ဒီမိုကရက်တစ် မြန်မာ့အသံ (DVB) ဦးဆောင် ညွှန်ကြားရေးမှူးနှင့် အယ်ဒီတာချုပ် ဦးအေးချမ်းနိုင်သည် ပြည်တွင်း မီဒီယာ ဖွံ့ဖြိုးအခြေအနေနှင့် DVB ပြည်တွင်း၌ ၀င်ရောက် လုပ်ကိုင်ရန် အခြေအနေများကို လေ့လာရန် မြန်မာနိုင်ငံသို့ ယနေ့နံနက်က ရောက်ရှိလာသည်။ ဦးအေးချမ်းနိုင်သည် မြန်မာနိုင်ငံတွင် ၅ ရက်ကြာ နေထိုင်မည်ဖြစ်ပြီး ခရီးစဉ်အတွင်း ပြန်ကြားရေးဝန်ကြီး၊ ဆက်သွယ်ရေး ဝန်ကြီးအပါအဝင် အစိုးရအဖွဲ့ဝင်များ၊ ဒေါ်အောင်ဆန်းစုကြည်၊ ပြည်တွင်းပြည်ပ သတင်းထောက်များ၊ ဝါရင့် စာရေးဆရာကြီးများနှင့် တွေ့ဆုံမည်ဟု သိရသည်။ မြန်မာပြည်မှ ထွက်ခွာလာပြီးနောက် အနှစ် ၂၀ အတွင်း ဦးအေးချမ်းနိုင်၏ ပထမဆုံးအကြိမ် မြန်မာပြည် ခရီးစဉ် ဖြစ်ကြောင်းလည်း သိရှိရသည်။

အစိုးရ ပြည်ထောင်စုအဆင့် ငြိမ်းချမ်းရေး အဖွဲ့နှင့် မွန်ပြည်သစ်ပါတီ (NMSP) တို့ ဖေဖော် ၀ါရီ၂၄ ရက်က ငြိမ်းချမ်းရေး ပဏာမ သဘောတူညီမှုလက်မှတ် ထိုးသည်။ မွန်ပြည်နယ် မော်လမြိုင်မြို့တွင် ကျင်းပသော ယင်းလက်မှတ်ထိုးပွဲသို့ အစိုးရဘက်က ရထား ၀န်ကြီး ဦးအောင်မင်း ဦးဆောင်သည့် အဖွဲ့နှင့် NMSP ဘက်က ဒု ဥက္ကဌ ဦးနိုင်ရော့စ ဦးဆောင်သည့် အဖွဲ့တို့ တက်ရောက်ပြီး ပြည်ထောင်စု အဆင့် ပဏာမ သဘောတူညီချက် ၄ ချက်ကို သဘောတူ လက်မှတ်ထိုးခြင်း ဖြစ်ကြောင်း သိရသည်။

ပြည်သူ့လွှတ်တော် ဥက္ကဌ ဦရွှေမန်း နှင့် တရုတ်ပြည်သူ့ သမ္မတ နိုင်ငံ အမျိုးသား ပြည်သူ့ ကွန်ဂရက် ဥက္ကဌ မစ္စတာ ၀ူဘန်ကို နှင့် ဖေဖော်ဝါရီ၂၄ ရက်က ဘေဂျင်းမြို့တွင် တွေ့ဆုံကြောင်း သိရသည်။ တရုတ်နိုင်ငံက မြန်မာနိုင်ငံနှင့် ပတ်သက်၍ အမြဲတမ်း မှန် ကန်စွာ ရပ်တည်ပေးမှုအတွက် ကျေးဇူးတင်ကြောင်း ဦးရွှေမန်းက ပြောကြားပြီး မစ္စတာ ၀ူဘန်ကို က နှစ်နိုင်ငံ စီးပွားကုန်သွယ်မှု တိုးတက်လျက်ရှိကြောင်းနှင့် မြန်မာနိုင်ငံ စက်မှု ထွန်းကားရေး အလေးပေး ဆောင်ရွက်မည်ဟု ပြောကြားကြောင်း ယနေ့ထုတ် အစိုးရ သတင်းစာများ၌ ဖော်ပြထားသည်။

