မြ၀တီ ကုန်သွယ်ရေး လမ်းကြောင်းတွင် တရားမ၀င် ကုန်သွယ်မှု တွင်ကျယ်ဆဲ | ဧရာဝတီ

မြ၀တီ ကုန်သွယ်ရေး လမ်းကြောင်းတွင် တရားမ၀င် ကုန်သွယ်မှု တွင်ကျယ်ဆဲ

Hits:1,936
  | |

မြ၀တီနယ်စပ် ကုန်သွယ်ရေးဇုန်တွင် ကုန်ကားများအား စစ်ဆေးနေသည်ကို ဒီဇင်ဘာ ၁ ရက်နေ့ကတွေ့ရစဉ် (ဓာတ်ပုံ – ဂျေပိုင် / ဧရာဝတီ)

မြန်မာ – ထိုင်းနယ်စပ် မြ၀တီကုန်သွယ်ရေး လမ်းကြောင်းတွင် တရားဝင်ကုန်သွယ်မှုမှာ အမေရိကန်ဒေါ်လာ သန်း ၅၀ ကျော် အထိ တိုးတက်လာသော်လည်း တရားမ၀င်ကုန်သွယ်မှု တွင်ကျယ်နေဆဲဖြစ်ကြောင်း သတင်းရရှိသည်။

ထိုင်းနိုင်ငံက မြန်မာ – ထိုင်းနှစ်နိုင်ငံ နယ်နိမိတ် သောင်ရင်းမြစ်ကမ်း နံဘေးတွင် မြေထိန်းနံရံ တည်ဆောက်မှုနှင့် စပ်လျဉ်းပြီး မြန်မာနိုင်ငံက ၂၀၁၀ ပြည့်နှစ် ဇူလိုင်လ ၁၈ ရက်နေ့တွင် နှစ်နိုင်ငံ ချစ်ကြည်ရေးတံတားကို ပိတ်ဆို့ခဲ့ကြောင်း၊ ယင်းသို့ ပိတ်ဆို့စဉ်က တရားမ၀င် ကုန်သွယ်မှု အကြီးအကျယ် ဖြစ်ထွန်းခဲ့ပြီး ၂၀၁၁ ခုနှစ် ဒီဇင်ဘာ ၅ ရက်နေ့တွင် ပြန်လည် ဖွင့်လှစ်ခဲ့ကြောင်း၊ တံတားဖွင့်လှစ်အပြီး ၂၀၁၂ ခုနှစ် ဧပြီလမှ ဒီဇင်ဘာလအထိ တရားဝင် ကုန်သွယ်ရေး ပမာဏသည် အမေရိကန်ဒေါ်လာ သန်း ၅၀ ကျော်အထိ တိုးတက်လာပြီး အခွန်ငွေ ကျပ်သန်းပေါင်း ခြောက်ထောင် နီးပါး ကောက်ခံရရှိ ထားကြောင်း၊ သို့သော်လည်း အစိုးရ၏ ရေရာမှုမရှိသော ငြိမ်းချမ်းရေး၊ အပစ်အခတ် ရပ်စဲရေးနှင့် ဖွံ့ဖြိုး တိုးတက်ရေး လုပ်ငန်းစဉ်များကြောင့် လက်နက်ကိုင် အဖွဲ့အစည်းများမှာ တရားမ၀င် ကုန်သွယ်ရေးနှင့် ဂိတ်များဖွင့်လှစ် စီးပွားရှာရမှု အပေါ်ကိုသာ အဓိက မှီခို အားထားနေရဆဲ ဖြစ်သည့်အတွက် တရားမ၀င် ကုန်သွယ်မှု တွင်ကျယ်နေရခြင်း ဖြစ်သည်ဟု သိရှိရသည်။

“အစိုးရ ဖွဲ့စည်းထားပေးတဲ့ နယ်ခြားစောင့်တပ် BGF တွေကလည်း သောင်ရင်းမြစ်ဘေးမှာ ဂိတ်တွေဖွင့်ပြီး အခွန်ကောက် ကုန်သွယ်မှုတွေ ခွင့်ပြုတယ်။ ဒီလိုပဲ DKBA အဖွဲ့တွေကလည်း ဂိတ်တွေဖွင့်ပြီး ကုန်စည်တွေကို အခွန်ကောက်တယ်။ အနည်းဆုံး ဂိတ်ပေါင်း ၁၅ ခုထက် မနည်းရှိတယ်။ ဒီ ဂိတ်တွေကနေ ကားတွေ၊ စက်သုံးဆီ၊ စားသုံးဆီ၊ ဘီယာ၊ အရက်တွေ၊ ကုန်စည်မျိုးစုံ ၀င်နေပါတယ်” ဟု မြ၀တီမြို့အခြေစိုက် နယ်စပ် ကုန်သည်တဦးက ပြောသည်။

