ငံ၊ ၁၉၉၆ ခုနှစ်တွင် ဆယ်ရာလီယွန်နိုင်ငံနှင့် ၂၀၀၂ ခုနှစ်တွင် အာဖဂန်နစ္စတန် နိုင်ငံတို့တွင် ဆွေးနွေးညှိနှိုင်းပြီး၊ သို့တည်းမဟုတ် အတင်းအကျပ် ချမှတ်ပေးခဲ့သည့် ဖွဲ့စည်းပုံ အခြေခံဥပဒေများသည် ရှေးဦးသူနာပြုစုနည်းများ ဖြစ်ကြသည်။ ယင်းတို့၏ ရည်မှန်းချက်သည် လူနာအား စစ်မြေပြင်တွင် သွေးတိတ်အောင် ပြုလုပ်ပေးပြီး အသက်ရှင်အောင် ထားခြင်းမျိုး ဖြစ်သည်။ ယင်းနောက်တွင် အရေးပေါ် ကုသမှု လိုက်လာမည် ဖြစ်သည်။ ယင်းကုသမှုတွင် နိုင်ငံတကာ၏ ထောက်ပံ့ကူညီမှုများဖြင့် အာဏာခွဲဝေခြင်း၊ ဒေသန္တရ အုပ်ချုပ်စီမံမှု၊ မတူညီသည့် အတိုင်းအတာများဖြင့် လူနည်းစု ကိုယ်ပိုင်အုပ်ချုပ်ခွင့် (ဥပမာ – တောင်အာဖရိကနှင့် ကိုဆိုဗိုနိုင်ငံများ) နှင့် ခွဲထွက်ခွင့်များ (အရှေ့ တီမောနိုင်ငံ) အစရှိသည့် စည်းမျဉ်းများ ဥပဒေများ ပါဝင်သည်။

အဆိုပါ ကုသမှု ပြီးသည့်အခါတွင် နာလန်ထနှင့် ရေရှည် ကျန်းမာရေး ပြုစုစောင့်ရှောက်မှုတို့ လိုအပ်လာသည်။ နိုင်ငံရေးတွင် ရေရှည် တည်တံ့ခိုင်မြဲသည့် ဒီမိုကရေစီ အခြေခိုင်မာမှုကို မြှင့်တင်ပေးမည့် စည်းမျဉ်းများကို ပြန်လည် ပြင်ဆင်ခြင်း၊ ပြန်လည် ရေးဆွဲခြင်းကဲ့သို့သော ဆောင်ရွက်ချက်များကဲ့သို့ ထို့နောက်ပိုင်း ကုသမှုအဆင့်များ ပါဝင်သင့်သည်။ သို့သော် ထိုကဲ့သို့သော ဆက်လက် ဆောင်ရွက်သင့်သည်များကို ပညာရှင်များ အနေဖြင့် ဆွေးနွေးခြင်းသည် နှိုင်းယှဉ်ကြည့်ပါက အင်မတန် နည်းပါးသည်ကို တွေ့နိုင်သည်။ လက်တွေ့တွင်လည်း မဆောင်ရွက်ကြသည်ကို တွေ့ရှိရသည်။ ကံအားလျော်စွာပင် ပထမအဆင့် စည်းမျဉ်းများသည် နောက်ဆက်တွဲ ပြုပြင်ပြောင်းလဲရေးနှင့် တိုးတက်မှုအတွက် အဟန့်အတားများ ဖြစ်လာကြသည်ကို တွေ့ရှိရသည်။

ဤအချက်ကို နိုင်ငံ ၂ နိုင်ငံက မတူညီသည့် အတိုင်းအတာများဖြင့် သက်သေပြခဲ့ကြသည်။ ၁၉၉၄ ခုနှစ်တွင် တောင်အာဖရိကနိုင်ငံ၌ ဖွဲ့စည်းပုံ အခြေခံဥပဒေ ရေးဆွဲရေး ညီလာခံအတွက် ရွေးကောက်ပွဲများ ကျင်းပသည့်အခါ လက်တွေ့လိုအပ်ချက်နှင့် နိုင်ငံရေး ပကတိ အခြေအနေများကြောင့် အချိုးကျ ကိုယ်စားပြု ရွေးကောက်ပွဲ (Proportional  Representation – PR) နှင့် ကိုယ်စားလှယ်လောင်း အမည်စာရင်းကို ထုတ်ဖော်မပြသည့် စနစ်များကို ကျင့်သုံးခဲ့သည်။ ဤအစီအမံသည် ၀ါဒရေးရာ၊ လူမျိုးရေး၊ ဘာသာစကားနှင့် ကျားမခွဲခြားမှု Gender အရ ကိုယ်စားပြုမှု (Representativeness) နှင့် ပါဝင်မှု (Participation) ကို အများဆုံး မြှင့်တင်ပေးနိုင်ခဲ့သည်။

ယင်းသို့ မြှင့်တင်ခြင်းသည်လည်း အသားအရောင် ခွဲခြားသည့် လူဖြူအစိုးရ အုပ်ချုပ်မှုအပြီး အစောပိုင်း ကာလများအတွက် အရေးကြီးဆုံး ရည်မှန်းချက်ပန်းတိုင် ဖြစ်သည်။ သို့သော်လည်း  ရွေးကောက်ခံ ကိုယ်စားလှယ်များနှင့် မဲဆန္ဒရှင်များ၏ ဆက်ဆံရေးသည် တိုက်ရိုက် မဟုတ်ဘဲ တဆင့်ခံ ဖြစ်နေသည်။ ရွေးကောက်ပွဲစနစ်အရ မဲဆန္ဒရှင်များ အနေဖြင့် ပါတီကိုသာ မဲပေးခြင်းဖြစ်ပြီး ကိုယ်စားလှယ်လောင်းအဖြစ် အရွေးချယ်ခံရရန်မှာ ပါတီခေါင်းဆောင်များ အပေါ်တွင်သာ မူတည်နေသည်။ ထိုအခါ အမတ်များအနေဖြင့် ပါတီခေါင်းဆောင်များကိုသာ ကြည့်ရန်လိုပြီး မဲဆန္ဒရှင်များအပေါ် အမတ်များ၏ တာဝန်ခံမှုသည် အားနည်းသွားသည်။ ယင်းအတွက် ပြည်သူများအနေဖြင့် များစွာ ပေးဆပ်ရသည်။

၁၉၉၄ ခုနှစ်နှင့် ၁၉၉၉ ခုနှစ် ရွှေးကောက်ပွဲ ၂ ကြိမ်စလုံးတွင် တောင်အာဖရိကနိုင်ငံမှ မဲဆန္ဒရှင်တဦးသည် သူ၏ရပ်ရွာ သို့မဟုတ် မြို့ (တိုင်းဒေသကြီး အဆင့်အောက်) အတွက် ကိုယ်စားပြုသည့် ကိုယ်စားလှယ်လောင်းကို အမည်နာမ အတိအကျဖြင့် မရွေးချယ်နိုင်ချေ။ ထို့အတူ ပါတီတခုအတွင်းမှ ကိုယ်စားလှယ်လောင်းများကိုပင်  ခွဲခြားပြီး ရွေးချယ်နိုင်သည့် အခွင့်အာဏာ မရှိခဲ့ပေ။ အသွင်ကူးပြောင်းရေးကာလ ၁၀ နှစ်တာ ကြာပြီးသည့်အခါတွင်မူ  ဒေသခံပြည်သူ မဲဆန္ဒရှင်များအပေါ် တာဝန်ခံမှုကို မြှင့်တင်ရန်အတွက် ပြုပြင်ပြောင်းလဲရေးများ လုပ်ရန် လိုအပ်ကြောင်းကို အများသဘောတူ လက်ခံလာကြသည်။ သို့သော် အာဏာရ အာဖရိကန် အမျိုးသား ကွန်ဂရက်ပါတီမှ နိုင်ငံရေးသမားများ အပါအ၀င် လက်ရှိ ရွေးကောက်ပွဲစနစ်မှ အကျိုးအမြတ် ဖြစ်ထွန်းနေသူများအား ကျော်လွှားရန် မလွယ်ကူကြောင်း သက်သေပြခဲ့သည်။ အရေးပေါ်ကာလတွင် ဒီမိုကရေစီ၏ အနှစ်သာရကို ကောင်းစွာ ဖော်ဆောင်နိုင်ခဲ့သည့် ရွေးကောက်ပွဲစနစ်သည် ယခုအခါတွင် ပြည်သူလူထု၏ ပါဝင်မှုနှင့် ပြည်သူလူထုအား တာဝန်ခံမှုကို အနှောင့်အယှက်ပေးသည့် အရာဖြစ်လာသည်။ ထိုအတွက်ကြောင့် ဒီမိုကရေစီ အခြေခိုင်မာရေးအတွက်လည်း အနှောင့်အယှက် ဖြစ်နေသည်။

ဘော့စနီးယားနိုင်ငံ အရေးတွင် ဖွဲ့စည်းပုံ အခြေခံဥပဒေ အရေးပေါ် ရှေးဦးသူနာပြုနည်းနှင့် ရေရှည် ကျန်းမာရေး စောက်ရှောက်မှုတို့အကြား အဆက်ပြတ်နေမှုကို ပိုမိုသိသာ ထင်ရှားစေသည်။ ၁၉၉၅ ခုနှစ် နိုဝင်ဘာလတွင် ချုပ်ဆိုခဲ့သည့်  ဒေတန် သဘောတူစာချုပ်သည် ၁၉၉၂ ခုနှစ်ကစပြီး ယခင် ယူဂိုဆလားဗီးယားနိုင်ငံ ဘော့စနီးယား-ဟာဇီဂိုဗီနား ဒေသတွင်  ဖြစ်ပွားနေသည့် ပြည်တွင်းစစ်ကို အဆုံးသတ်နိုင်ခဲ့သည်။ ဤစစ်ပွဲကြောင့် လူပေါင်း ၁ သိန်းကျော်  သေကြေပျက်စီးခဲ့ရပြီး ဘော့စနီးယားလူမျိုး အားလုံး၏ ထက်ဝက်နီးပါးကိုလည်း အိုးမဲ့အိမ်မဲ့ ဖြစ်စေခဲ့သည်။ သို့သော်လည်း အမေရိကန် ပြည်ထောင်စု အိုဟိုင်းယိုးပြည်နယ် ဒေတန်မြို့တွင် ငြိမ်းချမ်းရေးအတွက် ပေါက်ဖွားခဲ့သည့် မျှော်လင့်ချက်များသည် နိုင်ငံရေးအဆောက်အအုံများ အပေါ်တွင် တည်မှီနေခဲ့သည်။ ယင်း အဆောက်အအုံများသည် ဘော့စနီးယား နိုင်ငံရေးကို လူမျိုးစုအပေါ် အခြေခံစေပြီး အဆိုပါဒေသရှိ ပြည်သူများကိုလည်း နိုင်ငံရေးအရ လည်းကောင်း၊ နယ်မြေဒေသအလိုက် လည်းကောင်း ခွဲခြားသတ်မှတ်ထားသည်။ လူမျိုးစုအားလုံးကို  မဲဆွယ်စည်းရုံးရန် ဆန္ဒလည်းရှိ၊ အရည်အချင်းလည်းရှိသည့် အစွန်းမရောက်သည့် အလယ်အလတ်လမ်းစဉ် ကျင့်သုံးသည့် ပါတီများ ပေါ်ထွန်းရန် နေရာ လုံးဝ မရှိဖြစ်ခဲ့သည်။

ဤစာချုပ်အရ ဘော့စနီးယားနိုင်ငံကို ဆာဘ့်လူမျိုး အများစု နေထိုင်သည့် Republicka Srpska နှင့် နိုင်ငံအကျယ်အ၀န်း စုစုပေါင်း၏ ၅၁ ရာခိုင်နှုန်းရှိပြီး ကက်သလစ် ခရိုအတ် (Catholic Croats) လူမျိုးများနှင့် မွတ်စလင် ဘော့စနီးယက် (Muslim Bosniaks) လူမျိုးများ နေထိုင်သည့် နယ်မြေဖယ်ဒရေးရှင်းဟု ၂ ပိုင်း ပိုင်းခြားလိုက်သည်။

အမျိုးသားလွှတ်တော်တွင် အထက်လွှတ်တော်ရှိပြီး လူမျိုးစုတခုစီမှ အမတ် ၅ ဦးစီဖြင့် ဖွဲ့စည်းထားသည်။ အမတ်နေရာ ၂၈ နေရာဖြင့် ဖွဲ့စည်းထားသည့် အောက်လွှတ်တော်တွင်မူ တ၀က်ကို ဖယ်ဒရေးရှင်းမှ ရွေးချယ်တင်မြှောက်ပြီး ကျန်တ၀က်ကို Republicka Srpska မှ ရွေးချယ်သည်။ နိုင်ငံတော် သမ္မတရာထူးကို သမ္မတ ၃ ဦးဖြင့် ဖွဲ့စည်းထားပြီး ဆာဘ့်များက ၁ ဦး၊ ခရိုအတ်များက ၁ ဦး၊ မွတ်စလင်များက ၁ ဦး ရွေးချယ်သည်။ အုပ်စုတိုင်းတွင် ဗီတိုအာဏာရှိပြီး မိမိလူမျိုးများ၏ အဓိက အကျိုးစီးပွားကို  ထိခိုက်မည်ဟု ထင်သည့်  ဥပဒေကြမ်းအားလုံးကို ပယ်ချနိုင်သည်။ ဗဟိုအစိုးရသည် နှိုင်းယှဉ်ကြည့်ပါက အာဏာမရှိဘဲ နိုင်ငံခြားရေးနှင့် ကုန်သွယ်ရေး ကိစ္စများတွင်သာ အာဏာကို သုံးနိုင်သည်။ အာဏာကို အဓိက ကိုင်စွဲထားသူများမှာ ဖယ်ဒရေးရှင်းနှင့် ရီပတ်ဗလစ်တို့၏ လွှတ်တော်များ ဖြစ်သည်။ ထိုလွှတ်တော် ၂ ရပ်သည်လည်း ဘော့စနီးယား တနိုင်ငံလုံးရှိ မဲဆန္ဒရှင်များ၏ လိုလားချက်များကို ဖြည့်ဆည်း တုန့်ပြန်မည် မဟုတ်ချေ။ အာဏာကို ဗဟိုမှသည် အောက်ခြေသို့ အဆင့်ဆင့် ခွဲဝေပေးထားသည့် ဘော့စနီးယားအစိုးရ၏ အာဏာကို အဆင့်တိုင်းတွင် အပြန်အလှန် ထိန်းညှိထားခြင်းခံရသည်။ အမှန်စင်စစ်တော့ ဘော့စနီးယားရှိ လူမျိုးစုများကို သက်ဆိုင်ရာ အုပ်စုအလိုက် ပိုင်းခြားထားသည့် စနစ်ဖြစ်သည်။ ဒေတန် သဘောတူညီချက်အရ ရေးဆွဲထားသည့် ဖွဲ့စည်းပုံ အခြေခံဥပဒေ အောက်တွင် ကျင်းပသည့် ရွေးကောက်ပွဲများသည် အမှန်တွင် သက်ဆိုင်ရာ လူမျိုးစုများ၏ လူဦးရေ သန်းခေါင်စာရင်း ကောက်ခံခြင်းသာ ဖြစ်သည်။