သစ်သီးဝလံ အမျိုးအမျိုး အပါအ၀င် ဥယျာဉ်ခြံထွက် သီးနှံနှင့် ပစ္စည်းများ၏ ပြည်ပ ပို့ကုန် ရောင်းချငွေအပေါ် စည်းကြပ် ကောက်ခံ သည့် ကုန်သွယ် လုပ်ငန်းခွန်ကို ကင်းလွတ်ခွင့် ပြုလိုက်ကြောင်း ဘဏ္ဍာရေးနှင့် အခွန်ဝန်ကြီးဌာနက ဖေဖော်ဝါရီ၂၄ ရက်က ထုတ် ပြန်သည်။ ကင်းလွတ်ခွင့် ကာလမှာ မတ်လ ၁ ရက် မှ သြဂုတ်လ ၁၄ ရက်အထိ ဖြစ်သည်ဟု အမိန့်ကြော်ငြာစာ၌ ပါရှိသည်။

အာဆီယံ အတွင်းရေးမှူးချုပ် ဒေါက်တာ ဆူရင်ပစ်ဆူဝမ် အပါအ၀င် အာဆီယံ စီးပွားရေး ၀န်ကြီးများနှင့် သမ္မတ ဦးသိန်းစိန် ယမန် နေ့က နေပြည်တော်၌ တွေ့ဆုံသည်။ အာဆီယံ နိုင်ငံများ အချင်းချင်း စီးပွားရေး ပိုမိုတိုးမြှင့် ပူးပေါင်း ဆောင်ရွက်ရေး ဆိုင်ရာများကို ဆွေးနွေးကြကြောင်း သိရသည်။ မြန်မာနိုင်ငံသည် လာမည့် ၂၀၁၄ ခုနှစ်တွင် အာဆီယံအလှည့်ကျ ဥက္ကဌ တာဝန်ယူထားသည်။

ဂျပန်နိုင်ငံက မြန်မာနိုင်ငံအပေါ် ၂၅ နှစ်ကြာ ရပ်ဆိုင်းထားခဲ့သော ချေးငွေပေးရေး အစီအစဉ်ကို ပြန်လည်စတင်တော့မည်ဟု ဂျပန်ဝန်ကြီးချုပ် ယိုရှီဟီကို နိုဒါက ကြေညာကြောင်း သိရသည်။ မြန်မာနိုင်ငံတွင် ဆိပ်ကမ်းများ၊ မီးရထားများကဲ့သို့သော အခြေခံအဆောက်အဦများ အကောင်အထည်ဖော်ရေးအတွက် လာမည့် ဧပြီလ ထိပ်သီးဆွေးနွေးပွဲတွင် ဂျပန်နိုင်ငံက ချေးငွေပေးရေး ပြန်စတင်ရန် မြန်မာနှင့် သဘောတူညီချက် ရမည်ဟု မျှော်လင့်ကြောင်း နီခဲအိသတင်းစာတွင် ဖော်ပြထားသည်။

ကရင်အမျိုးသားအစည်းအရုံး (KNU) ခေါင်းဆောင်တဦးဖြစ်သူ ပဒိုမန်းငြိမ်းမောင်အမှုအတွက် အင်းစိန် လက်ရှိ ထောင်ပိုင်နှင့် အငြိမ်းစား ထောင်ပိုင်တို့ကို တရားခံပြသက်သေအဖြစ် ဆင့်ခေါ်ပေးမည်ဟု တရားရုံးက ဆုံးဖြတ် လိုက်ကြောင်း ပဒိုမန်းငြိမ်းမောင်၏ ရှေ့နေ ဦးကြီးမြင့်က ပြောသည်။ သမ္မတ၏ ငြိမ်းချမ်းရေး အထူးကိုယ်စားလှယ် ဦးအောင်မင်းအပါအ၀င် ၈ ဦးအား တရားခံပြ သက်သေအဖြစ် ဆင့်ခေါ်ပေးရန် လျှောက်ထားခဲ့ရာ ၎င်းတို့အနက် နှစ်ဦးကိုသာ ဆင့်ခေါ်ပေးရန် တရားရုံးက ယမန်နေ့တွင် ဆုံးဖြတ်ခဲ့သည်။ ပဒိုမန်းငြိမ်းမောင် အမှုအား ယမန်နေ့ နေ့လည်ပိုင်းက ကြားနာခဲ့ပြီး မတ်လ ၁ ရက်နေ့သို့ ပြောင်းရွှေ့ချိန်းဆိုခဲ့သည်။ တရားရုံးက ဆင့်ခေါ်ပေးမည့် ထောင်ပိုင်များမှာ ပဒိုမန်းငြိမ်းမောင်က ငြိမ်းချမ်းရေးအတွက် အစိုးရကို အကူအညီပေးခဲ့ကြောင်း သက်သေခံနိုင်သူများ ဖြစ်သည်ဟု ဦးကြီးမြင့်က ပြောသည်။

