ခေါင်းဆောင်နဲ့ ဖက်ရှင် | ဧရာဝတီ
သတင်း

ခေါင်းဆောင်နဲ့ ဖက်ရှင်

Hits:14,501
  | |

ချင်းပြည်နယ်အတွင်း သွားရောက်လှည့်လည်စဉ် ချင်းတိုင်းရင်းသား ရိုးရာဖက်ရှင်နှင့် မြင်တွေ့ရသည့် သမ္မတ ဦးသိန်းစိန် (ဓာတ်ပုံ – president-office.gov.mm)

မစပ်စုတို့ တိုင်းပြည်ရဲ့ အတိုက်အခံ ခေါင်းဆောင် ဒေါ်အောင်ဆန်းစုကြည် နေအိမ် အကျယ်ချုပ်က လွတ်မြောက်ပြီးတဲ့ နောက်ပိုင်းမှာ သူဝတ်ဆင်တဲ့ အ၀တ်အစား၊ ဖက်ရှင်ဒီဇိုင်းတွေဟာ လူငယ်၊ လူလတ်၊ လူကြီး စတဲ့ အရွယ်အမျိုးမျိုးသော အမျိုးသမီး ထုကြားထဲ လက်ရှိ အချိန်အထိ အလွန်ပဲ ရေပန်းစားနေခဲ့တာပါ။

အနယ်နယ် အရပ်ရပ်က အမျိုးသမီး စက်ချုပ်ဆိုင်တွေ၊ ဖက်ရှင် ဒီဇိုင်နာတွေ ဆီမှာဆိုရင်လည်း ပွဲတက်ဖို့ မြန်မာ့ ရိုးရာ ၀တ်စုံဒီဇိုင်း ရွေးကြပြီဆိုရင် ဒေါ်အောင်ဆန်းစုကြည် ဘယ်ပွဲမှာ ၀တ်သွားတဲ့ ဘယ်လို ဒီဇိုင်မျိုးလေး ချုပ်ပေးပါဆိုတဲ့ အသံတွေ ကြားလာရတော့ မီဒီယာတွေကတောင် ဒေါ်အောင်ဆန်းစုကြည် ဖက်ရှင်နဲ့ ပတ်သက်လို့ အင်တာဗျူးတွေ၊ သတင်းတွေ ထုတ်ဖော် ရေးသားခဲ့ကြပါသေးတယ်။ သူ တောင်ကိုရီးယားသွားတုန်းက ဝတ်စုံတွေဆိုရင် ဖက်ရှင်လောကမှာတောင် ပြောစမှတ် ပြုရတယ်လို့ သိရပါတယ်။

သူကလည်း မြန်မာလူထုရဲ့ အထင်ကရ ပုဂ္ဂိုလ်ပေကိုး။ အဲဒီလို အတိုက်အခံ ခေါင်းဆောင် တဦးရဲ့ ၀တ်စားဆင်ယင်မှု အကြောင်း စိတ်ဝင်တစား ပြောပြီးပြန်တော့ အခု လက်တလောမှာ မစပ်စုတို့ သမ္မတကြီး ဦးသိန်းစိန်ရဲ့ ရိုးရာဖက်ရှင် တခုကိုလည်း ပြည်သူတွေအကြား အပြောများ လာပါတယ်။

အဲဒါကတော့ ပြီးခဲ့တဲ့ ဖေဖော်ဝါရီ ၁၅၊ ၁၆ လောက်မှာ သမ္မတကြီးရဲ့ ချင်းပြည်နယ် ခရီးစဉ်အတွင်း ဝတ်ခဲ့တဲ့ ဖက်ရှင်လို့ ဆိုရမှာပါပဲ။ ချင်းပြည်နယ် ဒေသ ဖွံ့ဖြိုးတိုးတက်ရေးအတွက် ကိုယ်တိုင် ကွင်းဆင်းလေ့လာ စစ်ဆေးခဲ့တဲ့ သမ္မတကြီးက ချင်း တိုင်းရင်းသားတွေရဲ့ ရိုးရာ ဂျက်ခုပ် အထည်တွေကို တနေ့တမျိုး မရိုးရလေအောင် ၀တ်ဆင်ခဲ့တာကို ဓာတ်ပုံမှတ်တမ်း တွေကနေ တွေ့ကြရပါတယ်။

