စစ်သုံ့ပန်းတဦး လိုင်ဇာတွင် ထပ်မံ သေဆုံး | ဧရာဝတီ

စစ်သုံ့ပန်းတဦး လိုင်ဇာတွင် ထပ်မံ သေဆုံး

Hits:4,580
  | |

ကချင်စစ်ပွဲ ရပ်စဲရေး ရန်ကုန်တွင် ဆန္ဒထုတ်ဖော်စဉ် (ဓာတ်ပုံ – ဂျေပိုင် / ဧရာဝတီ)

ကချင်လွတ်မြောက်ရေးအဖွဲ့ ဌာနချုပ် လိုင်ဇာဆေးရုံတွင် ဆေးကုသမူ ခံယူနေသည့် မြန်မာ့တပ်မတော်သား နောက်တဦး ဇန်န၀ါရီလ ၅  ရက်နေ့က ကွယ်လွန်သွားကြောင်း သိရသည်။

သေဆုံးသွားသူမှာ ဒု-တပ်ကြပ် ရဲဇော်ဟု စုံစမ်းသိရှိရပြီး ၂၀၁၂ ဒီဇင်ဘာလ ၁၄-၁၅ ရက်တွင် ဖြစ်ပွားခဲ့သည့် လဂျားယန် တိုက်ပွဲတွင် ကျန်ရစ်ခဲ့သူ ၇ ဦးအနက်မှ တဦးဖြစ်သည်။

ဒီဇင်ဘာ ၁၆ ရက်နေ့ကလည်း ၁၆ နှစ်အရွယ် အောင်အောင် အမည်ရှိ တပ်သားတဦး ဒဏ်ရာပြင်းထန်သဖြင့် ကွယ်လွန်သွားခဲ့သည်။

ယခုထပ်မံ သေဆုံးသူမှာ ဒီဇင်ဘာ ၁၆ ရက်နေ့တွင် လိုင်ဇာပြည်သူ့ဆေးရုံသို့ ဒဏ်ရာများဖြင့် ဆေးရုံသို့ ရောက်ရှိလာခဲ့ကြောင်း ဆေးရုံ တာဝန်ရှိသူတဦးက ဧရာဝတီသို့ ပြောဆိုသည်။

“ ဒီဇင်ဘာ ၁၇ ရက်နေ့မှာ ခွဲစိတ်ပါတယ်။ အူမကြီး၊ ရင်ခေါင်းက အစအနတွေ ထုတ်ပါတယ်” ဟု ဆေးရုံတာဝန်ခံက ဆိုသည်။ ဒဏ်ရာပြင်းထန်သဖြင့် ၀မ်းဗိုက်တခုလုံးဖောယောင်ကာ အစာမစားနိုင်သဖြင့် အရည်သာ တောက်လျောက် စားသုံးခဲ့ရကြောင်းလည်း ဆိုသည်။ “ စကားတောင် မပြောနိုင်လို့ စာရေးပြီး ပြောရပါတယ် ” ဟု ဆေးရုံတာဝန်ခံက ပြောသည်။

သေဆုံးသူများကို ဒုက္ခသည်များ နာရေးဆောင်ရွက်ပေးသည့်အဖွဲ့က မြုပ်နှံပေးခဲ့ကြောင်း သိရသည်။

ဆေးရုံသို့တက်ရောက်နေသည့် အခြားတပ်မတော်သားတဦးမှာ ခြေထောက်တွင် စတီးချောင်းထည့်သွင်းထားပြီး အခြေအနေ ကောင်းမွန်လျက်ရှိပြီး လဂျားယန်တိုက်ပွဲတွင် ကျောင်းသားတပ်မတော်က ခေါ်ယူလာသည့် စစ်မြေပြင်တွင်ကျန်ရစ်သည့် မြန်မာ့တပ်မတော်သား ၄ ဦးမှာလည်း အခြေအနေကောင်းမွန်လျက်ရှိကြောင်း ကျောင်းသားတပ်မတော်က ပြောသည်။

လိုင်ဇာတွင် စစ်သုံ့ပန်းအဖြစ် ဖမ်းဆီးထားသော မြန်မာ့တပ်မတော်သားများ၊ ရဲဝန်ထမ်းများ၊ ကလေးစစ်သားများ ၃၀ ကျော်ကာ မြန်မာအစိုးရဘက်သို့ ပြန်လည်လွဲပြောင်းပေးရန် ၈၈ မျိုးဆက်ကျောင်းသားများမှ တဆင့် ကေအိုင်အေက ကြိုးပမ်းလျက်ရှိပြီး အစိုးရကလည်း ခေါ်ယူရန် လိုအပ်သည်များ ဆက်လက်ဆောင်ရွက်လျက်ရှိသည်ဟု ဇန်န၀ါရီလ ၅ ရက်နေ့က ထုတ်ပြန်ခဲ့သည်။