NLD ဥက္ကဌ ဒေါ်အောင်ဆန်းစုကြည်သည် ပါတီစည်းရုံးရေး ခရီးစဉ်အဖြစ် ကချင်ပြည်နယ် နမ္မတီးသို့ ယနေ့ မွန်းလွဲ ၂း ၃၀ နာရီ ခန့် တွင် ရောက်ရှိကြောင်း သိရသည်။ ၎င်းသည် မိုးကောင်းမြို့နှင့် မြစ်ကြီးနားသို့လည်း သွားရောက်ရန်ရှိသည်ဟု NLD အသိုင်း အ၀ိုင်းက ပြောသည်။ မူလက ယခုခရီးစဉ်အား ဒေသအာဏာပိုင်များက လုံခြုံရေးအကြောင်းပြချက်ဖြင့် တားမြစ်ထားခဲ့ပြီးနောက် ပြီး ခဲ့သည့် တနင်္လာနေ့က ပြန်လည် ရုပ်သိမ်းပေးခဲ့သည်။

ထိုင်း-မြန်မာနယ်စပ်ရှိ အုန်းဖျန် ဒုက္ခသည် စခန်း၌ ယနေ့နံနက် ၁၁ နာရီခန့်က စတင်၍ မီးလောင်ရာ ရပ်ကွက် ၄ ခု မှ အိမ်ခြေ ၁၀၀၀ ခန့် လောင်ကျွမ်း ခံနေရကြောင်း သိရသည်။ ရပ်ကွက် ၉ မှ စတင်လောင်ကျွမ်းခြင်း ဖြစ်ပြီး ရပ်ကွက် ၆ ၊ ၇ ၊ ၈ များကိုပါ ကူး စက်ခြင်း ဖြစ်သည်ဟု အုန်းဖျန်မှ လာသော သတင်းများက ဆိုသည်။ လူ အသေအပျောက် ရှိသော်လည်း အတိအကျ မသိရ သေးကြောင်း၊ မီးသည် ရပ်ကွက် ၁၀ ကိုပါ ကူးစက်နေပြီဖြစ် ကြောင်းလည်း သိရသည်။ အုန်းဖျန်စခန်း၌ ရပ်ကွက် ၁၆ ရပ်ကွက်ရှိပြီး [...]

ဒီမိုကရက်တစ်ပါတီ (မြန်မာ) မှ ခေါင်းဆောင်တဦးဖြစ်သူ ဒေါ်နေရီဗဆွေသည် အမျိုးသား ဒီမိုကရေစီ အဖွဲ့ချုပ် (NLD) သို့ ကူးပြောင်း ဝင်ရောက်လာကြောင်း သိရှိရသည်။ ပြီးခဲ့သည့် ဒီဇင်ဘာလကလည်း အမျိုးသား ဒီမိုကရေစီ အင်အားစု (NDF) မှ အမျိုးသား လွှတ်တော်အမတ် ဒေါက်တာ မြတ်ဉာဏစိုးလည်း NLD ပါတီသို့ ကူးပြောင်းဝင်ရောက်ခဲ့သေးသည်။

တရုတ်-မြန်မာ နယ်စပ် ရွှေလီမြို့တွင် မြန်မာရွှေ့ပြောင်းအမျိုးသမီးလုပ်သားများ ခေါင်းပုံဖြတ်ခံနေရသော လုပ်ငန်းခွင်အခြေအနေနှင့် တရားဥပဒေပိုင်းဆိုင်ရာ အကာအကွယ်မဲ့သော အခြေအနေများကို မြန်မာ့အမျိုးသမီးသမဂ္ဂ (BWU) က လေ့လာ၍ အစီရင်ခံစာ ထုတ်ပြန်လိုက်သည်။ ရွှေလီမြို့တွင် မြန်မာရွှေ့ပြောင်းလုပ်သား ၁ သိန်းကျော် ရှိကြောင်း၊ လိင်ဖျော်ဖြေရေး၊ အိမ်ဖော်၊ ဈေးရောင်း၊ ဆောက်လုပ်ရေးနှင့် စက်ရုံအလုပ်ရုံများတွင် လုပ်ကိုင်နေရကြောင်း၊ တရုတ်အာဏာပိုင်များအနေဖြင့် မြန်မာ အမျိုးသမီးအလုပ်သမားများ၏ အခွင့်အရေးအကာအကွယ်ပေးရန် တိုက်တွန်းကြောင်း ဖော်ပြထားသည်။