ဒီလို ချင်းအမျိုးသား ၀တ်စုံကို ၀တ်ဆင်ပြီး ပြည်သူတွေကို လိုက်လံ နှုတ်ဆက် နေလေတော့ သမ္မတကြီးရဲ့ ပုံမှန် လွှတ်တော်တက်ရင် ၀တ်ဆင်ပုံ၊ နိုင်ငံရပ်ခြား ခရီးတွေ သွားရောက်တဲ့အခါ ၀တ်စားပုံ၊ စတဲ့ အနေအထားတွေနဲ့ ကွဲထွက် နေပါတယ်။ ဒါဟာလည်း သမ္မတကြီးရဲ့ ဖက်ရှင်တွေထဲက ရိုးရာဖက်ရှင် တခုလို့ ဆိုရလေမလားဘဲ။

အခုလို သမ္မတကြီးအနေနဲ့ ချင်းတိုင်းရင်းသားဝတ်စုံကို ၀တ်ဆင်လို့ ချင်းပြည်နယ်တခွင် လှည့်လည်ခဲ့ပြီးတဲ့နောက် ချင်းတိုင်းရင်းသား တွေရဲ့ လိုအပ်ချက်တွေကိုလည်း ဖြည့်ဆည်းပေးဖို့ မျှော်လင့်နေတယ်ဆိုတဲ့ ချင်းပြည်နယ် ဖလမ်းမြို့ ပြည်သူ့လွှတ်တော် ကိုယ်စားလှယ် ဦးခွန်လိန်းက “ကျနော်တို့ ချင်း အမျိုးသားတွေအနေနဲ့ အရမ်း ဂုဏ်ယူတယ်။ ဆက်လက် ပြီးတော့ ချင်းပြည်နယ်ရဲ့ တိုးတက်ရာ တိုးတက်ကြောင်းရဲ့ ပထမ ခြေလှမ်း ဖြစ်နိုင်ပါစေလို့ ကျနော်တို့က ပြောချင်ပါတယ်။ အခုလို ချင်းတိုင်းရင်း သားဝတ်စုံကို ၀တ်လိုက်တဲ့အခါမှာ ချင်းပြည်နယ်က ချင်းတိုင်းရင်းသားတွေနဲ့ တသားတည်း ကျတယ် လို့ ပြချင်တာပေါ့ဗျာ။ အဲလိုပဲ အဓိပ္ပာယ် ကောက်ပါတယ်။ နောက်ပြီးတော့လည်း ဆုတောင်းပေးချင် တာကတော့ အဲဒီလို ၀တ်စုံကို ၀တ်ဆင်ပြီး ချင်းပြည်နယ်တခွင် လှည့်လည်တဲ့အခါမှာ ချင်းပြည်နယ်ရဲ့ လိုအပ်ချက်တွေကို သူ့အနေနဲ့ ကိုယ်တိုင်မျက်စိနဲ့ တွေ့မြင်ပြီးတော့ သိရှိသွားတာဟာ သူ ချင်းဝတ်စုံဝတ်တာနဲ့ ထပ်တူထပ်မျှ ဖြစ်နိုင်ပါစေလို့ အဲဒီလိုပဲ သဘောရပါတယ်” လို့ ဧရာဝတီကို ပြောပါတယ်။

မစပ်စု သိရသလောက်ကတော့ သမ္မတ ဦးသိန်းစိန်ရဲ့ သမ္မတ သက်တမ်း တလျှောက်မှာ တိုင်းရင်းသား ရိုးရာ ၀တ်စုံကို ၀တ်ဆင်ပြီး ပြည်သူထဲ ကွင်းဆင်းလေ့လာခဲ့တာ ဆိုလို့ ဒီ ချင်းတိုင်းရင်းသားဝတ်စုံဟာ ပထမဆုံး အကြိမ်လို့ ဆိုရမှာပါ။

