စစ်ပြေးဒုက္ခသည်များကို အမေရိကန် ဆန်ကူညီမည် | ဧရာဝတီ

စစ်ပြေးဒုက္ခသည်များကို အမေရိကန် ဆန်ကူညီမည်

Hits:1,626
  | |

မန်မာနိုင်ငံဆိုင်ရာ အမေရိကန် သံအမတ်ကြီး ဒဲရက် မစ်ချယ်ကို ၎င်း၏ ပထမဆုံး သတင်းစာရှင်းလင်းပွဲတွင် တွေ့ရစဉ် (ဓာတ်ပုံ – ဧရာဝတီ)

ရှမ်းပြည် မြောက်ပိုင်းနှင့် ကချင်ပြည်နယ် အတွင်း ဖြစ်ပွားနေသည့် စစ်ပွဲများကြောင့် နေရပ်စွန့်ခွာ ထွက်ပြေးသူ ၅၅၀၀၀ အတွက် အမေရိကန်အစိုးရက ဆန် ၆ လစာ ထောက်ပံ့သွားမည် ဖြစ်ကြောင်း အမေရိကန် သံအမတ်ကြီး မစ္စတာ ဒဲရက် မစ်ချယ် (Mr. Derek J. Mitchell) က ယနေ့ ပြောသည်။

တန်ဖိုးအားဖြင့် အမေရိကန်ဒေါ်လာ ၃ သန်းခန့်ရှိသည့် ဆန် မက်ထရစ်တန် ၃၄၀၀ နီးပါးကို အမေရိကန် အစိုးရက ဒုက္ခသည် များအတွက် ထောက်ပံ့ ကူညီသွားမည် ဖြစ်ကြောင်း၊ အဆိုပါ အကူအညီ ငွေကြေးကို USAID မှတဆင့် ကမ္ဘာ့ စားနပ်ရိပ်က္ခာ အစီအစဉ် (WFP) သို့ ပေးအပ်မည် ဖြစ်ကာ WFPက ဆန်များဝယ်ယူပြီး ဒုက္ခသည်များထံ ဖြန့်ဖြူးပေးမည် ဖြစ်ကြောင်း ၎င်းက သံအမတ်ကြီး တာဝန်ဖြင့် မြန်မာပြည်ရှိ အမေရိကန်သံရုံးတွင် ပထမဆုံး ကျင်းပသည့် သတင်းစာရှင်းလင်းပွဲ၌ ပြောဆို လိုက်ခြင်း ဖြစ်သည်။

“USAID က WFP ကို ဒေါ်လာ ၃ သန်း ထောက်ပံ့မယ်။ အဲဒီ ဒေါ်လာသုံးသန်းကို WFP က ဆန် ၀ယ်ပြီး လူဦးရေ ငါးသောင်းခွဲ အတွက် ရိက္ခာ ခြောက်လစာ ကူညီမှာ ဖြစ်တယ်။ WFP က အဲဒီဆန်တွေကို ကချင်ပြည်နယ်နဲ့ ရှမ်းပြည်နယ် မြောက်ပိုင်း
အစိုးရ ထိန်းချုပ်ထားတဲ့ ဒေသတွေနဲ့ အစိုးရ ထိန်းချုပ်မှု မရှိတဲ့ ဒေသတွေက ရွှေ့ပြောင်း နေထိုင်ရသူတွေကို ထောက်ပံ့ သွားမှာပါ” ဟု အမေရိကန် သံအမတ်ကြီးက ဆိုသည်။

အမေရိကန် ပြည်ထောင်စု အနေဖြင့် မြန်မာနိုင်ငံတွင် အကူအညီ လိုအပ်နေသူများကို လူမျိုး၊ ဘာသာ မခွဲခြားဘဲ ကူညီသွားမည် ဖြစ်သည့်အပြင် ချက်ချင်းလိုအပ်နေသော အကူအညီများနှင့် ရေရှည်လိုအပ် နေသော အကူအညီများကို ပေးရန် နည်းလမ်းများ ရှာသွားမည်ဖြစ်ကြောင်း ပြောသည်။

ဆက်လက်၍ ၎င်းက အမေရိကန် အခြေစိုက် နိုင်ငံတကာ ကုမ္ပဏီ များကို အမေရိကန် အစိုးရက မြန်မာနိုင်ငံတွင်
ရင်းနှီးမြှုပ်နှံခွင့် ပြုလိုက်ပြီ ဖြစ်သော်လည်း ရေနံနှင့် သဘာဝဓာတ်ငွေ့ လုပ်ငန်းတွင် ရင်းနှီးမြှုပ်နှံမည်ဆိုပါက
ပွင့်လင်းမြင်သာ မှုနှင့် အထူးခွင့်ပြုချက် လိုအပ်မည်ဟု ဆိုသည်။

မြန်မာ့သဘာဝ ရင်းမြစ် ထုတ်ယူသုံးစွဲခြင်း ဆိုင်ရာ လုပ်ငန်းများ၊ အထူးသဖြင့် ရေနံနှင့် သဘာဝဓာတ်ငွေ့လုပ်ငန်းများတွင် ရင်းနှီးမြှုပ်နှံမှု များသည် အရင်းအနှီး ကြီးမားသဖြင့် ယင်းကဲ့သို့သော လုပ်ငန်းများတွင် မြှုပ်နှံမည်ဆိုပါက ပွင့်လင်းမြင်သာမှုနှင့် အထူးခွင့်ပြုချက် လိုအပ်မည် ဖြစ်ကြောင်း ၎င်းက ရှင်းပြသည်။