အကျဉ်းထောင်များအတွင်း ဆက်လက်ကျန်ရှိနေသော နိုင်ငံရေးအကျဉ်းသားများကို ကူညီထောက်ပံ့နိုင်ရေးအတွက် လွတ်မြောက်ပြီး နိုင်ငံရေးအကျဉ်းသားများက စည်းချက်ညီ ရန်ပုံငွေဈေးရောင်းချမှုကို ရွှေတိဂုံဘုရားပွဲဈေးတွင် ယမန်နေ့မှ စတင် ရောင်းချနေကြောင်း သတင်းရရှိသည်။ နိုင်ငံရေးအကျဉ်းသားများအတွက် ဆေးဝါး၊ အစားအစာ၊ အသုံးအဆောင်ပစ္စည်းများ အကူအညီပေးရန် ဈေးရောင်းပွဲ ပြုလုပ်ခြင်းဖြစ်ကြောင်း နိုင်ငံရေး အကျဉ်းသားဟောင်းတဦးဖြစ်သူ ကိုမင်းဟန်က ပြောသည်။ ၈၈ မျိုးဆက် ကျောင်းသားခေါင်းဆောင်များ ဖြစ်သည့် ကိုမင်းကိုနိုင်၊ ကိုကိုကြီး၊ ကိုပြုံးချို အစရှိ သူတို့က စာအုပ်များ လာရောက်ဝယ်ယူ၍ လက်မှတ်ထိုးကာ နိုင်ငံရေးအကျဉ်းသားများအတွက် လှူဒါန်းသွားခဲ့ကြောင်း သိရသည်။

၂၀၁၁ ခုနှစ် စက်တင်ဘာ ၁ ရက်မှ ၂၀၁၂ ခုနှစ် ဖေဖော်ဝါရီ ၆ ရက် အထိ တိုင်းနှင့် ပြည်နယ် အလိုက် ဘိန်းခင်း စုစုပေါင်း ၅၅၄၂၉ ဧက ကျော် ဖျက်ဆီးပြီးကြောင်း အစိုးရက ထုတ်ပြန် လိုက်သည်။ ယင်း ဘိန်းခင်း အများစုမှာ ရှမ်းပြည်နယ် နှင့် မကွေးတိုင်း ဒေသများမှ ဖြစ်ကြောင်း ယနေ့ထုတ် မြန်မာ့ အလင်း သတင်းစာ တွင် ဖော်ပြထား သည်။ ကမ္ဘာ့ ကုလ သမဂ္ဂ မူးယစ်ဆေးဝါးနှင့် ရာဇ၀တ်မှုဆိုင်ရာ တိုက်ဖျက်ရေး ရုံး(UNODC) ၏ အစီရင်ခံစာ၌ မြန်မာနိုင်ငံ၏ ဘိန်းစိုက် ပျိုးမှုသည် လွန်ခဲ့သည့် ၅ နှစ်အတွင်း၂ဆ ခန့် တိုးမြင့် [...]

ဗုဒ္ဓသာသနာ ၂၆၀၀ ပြည့် အထိမ်းအမှတ်အဖြစ် ရန်ကုန်မြို့ ရွှေတိဂုံ စေတီ၌ ဗုဒ္ဓပူဇနိယ ပွဲတော်ကို ယနေ့မှ စတင်၍ ၁၅ ရက်ကြာ ကျင်းပမည်ဖြစ်သည်။ ယနေ့ နံနက်က ပွဲတော် ဖွင့်ပွဲကို နိုင်ငံတော် သံဃ မဟာနာယက ဆရာတော်ကြီးများ၊ သာသနာရေး ၀န်ကြီး ဦးမြင့်မောင်၊ ရန်ကုန်တိုင်း ဒေသကြီး ၀န်ကြီးချုပ် ဦးမြင့်ဆွေ တို့ တက်ရောက် ဖွင့်လှစ်သည်။ ပွဲတော်တွင် တရားပွဲများအပြင် ပဒေ သာ ကပွဲ၊ ရုပ်သေး၊ ရုပ်ရှင် စသည့် ပျော်ပွဲ ရွှင်ပွဲများနှင့် ရွှေတိဂုံသမိုင်း ပြကွက်များ ပါဝင်ကြောင်း သိရသည်။ ရွှေတိဂုံစေတီတွင် ယခုကဲ့သို့ ကြီးမားစည်ကားသည့် ပွဲတော် ကျင်းပခွင့်မရသည်မှာ ၁၉၈၈ ခုနှစ်နောက်ပိုင်းမှစ၍ နှစ်ပေါင်း ၂၀ [...]