ထိုင်း – မြန်မာနယ်စပ် သောင်ရင်းမြစ်ကမ်းဘေးတွင် ဖွင့်လှစ်ထားသော ဂိတ်များတွင် ရေပူဂိတ်၊ BGF ဗဟို စောဘသိန်းဂိတ်၊ စောချစ်သူဂိတ်၊ ကျောက်ချာဂိတ်၊ ကျွန်းတောဂိတ်၊ ကျောက်တန်းဂိတ်၊ မိုးကုတ်ဂိတ်၊ ၁ ဂိတ်၊ ဆီးတောဂိတ် အပါအ၀င် ဂိတ်များကို အပစ်အခတ် ရပ်စဲထားသည့် လက်နက်ကိုင် အဖွဲ့အစည်းများက ဖွင့်လှစ်ထားကြသည်။

မြ၀တီအခြေစိုက် နယ်စပ်ကုန်သည် အများစုမှာလည်း ယင်းဂိတ်များမှ ကုန်စည်မျိုးစုံ တင်သွင်းကြပြီး ကွင်းရှောင် လမ်းများမှတဆင့် ကုန်စည်များ အဆင့်ဆင့် ဖြတ်သန်း သယ်ယူကြကြောင်း သိရှိရသည်။

ပြည်ထောင်စု အစိုးရနှင့် ကရင်ပြည်နယ် အစိုးရက တရားဝင် ကုန်သွယ်မှုများ တိုးမြှင့်မည်ဟု ဆိုပြီး စစ်ဆေးရေးအဖွဲ့များ ဖွဲ့စည်းပြီး စစ်ဆေးမှုများ ပြုလုပ်သော်လည်း အခြားတဘက်တွင်မူ လက်နက်ကိုင် အဖွဲ့အစည်းများ၏ ဂိတ်ဖွင့် အခွန် ကောက်ခံမှု သွယ်ဝိုက်စွာ ခွင့်ပြုထားသည့် ပုံစံဖြစ်နေကြောင်း၊ တရားမ၀င် ကုန်သွယ်မှု ဆက်လက် တွင်ကျယ်နေခြင်း ဖြစ်ပြီး မြ၀တီမြို့အခြေစိုက် အာဏာပိုင်အဖွဲ့အစည်းများ အနေဖြင့်လည်း တရားမ၀င် ကုန်သွယ်မှုများကို မျက်စိရှေ့ တွေ့မြင် နေရသော်လည်း တစုံတရာ အရေးယူ ဆောင်ရွက်နိုင်ခြင်းမရှိပေ။

“တရားမ၀င် ကုန်သွယ်တာတွေကို ဖမ်းဖို့လည်း အပေါ်က ဘာမှ မညွှန်ကြားသလို၊ သွားဖမ်းရင် အဖွဲ့အစည်းတွေနဲ့ ပြသနာတက်မှာပဲ။ အဓိက အစိုးရရဲ့ စီမံခန့်ခွဲမှုကြောင့်ပါ။ အပစ်အခတ် ရပ်စဲရေး၊ ငြိမ်းချမ်းရေးလို့ တဖွဖွ ပြောနေပေမယ့် လက်နက်ကိုင်အဖွဲ့အစည်းတွေရဲ့ စားဝတ်နေရေး၊ စီးပွားရေးအတွက်ဘာမှ မစီစဉ်ပေးဘူး။ အဲဒီတော့ လက်နက်ကိုင် အဖွဲ့အစည်းတွေကလည်း ၀င်ငွေရမယ့် မှောင်ခိုလုပ်ငန်းတွေ လုပ်ကြတာပဲ။ မှောင်ခိုတွေ ပပျောက်ဖို့ဆိုရင်တော့ အစိုးရဘက်က ရေရှည်ဖွံ့ဖြိုးရေး အစီအမံတွေ ချမှတ်ပေးဖို့ လိုပါတယ်” ဟု မြ၀တီအခြေစိုက် ဌာနဆိုင်ရာ အရာရှိတဦးက ဆိုသည်။

