ညှို့တဲ့ “ညှို့” | ဧရာဝတီ
သတင်း

ညှို့တဲ့ “ညှို့”

Hits:1
  | |

“အရွယ်မရောက်သေးသူများ မဖတ်ရ” သတိပေးစာတန်းပါ လိင်ပညာပေး “ညှို့” မဂ္ဂဇင်း ပထမဆုံး ထုတ် (ဓာတ်ပုံ – ကောင်းညီဟန် / ဧရာဝတီ)

မစပ်စုတို့ တိုင်းပြည်မှာ အရင်က မပွင့်လင်း မထင်သာ မမြင်သာတဲ့ ကိစ္စလေးတွေ အခုဆို ပွင့်လင်း ထင်သာ မြင်သာလာပါပြီ။

ဒီပြောင်းလဲမှုက ၀ုန်းကနဲ ဒိုင်းကနဲတော့ မဟုတ်ပါဘူး။ ဖြည်းဖြည်းချင်းစီလို့ ဆိုရမှာပါ။ အဲ့ဒါကတော့ တခြားမဟုတ်၊ မစပ်စုတို့ရဲ့ ပြည်တွင်းထုတ် ဂျာနယ်၊ မဂ္ဂဇင်း မျက်နှာဖုံး၊ အတွင်းအပြင် စာမျက်နှာတွေထက်က ၀တ်စားဆင်ယင်မှုပိုင်းမှာ နိုင်ငံတကာနဲ့အညီ အတိုအပြတ် အလန်းစားတွေကို မြင်တွေ့ရှုစားလာနိုင်တာကနေ အခုဆိုရင် လိင်ပညာပေးဆိုတဲ့ ခေါင်းစဉ်နဲ့တောင် လိင်ပိုင်းဆိုင်ရာ ကိစ္စရပ်တွေကို ပေါ်ပေါ်တင်တင် ရေးသားဖတ်ရှုနိုင်ပြီ ဖြစ်ပါတယ်။

လိင်ပညာပေးဆိုတဲ့ မဂ္ဂဇင်းရဲ့ အမည်က “ညှို့” လို့ ဆိုတဲ့အတိုင်း မျက်နှာဖုံးကနေစပြီး စာရွက်တရွက်ချင်း ညှို့ဓာတ် အပြည့်လို့ ပြောနိုင်ပါတယ်။ ဒီမဂ္ဂဇင်း ထွက်မယ်ဆိုတဲ့ ကြော်ငြာ စာမျက်နှာတွေလည်း Facebook လူမှုကွန်ယက်မှာ လှုပ်လှုပ်ရှားရှား ဖြစ်သွားပါသေးတယ်။ ဒီလို လိင်ပညာပေး မဂ္ဂဇင်းဆိုပြီး ထွက်ရှိလာတာဟာ ဒါ ပထမဆုံးလို့ ဆိုရမှာပါ။

လိင်ကိစ္စကနေ မလိုလားအပ်တဲ့ ရောဂါတွေ မရရှိလာနိုင်စေဖို့ ရည်ရွယ်ပြီး ဆေးပညာရှုထောင့်ကနေ တင်ဆက် ထားခြင်းဖြစ်တယ်လို့ “ညှို့” မဂ္ဂဇင်း အယ်ဒီတာချုပ် ကိုဦးဆွေက ဧရာဝတီကို ပြောပါတယ်။

“ကျနော်တို့ဆီမှာ Sex Education (လိင်ပညာပေး) နဲ့ ပတ်သက်ပြီးတော့ ဘယ်သူမဆို အရွယ်ရောက်ပြီးသည့် တိုင်အောင် မသိကြဘူးလေ။ အမှန်တော့ နိုင်ငံတကာမှာ ဆိုရင် မူလတန်းအဆင့် ကတည်းကိုက သိနေကြပြီ။ ကျောင်းတွေမှာကို လုပ်နေကြပြီ။ ဒီမှာကျ မသိကြတော့ မလိုလားအပ်တဲ့ လိင်ကိစ္စကနေ ရတဲ့ရောဂါတွေ ဖြစ်ကြတာပေ့ါနော်။ အဲဒါက ကိုယ်တယောက်တည်း မဟုတ်ဘဲနဲ့ ကိုယ့်အိမ်ထောင်ဘက်ကိုကူး၊ နောက်ဆုံး အိမ်ထောင်ရေး မသာမယာတဲ့အထိ ဖြစ်သွားရင် တိုင်းပြည်ပါ နာတယ်။ အဲဒီစိတ်ကလေးနဲ့ပါပဲ၊ လုပ်ဖြစ်တာကတော့။  ဆောင်းပါးတွေမှာဆိုလည်း ဆေးပညာ ရှုထောင့်ကနေ အကုန် ကြီးကြပ်ထားပါတယ်” လို့ ကိုဦးဆွေက ဆိုပါတယ်။