မြန်မာအစိုးရ၏ လုပ်ဆောင်မှု အားလုံးသည် ၂၀၁၄ ခုနှစ်တွင် တာဝန်ယူခွင့်ရမည့် အလှည့်ကျ အာဆီယံ ဥက္ကဋ္ဌနေရာနှင့် ထိုက်တန်ကြောင်း ပြသရမည်ဟု အာဆီယံ အထွေအထွေ အတွင်းရေးမှူးချုပ် ဒေါက်တာ ဆူရင် ပစ်ဆူဝမ်က ယနေ့နံနက် ဒေါ်အောင်ဆန်းစုကြည်နှင့် တွေ့ဆုံဆွေးနွေးမှုအပြီးတွင် ပြောဆိုလိုက်သည်။ ကြားဖြတ်ရွေးကောက်ပွဲအတွက် လေ့လာစောင့်ကြည့်သူများ လာရောက်ခွင့်ပေးရန် အထူးအလေးပေး စဉ်းစားမည်ဟု သမ္မတ ဦးသိန်းစိန်က ပြောဆိုခဲ့သော်လည်း မည်သည့်အချိန်တွင် လာရောက်ခွင့်ပြုမည် ဆိုသည်ကို မသိရသေးကြောင်း ဒေါက်တာ ဆူရင် ပစ်ဆူဝမ်က ပြောဆိုသည်ဟု Eleven Media Group ၏ ဖေ့စ်ဘုတ်စာမျက်နှာတွင် ဖော်ပြထားသည်။

မြန်မာနိုင်ငံတွင် HIV/AIDS လူနာ ၈ သောင်း ၅ ထောင်အတွက် HIV ပိုးထိန်းချုပ်သည့် ART (anti-retroviral therapy) ဆေးဝါး အရေးပေါ် လိုအပ်လျက်ရှိကြောင်း နယ်စည်းမခြား ဆရာဝန်များအဖွဲ့ (MSF) က ယနေ့ သတင်းထုတ်ပြန်သည်။ ထို့အပြင် တနှစ်လျှင် ဆေးမတိုးသော (သို့) ဆေးယဉ်ပါးသော တီဘီရောဂါ (MDR-TB) ကူးစက်သူ ၉ ထောင် ၃ ရာခန့် ရှိနေကြောင်းနှင့် ဆေးကုသမှုခံယူသူ ၃၀၀ ခန့်သာရှိသေးကြောင်း သိရသည်။

ပြည်သူ့လွှတ်တော် ဥက္ကဋ္ဌ ဦးရွှေမန်းက အစိုးရဝန်ထမ်းများအတွက် လစာကို အနိမ့်ဆုံးအားဖြင့် ကျပ် ၁ သိန်း ပေးသင့်ကြောင်း သဝဏ်လွှာကို ပြည်ထောင်စုလွှတ်တော် နာယကထံ ယမန်နေ့က ပေးပို့လိုက်သည်။ ဖေဖော်ဝါရီလ အစောပိုင်းက ဦးရွှေမန်းသည် အစိုးရ၀န်ထမ်းများ လာဘ်ပေး၊ လာဘ်ယူမှု ပပျောက်ရေးအတွက် ၂၀၁၃ ခုနှစ်တွင် လစာတိုးမြှင့်ရေးအဆိုကို ပြည်ထောင်စုလွှတ်တော်၌ တင်သွင်းခဲ့သော်လည်း သမ္မတ ဦးသိန်းစိန်က ဘတ်ဂျက်လိုငွေပြမှု ပိုများလာနိုင်သောကြောင့်ဟုဆိုကာ ပယ်ချခဲ့သည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ခိုင်ရေးပါတီ) က လူထုအတွက် ကျပ် ၅ ထောင်တန် ဖုန်းကတ်များ ချပေးရေး လွှတ်တော်တွင် အဆိုတင်သွင်းမည်ဖြစ်ကြောင်း ကြံ့ခိုင်ရေးပါတီ ရန်ကုန်တိုင်းတာဝန်ခံ ဦးအောင်သိန်းလင်းက ကြားဖြတ်ရွေးကောက်ပွဲအတွက် ပြောဆိုမဲဆွယ်နေသည်ဟု သိရသည်။ ၅ ထောင်တန် ဖုန်းကတ် ရောင်းချပေးရေးကို ရွှေပြည်တံခွန်ကုမ္ပဏီက အစိုးရထံ တင်ပြတောင်းခံခဲ့သော်လည်း ဆက်သွယ်ရေးလုပ်ငန်းကို အစိုးရကသာ လုပ်ဆောင်နိုင်သည်ဟုဆိုတာ ပယ်ချခံထားရသည်။