အခုလို တိုင်းရင်းသားတွေရဲ့ အမြတ်နိုးဆုံး ရိုးရာဝတ်စုံကို တိုင်းပြည်ခေါင်းဆောင် တဦးက ၀တ်ဆင်ပြတဲ့အပေါ် ဂုဏ်ယူ မိပါတယ်လို့လည်း ကချင် တိုင်းရင်းသားတဦးဖြစ်သူ ဖက်ရှင် ဒီဇိုင်နာ ကိုဇော်ဆိုင်းက ဧရာဝတီကို ပြောပါတယ်။

“ကျနော်က ချင်းတိုင်းရင်းသား မဟုတ်ပေမယ့်လည်း တိုင်းရင်းသား တယောက်အနေနဲ့ ဘယ်သူမဆို ကိုယ့်လူမျိုး ၀တ်စုံကို တန်ဖိုး ထားကြတယ်လေ။ သမ္မတကြီး ဦးသိန်းစိန်ဆိုတာလည်း နိုင်ငံတော်ရဲ့ အကြီးအကဲ တယောက် ဆိုတော့ ကိုယ့်တိုင်းရင်းသား ၀တ်စုံကို ၀တ်ဆင်ထားတော့ ဘယ်သူမဆို ကြိုက်ကြမှာပဲ။ ဂုဏ်ယူကြမှာပါပဲ။ အဲဒီအတွက်လည်း ဂုဏ်ယူပါတယ်” လို့ ဆိုပါတယ်။

အတိုက်အခံ ခေါင်းဆောင် ဒေါ်အောင်ဆန်းစုကြည်ရဲ့ မြန် မာ့ ရိုးရာ ၀တ်စားဆင်ယင်မှု ဖက်ရှင် ဒီဇိုင်းတွေဟာ ယနေ့ခေတ် အမျိုးသမီးထုအကြား ရေးပန်းစားနေသလိုပဲ သမ္မတကြီးရဲ့ ချင်းရိုးရာဖက်ရှင် ဒီဇိုင်းလည်း ထိုနည်းလည်းကောင်း အမျိုးသားတွေ အကြား ရေပန်းစား လာမလားလို့ မစပ်စုတွေးမိနေပါတယ်။

နိုင်ငံရေးဆိုတာ ဝေးလို့ ပညာရေး၊ အတန်းပညာဆိုတာ ဘာမှန်းမသိရဘဲ ချို့တဲ့လှတဲ့ ချင်းတိုင်းရင်းသား ကလေးငယ်တွေ၊ ဆင်းရဲနုံချာလှတဲ့ ချင်းတိုင်းရင်းသား တွေရဲ့ လူနေမှုဘ၀တွေ၊ လမ်းပန်း ဆက်သွယ် ရေးခက်ခဲလွန်းလို့ ချင်းပြည်နယ်ရဲ့ အလှကို လာရောက် လေ့လာမယ့် နိုင်ငံခြားသား ဆိုတာဝေးလို့ ကိုယ့် မြန်မာလူမျိုးချင်းတောင် ချင်းပြည်နယ်ရဲ့ အလှ၊ ချင်းတောင်တန်းတွေရဲ့ အလှကို သွားရောက် မခံစားနိုင်တဲ့ အခြေအနေတွေ၊ စတဲ့ ဒီလို လိုအပ်ချက်တွေ အများအပြားရှိနေတဲ့ ချင်းတောင်တန်းတွေရဲ့ လိုအပ်ချက်တွေကို ချင်းပြည်နယ်က ချင်းတိုင်းရင်းသားတွေနဲ့ တသားတည်းပါ ဆိုတဲ့ သမ္မတကြီး သေသေချာချာ မြင်တွေ့ခဲ့ပြီလို့ မစပ်စု ယုံကြည်ပါတယ်။ မြင်တွေ့ခဲ့ရသလောက် လိုအပ်ချက်တွေကို ဖြည့်ဆည်းပေးနိုင် လိမ့်မယ်လို့လည်း မျှော်လင့်ပါတယ်။