မျှမျှတတပြောရလျှင် လူမျိုးစုများအကြား အုပ်စုပိုကွဲသွားစေသည့် အဆိုပါ Consociational ဖွဲ့စည်းပုံ အခြေခံဥပဒေသည် ပဋိပက္ခဖြစ်ပွားနေသည့် ဘော့စနီးယား နိုင်ငံအတွက် ဒေတန် သဘောတူညီချက် စာချုပ်ပေါ်တွင် လက်မှတ်များ ရေးထိုးရန်နှင့် သွေးချောင်းစီးမှုကို ရပ်တန့်ရန် လိုကောင်းလိုအပ်နိုင်ခဲ့သည်။ သို့သော်ငြားလည်း လွန်ခဲ့သည့် ဆယ်နှစ်ခန့်က သေရေးရှင်ရေး လိုအပ်နေပြီး ချက်ခြင်းလက်ငင်း အကျိုးရလဒ်များအပေါ် ဦးစိုက်ခဲ့မှုသည် လူမျိုးစု နိုင်ငံရေးကို ဦးစားပေးမှုနှင့် လူမျိုးစုများအကြား အုပ်စုကွဲမှုကို ပိုမိုခိုင်မာစေခဲ့သည် ဆိုသည်ကိုမူ ငြင်းချက်မထုတ်နိုင်ပေ။ ထိုသို့ လူမျိုးစုနိုင်ငံရေး ပေါ်ပေါက်လာခြင်းသည် လူမျိုးစုများအကြား ပေါင်းစည်းရေး နှင့် ဒီမိုကရေစီ အခြေခိုင်မာရေးအတွက် ရေရှည် အလားအလာများအပေါ် ၀န်ခံရလျှင် မလှပသည့် အဟန့်အတားများကို ပိုမိုဖန်တီးပေးခဲ့သည်။ အုပ်စုများအကြား လူမျိုးရေးအခြေခံ မဲဆွယ်စည်းရုံးမှုများ  လျော့နည်းသွားစေရန်နှင့် အတူတကွ ပူးပေါင်းဆောင်ရွက်မှုများ ဖြစ်ပေါ်လာစေရန် ဒေတန် သဘောတူစာချုပ်အနေဖြင့် အကြောင်းပြချက် မပေးနိုင်ခဲ့ချေ။

ထို့အတူ ကုလသမဂ္ဂ မဟာမင်းကြီး (UN High Representative) သည်လည်း နဂိုမူလ ငြိမ်းချမ်းရေး အစီအစဉ်က ဘယ်သောအခါမှ ထည့်သွင်း မျှော်မှန်းမထားသည့် ဆောင်ရွက်မှုဖြင့် လစ်ဟင်းနေသည့် အာဏာကွက်လပ်ကို ဖြည့်ဆည်းရန် ကြိုးပမ်းခဲ့သည်။ ၁၉၉၆ နှင့် ၁၉၉၉ ခုနှစ်များတွင် ကျင်းပခဲ့ကြသည့် ရွေးကောက်ပွဲများတွင် မျှော်လင့်ထားသကဲ့သို့ပင် ပါတီအားလုံးတို့သည်  ရန်လိုပြီး ပိုမိုအုပ်စုကွဲပြားစေသည့် လူမျိုးစု အသိုင်းအ၀န်းနှင့်  မတူညီမှုအပေါ် အခြေခံ၍ မဲဆွယ်စည်းရုံးကြသည်။ ၂၀၀၂ ခုနှစ်တွင် ကျင်းပခဲ့သည့် ရွေးကောက်ပွဲများတွင်မူ ပိုမိုအစွန်းရောက်သည့် အမျိုးသားရေးဝါဒ အခြေခံ ဘော့စနီးယက်နှင့် ဆာဘ့်ပါတီများဘက် အလေးသာခဲ့သည်ကို တွေ့ရှိခဲ့ရသည်။ မည်သည့် ဖွဲ့စည်းပုံ အခြေခံဥပဒေကမှ ဤမျှလောက်  အုပ်စုများ အထင်ကရ ကွဲနေကြသည့်  ဘော့စနီးယား နိုင်ငံတွင် တိုင်းရင်းသား လူမျိုးပေါင်းစုံ၏ နိုင်ငံတော်တခု ထူထောင်ရန်အတွက် အာမခံချက် ပေးနိုင်လိမ့်မည်မဟုတ်ဟု တချို့က ငြင်းချက်ထုတ်နိုင်သည်။ သို့သော်လည်း ဖွဲ့စည်းပုံ အခြေခံဥပဒေ စည်းမျည်းများကို မပြင်မချင်း လူမျိုးစုများအား အုပ်စုကွဲသွားရန် ၀တ်ဆင်ပေးထားသည့် ကိုယ်ကျပ်အင်္ကျီမှ လွတ်မြောက်ရန် ဘော့စနီးယား နိုင်ငံသားများအတွက် မျှော်လင့်ချက် မရှိချေ။ ကိုယ်စားလှယ်လောင်းများကို ဦးစားပေးအဆင့်များ သတ်မှတ် ရွေးချယ်စေသည့် ဆန်းသစ်တီထွင်ထားသော ရွေးကောက်ပွဲစနစ်များ (Preference voting) နှင့် ဒေသတခုတည်းကို အခြေမခံဘဲ ဒေသအများအပြားရှိ မဲဆန္ဒရှင်များ လိုလားတောင့်တသည့် မူဝါဒများကို အခြေခံ စည်းရုံးသိမ်းသွင်းသည့် ပါတီများအား ဆုချီးမြှင့်ခြင်းတို့သည် အုပ်စုများအကြား စေ့စပ်ညှိနှိုင်းသည့် အပြုအမူတို့ ဖြစ်ပေါ်ရန် တွန်းအား ဖြစ်နိုင်သည်။ (ကိုယ်စားလှယ်လောင်းများကို ဦးစားပေးအဆင့် သတ်မှတ် ရွေးချယ်သည့် ရွေးကောက်ပွဲစနစ် ဖြစ်သည်။ ဦးစားပေး (၁)၊ ဦးစားပေး (၂)၊ ဦးစားပေး (၃) အစရှိသဖြင့် သတ်မှတ်ပေးရသည်။)

ဆက်လက်ဖော်ပြပါမည်။

(အင်ဒရူး ရေးနိုးစ် (Andrew Reynolds) သည် အမေရိကန်ပြည်ထောင်စု မြောက် ကာရိုလိုင်းနား တက္ကသိုလ်၊ ချာပယ်ဟေးလ်မှ နိုင်ငံရေးသိပ္ပံ တွဲဖက်ပါမောက္ခတဦး ဖြစ်သည်။ သူသည် အာဖဂန်နစ္စတန်နှင့် ဆူဒန်နိုင်ငံများ အပါအ၀င် နိုင်ငံအများအပြားတွင် ရွေးကောက်ပွဲ စနစ်များနှင့် ဖွဲ့စည်းပုံ အခြေခံဥပဒေ ရေးဆွဲရေးဆိုင်ရာ ကိစ္စရပ်များအပေါ် ကျွမ်းကျင်သူ အကြံပေးအဖြစ် ဆောင်ရွက်ခဲ့သည်။ သူ၏ နောက်ဆုံး ထုတ်ဝေခဲ့သည့် စာအုပ်မှာ “The Architecture of Democracy: Constitutional Design, Conflict Management and Democracy (2002)” ဖြစ်သည်။)

တတွဲတည်း ပြေးဆွဲပြီး ထိုင်ခုံ လူမပြည့်ပေမယ့် ရိုးရိုးတန်း လက်မှတ်ယူရင် မတ်တပ်ရပ် စီးရမှာဖြစ်ပြီး အထက်တန်း လက်မှတ်ယူရင်တော့ ထိုင်စီးရမယ်လို့ ဆိုပါတယ် (ဓာတ်ပုံ – ကျော်ခ / ဧရာဝတီ)

မြန်မာနိုင်ငံရဲ့ ခရီးသွား သယ်ယူပို့ဆောင်ရေး လေကြောင်း၊ ရေကြောင်း၊ ကုန်းကြောင်း ဒီ ၃ မျိုးထဲမှာ ရပ်ဝေး၊ ရပ်နည်း ခရီးသည်တွေ အသုံးများတာ ကုန်းလမ်းခရီးဖြစ်ပြီး ကုန်းလမ်းခရီးမှာလည်း ကားနဲ့ ရထားဟာ အဓိက အခန်းကဏ္ဍက ပါဝင်ပါတယ်။ ဒီနှစ်မျိုးထဲကမှ မီးရထားကို ကုန်ပစ္စည်းတင်ပြီး အလွယ်တကူ သယ်ဆောင်နိုင်ဖို့နဲ့ သက်သောင့်သက်သာ စီးနင်းလိုက်ပါနိုင်ကြဖို့ အတွက်ကို ရွေးချယ် ကြတာတွေလည်း ရှိပါတယ်။

၁၉၈၈ ခုနှစ် မတိုင်မီက ရထားသံလမ်း မိုင် ၂၇၉၃ မိုင် ဖောက်လုပ်ခဲ့ပြီး ၂၀၀၉ ခုနှစ်၊ ဇန်န၀ါရီလအထိ ရထားသံလမ်းမိုင် ၄၂၈၈ မိုင်အထိ ဖောက်လုပ် ပြီးစီးခဲ့ပြီဖြစ်ကြောင်းနဲ့ ယခုအခါ ရထားလမ်းသစ်များကို National Railway Network အဖြစ် စီမံကိန်းချပြီး တိုးချဲ့ ဖောက်လုပ်နေကြောင်း ရထားပို့ဆောင်ရေး ဝန်ကြီးဌာနရဲ့ ထုတ်ပြန်ချက်အရ သိရပါတယ်။ လက်ရှိမှာ မြန်မာ့မီးရထားကို အရာထမ်း ၄၀၀ ကျော်၊ အမှုထမ်း ၃ သောင်းကျော်နဲ့ လည်ပတ်လျက်ရှိကြောင်း သိရပါတယ်။

ပုဂ္ဂလိက လက်အောက်မှာဖြစ်တဲ့ ကားနဲ့ ခရီးသည် ပို့ဆောင်ရေးလမ်းကြောင်းဟာ အခုနောက်ပိုင်းမှာ သူ့ထက်ငါ ဝန်ဆောင်မှု အမျိုးမျိုး ပြုလုပ်ပေးနေကြတော့ ခရီးသည်တွေအတွက် ပိုမို အဆင်ပြေလာတာတွေ့ရပေမယ့် အစိုးရလက်အောက်မှာ ရှိတဲ့ မြန်မာ့ မီးရထားလိုင်း တချို့ကတော့ ထူးထူးခြားခြား တိုးတက်ပြောင်းလဲမှု မရှိတာ တွေ့ရပါတယ်။။

ရထားပို့ဆောင်ရေးဝန်ကြီးဌာနက ပြဌာန်းထားတဲ့ ရည်ရွယ်ချက်နဲ့ တာဝန် (၁၁) ချက်ထဲမှာ “ခရီးသည်နှင့် ကုန်စည်ပို့ဆောင်သူများ စိတ်ချမ်းမြေ့ အဆင်ပြေရေး” နဲ့ “မသမာမှု ကင်းရှင်းပပျောက်ရေး” ဆိုတဲ့ အချက်နှစ်ချက်ကို အတိအလင်း ထည့်သွင်း ပြဌာန်းထားပေမယ့် ဒီအချက်တွေကို မီးရထားလိုင်းတချို့ ဝန်ထမ်းတွေ လိုက်နာ ဆောင်ရွက်မှု မရှိတာကို ကြုံတွေ့ရပါတယ်။

မီးရထား ဝန်ထမ်းတချို့ရဲ့ အကျင့်ပျက် ခြစားမှုတွေဟာ နှစ်ပေါင်းကြာမြင့်ခဲ့ပြီဖြစ်တဲ့ ရန်ကုန် ဘူတာကြီးကနေ ၂၀၀၀ ပြည့်နှစ် ဝန်းကျင်ကမှ အသစ်ဖွင့်တဲ့ ပုံဂံ ကလို ဘူတာတွေအထိ ဘူတာရုံးခန်းတွေမှာ အထိုင်တာဝန်ကျနေတဲ့ မီးရထား ဝန်ထမ်းတချို့တင် မကဘဲ သံလမ်းတွေပေါ်မှာ ပြေးဆွဲ ခုတ်မောင်းနေတဲ့ ရထားတွဲပေါ်က ဝန်ထမ်းတွေအထိ ကူးစက် လှိုက်စားနေတုန်းပဲ ဖြစ်ပါတယ်။

ပြီးခဲ့တဲ့လပိုင်းက ပုဂံ ဘူတာကနေ နေပြည်တော်ကို တတွဲတည်းသာ ပြေးဆွဲတဲ့ ပုဂံ-နေပြည်တော် အမြန်ရထားကို လက်မှတ် ဝယ်ယူဖို့အတွက် ခရီးမထွက်မီ တရက်အလိုမှာ ပုဂံဘူတာမှာရှိတဲ့ ရုံပိုင်ရဲ့ရုံးခန်းကို ရထားအချိန်နဲ့ လက်မှတ်ဈေး သွားစုံစမ်းခဲ့ပါတယ်။ နေပြည်တော် အမြန်ရထားက မနက် ၅ နာရီမှာ ပုဂံ ဘူတာက ထွက်မှာဖြစ်တဲ့အကြောင်းနဲ့ ခရီးသည် ဆင်းမယ့် ကြားဘူတာကို လက်မှတ်ခ ကျပ်ငွေ ၇၅၀ ဖြစ်ကြောင်း တရားဝင် သတ်မှတ်ထားတဲ့ ဈေးနှုန်းစာရွက်ကိုပါ ထောက်ပြပါတယ်။

နောက်တနေ့ ဘူတာသွားပြီး ရထားလက်မှတ်ဝယ်တဲ့အခါ လက်မှတ်ရောင်းတဲ့ ဝန်ထမ်းက “ရိုးရိုးတန်း ယူမှာလား၊ အထက်တန်း ယူမှာလား၊ ရိုးရိုးတန်းယူရင် ၁၅၀၀၊ အထက်တန်းယူရင် ၃၀၀၀ ကျမယ်။ ခင်ဗျားဆင်းမယ့် ဘူတာက ရထားရပ်မယ့် ဘူတာထဲမှာ မပါဘူး။ ရပ်ချင်ရင် ရထားမောင်းတဲ့လူနဲ့ နားလည်မှုယူဖို့အတွက် လက်ဖက်ရည်ဖိုး ပေးရမယ်၊ ဘယ်လိုလဲ” ဆိုပြီး မေးငေါ့ကာ မေးမြန်းပါတယ်။

လက်မှတ်ဈေးနှုန်းနဲ့ ပတ်သက်ပြီး ယမန်နေ့က လာရောက် စုံစမ်းထားကြောင်းနဲ့ နေပြည်တော် အမြန်ရထားက တတွဲပဲရှိတာမို့ ဘယ်လိုဖြစ်လို့ ရိုးရိုးတန်းနဲ့ အထက်တန်းဆိုပြီး နှစ်မျိုးနှစ်စား ရှိနေတာလဲလို့ အဲဒီဝန်ထမ်းကို ပြန်မေးတော့ “ရထားက တတွဲပဲတော့ မှန်တယ်၊ ရိုးရိုးတန်းယူရင်တော့ မတ်တပ်ရပ် စီးရမယ်၊ အထက်တန်းယူရင်တော့ ထိုင်စီးရမယ်” လို့ ဆိုပါတယ်။

နောက်ဆုံး ရထားအချိန်နဲ့ အစိုးရက သတ်မှတ်တဲ့ တရားဝင်ဈေးနှုန်းကို ရုံပိုင်ကြီးထံမှာ မေးမြန်းစုံစမ်းထားကြောင်း၊ ဆင်းမယ့် ရထားဘူတာကလည်း ပုဂံကနေ ၂ နာရီကျော်သာ မောင်းရပြီး မီးရထားဝန်ကြီးဌာနရဲ့ တရားဝင် ရပ်ရခွင့်ရထားတဲ့ ဘူတာဖြစ်ကြောင်း ပြောပြမှ အဲဒီ ရထားဝန်ထမ်းက မျက်နှာခပ်တင်းတင်းနဲ့ ရထားလက်မှတ်တွေကို တရားဝင် သတ်မှတ်ဈေးနှုန်းနဲ့ တံဆိပ်ထုပြီး ရောင်းပေးပါတယ်။

ရထားပေါ်ရောက်တော့ တတွဲလုံးမှာ ခရီးသည် ၁၅ ယောက်လောက်သာ ပါပြီး ထိုင်ခုံတွေဆိုရင် လူမပါလို့ အိပ်ချင်ရင်တောင် လှဲအိပ်ပြီး လိုက်လို့ရတဲ့ အနေအထားကို တွေ့ရပါတယ်။ ဒါကြောင့် “ရိုးရိုးတန်းယူရင်တော့ မတ်တပ်ရပ် စီးရမယ်၊ အထက်တန်းယူရင်တော့ ထိုင်စီးရမယ်” ဆိုတဲ့ လက်မှတ်ရောင်း ဝန်ထမ်းရဲ့ စကားကို နားမလည်နိုင်အောင် ဖြစ်ရပါတယ်။ ရာသီဥတု အေးတာတာကြောင့် ရထားစီး ခရီးသည်တွေက ပြတင်းတံခါးတွေကို လေမဝင်အောင် အားလုံးပိတ်ထားကြပြီး အင်္ကျီထူထူတွေလည်း ဝတ်ထားကြပါတယ်။