ကိုမင်းကိုနိုင်၊ ကိုကိုကြီး အစရှိသည့် ၈၈ မျိုးဆက် ကျောင်းသားခေါင်းဆောင်များသည် ယမန်နေ့က ဧရာတီတိုင်း ဟင်္သာတ မြို့သို့ သွားရောက်၍ လူထုနှင့်တွေ့ဆုံ မိတ်ဆက်ပွဲပြုလုပ်သည်။ ယင်းတွေ့ဆုံပွဲကို ဒေသခံ ဒီမိုကရေစီ အင်အားစုများနှင့် လူငယ်များက ဦးဆောင်၍ ဟင်္သာတမြို့ ပြည်လုံးချမ်းသာဘုရားဝင်း အစည်းအဝေး ခန်းမ၌ ကျင်းပရာ သောင်းနှင်ချီသည့် လူထုက ကြိုဆို တက် ရောက်ကြကြောင်း သိရသည်။

အိန္ဒိယနိုင်ငံ နယူးဒေလီ မြို့၌ ယမန်နေ့က ကျရောက်သည့် ၆၄ နှစ်မြောက် ချင်းအမျိုးသားနေ့ကို အိန္ဒိယရောက် ချင်းတိုင်းရင်းသား များက ကျင်းပကြသည်။ နယူးဒေလီတွင် ချင်းဒုက္ခသည် ၂၀၀၀၀ ခန့် နေထိုင်ကြောင်း သိရသည်။ ပထမဆုံး ချင်း အမျိုးသားနေ့ အခမ်း အနားကို ၁၉၅၁ ခုနှစ် ၀န်ကြီးချုပ်ဟောင်း ဦးနု အစိုးရ လက်ထက်၌ ချင်းပြည်နယ် မင်းတပ်မြို့တွင် ကျင်းပခဲ့သည်။

၂၀၁၀ ပြည့်နှစ် သင်္ကြန်ကာလ ရန်ကုန်မြို့ရှိ X2Oသင်္ကြန်မဏ္ဍပ် ဗုံးကွဲမှုနှင့် ပတ်သက်ပြီး ဖမ်းဆီးထားသည့် ကိုဖြိုးဝေအောင်နှင့် ၎င်း၏ ရှေ့နေ နှစ်ဦးကို တရားရုံး မထေမဲ့မြင်ပြုမှုနှင့် ယမန်နေ့က အရေးယူလိုက်ကြောင်း သိရသည်။ အစိုးရဘက်က တရားလိုပြ သက်သေများ၏ ထွက်ဆိုချက်များကို ကြိုတင်ယူထားမှုနှင့် ပတ်သက်ပြီး ကိုဖြိုးဝေအောင်၏ ချေပထွက် ဆိုမှုအပေါ် ထိုသို့ အရေး ယူခံရခြင်း ဖြစ်သည်ဟု ဆိုသည်။ ၂၀၁၀ ဧပြီ ၁၅ ရက် သင်္ကြန်အကြတ်နေ့က X2Oမဏ္ဍပ်၌ ဗုံးသုံးလုံး ဆက်တိုက် ပေါက်ကွဲသဖြင့် ထိခိုက်ဒဏ်ရာရ သေဆုံးမှုများ ရှိခဲ့သည်။

NLD ဥက္ကဌ ဒေါ်အောင်ဆန်းစုကြည်၏ ကချင်ပြည်နယ် ပါတီ စည်းရုံးရေး ခရီးစဉ်နှင့်ပတ်သက်ပြီး တားမြစ်ကန့်သတ်မှုကို ရုပ်သိမ်းကြောင်း ပြည်နယ် ရွေးကောက်ပွဲကော်မရှင်က ယမန်နေ့က ကြေညာသည်ဟု သိရသည်။ ဖေဖော်ဝါရီ ၂၃ ရက်နှင့် ၂၄ ရက်တွင် သွားရောက်မည့် ကချင်ပြည်နယ် နမ္မတီး ခရီးစဉ်ကို အာဏာပိုင်များက လုံခြုံရေး အကြောင်းပြချက်ဖြင့် စည်းရုံးဟောပြောခွင့်ကို တားမြစ်ပိတ်ပင်မှု ပြုလုပ်ခဲ့ခြင်း ဖြစ်သည်။