ဒီ ညှို့မဂ္ဂဇင်းကို နိုဝင်ဘာ ၂၇ ရက်နေ့က စပြီး ပရိသတ်နဲ့ မိတ်ဆက်ပေးခဲ့တာ ဖြစ်ပါတယ်။ လစဉ်တိုင်း လကုန် နောက်ဆုံး အပတ်တွေမှာ ထွက်ရှိတော့မှာပါ။ ဒီစာအုပ် ဆိုင်ပေါ်ရောက်ပြီ ဆိုတာနဲ့ အတော်လေး ရောင်းရတယ်လို့ ၃၂ လမ်း အပေါ်ဘလောက်မှာ ရှိတဲ့ နေစေး စာပေက တာဝန်ရှိသူတဦးက ပြောပါတယ်။

“ဝယ်တဲ့သူ အရမ်းများတယ်။ ယောက်ျားလေးတွေ လာဝယ်ကြတယ်။ ရောင်းဈေးက ၃၀၀၀ ကျပ်ပါ” လို့ သူက ရှင်းပြပါတယ်။

ညှို့မဂ္ဂဇင်းရဲ့ ဆောင်းပါးခေါင်းစဉ်တွေကတော့ “အိပ်ခန်းတွင်းက လျို့ဝှက်ချက်များ”၊ “လူတကာရင်ခွင် ခိုဝင်မှာလား”၊ “ယောက်ျားတွေ မုန်းတဲ့ မိန်းမတို့အကြောင်း” စသည်ဖြင့် တွေ့ရတယ်။ ပုရိသတွေ အကြိုက်တွေ့စေနိုင်အောင် ဆွဲဆောင်ထားလေသလားလို့  ထင်မှတ်ရပါတယ်။ နောက်ပြီး ပရိသတ်ရဲ့ အမေးကို အယ်ဒီတာများအဖွဲ့ ပြန်လည်ဖြေကြားထားတဲ့ အမေး အဖြေ ကဏ္ဍမှာလည်း နှိုက်နှိုက်ချွတ်ချွတ် မေးထား၊ ဖြေထားကြသေးတာပါ။

နောက်ထပ် ပရိသတ်ကို ဖမ်းစားထားတဲ့ မဂ္ဂဇင်းစာအုပ် မျက်နှာဖုံးက စာတန်း တခုကလည်း မဖတ် ဖတ်ချင်အောင် ဆွဲဆောင်နေသလိုပါပဲ။ အဲဒါကတော့ “အရွယ်မရောက်သေးသူများ မဖတ်ရ” ပါတဲ့။

“ကျနော်တို့ မြန်မာပြည်မှာ အဲဒီလို သတ်မှတ်မှုဆိုတာ အရင်ကတည်းက မရှိဘူး။ ထွက်နေတဲ့ မဂ္ဂဇင်းတွေ၊ လုံးချင်းတွေထဲက ပြန်ကြည့်မယ်ဆိုရင် တကယ်တော့ အရွယ်မရောက်သေး သူတွေ မဖတ်သင့်တဲ့ အကြောင်းအရာတွေ၊ အချစ်အကြောင်းတွေ ချည်းပဲလေ။ နောက် ဗီဒီယိုကားတွေလည်း ကြည့်လိုက်။ အဲဒီတော့ ကလေးတွေက ငယ်ငယ်ရွယ်ရွယ်နဲ့ အချစ်အကြောင်းတွေ နားလည်နေကြတယ်။ ကျနော်တို့ ဗမာ အချစ်ဝတ္ထုတွေ၊ စာတွေကြောင့်၊ ဗီဒီယိုတွေကြောင့်ပေ့ါနော်။ အဲဒီတော့ ကျနော်က နဂို ကတည်းက အဲဒီလို သတ်မှတ်ချက်လေးတွေ သဘောကျတယ်။ ဒီစာအုပ်ကလေး လုပ်ဖြစ်တဲ့ အခါကျတော့ အဲဒီ စာကြောင်းလေးကို ထည့်လိုက်တာပါ။ ဒါကျတော့ အရွယ်ရောက်ပြီ ဆိုတာနဲ့ လုံးဝ နားလည်ရမယ့် အကြောင်းအရာတွေလေ” လို့ အယ်ဒီတာချုပ် ကိုဦးဆွေက ဆိုပါတယ်။