ပုဂံဘူတာက အထွက်မှာ ရထားက စက်နှိုးပြီး မောင်းလို့ မထွက်တဲ့အတွက် ရထားတွဲရဲ့ အလယ်လူသွားလမ်းကို ဖွင့်ပြီးတော့ လီဘာလို အရာဝတ္ထုကို ရထားဝန်ထမ်းတယောက်က ခြေထောက်နဲ့ နင်းပြီး ကျောက်ပန်းတောင်း ဘူတာကျော်တဲ့အထိ ခက်ခက်ခဲခဲ မောင်းနေရတာကိုတွေ့ရပါတယ်။

ပုဂံ-နေပြည်တော် အမြန်ရဲ့ အတွင်းနံရံမှာ ကပ်ထားတဲ့ စာတန်းတခုကတော့ “ခရီးသွားပြည်သူများ စိတ်ချမ်းမြေ့စွာ သွားလာနိုင်ရေးအတွက် တွဲအတွင်း အမှိုက်စွန့်ပစ်ခြင်း၊ ကွမ်းတံတွေးထွေးခြင်း၊ ဆေးလိပ်သောက်ခြင်းများ မပြုလုပ်ကြပါရန် မေတ္တာရပ်ခံ အပ်ပါသည်” လို့ရေးထားတဲ့ စည်းကမ်းချက် သတိပေးစာကို တွေ့မိပါတယ်။

ဒါပေမယ့် ရထားပေါ်မှာ ပါလာတဲ့ တာဝန်ကျ မီးရထားဝန်ထမ်း ၅ ယောက်စလုံးက အဲဒီစည်းကမ်းချက်တွေကို အကုန်ဆန့်ကျင် နေထိုင်နေတာ တွေ့ရပါတယ်။ တွဲတံခါးတွေ ပိတ်ထားတဲ့တွက် ရထားတစီးလုံး မီးရထားဝန်ထမ်းတွေရဲ့ ဆေးလိပ်မီးခိုးတွေနဲ့ မွှန်ထူနေပါတယ်။ လျှောက်လမ်း အဖုံးကိုဖွင့်ပြီး ရထားကို မောင်းနှင်နေရတဲ့အတွက် ရထားခုတ်သံတွေက အဲဒီ အပေါက်ကနေတဆင့် တတွဲလုံး ဆူညံနေပါတယ်။

မီးရထားစီး အတွေ့အကြုံက ဒီလောက်နဲ့တင် မပြီးသေးပါဘူး။ ရန်ကုန်-ပုဂံ အမြန် ရထားလက်မှတ်ကို ရန်ကုန် ဘူတာကြီးမှာ ဝင်ဝယ်တဲ့အခါ ရန်ကုန်ကနေ ပုဂံအထိ လူတဦးလျှင် ရိုးရိုးတန်းကို ၃၀၀၀ ကျပ်၊ ဒုတိယတန်းကို ၆၀၀၀ ကျပ်နဲ့ အထက်တန်းကို ၁၂၀၀၀ ကျပ်နှုန်း ရောင်းပေးတဲ့အကြောင်းနဲ့ အသက် ၃ နှစ်အထက် ကလေးတွေကို ကလေး လက်မှတ် တစောင် ၆၀၀၀ ကျပ်နှုန်းနဲ့ ဖြတ်ရမယ်လို့ ဆိုပါတယ်။

ဒါပေမယ့် ကလေးလက်မှတ်ဟာ ထိုင်ခုံမပေးဘူးလို့ ဆိုပါတယ်။ ထိုင်ခုံလိုချင်ရင်တော့ လူကြီးလက်မှတ် ဖြတ်ရမယ်လို့ သတ်မှတ်ထားကြောင်း လက်မှတ်အရောင်းဝန်ထမ်းတွေက ပြောပါတယ်။

ဒီရထားလမ်းကြောင်းတွေကို သိကျွမ်းနေတဲ့ ကုန်သည်တွေနဲ့ တခြားခရီးသည် အများစုကတော့ ရိုးရိုးတန်း လက်မှတ်တွေကိုပဲ ဖြတ်ကြပြီး ရထားပေါ်ရောက်မှ ဒုတိယတန်းနဲ့ အထက်တန်းတွဲတွေက တွဲစောင့်တွေ၊ လက်မှတ်စစ်တွေကို ငွေပေးညှိနှိုင်းပြီး စီးကြတာ များကြောင်း သိရပါတယ်။

ရန်ကုန်-ပုဂံ အမြန်ရထားက ရထားစက်ခေါင်း အပါအဝင် ၈ တွဲလောက် ရှိပါတယ်။ အထက်တန်းတွဲကို စီးတဲ့လူက အနည်းဆုံးဖြစ်ပြီး ဒုတိယ အနည်းဆုံးကတော့ ဒုတိယတန်းပဲ ဖြစ်ပါတယ်။ ခရီးသည် အများဆုံး ကြိတ်တိုးပြီး စီးနေကြတာကတော့ ရိုးရိုးတန်းမှာပဲ တွေ့ရပါတယ်။

ရန်ကုန်-ပုဂံ အမြန် အထက်တန်းတွဲပေါ်ရဲ့ နံရံမှာတော့ “မူးယစ်ဆေးဝါး၊ ဆေးလိပ်နဲ့ အရက်သေစာ သောက်စားခြင်း မပြုရ” ဆိုတဲ့ သတိပေးချက်တွေ တွေ့မြင်ရပေမယ့် အဲဒီစာတမ်းတွေရဲ့အောက်မှာ အုပ်စုဖွဲ့ပြီး အရက်ထိုင်သောက် နေကြတာကတော့ ရထားတွဲက ဝန်ထမ်းတွေပဲ ဖြစ်ပါတယ်။

အထက်တန်းက ထိုင်ခုံတွေကောင်းတဲ့အတွက် တခြား အတွဲတွေမှာ တာဝန်ကျသူတွေကလည်း အထက်တန်းတွဲမှာ စုပြီးသောက်နေကြရင်း ရထားလမ်းဘေး တလျှောက်မှာ တွေ့ရတဲ့ မိန်းကလေးတွေကိုလည်း ယိသဲ့သဲ့နဲ့ လှမ်းလှမ်းပြီးလည်း အော်ဟစ် နောက်ပြောင်ကြပါသေးတယ်။

မြန်မာ့ မီးရထားဝန်ကြီးဌာနကတော့ သူတို့ ပြဌာန်းထားတဲ့ “ခရီးသည်နှင့် ကုန်စည်ပို့ဆောင်သူများ စိတ်ချမ်းမြေ့ အဆင်ပြေရေး” နဲ့ “မသမာမှု ကင်းရှင်းပပျောက်ရေး” ဆိုတဲ့ အချက်တွေကို အောက်ခြေ ဝန်ထမ်းတွေ လိုက်နာလာအောင် မစွမ်းဆောင်နိုင်တာ တွေ့ရပါတယ်။

သမ္မတ ဦးသိန်းစိန်အစိုးရ တာဝန်ယူပြီးတဲ့နောက် ကောင်းမွန်တဲ့အုပ်ချုပ်မှုစနစ်နဲ့ သန့်ရှင်းတဲ့ အစိုးရဖြစ်ပေါ်ရေးအတွက် အစိုးရ အဖွဲ့အစည်းတွေအတွင်း အဂတိ တရားကင်းရှင်းရေးနဲ့ လာဘ်ပေးလာဘ်ယူမှုတွေ ပပျောက်စေရေး အတွက် ဆိုပြီး “လာဘ်ပေး လာဘ်ယူမှု အရေးယူဆောင်ရွက်ရေး ကော်မတီ” ကို ဒုသမ္မတ ဒေါက်တာ စိုင်းမောက်ခမ်းက ဦးဆောင်ပြီး အစိုးရအဖွဲ့ဝင် ၉ ဦးနဲ့ ယခုနှစ် အစောပိုင်းမှာ ဖွဲ့စည်းခဲ့ပါတယ်။

သမ္မတ ဦးသိန်းစိန်ကတော့ ပြုပြင်ပြောင်းလဲရေးတွေကို တောက်လျှောက် အကောင်အထည် ဖော်နေပြီး ပြည်သူနဲ့ တိုက်ရိုက် ထိတွေ့ရတဲ့ အစိုးရ ဝန်ထမ်းတွေ အနေနဲ့ ပြည်သူနဲ့ ဆက်ဆံရာမှာ အရေးအကြီးဆုံး ဖြစ်တယ်လို့ ပြောခဲ့ဖူးပါတယ်။ သမ္မတ ဦးသိန်းစိန်က ဒီလို ညွှန်ကြားနေပေမယ့်လည်း ဝန်ကြီးဌာနတွေရဲ့ အဆင့်ဆင့်တိုင်းမှာတော့ ပြုပြင်ပြောင်းလဲမှုတွေအတိုင်း လိုက်နာအောင် မလုပ်ဆောင်နိုင်သေးတာ၊ အာဏာစက် မထိရောက်သေးတာ တွေ့နေရဆဲ ဖြစ်ပြီး အခု မြန်မာ့ မီးရထား ဝန်ထမ်းတချို့ရဲ့ စည်းကမ်းပျက်မှုမျိုးကို နမူနာအဖြစ် တွေ့မြင်နေရဆဲပါ။

ဒဟပ်ပင် ရေနံမှော် …၊ မကွေးတိုင်းဒေသကြီး ထဲက မင်းလှမြို့နဲ့ဆိုရင် ၂၂ မိုင်လောက် အကွာမှာ ရှိတယ်၊ မင်းလှ – သရက် အဝေးပြေး ကားလမ်းပေါ်မှာ ဆိုပေမယ့် အဲဒီနေရာတွေက တရားဥပဒေ စိုးမိုးမှု ကင်းမဲ့နေတဲ့ နေရာလို့ မြန်မာ့ရေနံနဲ့ သဘာဝ ဓာတ်ငွေ့ လုပ်ငန်းက တာဝန်ရှိတဲ့သူ ကိုယ်တိုင်က ပြောခဲ့ပါတယ်။

ပုဒ်မ ၁၄၄ ထုတ်ပြန်ထားလို့ ရေနံစိမ်း မှောင်ခိုလုပ်တဲ့သူတွေကို ဥပဒေအရ အပြစ်ပေးမယ်လို့ ရေနံမှော် အ၀မှာ ဆိုင်းဘုတ် တင်ထားတာ တွေ့ရတယ်။

“ကျနော်တို့ အုပ်ချုပ်မှုအောက်မှာ အရင်က ရှိခဲ့တာ ထန်းကိုင်း ရေနံလုပ်ကွက်နဲ့ ဒဟပ်ပင် ရေနံလုပ်ကွက် ၂ ခုရှိခဲ့တယ်။ အခုတော့ ကျနော်တို့နဲ့ တွဲလုပ်တဲ့ ကုမ္ပဏီလည်း ပြန်ပြေးပြီ။ ကျနော်တို့လည်း ဘာမှ အလုပ်မလုပ်တော့ဘူး။ ရေနံ လုပ်ကွက် ကတော့ ရှိနေသေးတယ်။ တရားမ၀င် လုပ်နေတာ” လို့ မင်းလှမြို့နယ် ထန်းကိုင်းရွာမှာ အခြေစိုက်ထားတဲ့ မြန်မာ့ရေနံနဲ့ သဘာဝဓာတ်ငွေ့ လုပ်ငန်း (MOGE) ရဲ့ ဒုတိယ အင်ဂျင်နီယာက ပြောပါတယ်။

လွန်ခဲ့တဲ့ ၂ နှစ်ကျော် ကတော့ ဒီနေရာက မြန်မာ့ရေနံနဲ့ သဘာဝဓာတ်ငွေ့လုပ်ငန်း (MOGE) နဲ့ ပုဂ္ဂလိက ကုမ္ပဏီတို့ အကျိုးတူ ပူးပေါင်းလုပ်ရာကနေ တွင်းသမားတွေဆီက ရေနံစိမ်းဝယ်တဲ့အခါ ဈေးနှိမ်ပြီး မှောင်ခိုသမားတွေကို ဈေးမြင့်မြင့်နဲ့ ပြန်ရောင်း၊ တွင်းသမားတွေက မှောင်ခိုသမားတွေဆီမှာ သွားရောင်းပြန်တော့လည်း ဖမ်းဆီးခံရတာနဲ့ ရေနံစိမ်း တွင်းသမားတွေက မခံမရပ်နိုင်တော့ဘဲ ပြဿနာတက်ရာကနေ ကုမ္ပဏီရုံးခန်းကို မီးရှို့တဲ့ အဆင့်ထိ ဖြစ်ခဲ့ရတယ်လို့ သိရတယ်။

အခုအချိန်မှာ ဒေသအနှံ့က လာတူးတဲ့ သူတွေရော၊ ရေနံစိမ်း ရောင်းဝယ်နေကြတဲ့ သူတွေနဲ့ တကယ့်ကို ရွာအကြီးကြီးဖြစ်နေ ပြီ။ ရန်ဖြစ်လို့ ဘယ်ကိုမှ တိုင်စရာ မလိုတော့သလို၊ ဖြစ်တိုင်းလည်း အနည်းဆုံးက ဓားခုတ်မှုပဲ။ အဲဒီ နေရာမှာ ဘာ လိုချင်သလဲ … အရက်၊ မိန်းမ၊ မူးယစ်ဆေး အစုံရတယ်လို့ ဒေသခံတွေက ပြောကြတယ်။

ဒီရေနံမှော်က မြကင်းတောင်ကို ဗဟိုပြုလို့ ၂၅ မိုင်လောက်အထိ ကျယ်တယ်။ ရေနံစိမ်း တူးကြတဲ့ နေရာမှာလည်း လက်တွင်းရော၊ စက်တွင်းပါ ရှိတယ်။

“ဒီနေရာမှာ အခုဆိုရင် တွင်းပေါင်း ၄ သောင်းခွဲကျော် ရှိနေပြီ။ ဒီမှာ တူးနေကြတဲ့ သူတွေကလည်း ဒေသအစုံပဲ။ လူစုံတဲ့ အတွက်လည်း ပြဿနာတွေက အစုံပဲ။ ဒါပေမယ့် ကိုယ့်အလုပ် ကိုယ်လုပ်၊ သူများတွေ ဘာဖြစ်နေနေ ၀င်မပါရင် ပြီးတာပဲ ” လို့ ထန်းကိုင်းရွာက ဒဟပ်ပင် ရေနံမှော်မှာ ရေနံစိမ်းလာ တူးနေတဲ့ ကိုသော်ဇင်က ပြောပြတယ်။

လက်တွင်းတတွင်းကို တူးမယ်ဆိုရင် မြေရှင်ကို ပေးရတာက ကျပ် ၁ သိန်းကနေ ၁၅ သိန်း ၀န်းကျင်လောက် အထိရှိတယ်။ ရေနံထွက်တဲ့အပေါ် မူတည်တယ်။ ဒဟပ်ပင်က တွင်းတတွင်းမှာ တရက်ကို အနည်းဆုံး ၃ ဂါလံကနေ ၅ ဂါလံပုံး ၁ ပုံး၊ ၃ ပုံး၊ ၁ ပေပါစည် စသဖြင့်၊ တချို့တွင်းတွေဆို တရက်ထဲမှာ ၂၅ ပေပါ ထွက်တာမျိုးလည်းရှိတယ်လို့ သာစည်ဘက်ကနေ ရေနံလာ တူးတဲ့ ကိုမင်းကိုလတ်က ဆိုတယ်။