အာဆီယံ အတွင်းရေးမှူးချုပ် ဒေါက်တာ ဆူရင်ပစ်ဆူဝမ်နှင့် ကိုယ်စားလှယ်အဖွဲ့သည် ယမန်နေ့က နေပြည်တော်တွင် သမ္မတ ဦး သိန်းစိန် အပါအ၀င် အစိုးရအဖွဲ့ဝင်များနှင့်တွေ့ဆုံသည်။ ပြည်တွင်း နိုင်ငံရေး ဖြစ်ပေါ် တိုးတက်မှုများနှင့် ဒေသတွင်း ဆက်လက် ပူးပေါင်းဆောင်ရွက်ဖွယ်ရာ လုပ်ငန်းစဉ်များကို ဆွေးနွေးကြကြောင်း အစိုးရ သတင်းစာများ၌ ဖော်ပြထားသည်။ အဆိုပါ အဖွဲ့သည် မြန်မာနိုင်ငံခြားရေး ၀န်ကြီး ဦးဝဏ္ဏမောင်လွင်၏ ဖိတ်ကြားချက်ဖြင့် လာရောက်ခြင်းဖြစ်ကြောင်း သိရသည်။

ပြည်သူ့ လွှတ်တော် ဥက္ကဋ္ဌ ဦးရွှေမန်းသည် တရုတ်နိုင်ငံသို့ ဖေဖော်ဝါရီ ၂၂ ရက်မှ စတင်၍ ၂၆ ရက်အထိ ၄ ရက်ကြာ ချစ်ကြည်ရေး ခရီး သွားရောက်မည် ဖြစ်ကြောင်း သိရသည်။ ယင်းခရီးစဉ်ကို တရုတ် အမျိုးသား ပြည်သူ့ ကွန်ဂရက် (NPC) အမြဲတမ်း ကော်မတီ အကြီးအကဲ Wu Bangguo က ဖိတ်ကြားခြင်း ဖြစ်သည်ဟု NPC က ယနေ့ ထုတ်ပြန်သည်။

ကြားဖြတ် ရွေးကောက်ပွဲ အတွက် လွတ်လပ်စွာ မဲဆွယ်စည်းရုံးမှုကို အာဏာပိုင် တချို့က ကန့်သတ်နေကြောင်း အမျိုးသား ဒီမိုကရေစီ အဖွဲ့ချုပ် (NLD) ၏ ရွေးကောက်ပွဲ အောင်နိုင်ရေးအဖွဲ့ မန်နေဂျာ ဦးဉာဏ်ဝင်းက ပြောဆိုလိုက်သည်။ ဒေါ်အောင်ဆန်းစုကြည် လှည်းကူးတွင် ဟောပြောရေးအတွက် ဘောလုံးကွင်း ငှားရာတွင် အထစ်အငေါ့ ဖြစ်ခဲ့ခြင်း၊ ကချင်ပြည်နယ် ခရီးစဉ်ကို လုံခြုံရေး အကြောင်းပြပြီး ကျင်းပခွင့်ပိတ်ပင်ခြင်း၊ ကြံ့ခိုင်ရေးပါတီက ပုဂ္ဂိုလ်ရေးတိုက်ခိုက် ပုတ်ခတ် ပြောဆိုခြင်းများကို ဦးဉာဏ်ဝင်းက ယနေ့ပြုလုပ်သော သတင်းစာ ရှင်းလင်းပွဲတွင် ပြောဆိုသွားသည်။ ထိုကန့်သတ်မှု များကြောင့် လွပ်လပ်ပြီး တရားမျှတသော ရွေးကောက်ပွဲဖြစ်ရန် ခက်ခဲလာသည်ဟုလည်း ဦးဉာဏ်ဝင်းက ပြောသည်။

လက်ကိုင်ဖုန်းများသို့ သတင်းတို (SMS) ပေးပို့သည့် စနစ်ကို ပြည်တွင်းရှိ Eleven Media Group က ပြီးခဲ့သည့် ဖေဖော်ဝါရီ ၁၃ ရက် က စတင် စမ်းသပ် လုပ်ဆောင်နေပြီ ဖြစ်ကြောင်း သိရသည်။ ယင်း စမ်းသပ်ကာလ ၂ ပတ်ကို အခမဲ့ ပေးပို့ခြင်းဖြစ်ပြီး စမ်းသပ် ကာလ လွန်မြောက်ပါက သတင်းတို ရယူလိုသူများသည် တလ အတွက် ကျပ်၂၅၀၀ ပေးဆောင်ရမည် ဖြစ်သည်။ ထိုသို့ သတင်းတို ပေးပို့ခြင်း ကို နေ့စဉ် နံနက် ၇ နာရီ တကြိမ်၊ မွန်းလွဲ ၂ နာရီတွင်တကြိမ် ပေးပို့မည်ဖြစ်ကြောင်း Eleven Media Group က ဆိုသည်။ လတ်တလော၌ [...]