သမ္မတ ဦးသိန်းစိန် အနေနဲ့ ချင်းပြည်နယ်တင်မကဘဲ နောက်ထပ် ဘယ်တိုင်းရင်းသား ဒေသတွေကို သွားပြီး လှည့်လည် ဦးမလဲ၊ ဘယ်လို တိုင်းရင်းသား ဖက်ရှင်ဆန်းတွေ ဝတ်ဦးမလဲဆိုတာလည်း စိတ်ဝင်စားစရာ ကောင်းလှပါတယ်။ ကျန်တဲ့ တိုင်းရင်းသားတွေ အားလုံး မစပ်စုနဲ့ ထပ်တူ စိတ်ဝင်စားနေကြမယ်လို့ ထင်ပါတယ်။ တိုင်းရင်းသားတွေ အလေးထားတဲ့ သူတို့ရဲ့ ရိုးရာဝတ်စုံကို ဝတ်ဆင်တာဟာ သူတို့ကို အလေးထားတာဖြစ်လေတော့ တိုင်းပြည်ခေါင်းဆောင် ဖြစ်တဲ့ သမ္မတကြီး အနေနဲ့ တိုင်းရင်းသား အားလုံးရဲ့ ရိုးရာဝတ်စုံတွေ တမျိုးစီ ဝတ်ဆင်ပြီး သူတို့ဒေသတွေမှာ လှည့်လည် ကြည့်ရှု ပြီးသွား ရင်တော့ မစပ်စုတို့ မြန်မာပြည်ကြီးလည်း ဖက်ဒရယ် အစစ်နဲ့ နီးစပ်ပြီလို့ ပြောနိုင်ပါတော့မယ်။


9 Responses

Leave a Reply

  1. ဌေးဝင်း

    ချင်းပြည်နယ် ဖလမ်းမြို့ ပြည်သူ့လွှတ်တော် ကိုယ်စားလှယ် ဦးခွန်လိန်းက “အခုလို သမ္မတကြီးအနေနဲ့ ချင်းတိုင်းရင်းသားဝတ်စုံကို ၀တ်ဆင်လို့ ချင်းပြည်နယ်တခွင် လှည့်လည်ခဲ့တာကျနော်တို့ ချင်း အမျိုးသားတွေအနေနဲ့ အရမ်း ဂုဏ်ယူပါတယ်တဲ့”…ကျွန်တော်လဲဂုဏ်ယူပါတယ်။…ဒါပေမဲ့ လက်အုပ်ချီပြီ..ကြိုဆိုတာကတော့..ချင်းအမျိုးသားတွေ၇ဲ့ဓလေ့ထုံးစံလား..မသိလို့မေးတာနော်။

    • Uncle?Htay Win,Have you ever been to other country?If yes,do you have any foreinger friends?And, do you have any MM Tineyinthar friends in Myanmar?Do you know how people should respect to other cultures?

    • မှန်ပါတယ်ဗျာ။ မိမိရိုးရာယဉ်ကျေးမှုအရဆိုရင်တော့ပြောစရာမရှိပေမဲ့ အခြားအကြောင်းတွေနဲ့ဆိုရင်တော့ လုပ်စရာမလိုပါဘူး။ ဦးသိန်းစိန်ကိုသော်လည်းကောင်း၊ဒေါ်စုကိုသော်လည်းကောင်းလက်အုပ်ချီစရာမလိုပါ။ ဘာ့ကြောင့်လဲဆိုတော့ သူတို့ဟာ ဘာသာရေးဆိုင်ရာကိုးကွယ်စရာပုဂ္ဂိုလ် (ဥပမာ..သံဃာတော်) မဟုတ်လို့ပါပဲ။ ဒီလိုမှမဟုတ်ရင်အရင်စစ်အစိုးရရဲ့ အမွေအနှစ်ဆိုးတွေကိုဆက်ထိန်းသလိုဖြစ်နေမှာစိုးလို့ပါ။

      • So,You prefer Bamar flat in their hand?This is all about dress.All of your old guys have to change old thinking.Can you tell me…what worng with this?