ရေနံစိမ်းထွက်လာတဲ့ တွင်းပေါ်မူတည်လို့ ရောင်းဝယ်လို့လည်း ရတယ်။ ရေနံစိမ်းထွက်တဲ့ နှုန်းပေါ်မူတည်လို့ တူးပြီးသား တွင်း ၁ တွင်း ကို ကျပ် ၃ သိန်းကနေ သိန်း ၁၂၀ လောက်အထိ ဈေးပေါက်တယ်။

“ကျနော်တို့လို ဒေသခံတွင်းတူး၊ ရေနံစိမ်း ခပ်သမားတွေက တနေ့မှ ပျမ်းမျှ တသောင်းကျပ် ဆိုတာလောက်ပဲ။ တကယ် ချမ်းသာတာက ငွေရှင်ကြေးရှင်တွေဖြစ်တဲ့ အ၀ယ်ဒိုင်တွေ” လို့ သာစည်မြို့နယ်ကနေ ဒဟပ်ပင်မှာ ရေနံစိမ်း လာတူးနေတဲ့ ကိုမင်းကိုလတ်က ပြောပြတယ်။

မင်းလှနယ် တ၀ိုက်မှာ ရွာသေးသေးလေးတွေ ကအစ ပေါင်းလိုက်ရင် ရေနံမှော်ပေါင်းက ၁၀၀ ကျော်ရှိတယ်။ တချို့နေရာ တွေက ရေလမ်းနဲ့ နီးလို့ ရေလမ်းကနေ သယ်ကြသလို တချို့ ရေနံမှော်တွေကတော့ အဝေးပြေး ကားလမ်းကနေပဲ သယ် ကြပါတယ်။ ထွက်သမျှ ရေနံစိမ်းတွေကို မုံရွာမှာ သွားပြန် ရောင်းကြတယ်။ အဲဒီနေရာမှာ ရေနံချက်စက်ရုံ ၁၀ ရုံ လောက် ရှိတယ်။

ဒီဒေသ တ၀ိုက်က ထွက်သမျှ ရေနံစိမ်းတွေကို ကုန်းလမ်းကနေ သယ်မယ်ဆိုရင် ထန်းကိုင်းရွာက MOGE ရုံးခန်းရှေ့ကနေပဲ သယ်ယူနေကြတာပါ။ တနေ့ ကို အနည်းဆုံး ရေနံစိမ်း စည်ပေါင်း ၁၀၀ ကျော်လောက် ထွက်နေတယ်လို့ သိရတယ်။

“ကုန်းလမ်းကထွက်တဲ့ ရေနံစိမ်းသယ် ကားတွေက ဒီကနေပဲ ဖြတ်သွားတာပါ။ ဒါပေမယ့် ကျနော်တို့မှာက ဖမ်းပိုင်ခွင့်မရှိ ပါဘူး။ နေ့တိုင်းမြင်နေရတာပဲ။ ဒါတွေ လုပ်ရမှာက လုံခြုံရေးအပိုင်းက လုပ်ရမှာ” လို့ ထန်းကိုင်းရွာက MOGE ရဲ့ တာဝန်ရှိသူ တဦးက ပြောပြတာပါ။

ထန်းကိုင်းရွာက မင်းလှမြို့နဲ့ဆိုရင် ၇ မိုင်လောက် ဝေးတယ်။ ထန်းကိုင်း ရေနံလုပ်ကွက် ဆိုတာလည်း လွန်ခဲ့တဲ့ ၁၉၉၆ ခုနှစ် မတိုင်ခင်က ဒေသခံတွေ စမ်းတူးရာကနေ ရေနံစိမ်း ထွက်လာခဲ့တာ ဖြစ်ပါတယ်။ အဲဒီအခါကြတော့ MOGE က မြေတွေ သိမ်းယူလို့ ပုဂ္ဂလိက ကုမ္ပဏီတွေနဲ့ အကျိုးတူ ရေနံစိမ်းထုတ်ပါတယ်။ ဒါပေမယ့် ဒေသခံ လယ်သမားတွေကိုတော့ ဘာမှ အကျိုးအမြတ်မပေးခဲ့ဘူးလို့ သိရတယ်။

တချို့ဆို ရေနံတူးထားတဲ့ တွင်းဖိုးတွေတောင် ဆုံးရှုံးလိုက်ကြရတယ်။ တွင်းစတူးတဲ့ အချိန်ကနေ ရေနံစိမ်းထွက်တဲ့အထိ ကုန်ကျစရိတ်က အနည်းဆုံး ကျပ် ၂ သိန်းခွဲလောက်ရှိတဲ့အတွက် လုပ်အား ဆုံးရှုံးရုံတင် မကဘူး၊ လယ်လဲဆုံး၊ ရေနံစိမ်း ထွက်တယ် ဆိုလို့ တွင်းတူးခဲ့တဲ့အတွက် တချို့ဆို ပိုင်ဆိုင်ထားတဲ့ နွားတွေပါ ဆုံးခဲ့ကြတယ်။

အဲဒီလို ဆုံးခဲ့တာကို မကျေနပ်လို့ သမ္မတ ဦးသိန်းစိန် အစိုးရ တက်လာတဲ့နောက်မှာ အဆင့်ဆင့် တိုင်ကြားခဲ့တဲ့အတွက် ဒီနှစ် ဧပြီလမှာ MOGE က လယ်တွေကို ပြန်ပေးခဲ့တယ်။ ဒါပေမယ့် နဂိုရေနံတွင်းတွေ ရှိနေတာကြောင့် ဒီဒေသတ၀ိုက် ရွာတွေက လာခပ်ကြတာပါပဲ။ MOGE က လယ်တွေ ပြန်ပေးပေမယ့် လယ်ယာမြေမှာ ရေနံစိမ်း တူးခွင့်မပေးတော့ဘူး၊ ရှိပြီးသားတွင်း ပေါက်တွေကိုလည်း လယ်ပိုင်ရှင်တွေက ကိုယ့်ဘာသာ ပြန်ပိတ်ရမယ်လို့ အမိန့်ထုတ်ခဲ့ကြောင်း သိရတယ်။

အဲဒီတော့ ရေနံစိမ်း လာခပ်တဲ့သူတွေနဲ့ တွင်းပေါက် ပိတ်တဲ့သူတွေ ပဋိပက္ခဖြစ်ကြ၊ ထပ်မပိတ်ရဲတော့ဘဲ သက်ဆိုင်ရာကို စာတင်ကြ ဆိုပေမယ့် ဒီနေ့အထိ ဘာမှ ထူခြားမလာသေးပါဘူး။ လယ်လည်း စိုက်လို့မရ၊ ကိုယ်ပိုင်တဲ့လယ်က မြေ သယံဇာတ ကိုလည်း အကျိုးမခံစားရနဲ့ လယ်သမားတွေက ဒုက္ခရောက်ကြရတယ်လို့ ဆိုပါတယ်။

“ပွင့်ပွင့်လင်းလင်း ပြောရရင် သူများတွေ ရေနံစိမ်းခပ်စားနေသလို ကျနော်တို့လည်း အကျိုးခံစားချင်တယ်။ လယ်ပြန်ပေးတဲ့ အချိန်မှာ … ရေနံစိမ်းမတူးရတဲ့၊ တူးနေ၊ ခပ်နေတဲ့ သူတွေဆီကလည်း တွင်းခမရဘူး။ သူတို့လုပ်တော့ လယ်လည်း စိုက်မရ ဘူး။ ကျနော်တို့က အခါခါ နာနေရတဲ့ဘ၀တွေပါ” လို့ ထန်းကိုင်းရွာသား ကိုအောင်မိုးဟိန်းက ပြောတယ်။

ထန်းကိုင်းရွာရဲ့ ရေနံမှော်က တရားမ၀င် တူးနေကြတာ ဖြစ်တဲ့အပြင် လာတူးတဲ့သူတွေရဲ့ ခါးမှာက ဓားတွေ အဆင်သင့် ပါနေတယ်။ တောဓလေ့မို့ ဓားဆောင်ထားတာ ဆိုပေမယ့် အဲဒီလို လယ်ပိုင်ရှင်တွေနဲ့ ပဋိပက္ခ ဖြစ်တဲ့အချိန်အတွင်း ဓားခုတ်မှု ၃ ခု ဖြစ်ခဲ့ပါသေးတယ်။

“ကျမတို့က မြို့နယ် အုပ်ချုပ်ရေးမှူးကို သွားပြောတော့ သူက အထက်ကို တင်ပြထားတယ်၊ စောင့်ပါဦးတဲ့။ ကျမတို့က ထွန်တုံးနဲ့ စောင့်နေရမှာလား၊ ရေနံတွင်းတူးတဲ့ သံပိုက်နဲ့ စောင့်နေရမှာလားလို့ ပြန်ပြောလိုက်တယ်” လို့ ထန်းကိုင်းရွာက ဒေသခံ ကိုကျော်မင်းလတ်က ဆိုတယ်။

ဒါကြောင့်ပဲ ထန်းကိုင်းရွာ ဇာတိဖြစ်ပေမယ့် ဒဟပ်ပင် ရေနံမှော်မှာ လာလုပ်နေရတဲ့ အကြောင်း ကိုသော်ဇင်က ပြောပါတယ်။ တကယ်လို့များ ထန်းကိုင်းရွာမှာသာ ရေနံတူးပိုင်ခွင့် ရမယ်ဆိုရင် ကိုယ့်ရွာမှာပဲ ကိုယ်လုပ်ချင်တယ်လို့ သူက ဆက်ပြောတယ်။

အဲဒါတင် မကဘူး။ တရားမ၀င်တဲ့ ရေနံမှော် တခုဖြစ်တဲ့ မင်းလှမြို့နဲ့ ၂၈ မိုင်ဝေးတဲ့ ရေနံမ ရေနံမှော်ဆိုရင် ဧပြီလ ၃ ရက် နေ့က မီးလောင်ခဲ့တဲ့ အတွက် နေအိမ် ၁၀၀ ကျော် မီးထဲပါ ပျက်စီးခဲ့တယ်။

အဲဒီရေနံမ ရေနံမှော်ဆိုရင် ရွာထဲက အိမ်ဝိုင်းတိုင်းလိုလို ရေနံစိမ်း တူးနေကြတာကို တွေ့ရတယ်။ မီးစလောင်တာက ရေနံ စိမ်းခပ်ခွက်ရဲ့ အောက်ခြေ အဆို့ရှင်ကို ပြင်ရာကနေ စလောင်တာ ဖြစ်ပေမယ့် အိမ်တိုင်းလိုလိုမှာ ရေနံစိမ်း လှောင်ထားတဲ့ အတွက် မီးက ထိန်းမနိုင် ဖြစ်ခဲ့တာလို့ ရေနံမရွာ အပြင်ဘက်မှာ ရေနံစိမ်းအ၀ယ်ဒိုင် ဖွင့်ထားတဲ့ ရေနံစိမ်းကုန်သည် တဦးက ပြောပြတယ်။

“ဒီမှော်မှာက မြေရှင်နဲ့ အဆင်ပြေရင် ကြိုက်သလို တူးလို့ရတယ်။ ထွက်သမျှ ရေနံတွေကိုလည်း ကိုယ်ကြိုက်တဲ့ အ၀ယ်ဒိုင်မှာ သွားရောင်းလို့ ရတယ်။ ဘယ်သူမှ မဖမ်းဘူး။ ဆီရောင်းဝယ်တာလည်း သူ့လိုင်းကြေးနဲ့သူ ပေးလိုက်ရင် အဆင်ပြေတယ်” လို့ အဲဒီ ရေနံစိမ်းကုန်သည်က ဆိုပါတယ်။

ရေနံစိမ်း ကုန်သည်တွေအနေနဲ့ တလကို ဌာနပေါင်းစုံ အတွက် ကျပ် ၃ သိန်းခွဲ၊ ရပ်ကွက် အုပ်ချုပ်ရေးမှူး အတွက်က တလကို ကျပ် ၃ သောင်း၊ တခြား ဌာနဆိုင်ရာက ၀န်ထမ်းတွေရဲ့ လူမှုရေးအရ ပြန်ကြည့်ရတာတွေနဲ့ ဆိုရင် တလကို ကျပ် ၅ သိန်း လောက် ကုန်တယ်။ နောက်ထပ် ဆီဘောက်ဆာ တစီးထွက်တာနဲ့ ကုန်သည်တွေက ဌာနအားလုံးအတွက် ကျပ် ၂ သိန်း ၄ သောင်း ပေးရတယ်။

ရေနံစိမ်းကို တရားဝင် တင်ဒါနဲ့ သွားမယ်ဆိုရင်တော့ ဆီဘောက်ဆာ တစီးစာ တင်ဒါတစောင်ကို ကျပ် ၇ သိန်းပေး ရတယ်။ ဆီဘောက်ဆာပိုင်ရှင်တွေက ဘောက်ဆာတစီးကို မုံရွာအထိအရောက် လမ်းမှာ ရှင်းသွားဖို့ လိုင်းကြေး ကျပ် ၄ သိန်း ၉ သောင်းကို ကားပိုင်ရှင်က ထည့်ပေးလိုက်ရတယ်။ ဒါ ယာဉ်မောင်းရဲ့ မောင်းကြေးနဲ့ ယာဉ်နောက်လိုက်ကြေး မပါသေးဘူး။

ဒါကြောင့်လည်း ဒီလောကမှာ ရေနံစိမ်း ကုန်သည်တိုင်းက ကိုယ်ပိုင် ဘောက်ဆာကားတွေနဲ့ပဲ လုပ်နေကြတာ များတယ်။ သယ်တဲ့ကား သက်သက် လုပ်စားရင် သိပ်တွက်ခြေ မကိုက်ဘူးလို့ သိရတယ်။

“ကျနော်တို့ လမ်းကြောင်းကြေးကို ဒီရွာက ရဲကိုပဲ ပေးလိုက်ရတယ်။ သူကတဆင့် သက်ဆိုင်ရာ ဌာနတွေကို ခွဲဝေပေးတယ်။ ဟိုးအရင် ကတော့ ဘယ်ဌာနအတွက် ဘယ်လောက်ဆိုတာ ပြသေးတယ်။ ဒီနောက်ပိုင်းတော့ မပြတော့ဘူး” လို့ ရေနံမ ရွာက အမည်မဖော်လိုတဲ့ ဆီကုန် သည်တဦးက ဆိုတယ်။

မင်းလှမြို့နဲ့ ၃၂ မိုင်သာ ဝေးတဲ့ ရနောင်မုန်း ရေနံမှော်ဆိုရင် အခုအချိန်ထိ MOGE ကနေ ပုဂ္ဂလိက ကုမ္ပဏီကို လုပ်ပိုင် ခွင့်ပေးထားတဲ့ တရားဝင် နေရာ။ တူးချင်တဲ့သူတွေက မြေယာရှင်တွေနဲ့ညှိပြီး လာတူးလို့ ရတယ်။ ထွက်သမျှ ရေနံကိုလည်း ကုမ္ပဏီက ကာလပေါက်ဈေးထက် သိပ်မနှိမ်ဘူး။ ဒါကြောင့် ဒီနေရာက တကယ့်ကို အေးချမ်းတယ်လို့ တွင်းပိုင်ရှင်တွေက ပြောကြတယ်။

တွင်းပိုင်ရှင်တွေကလည်း မြေတူး အငှားလိုက်တဲ့သူတွေကို ငှားတယ်၊ ထွက်သမျှ ရေနံစိမ်းကိုလည်း ခပ်ဖို့ နေ့စားငှားတဲ့သူ ငှားတယ်။ ကိုယ်တိုင်လုပ်တဲ့သူ လုပ်တယ်။ အမျိုးမျိုးရှိတယ်။ ဒါပေမယ့် ဘာပြဿနာမှ မဖြစ်ကြဘူး။

မြေတူးသူ ငှားတာကလည်း မြေအနက်ပေါ် မူတည်တယ်။ အနက်ပေ ၇၀၀ ၀န်းကျင်ဆိုရင် ကျပ် ၈ သိန်းလောက် ပေးရတယ်။ အဲဒီထက် ပိုနက်ရင် ကြေးပိုထပ်ရတယ်။