ဒီလို လိင်ပိုင်းဆိုင်ရာ ပညာပေး အရေးအသားများနဲ့ ပတ်သက်လို့ မြန်မာပြည်မှာ အခုမှ စတင် ပေါ်ပေါ်ထင်ထင် ရေးသားလာကြခြင်း မဟုတ်ဘဲ အရင်ခေတ်တွေ ကတည်းက ဒေါက်တာ မောင်မောင်ညို၊ ဒေါက်တာ နန်းဥမ္မာတို့ရဲ့ စာအုပ်တွေမှာလည်း ရေးသားခဲ့ကြ၊ လိင်ပညာပေး လုံးချင်းစာအုပ်အဖြစ် ထွက်ခဲ့ကြပြီး မဂ္ဂဇင်း အနေနဲ့ကတော့ ဒါပထမဆုံး ဖြစ်တယ်လို့ သူက ဆက်ပြောပါတယ်။

လူငယ် အမျိုးသမီး စာဖတ်ပရိသတ် တဦးကတော့ “ဒီ မဂ္ဂဇင်းနဲ့ ပတ်သက်လို့ အရမ်း စိတ်ဝင်စားဖို့ ကောင်းပါတယ်။ ဒါပေမယ့် သူ့ထဲမှာပါတဲ့ ဆောင်းပါး ခေါင်းစဉ်တွေက အရမ်းကြမ်းလွန်းတယ်လို့ ပြောချင်တယ်။ နောက် သူရဲ့ ကြော်ငြာခ နှုန်းထားတွေက မဂ္ဂဇင်း အသစ်တခု အနေနဲ့ အရမ်းမြင့်လွန်းတယ်လို့ မြင်တယ်။ အခုနောက်ပိုင်းမှာ ကျမတို့ နိုင်ငံလည်း အများကြီး လွတ်လပ်လာပြီလေ။ လွတ်လပ်လာတာနဲ့အမျှ ဒီလို မဂ္ဂဇင်းတွေ ထွက်လာမယ်။ ဒါတွေက တားလို့ရတာမှ မဟုတ်တာ။ သူများနိုင်ငံတွေမှာဆို ကျောင်းတွေမှာကအစ Sex Education တွေရှိတယ်။ ကျမတို့ နိုင်ငံမှာဆို မရှိဘူး။ လေ့လာတတ်မယ် ဆိုရင် ဒီလို စာအုပ်မျိုးတွေကတဆင့် ဗဟုသုတ ရနိုင်ပါတယ်” လို့ သူရဲ့ အမြင်ကိုပြောပါတယ်။

မစပ်စုတို့ တိုင်းပြည်ကလည်း အမျိုးသမီး လစဉ်သုံး ကြော်ငြာတို့၊ အမျိုးသား ခွန်အားတိုးဆေးတို့ စတဲ့ ကြော်ငြာတွေကို တီဗီရုပ်သံတွေမှာ ကြော်ငြာရင်တောင်မှ မကြိုက်ကြတဲ့ လူကြီးတချို့၊ အပြစ်ပြောချင်တဲ့ ပရိသတ်တချို့ ရှိခဲ့ကြလေတော့ လိင်ပညာပေး မဂ္ဂဇင်းလို့ ဆိုတဲ့နေရာမှာ စာပေနဲ့ လိုက်ဖက်အောင် သုံးစွဲရတဲ့ ဓာတ်ပုံ ပိုင်းဆိုင်ရာ၊
ရုပ်ပုံပိုင်း ဆိုင်ရာတွေနဲ့ ပတ်သက်လို့ အခက်အခဲ တစုံတရာများ ရှိသေးလားလို့ မစပ်စုလည်း စပ်စပ်စုစု မေးကြည့် လိုက်ပါသေးတယ်။

“အခက်အခဲရှိပါတယ်။ ဆင်ဆာ လုံးဝမရှိပေမယ့်လည်း ပလေးဘွိုင်းလို့ စာအုပ်မျိုးတော့ ကျနော့်အနေနဲ့ မထုတ်ဘူးပေ့ါနော်။ ဘာကြောင့်လဲ ဆိုတော့ မြန်မာ့ယဉ်ကျေးမှု ဆိုတာကို ကျနော်တို့အနေနဲ့ မည်သို့ပင်ဖြစ်စေ ထိန်းရမှာကိုး။ အဲဒီအတွက်ကြောင့် ကျနော့်ဆီမှာ ဓာတ်ပုံတွေကတော့ အကုန်လုံးပါပဲ တခုမကျန်ပေ့ါ၊ အဖြည့်ပုံတွေကအစ ကျနော်တို့ မြန်မာပြည်မှာ လုပ်နေကျအတိုင်း နိုင်ငံခြား စာအုပ်တွေထဲကနေ ကော်ပီကူးပြီး သုံးတာမျိုး လုံးဝမရှိဘူး။ မဂ္ဂဇင်း အဖြည့်ပုံကအစ ကိုယ့်ဘာသာကိုယ် ရိုက်ယူထားတာပါ။ အဲဒီလို ရိုက်ယူတဲ့ နေရာမှာ အခက်အခဲက ဘာတွေ့ရလဲဆိုတော့ ကျနော်တို့မှာ ဆင်ဆာ မရှိသော်လည်း ထိန်းသိမ်းရမယ့် ကျင့်ဝတ်လေးတခုကို ကျနော်တို့ အတတ်နိုင်ဆုံး ထိန်းသိမ်းထားပါတယ်” လို့ ကိုဦးဆွေက မစပ်စု အမေးကို ဖြေပေးပါတယ်။