NLD ဥက္ကဌ ဒေါ်အောင်ဆန်းစုကြည်သည် ရန်ကုန်တိုင်း ကော့မှူးမြို့နယ်ရှိ ၀ါးဘလောက်သောက် သို့ ဖေဖော်ဝါရီ ၂၁ ရက်တွင် မဲ ဆွယ် စည်းရုံးရေးခရီး သွားရောက်မည် ဖြစ်ကြောင်း NLD အသိုင်းအ၀ိုင်း က ပြောသည်။ လာမည့် ဖေဖော်ဝါရီ ၂၃ ရက်နှင့် ၂၄ ရက်တွင် ဒေါ်အောင်ဆန်းစုကြည် သွားရောက်မည့် ကချင်ပြည်နယ် နမ္မတီး ၌ စည်းရုံးဟောပြောခွင့်ကို အာဏာပိုင်များက တားမြစ် ထားကြောင်း သိရသည်။

ပုဂံဒေသ ယဉ်ကျေးမှုအမွေအနှစ်များ ထိန်းသိမ်းရေးနှင့် အနာဂတ်တွင် Historical Park သို့မဟုတ် Archaeological Park တည် ဆောက်ရေး အလုပ်ရုံဆွေးနွေးပွဲကို မန္တလေးတိုင်း ညောင်ဦးမြို့နယ် ပုဂံရှေးဟောင်း သုတေသနပြတိုက်၌ ဖေဖော်ဝါရီ ၁၅ ရက် က ကျင်းပသည်။ ယဉ်ကျေးမှု ၀န်ကြီးဌာန ၊ ရှေးဟောင်းသုတသေန၊ အမျိုးသား ပြတိုက်နှင့် စာကြည့်တိုက်ဦးစီးဌာန ၊ မြန်မာနိုင်ငံ အင်ဂျင်နီယာ အသင်း နှင့် မြန်မာနိုင်ငံ ဗိသုကာ ပညာရှင် အသင်းတို့ ပူးပေါင်းကျင်းပခြင်း ဖြစ်ကြောင်း သိရသည်။

မြန်မာနိုင်ငံမှ ကမ္ဘောဇ ဘောလုံးအသင်းနှင့် ထိုင်း ပရီးမီးယား လိဂ် ကလပ် ချင်းရိုင်း ယူနိုက်တက် အသင်းတို့ ဖေဖော်ဝါရီ ၂၅ ရက်နေ့တွင် ထိုင်းနိုင်ငံ မယ်ဆိုင်မြို့၌ ချစ်ကြည်ရေး ခြေစမ်းပွဲ ကစားမည်ဖြစ်သည်။ ချင်းရိုင်း မြို့တည် နှစ်ပေါင်း ၇၅၀ ပြည့် အထိမ်းအမှတ် ထိုင်း-မြန်မာ ချစ်ကြည်ရေး ဖိတ်ခေါ် ဘောလုံးပြိုင်ပွဲအဖြစ် ယှဉ်ပြိုင်ကစားကြမည် ဖြစ်ကြောင်း သိရသည်။

ထိုင်း-မြန်မာနယ်စပ်ရှိ မြန်မာဒုက္ခသည်များသည် တနေ့တွင် မြန်မာပြည်သို့ စိတ်ချလက်ချ တရားဝင်ပြန်နိုင်မည်ဟု မျှော်လင့်ကြောင်း ထိုင်းဝန်ကြီးချုပ်ဟောင်း အဖီဆစ် ဝေ့ချာချီဝက ပြောသည်။ ဖေဖော်ဝါရီလ ၁၈ ရက်နေ့က ဒေါ်အောင်ဆန်းစုကြည်နှင့် တက္ကသိုလ်ရိပ်သာလမ်းနေအိမ်တွင် တွေ့ဆုံပြီးနောက် သတင်းစာရှင်းလင်းပွဲတွင် အဖီဆစ်က မြန်မာ့ဒီမိုကရေစီပြောင်းလဲမှုများကို ထောက်ခံပြီး ဆက်လက်လုပ်ဆောင်သွားမည်ဟု မျှော်လင့်ကြောင်းလည်း   ပြောကြားသွားသည်။