“ရေနံတွင်း တတွင်း တူးတော့မယ်ဆိုရင် မြေရှင်ကို ညှိတဲ့အခါ သူ့မြေကွက် ၀န်းကျင်မှာ ရေနံဘယ်လောက် ထွက်သလဲဆိုတဲ့ အပေါ် မူတည်လို့ ကျပ် ၁ သိန်းကနေ ၆ သိန်းကျော် ရှိတယ်။ တွင်းတူးတာလည်း စက်နဲ့တူးတော့ တရက်ပဲကြာတယ်” လို့ ရနောင်မုန်းက တွင်းပိုင်ရှင် ဦးထွန်းမြင့်က ပြောပြတယ်။

ရေနံစိမ်း ခပ်တဲ့သူတွေ ငှားရင်လည်း တရက်ကို ကျပ် ၅ ထောင် ပေးရတယ်။ အခုဆိုရင် တွင်းတူးတဲ့ နေရာက ရနောင်မုန်း ရွာရဲ့ အနီးနားက ရွာတွေအထိ တူးနေကြပြီ။ အားလုံးကတော့ လုပ်ခွင့် ပါမစ်ရထားတဲ့ ကုမ္ပဏီကိုပဲ ရောင်းရတယ်။ ည ဘက်မှာ ဆိုရင်တော့ ရေနံမ ဘက်ကို ခိုးရောင်းတဲ့သူ အနည်းငယ်တော့ ရှိနေသေးတာ တွေ့ရတယ်။

မင်းလှ မြို့နယ်က ရနောင်မုန်း ရေနံမှော်ကို ကျန်တဲ့မှော်တွေ ဥပမာ ယူသင့်တယ်လို့ ရေနံမရွာက အမည်မဖော်လိုတဲ့ ရေနံ စိမ်း ကုန်သည်တဦးက ပြောတယ်။ ရနောင်မုန်းက တရားဝင်တူး၊ တရားဝင်ရောင်းဝယ်၊ အခွန်ဆောင်တယ်။ နိုင်ငံတော် အတွက်လည်း အကျိုးဖြစ်တယ်။

ကျန်တဲ့ ရေနံမှော်တွေက တရားမ၀င် တူးကြ၊ ရောင်းဝယ်ကြနဲ့။ ကုန်သည်တွေကျတော့ ပိုက်ဆံကုန်ရတာချင်း အတူတူပဲ။ တူးတဲ့ သူတွေမှာလည်း ဥပဒေနဲ့ မလွတ်ကင်းတော့ ဘယ်အချိန် ဘာဖြစ်မလဲဆိုတာ ဘာအာမခံချက်မှ မရှိဘူး။

တရားမ၀င် ဒေသဖြစ်လာတဲ့ အတွက်လည်း နယ်မြေ ဥပဒေ စိုးမိုးရေးမှာ ထိန်းချုပ်လို့ မရဘူးဖြစ်တဲ့အကြောင်း သူကဆက် ပြောတယ်။

“ပိုက်ဆံ ပေးရတာချင်းအတူတူ ကျနော်တို့က နိုင်ငံတော်ကိုပဲ စားစေချင်တယ်။ အခုက အစိုးရလည်း ပိုက်ဆံမရ၊ ကျ နော်တို့လည်း ပိုက်ဆံကုန်ရတာပဲ။ ပိုက်ဆံကုန်ရတာချင်း အတူတူ တရားဝင်ပဲ လုပ်ချင်တယ်” လို့ သူက ပြောပြခဲ့တယ်။

တကယ်တော့ ဒီမင်းလှမြို့နယ်က ရေနံမှော်တွေဟာ နိုင်ငံခြားကုမ္ပဏီတွေနဲ့ ပူးပေါင်းပြီး စီးပွားဖြစ် ထုတ်လုပ်လို့ မရတဲ့ နေရာတွေပါ။ ရေနံစိမ်းက မြေလွှာရဲ့အပေါ်ယံမှာသာ စိမ့်ထွက်နေတာ။ မြေအောက်မှာ ရေနံသိုက်လို ရှိနေတာ မဟုတ်ဘူးလို့ သိရတယ်။ နိုင်ငံတော် စီမံကိန်းအနေနဲ့ လုပ်ကိုင်ဖို့ ခက်တဲ့နေရာတွေပါ။ ဒေသခံတွေ အတွက်တော့ တကယ်လို့များ တိတိကျ ကျနဲ့ လုပ်ပိုင်ခွင့်ရခဲ့မယ် ဆိုရင် ဒေသဖွံ့ဖြိုးရေးမှာ တော်တော်လေး ထိရောက်မယ့် အကြောင်း မင်းလှမြို့ပေါ်က အမည်မ ဖော်လိုတဲ့ ရေနံစိမ်းကုန်သည်တဦးက ဆိုပါတယ်။

အခုဆိုရင် ရေနံတူးနေတဲ့နေရာက လယ်ပိုင်ရှင်တွေဆိုရင် ကားစီးနိုင်၊ လှူဒါန်းနိုင်တဲ့ အနေအထားကို ရောက်နေတာ တွေ့ရတယ်။ ဒီ အပူပိုင်းဒေသက ဒေသခံတွေ အတွက် အလုပ်အကိုင် အခွင့်အလမ်း တခုလို ဖြစ်နေတဲ့အတွက် စီးပွားရေး ချောင်လည်ကြတယ်။

မင်းလှနယ် တ၀ိုက်က နေရာတော်တော်များများမှာ ဒီလိုရေနံစိမ်း ထွက်နိုင်ချေ နေရာတွေ အများကြီးရှိတယ်လို့ သိရတယ်၊ လုပ်ပိုင်ခွင့်သာ လိုတာလို့ အဲဒီ ရေနံစိမ်း ကုန်သည်က ဆက်ပြောတယ်။

“တကယ်တော့ ကျနော်တို့လို ဘာမှ ဖွံ့ဖြိုးမှုမရှိတဲ့ ဒေသမှာ မြေအောက် သယံဇာတတွေ ရှိနေပြီးတော့ ကျနော်တို့ ဒေသခံတွေက ဆင်းရဲတွင်းက မတက်ဘူး။ အကျိုးခံစားနေရတဲ့ နေရာတွေမှာလို ကျနော်တို့လည်း ခံစားချင်တယ်။ ဒီလို ကျနော်တို့ဒေသမှာ ဖြစ်ပျက်နေတာတွေကို နိုင်ငံတော် လူကြီးတွေ သိစေချင်တယ်” လို့ ထန်းကိုင်းရွာသား ကိုအောင်မိုးဟိန်းက ဆိုပါတယ်။

မေ ၉ ရက်က ရန်ကုန်မြို့တွင်း တကိုယ်တော် ဆန္ဒပြနေသော ကိုထင်ကျော် (ဓာတ်ပုံ – ဧရာဝတီ)

ရန်ကုန်တိုင်း ဒေသကြီး မြောက် ဥက္ကလာပ မြို့နယ် တရားရုံးရှေ့၌ ယနေ့ ဆန္ဒပြနေသော ကုန်ဈေးနှုန်းကျဆင်းရေးနှင့် ဒီမိုကရေစီ အရေး အဆက်မပြတ် လှုပ်ရှားမှုများအဖွဲ့(MDCF) မှ ကိုထင်ကျော် အပါအ၀င် ၃ ဦးကို အင်းစိန်ထောင်သို့ ဖမ်းဆီးခေါ်ဆောင်သွားပြီ ဖြစ်ကြောင်း သိရသည်။

ဂရိတ်နိုင်း ကျောက်မျက် ကုမ္ပဏီ၏ မရမ်းကုန်း မြို့နယ်ရှိ အိမ်ခြံမြေများသိမ်းယူမှုကို ကိုထင်ကျော် က သတင်းစာရှင်းလင်းပွဲ ပြုလုပ်ခြင်းနှင့် ပတ်သက်ပြီး ကုမ္ပဏီ ပိုင်ရှင် ဦးအိုင်လင်း ဆိုသူက အသရေဖျက်မှု ပုဒ်မ ၅၀၀ ဖြင့် တရားစွဲဆိုရာတွင် တရားရုံးမှ အာမခံပေး သော်လည်း အာမခံမတင်ခဲ့သည့်အတွက် ဖမ်းဆီးခဲ့ခြင်းဖြစ်ကြောင်း ကိုထင်ကျော်၏ ဇနီး မသန်းသန်းမော်က ဧရာဝတီ သို့ ပြောသည်။

အဖမ်းခံလိုက်ရသူများမှာ ကိုထင်ကျော်နှင့်အတူ မရမ်းကုန်းမြို့နယ်အတွင်းက မြေသိမ်းခံလိုက်ရသော မြေပိုင်ရှင် ဦးအေးနှင့် ဒေါ် စိန်ထွေးတို့ ဖြစ်ကြောင်း၊ ၎င်းတို့အားလုံးက အာမခံ မတင်ခဲ့ကြောင်း မသန်းသန်းမော် က ဆက်ပြောသည်။

ယင်း အိမ်ခြံမြေ သိမ်းယူမှုနှင့်ပတ်သက်ပြီး ကိုထင်ကျော်က ယခုနှစ် ဖေဖော်ဝါရီလ အတွင်း မြောက်ဥက္ကလာပမြို့နယ်တွင် သတင်းစာရှင်းလင်း ပွဲပြုလုပ်ခဲ့ခြင်း ဖြစ်သည်။

ယနေ့တွင် တရားရုံးက အာမခံအတွက် ကျပ် ၅ သိန်းတင်ရန် ပြောဆိုခဲ့ရာ ၎င်းအနေဖြင့် အာမခံငွေ မတင်ဘဲ အဖမ်းခံလိုက်မည် ဖြစ်ကြောင်းလည်း ကိုထင်ကျော်က အဖမ်းမခံရခင် ဧရာဝတီ၏ ဆက်သွယ် မေးမြန်းမှုကို ပြန်လည် ဖြေကြားသည်။

“ကျနော်က နိုင်ငံရေးသမား။ အာမခံအတွက် ၅ သိန်းမပြောနဲ့ ၅ ထောင်ဆိုလည်း မတင်ဘူး။ ကျနော် က အမှန်တရားဖြစ်တဲ့အတွက် ခရိုနီပေးတဲ့ အာမခံကိုမယူဘူး။ ထောင်ထဲ တန်းသွားမယ်လို့ ပြောလိုက်တယ်။ အခု တရားရုံး ရှေ့မှာ ဆန္ဒပြနေတယ်”ဟု ၎င်းက ဆိုသည်။

ဂရိတ်နိုင်း ကျောက်မျက် ကုမ္ပဏီ က မရမ်းကုန်းမြို့နယ် ၆ ရပ်ကွက်မှ အိမ်ခြံမြေ တချို့ကို ၂၀၀၄ ခုနှစ်တွင် သိမ်းယူခဲ့ခြင်း ဖြစ်ကြောင်း သိရသည်။

အဆိုပါ သတင်းစာရှင်းလင်းပွဲတွင် ပြောကြားချက်များအပေါ် ကုမ္ပဏီဘက်မှ မရမ်းကုန်းမြို့နယ်တွင် တရားစွဲဆိုရန် ပြင်ဆင်ခဲ့ သော်လည်း တရားရုံးက ပယ်ချခဲ့ကြောင်း၊ မြောက်ဥက္ကလာပ တရားရုံးသို့ ထပ်မံလျှောက်ထားရာ တရားသူကြီး ဦးခင်မောင်စီ က  လက်ခံခဲ့ပြီးနောက် အာမခံပေးခဲ့ခြင်း ဖြစ်ကြောင်း ကိုထင်ကျော်က ဆက်လက် ပြောဆိုသည်။

သတင်းစာရှင်းလင်းပွဲ ကို သက်ဆိုင်ရာသို့ ခွင့်ပြုချက်တင်ပြီးမှ ပြုလုပ်ခဲ့ခြင်းဖြစ်သည်ဟုလည်း ၎င်းက ဆိုသည်။

ကိုထင်ကျော်အဖမ်းခံခဲ့ရလျှင် နိုင်ငံတော် သမ္မတ၊ လွှတ်တော်များနှင့် ရန်ကုန်တိုင်း အစိုးရအဖွဲ့တို့ထံ တရားမျှတမှု မရှိကြောင်း ပြ သရန်အတွက် ဥပဒေလမ်းကြောင်းအတွင်းမှ ဆောင်ရွက်သွားမည်ဖြစ်ကြောင်း MDCF ရန်ကုန်တိုင်း တာဝန်ခံ ကိုတင်မောင်ကြည် က ပြောသည်။

ထိုသို့ တရားစွဲဆိုခဲ့ရခြင်းမှာ သတင်းစာရှင်းလင်းပွဲတွင် ကိုထင်ကျော်၏ ပြောဆိုချက်များသည် လွဲမှားခြင်းများ ရှိနေကြောင်း၊ မိမိတွင် တရားဝင် ပိုင်ဆိုင်မှု အထောက်အထားများ ပြည့်ပြည့်စုံစုံ ရှိကြောင်း ဂရိတ်နိုင်း ကျောက်မျက်ကုမ္ပဏီ ပိုင်ရှင် ဦးအိုင်လင်း က ဧရာဝတီသို့ ပြောသည်။ အသေးစိတ် အချက်အလက်များကိုမူ ပြောဆိုခဲ့ခြင်း မရှိပေ။
“ကိုထင်ကျော် ကို ဖမ်းသွားပေမယ့်လည်း ဒီမိုကရေစီအရေးအတွက် ကျနော်တို့က ဆက်လှုပ်ရှား သွားမယ်။ သူလွတ်မြောက်ဖို့ အတွက်လည်း ဆက်ပြီး ဆန္ဒဖော်ထုတ်သွားမယ်”ဟု ကိုတင်မောင်ကြည်က ဆက်လက် ပြောဆိုသည်။

မေလ ၉ ရက်နေ့ကလည်း ကိုထင်ကျော်သည် ရန်ကုန်မြို့ ပန်းဘဲတန်းနှင့် ကျောက်တံတား မြို့နယ်အတွင်း တကိုယ်တော် လမ်း လျှောက် ဆန္ဒပြမှု ပြလုပ်ခဲ့ရာ ခေတ္တ ထိန်းသိမ်း ခံခဲ့ရသေးသည်။

ကိုထင်ကျော်သည် ၂၀၀၇ ခုနှစ် ရွှေဝါရောင် သံဃာ့လှုပ်ရှားမှုမတိုင်ခင် ရန်ကုန်မြို့ သိမ်ကြီးဈေးရှေ့တွင် လောင်စာဆီနှင့် ကုန်ဈေးနှုန်းမြင့်တက်မှုကို ဆန္ဒပြခဲ့ရာမှ အဖမ်းခံခဲ့ရပြီး ခန္တီးအကျဉ်းထောင်တွင် ထောင်ဒဏ် ၁၂ ခွဲ ကျခံခဲ့ရသည်။ ၂၀၁၂ ခုနှစ် ဇန်န၀ါရီ ၁၃ ရက်တွင် နိုင်ငံတော် သမ္မတ၏ အထွေထွေ လွတ်ငြိမ်းချမ်းသာခွင့်ကြောင့် ပြန်လည်လွတ်မြောက်လာပြီး ထောင်ထဲတွင် ၄ နှစ်ခွဲနီးပါး နေခဲ့ရသူ ဖြစ်သည်။

ကျောင်းအုပ်အဖြစ် သရုပ်ဆောင်နေသူ အဆိုတော် နော်လီဇာနှင့် သင်တန်းသားအဖြစ် သရုပ်ဆောင်နေသူများ (ဓာတ်ပုံ – နဒီထိုက် / ဧရာဝတီ)

Laurel Art Academy (အနုပညာ သင်တန်းကျောင်း) မှ သင်တန်း ဆင်းကျောင်းသူ ကျောင်းသားများက ဝါရင့် သရုပ်ဆောင် နိုင်းနိုင်း၊ တေးသံရှင် နော်လီဇာတို့နဲ့ တွဲဖက်ပြီး အပိုင်း ၂၀ ပါ ဇာတ်လမ်းတွဲ တခုကို ရိုက်ကူးနေတယ်လို့ Laurel ရဲ့ အုပ်ချုပ်မှု ဒါရိုက်တာ ဒေါ်သီတာလင်း ဆီက သိရပါတယ်။