  2. အောင်ကြူး

    နာဂရိုးရာ ဝတ်စုံနဲ့ဆို တို့သမဒဂျီး ရေရေလည်လည် ဂွမ်းမှာဗျ..။ အခုပုံကတော့ မြိုင်ရာဇာ တွတ်ပီနဲ့ ဆင်သလိုဗဲ…။ ဒါမှ ဒို့သမဒဂျီး ကတွတ်ပီ..ကွ.. ဟေး…။

  3. နိုင်ငံတော်သမ္မတကြီး ချင်းပြည်နယ်ခရီးစဉ် အတွင်း ချင်းလူမျိုးများ၏ ရိုးရာဝတ်ဆုံများအား နေရာဒေသ အလိုက် ၀တ်ဆင်တာတွေ့ ရတဲ့အတွက်ဝမ်းသာပီတိဖြစ်ခဲ့ပါတယ် ချင်းတိုင်းသားတယောက်အနေနဲ့ ။ ၄င်း ရိုးရာအ၀တ်အစား များ ၀တ်ဆင်သလို ချင်းလူမျိုးများနှင့်ချင်းပြည်နယ်အားနေရာဒေသ အလိုက် တပြေးညီ ကူညီ ပံ့ပိုးနိုင်မည်လို့ ယုံကြည် ပါတယ် ။ နောက်တခု ထူးရှားတာက ကာကွယ်ရေး ဦးစီးချုပ်ကြီး ဒုတိယ ဗိုလ်ချုပ်မှူးကြီး မင်းအောင်လှိုင် ကိုယ်တိုင် လိုက်ပါလာတဲ့အတွက် များစွာ ဂုဏ်ယူမိပါတယ် ။ သမ္ဓတမှ အစ ကကကြီး အပါ မြန်မာနိုင်ငံ ခေါင်းဆောင်းများ သက်တော်ရာကျော်ရှည်ပါစေ ။ အမေစုနှင့်လည်း လက်တွဲနိုင် ကြပါစေ။

  4. ဒုက္ခ
    အထူးအထွေတော့ ဘာမှမပြောလိုပါဘူး။ တိုင်းရင်းသား ဒေသတွေကို သွားကြတဲ့ ခေါင်းဆောင်တိုင်း၊ တိုင်းရင်းသား ဒေသတွေမှာ တာဝန်ကျတဲ့ တာဝန်ရှိပုဂ္ဂိုလ်တိုင်း တိုင်းရင်းသား ရိုးရာဝတ်စုံတွေကို ၀တ်ပြနေကြတာဟာ ၀ံပုလွေတွေက သိုးရေးခွံကိုခြုံပြီး သိုးတွေကိုစားဖို့အတွက် အကွက်ဆင်နေကြတာမျိုး မဖြစ်ကြစေဘဲ၊ အမှန်တကယ် တိုင်းရင်းသားတွေနဲ့ တသားတည်း နားလည်ခံစားရင်း စစ်မှန်တဲ့ပြောင်းလဲခြင်းကို အရောက် သွားနိုင်ကြပါစေလို့ ဆုတောင်းလိုပါတယ်။

  5. daw su and thein sein are doing fashion competitively… very funny … now su also dont care about burmese future .. completely quiet … we can see she is just a puppet of usa and she is now same side with junta cos she wants power like thein sein and followers … no more hope for burma …. burma will be more poor .. more low economy standard and worse and worse .. no one cares.. they are just doing for their self ….. :(

    • I am not sure Burma will be more poor or not, as you said.But,I just worry about your living and thinking standard is from poor to become worse and worse…Try to become middle class your self first.