အစိုးရက တရားဝင်ကုန်သွယ်မှု တိုးတက်ရေးဟုဆိုကာ နယ်စပ် ကုန်သွယ်ရေးဦးစီးဌာန၊ အကောက်ခွန် ဦးစီးဌာန၊ မြန်မာနိုင်ငံရဲတပ်ဖွဲ့၊ အထွေထွေ အုပ်ချုပ်ရေး ဦးစီးဌာနအပါအ၀င် အဖွဲ့အစည်းများပါဝင်သော ရွေ့လျားကုန်စည် စစ်ဆေးရေးအဖွဲ့ (Mobile Team) ဖွဲ့စည်းပြီး စစ်ဆေးရေး လုပ်ငန်းများ လုပ်ဆောင်လျက် ရှိသော်လည်း တရားမ၀င် ကုန်သွယ်မှုကို တားဆီးနိုင်ခြေမရှိဟု ဆိုကြသည်။

“တရားမ၀င် သယ်တဲ့သူတွေက ကွင်းရှောင်လမ်းတွေကနေ သယ်ကြတာ။ ကွင်းရှောင်လမ်းတွေ ဆိုတာကလည်း လက်နက်ကိုင်အဖွဲ့အစည်းတွေရဲ့ ထိန်းချုပ်နယ်မြေထဲက လမ်းတွေ၊ Mobile Team တွေ အဓိက တားဆီး စစ်ဆေး နေတာက တရားဝင်လမ်းကြောင်းကနေ လိုင်စင်လျှောက်ထားပြီး သွားနေတဲ့ ကုန်ကားတွေကို အဓိကထား စစ်နေကြရသလို ဖြစ်နေတော့ တရားမ၀င်ကုန်သွယ်မှုက ဘယ်လိုလုပ်ပျောက်မလဲ” ဟု နယ်စပ်ကုန်သည်တဦးက ဆိုသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ၀န်ကြီးရုံးမှ ဒုတိယညွှန်ကြားရေးမှူးချုပ် ဦးတိုးအောင်မြင့်ကမူ Mobile Team များ၏ အဓိက တာဝန်မှာ တရားဝင်ကုန်သွယ်ရေး တိုးတက်စေရန် လုပ်ဆောင်ခြင်းဖြစ်ပြီး ကုန်ကားများ အားလုံးကို စစ်ဆေးခြင်း မဟုတ်ကြောင်း၊ Mobile Team မှ ၀န်ထမ်းများ လာဘ်ပေးလာဘ်ယူပြုလုပ်လျှင် သက်ဆိုင်ရာ ၀န်ကြီးဌာနများထံ ချက်ချင်း တိုင်ကြားပါက အရေးယူမှုများ ပြုလုပ်မည်ဖြစ်ကြောင်း ပြောသည်။

မြ၀တီ နယ်စပ်ကုန်သွယ်ရေးလမ်းကြောင်းတွင် ထားရှိသည့် ရွေ့လျား စစ်ဆေးရေးအဖွဲ့၏ ကုန်စည်စစ်ဆေးမှု လုပ်ငန်းများသည် မလိုအပ်ဘဲ ကုန်စည်စီးဆင်းမှု နှောင့်နှေးစေရန် ပြုလုပ်နေခြင်း ဖြစ်သည်ဟု ဆိုကာ နယ်စပ်ကုန်သည် တချို့က နိုင်ငံတော် သမ္မတရုံးနှင့် ၀န်ကြီးဌာနများထ တိုင်စာများပေးပို့နေကြကြောင်း သိရှိရသည်။

မြ၀တီကုန်သွယ်ရေး လမ်းကြောင်းတွင် ၂၀၀၈-၂၀၀၉ ဘဏ္ဍာရေးနှစ်က ထိုင်း-မြန်မာ နယ်စပ် တရားဝင်ကုန်သွယ်မှုသည် အမေရိကန်ဒေါ်လာ ၁၅၈ သန်းကျော်ဖြင့် စံချိန်တင် အများဆုံး ရှိခဲ့ကြောင်း အစိုးရ ကိန်းဂဏန်းများအရ သိရှိရသည်။