ဇာတ်လမ်းတွဲကို ‘ပန်းနုရောင်သံစဉ်’ လို့ အမည်ပေးထားပြီး Laurel ကျောင်းမှ သင်တန်းအမှတ်စဉ် ၁၊ ၂၊ ၃၊ မှ ကျောင်းသား ကျောင်းသူ ၄၅ ဦးက ပါဝင်သရုပ်ဆောင် ထားကြတာ ဖြစ်ပါတယ်။ ဇာတ်လမ်းတွဲကို ရိုက်ကူးပြီးစီးပါက 5Net Work မှာ  ပြသမှာ ဖြစ်ပါတယ်။

“အခု ပန်းနုရောင် သံစဉ်ဆိုတဲ့ အပိုင်း ၂၀ ပါတဲ့ ဇာတ်လမ်းတွဲက ပထမတော့ 5 Network က လာအပ်တာပါ။ တကယ်တမ်းတော့ ကိုယ့်ဘာသာပဲ လုပ်ဖြစ်တယ်။ ကိုယ့်စိတ်ကိုယ့်သဘော လုပ်ချင်တယ်။ ပြီးမှ ပြရင် ကိုယ့် အနုပညာ ကိုလည်း ထင်သာမြင်သာ လာနိုင်တော့ ကိုယ့်စိတ်ကူးနဲ့ ရိုက်တယ်။ ပြီးရင်တော့ ဦးစားပေးအနေနဲ့ သူတို့ကို ပေးရမှာပေါ့။ 5Network ကပဲ လွှင့်မှာပါ” လို့ ဒေါ်သီတာလင်းက ပြောပါတယ်။

ပန်းနုရောင် သံစဉ် ဇာတ်လမ်းတွဲကို ဒါရိုက်တာ သီတာလင်း ရိုက်ကူးပြီး သရုပ်ဆောင် နိုင်းနိုင်း၊ ကျော်စိုး၊ နော်လီဇာ၊အေးသီတာတို့နဲ့ Laurel ကျောင်းသား ကျောင်းသူများက သရုပ်ဆောင်ထား ပါတယ်။ စက်ပစ္စည်းပိုင်းနဲ့ သရုပ်ဆောင်များ၊နောက်ခံတေးဂီတ၊ နောက်ခံသီချင်းများ အားလုံးကိုလည်း Laurel အဖွဲ့ကပဲ ပူးပေါင်း ဆောင်ရွက်တာဖြစ်ပြီး One Stop Service ပေးနိုင်တဲ့ အနုပညာကျောင်း တကျောင်းအဖြစ် ဆက်လက် ရပ်တည်သွားမှာ ဖြစ်တယ်လို့ Laurel မှ ဦးစီးသူ ဦးရန်အောင်ထွန်းက ပြောပါတယ်။

ဇာတ်လမ်းတွဲမှာ ကျောင်းအုပ်ကြီးအဖြစ် ပါဝင်သရုပ်ဆောင်မယ့် တေးသံရှင် နော်လီဇာက “ဒီဇာတ်လမ်းတွဲနဲ့ ဆိုရင် Laurel က ရိုက်တဲ့ ဇာတ်ကားတွေမှာ သရုပ်ဆောင်တာ ၃ ကားရှိပြီပေ့ါ။ အခု ဇာတ်ကားလေးက ကျောင်းသူ၊ ကျောင်းသားတွေရဲ့ အနုပညာနဲ့ ပတ်သက်တဲ့ အကြောင်းအရာတွေကို ဆုံးမပေးတယ်၊ သွန်သင်ပေးတဲ့ ဇာတ်ကားလေးပေ့ါ။ ဒီကျောင်းရဲ့ တကယ့် ကျောင်းအုပ်က အကယ်ဒမီ ဦးကြည်စိုးထွန်းလေ။ သူကတောင် နောက်နေသေးတယ်၊ သူ့နေရာကို ယူပြီး ဝင်ရိုက်တာ ကောင်းကောင်း သရုပ်ဆောင်ပါတဲ့” လို့ ပြောပြပါတယ်။

ဇာတ်လမ်းအကျဉ်း ကတော့ အနုပညာ Musical Drama ဇာတ်ကား ဖြစ်ပြီး အဆိုအဖွဲ့၊ အကအဖွဲ့များက အခက်အခဲများ ကျော်လွှားပြီး နောက်ဆုံးမှာ ပညာသင်ဆု ရရှိသွားကြတဲ့ ပုံစံရိုက်ကူးထားတာ ဖြစ်ပါတယ်။

Laurel အနုပညာကျောင်းမှာ အမှတ်စဉ် ၁ သင်တန်းကို တက်ရောက်ခဲ့ပြီး ပန်းနုရောင်သံစဉ် ဇာတ်လမ်းတွဲမှာ ပါဝင် သရုပ်ဆောင်နေသူ သရုပ်ဆောင်သစ် စောမြတ်နိုးက “ကျနော်တို့က ဒီကားမှာ ငါးယောက် သူငယ်ချင်း အဖွဲ့ရှိတယ်။ခပ်ကင်းကင်း နေတတ်တဲ့ စရိုက်နဲ့ပေါ့။ ဒီကားက ဇာတ်လမ်းတွဲမှာ ဆိုရင်တော့ ပထမဆုံးပေ့ါ။ ဗီဒီယိုဆိုရင် ၅ ကား ရှိပါပြီ။ Laurel ကျောင်း မတက်ခင်ကတော့ နေမျိုးအောင်၊ မျိုးစန္ဒီကျော်တို့နဲ့ ‘နေအတွင်းမှ လမင်းကုဋေ’ ဆိုတဲ့ ဇာတ်ကားမှာ ပါဖူးပါတယ်။ အရင်က ကိုယ်ထင်ရာ လုပ်နေရတာ။ အခုတော့ လမ်းကြောင်းတခုပေါ် ရောက်နေပြီလို့ ထင်ပါတယ်” လို့ ပြောပါတယ်။

Laurel အနုပညာကျောင်းမှာ သရုပ်ဆောင်ပညာ၊ ဂီတ အဆို အရေး အတီးပညာ၊ မြန်မာနဲ့ အနောက်တိုင်း အကပညာ၊မော်ဒယ်လ်ပညာ တို့အပြင် မြင်းစီး၊ ဘောလုံး စတာတွေကိုပါ သင်ကြားပေးနေတယ်လို့ သိရပါတယ်။

ကျောင်းအုပ် အဖြစ် ဦးကြည်စိုးထွန်းက တာဝန်ယူထားပြီး မော်ဒယ်လ်ပညာကို တင်မိုးလွင်၊ အဆိုပိုင်းကို နော်လီဇာ၊ ခေတ်ပေါ် အကကို ယူရေနီယံ အကအဖွဲ့၊ မြင်းစီးအတတ်ကို မြန်မာနိုင်ငံ မြင်းစီးအဖွဲ့ချုပ်၊ အတီးပညာကို ဦးကျော်စွာထွန်း စတဲ့ ဝါရင့် အနုပညာရှင်တွေက သင်ကြားပေးလျှက် ရှိပြီး သရုပ်ဆောင်ပိုင်းကိုလည်း ဝါရင့် သရုပ်ဆောင်များက လာရောက် သင်ကြားပေးနေတယ်လို့ သိရပါတယ်။ နိုင်ငံတကာ အသိအမှတ်ပြု အနုပညာ ကျောင်းဆင်း လက်မှတ်များ ပေးနိုင်ရန်လည်း စီစဉ်နေတယ်လို့ ဒေါ်သီတာလင်းက ပြောပါတယ်။

သံလွင်မြစ်ပေါ်တွင် တည်ဆောက်မည့် ဟတ်ကြီး ရေကာတာ စီမံကိန်းကို ရပ်တန့်ရေးအတွက် လူထုအခြေပြု အဖွဲ့အစည်းများ၊ ထိုင်း NGO များနှင့် အာဆီယံ လူငယ်လှုပ်ရှားမှုအဖွဲ့တို့က ထိုင်းနိုင်ငံ ပါလီမန် အဆောက်အဦးရှေ့တွင် ၂၀၁၂ ခုနှစ် သြဂုတ်လက ဆန္ဒပြနေစဉ် (ဓာတ်ပုံ – ASEAN Youth Movement)

ကရင်ပြည်နယ် သံလွင်မြစ်ပေါ်တွင် တည်ဆောက်မည့် ဟတ်ကြီး ရေအားလျှပ်စစ် စီမံကိန်းနှင့် ပတ်သက်၍ ဆောက်လုပ်ရေး ကုမ္ပဏီ ၀န်ထမ်းများ ကွင်းဆင်းလေ့လာနိုင်ရေး ကရင်အမျိုးသား အစည်းအရုံး (KNU) က ခွင့်ပြုရန် အစီအစဉ်ရှိကြောင်း သိရသည်။

အဆိုပါ ဟတ်ကြီး ရေးအားလျှပ်စစ် စီမံကိန်းသည် ထိုင်း-မြန်မာနယ်စပ် KNU ထိန်းချုပ်ရာ ဒေသတွင် တည်ရှိပြီး Electricity Generating Authority of Thailand (EGAT) ကုမ္ပဏီမှ ၀န်ထမ်းတချို့က ကွင်းဆင်းလေ့လာရန် စီစဉ်နေခြင်း ဖြစ်ကြောင်း KNU ဘားအံခရိုင် ဥက္ကဋ္ဌ ဖဒိုစောအောင်မော်အေးက ဧရာဝတီသို့ ပြောသည်။

KNU အနေဖြင့် ကွင်းဆင်းလေ့လာမှု ပြုလုပ်ရန် လတ်တလော ညှိနှိုင်းဆောင်ရွက်နေပြီး ဆုံးဖြတ်ချက် မချမှတ်ရသေးကြောင်း ၎င်းက ဆိုသည်။

“ကွင်းဆင်း လေ့လာဖို့ အတွက် သူတို့ ခွင့်တောင်းနေတယ်။ KNU ဗဟိုကလည်း သူတို့ကို ပေးမယ်လို့တော့ သဘောထား ရှိတယ်။ ကွင်းဆင်းလေ့လာဖို့ အတွက်ပဲ၊ ဆောက်လုပ်ရေး အတွက်ကိုတော့ ခွင့်မပေးဘူး” ဟု ဖဒို စောအောင်မော်အေးက ဆက်ပြောသည်။

ဖဒို စောအောင်မော်အေး၏ အဆိုအရ လတ်တလော ကွင်းဆင်းလေ့လာသူများ လုပ်ကိုင်ရန်အတွက် ယင်း စီမံကိန်း တည်ဆောက်မည့် အနီးအနားသို့ ၀န်ထမ်းတချို့ ရောက်ရှိနေပြီး ဖြစ်ကြောင်း သိရသည်။

“ကွင်းဆင်းလေ့လာပြီးရင် ဆုံးရှုံး နစ်နာမှုဟာ ဘယ်လောက် ရှိလဲ၊ အကျိုးအမြတ် ဘယ်လောက်ရှိလဲ ကြည့်မယ်။ အကျိုးအမြတ် များများ ရှိရင်တော့ ပေးမယ်၊ အကျိုးအမြတ် မရှိရင်တော့ မပေးဘူး” ဟု ဖဒို စောအောင်မော်အေးက ပြောသည်။

ယင်း ရေအားလျှပ်စစ် စီမံကိန်း တည်ဆောက်မှုနှင့် ပတ်သက်၍ ဒေသခံပြည်သူများ အကျိုးသက်ရောက်မှု အပေါ် KNU အနေနှင့် ပြန်လည် သုံးသပ်သွားမည် ဖြစ်ကြောင်းလည်း ၎င်းက ဆိုသည်။

ဟတ်ကြီး ရေအားလျှပ်စစ် စီမံကိန်း တည်ဆောက်ရန် ယခင် စစ်အစိုးရ လက်ထက်က လျှပ်စစ်စွမ်းအား ၀န်ကြီးဌာန၊ EGATနှင့် China’s Sinohydro Corporation ကုမ္ပဏီတို့ အကြား ၂၀၀၆ ခုနှစ်တွင် သဘောတူ လက်မှတ်ရေးထိုးထားသည်။

လက်မှတ်ရေးထိုးပြီးနောက် ၂၀၀၇ ခုနှစ်တွင် စမ်းသပ် လေ့လာမှုများ ပြုလုပ်ခဲ့သော်လည်း EGAT ကုမ္ပဏီ ၀န်ထမ်း ၂ ဦး မိုင်းထိ သေဆုံးပြီးနောက် စီမံကိန်းကို ရပ်ဆိုင်းထားခဲ့ခြင်း ဖြစ်သည်။

အစိုးရ လျှပ်စစ်စွမ်းအား ၀န်ကြီးဌာနမှ ဒု ၀န်ကြီး ဦးမြင့်ဇော်ကလည်း သံလွင်မြစ်ပေါ်တွင် ဟတ်ကြီး အပါအ၀င် ရေအားလျှပ်စစ် စီမံကိန်း ၆ ခုကို နိုင်ငံခြား ကုမ္ပဏီများ၏ ရင်းနှီးမြှုပ်နှံမှုဖြင့် အကောင်အထည်ဖော်ရန် စီစဉ်ထားကြောင်း ပြောကြားထားသည်။

ပြီးခဲ့သည့် ဖေဖော်ဝါရီလအတွင်း ပထမအကြိမ် ပြည်သူ့လွှတ်တော် ဆဋ္ဌမပုံမှန် အစည်းအဝေး ၂၀ ရက်မြောက်နေ့တွင် အလုံမဲဆန္ဒနယ်မှ ဦးခိုင်မောင်ရည်က သံလွင် မြစ်ပေါ်တွင် တည်ဆောက်မည့် လျှပ်စစ် စီမံကိန်းများနှင့် ပတ်သက်၍ မေးမြန်းချက်ရာတွင် ဒု ၀န်ကြီး ဦးမြင့်ဇော်က ထိုသို့ ဖြေကြားခြင်း ဖြစ်သည်။

ထိုစီမံကိန်း ၆ ခုမှာ ၁၄၀၀ မဂ္ဂါဝပ် ထုတ်လုပ်နိုင်မည့် အထက်သံလွင် (ကွမ်လုံ)၊ ၁၀၀၀ မဂ္ဂါဝပ် ထုတ်လုပ်နိုင်မည့် နောင်ဖ၊ ၂၀၀ မဂ္ဂါဝပ် ထုတ်လုပ်နိုင်မည့် မန်တောင်း၊ ၇၁၁၀ မဂ္ဂါဝပ် ထုတ်လုပ်နိုင်မည့် အထက်သံလွင် (မိုင်းတုံ)၊ ၄၀၀၀ မဂ္ဂါဝပ် ထုတ် လုပ်နိုင် မည့် ရွာသစ်၊ ၁၃၆၀ မဂ္ဂါဝပ် ထုတ်လုပ်နိုင်မည့် ဟတ်ကြီး ရေအားလျှပ်စစ် စီမံကိန်းတို့ ဖြစ်ကြောင်း သိရသည်။

သို့သော် အသေးစိတ် အခြေအနေများ၊ နိုင်ငံတော် အကျိုးအမြတ်နှင့် အရှုံးဖြစ်ပေါ်မှုတို့ကိုမူ ဒု ဝန်ကြီး ဦးမြင့်ဇော်က မဖြေကြားခဲ့ပေ။

ကရင် မြစ်ချောင်းများ စောင့်ရှောက်ရေးအဖွဲ့ (KRW) မှ စောဒေးဒေးက ကွင်းဆင်းလေ့လာမှုများ ပြုလုပ်မည်ဟု ဒေသခံများ မှတဆင့် ကြားသိရပြီး သတင်းအချက်အလက်များ ထပ်မံ ရရှိရန် ကြိုးစားနေကြောင်း ပြောသည်။

“ကျနော်တို့ လေ့လာချက်တွေအရ ဒီ ရေအားလျှပ်စစ် စီမံကိန်း အနီးအနားမှာရှိတဲ့ ကျေးရွာ ၂၁ ရွာ ဆိုးကျိုးခံစားရမှာ ဖြစ်တယ်” ဟု ၎င်းက ဆိုသည်။