မကြာမီက လိုင်ဇာသို့သွားရောက်ခဲ့သည့် ၈၈ မျိုးဆက်ကျောင်းသားများအဖွဲ့မှ ဦးမြအေးက “ကေအိုင်အေဘက်က ဒီ သုံ့ပန်းတွေကို ပြန်အပ်ချင်တယ်ဆိုတာ တိတိပပ ပြောပါတယ်” ဟု ဧရာဝတီသို့ ပြောဆိုသည်။

မြန်မာ့တပ်မတော်သားများအပါအ၀င် ရဲတပ်သားများ စသည့် သုံ့ပန်းများကို ပြန်ခေါ်သွားရန် သက်ဆိုင်ရာ အစိုးရတာဝန်ရှိသူများကိုလည်း အကြောင်းကြား ဆက်သွယ်ခဲ့ကြောင်း တပါတည်း ပြန်ခေါ်လာရေး အဆင်မပြေခဲ့၍ ခေါ်မလာနိုင်ခဲ့ကြောင်းလည်း ဦးမြအေးက ဆိုသည်။


5 Responses

Leave a Reply

  1. pps၁၂၃၄၅

    ကိုမြအေးရေ။ ရဲဘော်တွေ ပြန်လာချင်ရဲ့လား လည်း မေးခဲ့သေးလား။
    ခင်ဗျားတို့ ကိုထောင်ချထား တုံး ငပျင်း ငမှုး မောင်အေး ထုတ်ထားတဲ့ ဖက်ဆစ် ဆန်သော အမိန့်တွေကြောင့် ရဲဘော်လေး တွေ ပြန်ရောက်ရင် သေဒဏ် ပေးခံနေရဦးမယ်။
    စစ်တပ်ထဲက လူကြီးဆိုတဲ့ လူတွေက လူစိတ်သိပ်ရှိပုံမရဘူး။
    ကိုယ့်ကြောင့် တိုင်းပြည်အတွက် အကျိုးရှိသော လူငယ်များ အသက်မဆုံးရှုံး ရအောင်လည်း စဉ်းစားအုံးဗျ။

  2. မိမိတပ်သား သုံ့ ပန်းဖြစ်နေတာကို ပြန်ခေါ်ဘို့  မကြိုးစားခြင်းဟာ ကေအိုင်အေ ကို ဒုက္ခပေးခြင်းတမျိုးဘဲ- ဒီစစ်သုံ့ ပန်းတွေကို ကေအိုင်အေ က ဘာဘဲဖြစ်ဖြစ် ကျွေးထားရမယ်။ ဆေးကုပေးရမယ်။ သူတို့ ကို စောင့်ကြည့်ဘို့  လူသုံးရမယ်။ ဒီတော့ ကေအိုင်အေ ရဲ့ ရိက္ခာနဲ့  ဆေးဝါး ကုန်ကျမှူကို တနည်းတလမ်းအားဖြင့် လုယူတာဘဲ-
    မြန်မာ့ တပ်ထဲမှာ စစ်သုံ့ ပန်းမိလျှင် အရေးပါ အရာရောက်သူဖြစ်ခဲ့သော် ထွက်ပြေးလို့  ပစ်သတ်လိုက်တယ်ပြောမှာဘဲ-ဘာမှ အရေးမပါသူကိုတော့ ထောင်ထဲ ထည့်ထားလိုက်မှာ- သူတို့ က အစိုးရ ဆိုတော့ ရိက္ခာ ဆေးဝါး မပူရဘူးလေ–

  3. သူတို့ခမြာဆုပ်လည်းစူး စားလည်းရူးဖြစ်နေရတဲ့သူတွေပါ။ သူတို့ကိုအစိုးရဆိုတဲ့သူတွေက
    ပြန်ခေါ်သင့်ပါတယ်။ သူတို့အတွက်အသက်စွန့်တိုက်ပေးရင်းဒီလိုဖြစ်ကြရတာဘဲ။လက်မခံ
    ရင်တော့စစ်သားတွေစစ်မတိုက်ကြဘဲကိုယ့်အိမ်ကိုယ်ပြန်နေသင့်ပြီ။တိုက်လည်းသေမတိုက်
    လည်းသေရမယ့်အတူတူ အိမ်ပြန်ပြီးပြန်တော်လှန်ပြီးသေတာကမှကောင်းသေးတယ်။