4 Responses

Leave a Reply

  1. ဒီသတင်းက အရမ်းမှန်ပါတယ်။
    BGF နဲ့ DKBA က ဘယ်ဥပဒေနဲ့ တရားမ၀င်ဂိတ်တွေ ဖွင့်ခွင့်ရနေတာလဲ။
    ဥပဒေဆိုတာ ညီတူညီမျှစိုးမိုးမှုရှိမှ လူတွေအားလုံးလိုက်နာချင်မှာပေါ့။
    တကယ်ဆိုရင် မိုဘိုင်းအဖွဲ့တွေဟာကော့ကရိတ်ရဲ့အရှေ့ဘက်ခြမ်းမှာဘဲရှိသင့်ပါတယ်။
    ကျိုက်ထိုဂိတ်ကိုပြန်ဖွင့်ဖို့လေသံပစ်နေတာမဖြစ်သင့်ပါဘူး။
    ကျိုက်ထိုဆိုတဲ့နေရာဟာ မွန် ကရင်နဲ့ တနင်သာရီက ကားတွေ အားလုံးဖြတ်သန်းနေရတဲ့
    နေရာမို့ ကုန်စည်စီးဆင်းမှုကို ထိခိုက်ပါတယ်။

    • အောင်အောင်

      ကိုလူသားပြောတာအမှန်ပါ။ဒီအတိုင်းပဲဖြစ်သင့်ပါတယ်။mobile team အဖွဲတွေရေဆွဲနေကြတယ်တဲ့။ပြည်သူလူထုက အဲဒီ စရိတ် တွေကိုကျခံနေရတာပေါ့။ဘယ်လိုအတွေးတွေလည်း မသိတော့ပါ။

  2. ကိုအိုကေ

    BGF က special power လေ..သူ့သဘော သူဆောင် သူလုပ်ချင်တာ လုပ်လို့ရတယ်ဗျ..မြ၀တီ တင် ဘယ်က မလဲ..ကုတ်ကို မှာလဲ..ကာစီနို.ဖဲ..ဂျင်..ဖါ..အပျော် အစုံ ရတယ်ဗျာ…ချစ်သူ က ခင်သူ မြတ်နိုးသူ ပေါအောင် လုပ်နေတာလေ..ကြော်ငြာ ပေးတာနော်..အားပေးကြရအောင် မောင်တို့….

  3. ဒါဟာတရားဥပဒေ စိုးမိုးရေးနဲ့သက်ဆိုင်တယ်လို့ထင်ပါတယ်။ အဖွဲ့စည်းတွေအလင်းဝင်လာရင်
    သတင်းမှာကြေငြာတာ လက်နက်နဲ့ငြိမ်းချမ်းရေးကိုလဲလှယ်ပြီးတရားဥပဒေဘောင်ထဲဝင်ရောက်
    လာကြတဲ့ဘာညာပေါ့ရေးကြတယ်။ အခုဟာက အလင်းဝင်လာပြီးရင်ဂိတ်တောင်းမယ် ပြီးရင်
    အစိုးရကဘာမှမစီစဉ်ပေးလို့ပါဆိုပြီးတော့ မှောင်ခိုလုပ်တယ်။အလောင်းကစားဝိုင်းဖွင့်တယ်
    အရင်ကဆိုရင်မြင်းဆေး လို့
    ပြောတဲ့စိတ်ကြွဆေးရောင်းလို့သူဌေးဖြစ်တဲ့သူတွေတောင်ဖြစ်နေကြပါတယ်။ မကောင်းမှု လုပ်ရပ်မှန်သမျှကို ကာကွယ်အားပေးနေတာတွေ့ရတယ်။
    အစိုးရကကော ဒီအတိုင်းပဲလက်ပိုက်ကြည့်နေတော့မှာလား။ ဘယ်လိုပုံစံနဲ့ဒီမိုကရေစီ
    ကိုဖော်ဆောင်နေတာလဲ။ တောထဲကဝင်လာတဲ့ဒီအရိုင်းကောင်တွေကို ယဉ်ပါးလာအောင်
    မပြုပြင်ပေးဘဲ အလိုလိုက်အကြိုက်ဆောင်နေရင် မိမိတိုင်းပြည်နဲ့လူမျိုးပဲနစ်နာမှာပါပဲ။
    နစ်နာမှုအများဆုံးကတော့ မြို့ရွာမှာအေးချမ်းစွာနေထိုင်ပြီးကောင်းမွန်စွာ ဥပဒေဘောင်
    ထဲကနေထိုင်လုပ်ကိုင်စားသူတွေသာဖြစ်ပါလိမ့်မယ်ဆိုတာအားလုံးလဲသိကြပါတယ်။
    mobile team လည်းကရင်ပြည်နယ်ကိုကြောက်လို့ မွန်ဘက်ပြေးသွားပါပြီး။
    အခုလို ဘက်
    မလိုက်တမ်းအမှန်တရားကိုထုတ်ဖော်ရေးသားပေးတဲ့ ဧရာဝတီကို အထူးပဲလေးစားပါတယ်
    ကျေးဇူးလည်းတင်ပါတယ်