ယခင် စစ်အစိုးရက လက်ထက်၌ တရုတ်နှင့် ထိုင်းနိုင်ငံရှိ ကုမ္ပဏီများ ပူးပေါင်း၍ သံလွင်မြစ်မကြီးနှင့် မြစ်လက်တက်များပေါ်တွင် ရေကာတာများ တည်ဆောက်ရန် လျာထားခဲ့ပြီး ရေအားလျှပ် စစ်စီမံကိန်းများမှ ထွက်ရှိလာမည့် လျှပ်စစ်ဓာတ်အား အများစုကို တရုတ်နိုင်ငံသို့ တင်ပို့ရောင်းချရမည် ဖြစ်ကြောင်း သတင်းများအရ သိရသည်။

လက်ရှိ အချိန်အထိ ကချင်၊ ရှမ်း၊ ကယားပြည်နယ်၊ မန္တလေးတိုင်းနှင့် စစ်ကိုင်းတိုင်းများတွင် ဆောက်လုပ်နေဆဲ ရေကာတာ စီမံ ကိန်း၂၁ ခုရှိသည်။

စစ်တွေမြို့ သဲချောင်းရွာ အနီးရှိ ဘင်္ဂါလီ ဒုက္ခသည်စခန်းတခုကို ၂၀၁၂ ခုနှစ် ဇွန်လက တွေ့ရစဉ် (ဓာတ်ပုံ – နန်းသီရိလွင် / ဧရာဝတီ)

ရခိုင်ပြည်နယ်အတွင်းရှိ ဘင်္ဂါလီ ဒုက္ခသည်များကို ပြန်လည်နေရာချထားရေး၊ မုန်တိုင်းဒဏ်ကာကွယ်ရေးနှင့် ဒုက္ခသည် အမည်စာရင်း ကောက်ယူရေး (ဆွဲ၊ တင်၊ စစ်) တို့တွင် ဒုက္ခသည်များဘက်မှ ဆန့်ကျင်မှုများရှိနေပြီး ယင်းဖြစ်ရပ်၏ နောက်တွင် ကြိုးကိုင် လှုံ့ဆော်နေသူများ ရှိကြောင်း ရခိုင်ပြည်နယ်အစိုးရ တာဝန်ရှိသူများက ပြောသည်။

ရခိုင်ပြည်နယ်အစိုးရ၏ သတင်းပြန်ကြားရေးနှင့် မှတ်တမ်းစုဆောင်းရေး ဆပ်ကော်မတီ ဥက္ကဋ္ဌနှင့် ပြည်နယ် ဥပဒေချုပ် ဦးလှသိန်းက “အခုကိစ္စတွေမှာ နောက်ကွယ်က ကြိုးကိုင်သူတွေရှိတယ်။ အရေးယူဆောင်ရွက်ရေး ကိစ္စကတော့ ရဲတွေ အလုပ်ပါ။ ဆွဲ၊ တင်၊ စစ် တုန်းက လှုံ့ဆော်မှုနဲ့ မသင်္ကာတဲ့လူတွေကိုတော့ အရေးယူ ဆောင်ရွက်တာတွေ လုပ်နေပါတယ်” ဟု ဧရာဝတီသို့ ပြောသည်။

ရခိုင်ပြည်နယ်တွင် ဖြစ်ပွားခဲ့သော ပဋိပက္ခများနှင့် ပတ်သက်ပြီး ရခိုင်ပြည်နယ် ပဋိပက္ခများ စုံစမ်းရေးကော်မရှင်က ယခုနှစ် ဧပြီလကုန်ပိုင်းက အစီရင်ခံစာ ထုတ်ပြန်ခဲ့ပြီး ယင်းအစီရင်ခံစာတွင် မိုးမကျမီ ဒုက္ခသည်များ အမိုးအကာအောက် အမြန်ရောက်ရေး ပါဝင်ပြီး ယင်းစီမံချက်အတိုင်း အစိုးရအဖွဲ့ဝင်များက ဆောင်ရွက်ရာတွင် ဒုက္ခသည်များဘက်မှ ငြင်းဆန်မှုများ ကြုံတွေ့နေရကြောင်း သိရသည်။

၂၀၁၂ ခုနှစ် အောက်တိုဘာလအတွင်း ဖြစ်ပွားသော ပဋိပက္ခကြောင့် ကျောက်ဖြူဒေသမှ ထွက်ပြေးလာပြီး စစ်တွေမြို့နယ်တွင် လာရောက် ခိုလှုံနေသူများကို မိုးမကျမီ အမိုးအကာများ တည်ဆောက်ပြီး လာရင်းဒေသသို့ ပြန်လည်ပို့ဆောင်ရန် ပြုလုပ်ရာတွင် ဒုက္ခသည်များက တညီတညွတ်တည်း ငြင်းဆန်နေကြခြင်း ဖြစ်ကြောင်း သိရသည်။

“ပြန်ပို့ဖို့ကိစ္စကို ဒုက္ခသည်တွေကို အရင်သွားရှင်းပြတယ်။ သူတို့ကလည်း ပြန်မယ်လို့ပြောတယ်။ ဒါနဲ့ ပြည်နယ်အစိုးရကို တင်ပြပြီး တကယ်ရွှေ့ပေးတော့မယ် လုပ်တော့ အားလုံးက မလိုက်ဘူးဆိုပြီး ငြင်းတယ်” ဟု ပြည်နယ် ဥပဒေချုပ် ဦးလှသိန်းက ပြောသည်။

ဒုက္ခသည်များဘက်မှ ငြင်းဆန်နေသော်လည်း သဘာဝ ဘေးအန္တရာယ်ဆိုင်ရာ ဥပဒေအရ ရွှေ့ပြောင်းပေးရမည် ဖြစ်ကြောင်း ယခု လက်ရှိ နေထိုင်နေသော စစ်တွေမြို့နယ်ရှိ ဒုက္ခသည်စခန်းများတွင်လည်း နေရာလုံလောက်ခြင်း မရှိသည့်အတွက် ထားရှိရန် မဖြစ်နိုင်ကြောင်း ရခိုင်ပြည်နယ် အစိုးရအဖွဲ့၏ ပြန်ကြားရေး တာဝန်ခံ ဦးဝင်းမြိုင်က ဧရာဝတီသို့ ပြောသည်။

“နောက်ဆုံးတော့ သူတို့က အသေသာခံမယ်၊ မရွှေ့ဘူးဆိုပြီး လုပ်နေတယ်။ ကျနော်တို့ကလည်း ဟိုမှာဆောက်ပြီးလို့ ရွှေ့ပေးနေတာ။ သူတို့က စစ်တွေမှာလာပြီး စုမယ့်ပုံစံမျိုး ဖြစ်နေတယ်။ အဲဒါကျတော့ ကျနော်တို့က ဘယ်လိုလုပ် လက်ခံလို့ရမလဲ။ ဒီမှာထားလို့တော့ မရဘူး၊ ဥပဒေအကြောင်းအရ ရွှေ့ပေးရမှာပဲ၊ ဒီမှာလည်း နေရာမလောက်ဘူး” ဟု ဦးဝင်းမြိုင်က ပြောသည်။

ဒုက္ခသည်များ ယခုကဲ့သို့ မပြောင်းရွှေ့လိုတော့ကြောင်း ငြင်းဆန်နေမှုနှင့် ပတ်သက်ပြီး ဦးဝင်းမြိုင်က “သူတို့နောက်မှာ ဗလီဆရာ တယောက်ကနေပြီးတော့မှ မရွှေ့မပြောင်းဖို့ လုပ်နေတာ” ဟု စွပ်စွဲပြောဆိုသည်။

စစ်တွေမြို့နယ် ဒုက္ခသည် စခန်းများရှိ လူဦးရေ ကောက်ခံခြင်းကို ဆွဲ၊ တင်၊ စစ် (နေရာဒေသ မြေပုံဆွဲခြင်း၊ မှတ်တမ်း တင်ခြင်း နှင့် စစ်ဆေးခြင်း) စနစ်ဖြင့် လူဝင်မှု ကြီးကြပ်ရေးဌာန၊ ပြည်နယ်အစိုးရ၊ ဒေသဆိုင်ရာ အာဏာပိုင်များ စုပေါင်း၍ ဧပြီလကုန်ပိုင်းတွင် စတင်ကောက်ခံရာ ဒုက္ခသည်များ၏ အုံကြွ ကန့်ကွက်မှုများနှင့် ကြုံတွေ့ရ၍ ရပ်ဆိုင်းခဲ့ရသည်။

ဒုက္ခသည်များက လူဦးရေ စာရင်းကောက်ခံရာ၌ လူမျိုးအမည်တွင် “ဘင်္ဂါလီ” ဟု မဖြည့်လိုဘဲ “ရိုဟင်ဂျာ” ဟူ၍ စာရင်းသွင်းမှသာ လက်ခံမည်ဟုဆိုကာ အုပ်စုဖွဲ့ ကန့်ကွက်သည့်အတွက် ခေတ္တရပ်ခဲ့ရကြောင်း၊ ယင်းဖြစ်ရပ်တွင် တာဝန်ဖြင့် စစ်ဆေးရန် ရောက်ရှိလာသော အစိုးရအဖွဲ့ဝင်များ တိုက်ခိုက်ခံခဲ့ရပြီး ဒုက္ခသည်များ၏ နောက်ကွယ်က လှုံ့ဆော်ပေးသူ တချို့ကိုလည်း ဖမ်းဆီးထားကြောင်း ဦးလှသိန်းက ပြောသည်။

ထို့အပြင် ယခုလလယ်ပိုင်းက ရခိုင်ပြည်နယ်အစိုးရက စစ်တွေမြို့ အနီးရှိ ဒုက္ခသည် စခန်းများကို မဟာစင်မုန်တိုင်း ဝင်ရောက်နိုင်သဖြင့် ကင်းလွတ်နိုင်သော နေရာများသို့ ရွှေ့ပြောင်းရွှေ့ပေးရာတွင် ဒုက္ခသည် စခန်း ၁၁ ခုမှ ဒုက္ခသည် ၇၀၀၀၀ ခန့်က ရွှေ့ပြောင်းရန် ငြင်းဆန်ခဲ့ကြသည်။

ယင်းဖြစ်စဉ်များနှင့် ပတ်သက်ပြီး ဗဟုသုတ နည်းပါးသော ဒုက္ခသည်များကို အကြောင်းပြ၍ နောက်ကွယ်မှ ကြိုးကိုင် လှုံ့ဆော်မှုများ မပြုလုပ်သင့်ကြောင်း မြန်မာနိုင်ငံလုံးဆိုင်ရာ အစ္စလမ် ဘာသာရေးအဖွဲ့၏ အတွင်းရေးမှူးချုပ် ဦးကျော်ခင်က ပြောသည်။

“နောက်က လှုံ့ဆော်တဲ့လူတွေက နိုင်ငံခြားမှာ ရှိမယ်၊ အဲယားကွန်းခန်းထဲမှာ ရှိမယ်၊ သူတို့သားသမီးတွေက နိုင်ငံခြားမှာ ပညာတော်သင်တွေ သွားနေကြတဲ့ လူတွေ။ ဒုက္ခသည်တွေဆိုတာ လက်လုပ်လက်စားတွေ၊ ဒီလိုဒုက္ခတွေ ဘယ်ခံစားချင်ပါ့မလဲ။ တကယ်ခံစားနေရတာက သူတို့။ နောက်ကနေ ကြိုးကိုင်ပြီးတော့မှ မဖြစ်မနေ ဒီလိုပဲလုပ် ဆိုပြီးတော့မှ ပုံစံချထားသလားတော့ မသိဘူးပေါ့ဗျာ” ဟု ဦးကျော်ခင်က ဧရာဝတီသို့ ပြောသည်။

လက်ရှိဒုက္ခသည်များ ရွှေ့ပြောင်းရေး ကိစ္စတွင် ပဋိပက္ခများကြားမှ ထွက်လာခဲ့ရသော ဒုက္ခသည်များ အနေဖြင့် နောက်ထပ် ပဋိပက္ခများ ဖြစ်ပွားမည်ကို စိုးရိမ်မှုများ ရှိနေသကဲ့သို့ အစိုးရအပေါ် ယုံကြည်မှု အားနည်း နေသေးခြင်းများလည်း ရှိနေကြောင်း သူက ဆက်လက် ပြောသည်။

ထို့ကြောင့် ဒုက္ခသည်များ ရွှေ့ပြောင်းရေး ကိစ္စအတွက် ပူးပေါင်းလုပ်ဆောင်ကြရန် မကြာသေးမီက သမ္မတရုံးဝန်ကြီး ဦးတင်နိုင်သိန်း၊ သမ္မတ အကြံပေး ဦးကိုကိုလှိုင် တို့နှင့် ဘာသာရေးအဖွဲ့များ၊ လူမှုကူညီရေးအဖွဲ့များနှင့် NGO အဖွဲ့များ ရန်ကုန်မြို့တွင် တွေ့ဆုံဆွေးနွေးခဲ့ကြပြီး မိုးမကျမီ အမိုးအကာအောက် ရောက်ရှိရေးအတွက် ပူးပေါင်းဆောင်ရွက်ကြမည် ဖြစ်ကြောင်း ဦးကျော်ခင်က ဆိုသည်။

ဒုက္ခသည်များ ပြန်လည် နေရာချထားရေး ကူညီဆောင်ရွက်နေသည့် မြန်မာနိုင်ငံလုံးဆိုင်ရာ မော်လဝီအဖွဲ့ချုပ်၏ တွဲဖက် အတွင်းရေးမှူး ဦးရဲနောင်သိန်းက “မွတ်စလင်တွေထဲမှာကျတော့ဗျာ၊ ကြောက်စိတ်က လွှမ်းမိုးနေတဲ့ အခါကျတော့ အရာရာကို သံသယအဖြစ် ရှုမြင်ပြီးတော့ မပြောင်းရွှေ့ချင်ကြတာမျိုး ဖြစ်ပါလိမ့်မယ်” ဟု ဧရာဝတီသို့ ပြောသည်။

ဒုက္ခသည်များ ပြန်လည် နေရာချထားရေးကိစ္စနှင့် ပတ်သက်ပြီး အစိုးရဘက်က အလေးထား ဆောင်ရွက်ပေးမှုများ ရှိကြောင်း၊ ဖြစ်ပွားခဲ့သည့် ပဋိပက္ခများကြောင့် စိုးရိမ်မှုများနေသည့် ဒုက္ခသည်များကိုလည်း ၎င်းတို့ ဘာသာရေး အဖွဲ့များမှလည်း ဝိုင်းဝန်း ဖျောင်းဖျပေးမှုများ ပြုလုပ်ပေးသွားမည် ဖြစ်ကြောင်း မြန်မာမွတ်စလင် အိုလမာ ဖွဲ့ချုပ်မှ ဦးစိန်ဝင်း ကလည်း ပြောသည်။

သမ္မတ ဦးသိန်းစိန်၏ အမေရိကန် ခရီးစဉ်အတွင်း သမ္မတ အိုဘားမားက “မြန်မာနိုင်ငံမှာ  မွတ်စလင်တွေအပေါ်မှာ အကြမ်းဖက်မှုတွေ ဖြစ်တဲ့ကိစ္စနဲ့ ပတ်သက်လို့လည်း ကျနော် သမ္မတကြီး (ဦးသိန်းစိန်) နဲ့ ဆွေးနွေးခဲ့ပါတယ်။ အဲဒီတော့ ဒီဟာနဲ့ ပတ်သက်ပြီးတော့ သူတို့ အိုးမဲ့အိမ်မဲ့ ဖြစ်သွားတဲ့ ပုဂ္ဂိုလ်တွေ၊ နောက်ပြီးတော့ ဒုက္ခရောက်နေတဲ့ ပုဂ္ဂိုလ်တွေနဲ့ ပတ်သက်ပြီးတော့ ဆက်လက်ပြီးတော့ အကူအညီ ပေးဖို့အတွက် ကျနော်တို့ သဘောတူကြပါတယ်။ နိုင်ငံတကာကလည်း ကူညီပေးနေတာ ဖြစ်ပါတယ်” ဟု  ပြောဆိုခဲ့သည်။