အမေရိကန်ပြည်ထောင်စုက ဇူလိုင်လ ၁၁ ရက်နေ့တွင် အမေရိကန် ကုမ္ပဏီများကို မြန်မာနိုင်ငံတွင် ရင်းနှီးမြှုပ်နှံခွင့် ပြုလိုက်ပြီ ဖြစ်ပြီး တာဝန်သိသော ရင်းနှီးမြှုပ်နှံမှု များသည် နှစ်နိုင်ငံ အကျိုးစီးပွား ဖြစ်ထွန်း စေမည်ဖြစ်ကြောင်း အမေရိကန် သံအမတ်က ဆိုသည်။

“မြန်မာနိုင်ငံမှာ တာဝန်သိ ရင်းနှီးမြှုပ်နှံမှုတွေက နှစ်နိုင်ငံ ပြည်သူတွေ အကျိုးစီးပွား ဖြစ်ထွန်းစေမယ်လို့ ယုံကြည်ပါတယ်။
အမေရိကန်က ချမှတ်ထားတဲ့ တန်ဖိုးစည်းမျဉ်း စည်းကမ်းတွေနဲ့ အညီ ရင်းနှီးမြှုပ်နှံမှု တွေက စီးပွားရေးဖွံ့ဖြိုး တိုးတက်မှု၊
အလုပ်အကိုင် ရရှိမှု၊ မြန်မာပြည်သူတွေ အတွက် လူနေမှု အဆင့်အတန်း မြင့်မားမှုတွေကို အထောက်အကူပြုမှာ ဖြစ်ပြီး မြန်မာနိုင်ငံ စီးပွားရေး၊ နိုင်ငံရေး ပြုပြင်ပြောင်းလဲမှုနဲ့ အမျိုးသား ပြန်လည်စည်းလုံး ညီညွတ်ရေး ကိုလည်း အထောက်အကူ ပြုနိုင်မယ်လို့ ယုံကြည်ပါတယ်” ဟု သူက ဆိုသည်။

မစ္စတာ ဒဲရက် မစ်ချယ်သည် ၂၂ နှစ်အတွင်း မြန်မာနိုင်ငံတွင် ပထမဆုံးအကြိမ် အမေရိကန် သံအမတ်ကြီး အဖြစ် တာဝန် ထမ်းဆောင်ရသူ ဖြစ်သည်။

၎င်းသည် ယခင်က မြန်မာနိုင်ငံဆိုင်ရာ အထူး ကိုယ်စားလှယ်နှင့် မူဝါဒရေးရာ ညှိနှိုင်းရေးမှူး တာဝန် ထမ်းဆောင်ခဲ့သူ ဖြစ်သည်။ ၂၀၀၁ ခုနှစ်မှ ၂၀၀၉ ခုနှစ်အထိ မဟာဗျူဟာနှင့် နိုင်ငံတကာ လေ့လာရေးဌာန၌ အကြီးတန်း အရာရှိအဖြစ် လည်းကောင်း၊ ညွှန်ကြားရေးမှူး တာဝန်ယူ၍ လည်းကောင်း ထမ်းဆောင် ခဲ့သူလည်း ဖြစ်သည်။ အမေရိကန်က ၁၉၉၀ ပြည့်နှစ်မှ စ၍ မြန်မာနိုင်ငံနှင့် သံတမန် အဆင့် လျှော့ချခဲ့သည်။

အမေရိကန် အစိုးရသည် မြန်မာနိုင်ငံအပေါ် ၁၅ နှစ်ကြာ စီးပွားရေး ဒဏ်ခတ်ပိတ်ဆို့ထားရမှ ယခုလ ၁၁ ရက်နေ့တွင် ဒဏ်ခတ်ပိတ်ဆို့မှုများ ရုပ်သိမ်း ပေးလိုက်ပြီဖြစ်သည်။

သို့ရာတွင် အမေရိကန် အစိုးရက လူ့အခွင့်အရေး ချိုးဖောက်မှုများတွင် ပါဝင် ပတ်သက်သည်ဟု စာရင်းသွင်း ခံရသည့် မည်သည့် လုပ်ငန်းရှင်နှင့်မျှ တွဲမလုပ်လိုကြောင်း မကြာသေးမီက မြန်မာပြည်သို့ သွားရောက် လေ့လာခဲ့သည့် အမေရိကန် ကုမ္ပဏီ ၃၈ ခု၏ ကိုယ်စားလှယ်များ ပါဝင်သော စီးပွားရေးအဖွဲ့ တဖွဲ့၏ ထုတ်ပြန်ချက်အရ သိရသည်။

လက်ရှိ အနေအထားအရ သမ္မတဦးသိန်းစိန် အစိုးရ လက်ထက် မြန်မာပြည် ပြုပြင်ပြောင်းလဲမှုများကို ကြိုဆိုသည့် အနေဖြင့် အမေရိကန်အပါအဝင် အနောက်နိုင်ငံများ၏ ဒဏ်ခတ်ပိတ်ဆို့မှုများ ရုပ်သိမ်းကာ စီးပွားရေး တိုးတက်အောင်မြင်မှုအတွက် လွှတ်တော်တွင် မူဝါဒများ ချမှတ်ဆောင်ရွက် တော့မည်ဟု ယူဆရသော်လည်း မြန်မာပြည် မြောက်ပိုင်း ကချင်ပြည်နယ်တွင် ဖြစ်ပွားနေသည့် စစ်ပွဲများ အဆုံးမသတ်နိုင်သေးသည့် အပြင် ယင်းဒေသများတွင် လူ့အခွင့်အရေး ချိုးဖောက်မှုများ ရှိနေဆဲ ဖြစ်ကြောင်း နိုင်ငံတကာ လူ့အခွင့်အရေး အဖွဲ့များက ပြောဆိုသည်။


Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>