ရခိုင်ပြည်နယ် ပဋိပက္ခများ စုံစမ်းရေးကော်မရှင်က ထုတ်ပြန်ခဲ့သော အစီရင်ခံစာတွင် ဖော်ပြချက်အရ ၂၀၁၂ ခုနှစ် ပဋိပက္ခများအတွင်း လူပေါင်း ၁၉၂ ဦး အသက်ဆုံးရှုံးခဲ့ရပြီး ၂၆၅ ဦး ဒဏ်ရာရရှိခဲ့ကာ နေအိမ်ပေါင်း ၈၆၁၄ လုံး ပျက်စီးခဲ့ကြောင်း သိရသည်။ ယင်းအစီရင်ခံစာတွင် ရခိုင်နှင့် ဘင်္ဂါလီဟု သုံးစွဲထားပြီး အစိုးရသတင်းစာများတွင်လည်း ဘင်္ဂါလီဟုပင် သုံးစွဲထားသည်။

ရန်ကုန်မြို့ မရမ်းကုန်းမြို့နယ် အထက ၂ ကျောင်းဆင်းချိန်ကို ၂၀၁၂ အတွင်း တွေ့ရစဉ် (ဓာတ်ပုံ – ဂျေပိုင် / ဧရာဝတီ)

ကျောင်းအပ်ချိန်တွင် သတ်မှတ်နှုန်းထက် ကျော်လွန်၍ ငွေတောင်းခြင်း၊ အလှူငွေ ကောက်ခြင်း၊ မတက်မဖြစ် ကျူရှင် သင်နေခြင်းများ ဆက်လက် ပြုလုပ် နေကြသေးသော်လည်း ကျောင်းသားမိဘများက တိုင်ကြားခြင်း မရှိပါက အရေးယူရန် ခက်ခဲကြောင်း အခြေခံ ဦးစီးဌာနနှင့် နီးစပ်သူများက ပြောသည်။

ကျောင်းသားမိဘများက မကျေနပ်၍ သက်ဆိုင်ရာ ဌာနသို့ တိုင်လျှင် ထိရောက်သည့် အရေးယူမှုများ ပြုလုပ်သော်လည်း၊ မိဘများက မတိုင်ပါက ပညာရေး ဝန်ကြီးဌာနနှင့် အမှတ် ၃ အခြေခံပညာဦးစီးဌာနမှ တာဝန်ရှိသူများအနေဖြင့် ကျောင်းအုပ်များ၊ ဆရာ၊ ဆရာမများ လာဘ်စားမှု ရှိ/ မရှိကို ဝင်ရောက်စစ်ဆေးခြင်း မပြုကြောင်း အမှတ် ၃ အခြေခံ ပညာ ဦးစီးဌာနမှ သိရသည်။

“၂ နှစ်လောက်ရှိပြီ၊ ကျောင်းအုပ် လာဘ်စားတာ၊ အလှူခံတာကို မကျေနပ်လို့ တိုင်ရင် ကျောင်းအုပ်အပြစ်ပေါ် မူတည်ပြီး စာပြန် သင်ခိုင်းတာ၊ ရာထူးက ထုတ်လိုက်တာ၊ နယ်ပြောင်းလိုက်တာတို့ လုပ်တယ်။ မနှစ်ကဆို အဲဒီလို လုပ်ခံရတဲ့ ကျောင်းအုပ် တော်တော်များတယ်။ ဘယ်ကျောင်းကလဲ၊ ဘယ်နှယောက်လဲ ဆိုတဲ့ အတိအကျကိုတော့ ကျနော်တို့ ပြောလို့ မရဘူး” ဟု အမှတ် ၃ အခြေခံပညာဦးစီးဌာနမှ အမည်မဖော်လိုသည့် တာဝန်ရှိသူတဦးက ပြောသည်။

ကျောင်းအပ်လျှင် သတ်မှတ်နှုန်းအတိုင်း ကောက်ရမည်ဟု စည်းကမ်း ထုတ်ထားသော်လည်း ကျောင်းအုပ်အများစုမှာ အလှူငွေကို နားလည်မှုဖြင့် ကောက်ခြင်း၊ တချို့ကျောင်းများတွင် ကျောင်းအုပ်များက အလှူငွေ မကောက်သော်လည်း ကျောင်း အကျိုးတော်ဆောင်များ ခန့်အပ်ကာ ၎င်းတို့မှတဆင့် အလှူငွေများ ပေးရခြင်းရှိကြောင်း ကျောင်းသားမိဘများက ပြောသည်။

ကျောင်းတချို့တွင် ကျောင်းအကျိုးတော်ဆောင် အဖွဲ့ ဖွဲ့စည်းထားပြီး ၎င်းအဖွဲ့တွင် ကျောင်းသားမိဘ တချို့သာ ပါဝင်၍ ငွေကြေး တတ်နိုင်သော ရပ်မိရပ်ဘများ ပါဝင်ကြောင်း သိရသည်။

“ကျောင်းအပ်တော့ အလှူငွေ မပေးခဲ့ရပါဘူး။ ဒါပေမယ့် ကျောင်း အကျိုးတော်ဆောင်ကို ကျောင်းမအပ်ခင် အနည်းဆုံး ၃ သောင်းခွဲ ပေးရတယ်။ သူတို့တွေကို ပေးမှ ကျောင်းအပ်လို့ ရတာ။ သူတို့တွေနဲ့ ကျောင်းအုပ်နဲ့က ပေါင်းလုပ်နေကြတာ” ဟု မင်္ဂလာဒုံမြို့နယ်ရှိ ကျောင်းသား မိဘ တဦးဖြစ်သည့် ဒေါ်မူမူအေးက ဆိုသည်။

တချို့သော နာမည်ကြီး အစိုးရ ကျောင်းများတွင် အတန်းပိုင် ဆရာ၊ ဆရာမ တဦးလျှင် ကျောင်းသား တဦးစီ ကျောင်းအပ် လက်ခံခွင့်ရှိပြီး မိမိ သားသမီးများကို ကျောင်းအပ် လက်ခံထားသည့် ဆရာ၊ ဆရာမများ တောင်းသည့် ငွေကြေး၊ အလှူငွေများကို မိဘက ပုံမှန်ပေးရကြောင်း၊ မပေးလျှင် မိမိသားသမီးများကို နှိမ့်ချဆက်ဆံပြီး အရေး မပေးတော့ကြောင်း ၎င်းက ဆက်ပြောသည်။

စည်းကမ်း မလိုက်နာသည့် ကျောင်းကို တိုင်နိုင်သည့် ဖုန်းနံပါတ်၊ Fax နံပါတ်များအား ကျောင်းအဝင်ဝ၊ ရုံးခန်း အဝင်ဝနှင့် ကျောင်းသား လက်ခံရာ ဌာနတွင် ကပ်ထားမည်ဖြစ်ပြီး တိုင်ကြားသူ၏ အမည်၊ လိပ်စာနှင့် ဖုန်းနံပါတ် ဖော်ပြ၍ သက်ဆိုင်ရာ အုပ်ချုပ်ရေးမှူး၏ ထောက်ခံချက်နှင့် တိုင်ကြားလျှင် ထိရောက်စွာ စစ်ဆေး အရေးယူ ဆောင်ရွက်နိုင်မည် ဖြစ်ကြောင်း အခြေခံ ဦးစီးဌာနမှ သိရသည်။

“နောက်တခုက ကျောင်းသား မိဘတွေက ကိုယ့်သားသမီးတက်တဲ့ ကျောင်းမှာ မိမိသဘောနဲ့ အလှူငွေ ထည့်ချင်ရင်တော့ ကျောင်းတက်ရတဲ့ ကာလတွေမှာ လှူနိုင်တယ်။ မဟုတ်ဘဲ ကျောင်းအပ်ချိန်မှာ လှူရင်တော့ စည်းကမ်းချက် တွေကြောင့် ကျောင်းတက်မှ လက်ခံဖို့ကို ညွှန်ကြားထားတယ်” ဟု အမှတ် ၃ အခြေခံပညာဦးစီးဌာနမှ ဒုတိယ ညွှန်ကြားရေးမှူး ဒေါ်စန်းစန်းရီက ပြောသည်။

ကျောင်းအုပ်များကို စည်းကမ်း ထုတ်ထားသကဲ့သို့ပင် ကျောင်းဆရာ၊ ဆရာမများကိုလည်း ကျူရှင်မသင်ရန် စည်းကမ်း ထုတ်ထားကြောင်း၊ စည်းကမ်း မလိုက်နာဘဲ ကျူရှင် သင်သည့် ဆရာ၊ ဆရာမများကို တိုင်ကြားနိုင်ပြီး ထိုသို့တိုင်ကြားပါက ၎င်းကျူးလွန်သည့် အပြစ်အပေါ်မူတည်၍ ရာထူးမှ ထုတ်ခြင်း၊ ကျောင်းပြောင်းရွှေ့ခြင်းများ ပြုလုပ်နိုင်ကြောင်း သိရသည်။

ပညာရေးဝန်ကြီးဌာနမှ ကျောင်းဆရာ၊ ဆရာမများအား ကျူရှင်မသင်ရန်နှင့် ကျောင်းအုပ်များအား အလှူငွေ မကောက်ရန် စည်းကမ်းချက်များ ထုတ်ထားသော်လည်း အနည်းအကျဉ်းသာ လိုက်နာကြပြီး မလိုက်နာသူ များနေသေးကြောင်း တွေ့ရသည်။

သင်္ဃန်းကျွန်းမြို့နယ်ရှိ အထက်တန်း ကျောင်းတကျောင်းမှ အလယ်တန်းပြ အတန်းပိုင်ဆရာမ ဒေါ်သက်သက်ဝေက “ကျောင်းအုပ်ကျတော့ အလှူငွေ ကောက်တာမျိုး လုပ်လို့ရတယ်။ ဆရာ၊ ဆရာမတွေကျတော့ ဒီလို လုပ်လို့မရဘူးလေ။ ရတဲ့ လစာကလည်း မိသားစုအတွက် မလုံလောက်တော့ ကျုရှင်သင်မှ ရတယ်” ဟု ပြောသည်။

တချို့ အစိုးရကျောင်း ဆရာ၊ ဆရာမများသည် ဝင်ငွေ ဖူလုံရုံတင်မကဘဲ စီးပွားဖြစ် ကျူရှင်သင်နေကြောင်း၊ သန်လျင်မြို့နယ်ရှိ ဗဟို မူလွန်ကျောင်းရှိ ဆရာ၊ ဆရာမတချို့က ကျောင်းတွင် စာအနည်းငယ်သာ သင်ပြီး ကျူရှင်တွင်သာ စာသင်၍ စာမေးပွဲတွင် မေးမည့် မေးခွန်းပါ တခါတည်း ပေးလိုက်ကြောင်း၊ ကျူရှင်မတက်နိုင်သည့် ကျောင်းသားများမှာ မည်သည့်စာမှ မရဘဲ စာမေးပွဲနီးမှာသာ ကျူရှင်တက်နိုင်သည့် ကျောင်းသားများထံတွင် ကူးယူ လေ့လာရကြောင်း သန်လျင်မြို့နယ်ရှိ ကျောင်းသားမိဘတဦးက ဆိုသည်။

“ကျောင်းမှာ ကလေးကို စာမသင်တော့ ဆရာမ ကျူရှင်မှာ ထားရတယ်၊ ဒီနှစ် ပထမတန်း ကလေးအတွက် ၁၆ ယောက် ဝိုင်း ကျူရှင်ခကို ကျပ် ၂ သောင်းခွဲ တောင်းတယ်။ များတယ်ပြောတော့ မိဘတွေက ပေးတာ ဘယ်တတ်နိုင်မလဲလို့ ပြောတယ်။ ကျောင်းသားအားလုံး တက်ရတဲ့ ဟောကျူရှင်ဆိုတာ ရှိသေးတယ်။ သူငယ်တန်းတုန်းကလည်း ကျူရှင်တက်မှ ရတယ်။ အဲဒီတုန်းက ကျူရှင်လခက ၈ ထောင် ယူတယ်။ ကျူရှင် မတက်နိုင်တဲ့ ကလေးတွေဆို စာလုံးဝမရဘူး” ဟု ၎င်းက ဆက်ပြောသည်။

သန်လျင်မြို့နယ် ဗဟို မူလွန်ကျောင်းတွင် တက်နေသည့် ကျောင်းသားတချို့သည် ကျောင်းမှ ဆရာမကို အိမ်သို့ ဝိုင်းကျူရှင် ခေါ်သင်ကာ ကျောင်းကို တပတ် ၂ ရက်သာ တက်သော်လည်း ကျောင်းခေါ်ချိန် အပြည့်ဖြင့် စာမေးပွဲဝင်ရောက်နိုင်ကြောင်း ကျောင်းသားမိဘများ ထံမှ သိရသည်။

“ကျောင်းနဲ့ မတူတော့ဘူး။ ကျောင်းဆိုတာက ကလေးရဲ့ ပညာရေးတခုတည်း မဟုတ်ဘူး။ စိတ်ဓာတ်၊ စည်းကမ်း၊ ပညာ အားလုံး တာဝန်ယူရမှာ။ စာသင်တော့လည်း မေးခွန်းကအစ တစ်ကဘာ၊ နှစ်ကဘာ အကုန် အလွတ်ကျက်ထားတဲ့ ပုံစံနဲ့ သင်တာ၊ ကျောင်းမှာ စာမသင်ဘဲ ကျူရှင်တက်မှ စာရမယ်ဆိုတဲ့ အဲဒီကျောင်းမှာ ကျမ သားကို ဒီနှစ် မထားတော့ဘူး” ဟု ဗဟိုမူလွန် ကျောင်းတွင် သူငယ်တန်း တက်ရောက်အောင်မြင်ခဲ့ပြီး ပထမတန်း တက်မည့် ကျောင်းသားတဦး၏ မိခင်ဖြစ်သူက ပြောသည်။

အဆိုပါ ကိစ္စရပ်နှင့် ပတ်သက်၍ သန်လျင်မြို့နယ် ပညာရေးမှူးရုံးအား ဧရာဝတီက မေးမြန်းကြည့်ရာ ၎င်းတို့အနေဖြင့် ထိုသို့ ပြုလုပ် နေသည်ကို မသိရသေးကြောင်း၊ ကျောင်းသား မိဘများကလည်း ထိုကိစ္စရပ်နှင့် ပတ်သက်၍ လာရောက် တိုင်ကြား ခြင်းများ မရှိသေးကြောင်း တာဝန်ရှိသူတဦးက ဆိုသည်။

ယခင်က ရန်ကုန်ရှိ နာမည်ကြီး အစိုးရကျောင်းများတွင် သူငယ်တန်းတက်ရောက်ခွင့် ရရန် ပေးရသည့် ငွေကြေး ပေါက်ဈေးမှာ ကျပ် သိန်း ၂၀ ခန့်ရှိကြောင်း၊ ယခုနှစ်ပေါက်ဈေးမှာ ၅ သိန်းခန့်သာ ရှိတော့ကြောင်း၊ တတ်နိုင်သည့် ကျောင်းသား မိဘများသည် ၎င်းတို့၏ သားသမီးများကို အစိုးရကျောင်းများထက် နိုင်ငံတကာ ကျောင်းများနှင့် အစိုးရ အသိအမှတ်ပြု ပုဂ္ဂလိက ကျောင်းများတွင်သာ ပိုမို အပ်လာကြသောကြောင့် ဖြစ်ကြောင်း ရန်ကုန်မြို့ ဒဂုံ အထက ၁ နှင့် နီးစပ်သူ တဦးက ပြောသည်။

မူလတန်း ကျောင်းသား၊ ကျောင်းသူများ ကျောင်းအပ်ရာတွင် ပုံနှိပ်စာအုပ်ဖိုး ကျပ် ၂၃၀ မှ ၆၃၀ အထိသာ ကောက်ရမည် ဖြစ်ပြီး အလယ်တန်းမှ အထက်တန်း ကျောင်းသား၊ ကျောင်းသူများဖြစ်လျှင် မိဘဆရာ အသင်းကြေး၊ စာကြည့်တိုက်နှင့် ကျောင်းလခ စုစုပေါင်း ကျပ် ၂ ထောင်မှ ၃၅၀၀ နှင့် စာအုပ်ဖိုး ကျပ် ၉၄၀ မှ ၂၁၄၀ အတွင်းသာ ကုန်ကျရမည် ဖြစ်ကြောင်း သိရသည်။