ဒီလို လိင်ပညာပေးနဲ့ ပတ်သက်လို့ စာပေရသတွေဟာ မစပ်စုတို့ တိုင်းပြည်မှာ လုံးဝကို ရှိသင့်ကြောင်းနဲ့ ဒီလို လိင်ပိုင်းဆိုင်ရာနဲ့ ပတ်သက်လို့ ပွင့်လင်းသင့်လာပါပြီ လို့လည်း သူက ဆက်ပြောပါတယ်။

ညှို့မဂ္ဂဇင်းရဲ့ အမှတ်စဉ် ၁ မှာပါတဲ့ အယ်ဒီတာစကား အဆုံးသတ်လေးကို ပရိသတ်တွေ ဖတ်ရအောင် ဖော်ပြပေးလိုက်ပါတယ်။

“အချစ်နဲ့ လိင်ကိစ္စဆိုတာ ကြွပ်ကြွပ်အိတ်လိုပါပဲ။ မရှိမဖြစ်လည်း လိုအပ်နေတယ်၊ စည်းမရှိ၊ ကမ်းမရှိ ပြန်ရင်လည်း အန္တရာယ် ပြန်ပေးတယ်။ စနစ်တကျ အသုံးပြုနိုင်ကြစေဖို့ Sex Education ကို Entertainment နဲ့ တွဲဖက် စီစဉ် ထုတ်ဝေလိုက်ပါတယ်” လို့ ဆိုထားပါတယ်။


15 Responses

Leave a Reply

  1. ပွင့်ပွင့်ကြီး(ြ မင်သာ)

    “Sex Education ကို Entertainment နဲ့ တွဲဖက် စီစဉ် ထုတ်ဝေလိုက်ပါတယ်” လို့ အယ်ဒီတာက ပြောထားပါတယ်။ စစချင်းဆိုတော့ ဒီလိုပဲ ပြောရမှာပေါ့။
    လိင်ပညာပေးတာက ဗန်းပြတာပါ။ ဖျော်ဖြေမှုက အဓိကပါ။ မြန်မာ Playboy စာအုပ်
    ဖြစ်လာမှာပါ။ ယဉ်ကျေးမှုမတူတဲ့အတွက် မြန်မာလူငယ်တွေကို “နိုင်ငံတကာ”ဆိုတဲ့ စကားလုံးနဲ့ မဆွယ်ပါနဲ့။ ခုခေတ်လူငယ်တွေ လိင်နဲ့ပတ်သက်ပြီး “ဖြစ်”နေကြတာ ပညာရေးဘက်မှာ စိတ်ဝင်စားစရာ မရှိလို့ပါ။ ၈၈ အရေးအခင်းဖြစ်ပြီးနောက်မှာ Night Club တွေ ပေါ်လာတယ်။ ကာရာအိုကေတွေ၊ အနှိပ်ခန်းတွေပေါ်လာတယ်။ ဗိုလ်သန်းရွှေမြေးက Day Club ဖွင့်တယ်။ ချောင်တွေထဲအနှံ့ဖွင့်ထားတဲ့ University တွေ နားက တည်းခိုခန်းတွေ အချိန်ပိုင်းနဲ့ အခန်းငှားပြီး စီးပွားဖြစ်နေတယ်။ သူတိူ့တွေကို “ညှို့” က လမ်းညွှန်ပေးမယ်ပေါ့။

    • အရင် ထောက်လှမ်းရေး က ဝံသာနု ဆိုပြီး journal တစောင် ထုပ်ဘူးတယ် ဦးဆွေ လည်း ဒီလိုအိုင်ဒီယာမျိုး ရတယ် ဆို တော့ စဉ်းစားကြည့်ကြပါ

  2. အမေရိကန်လိုဒီမိုကရေစီနိုင်ငံမှာလည်းPlay Boy Magazineထုတ်တုန်းကလည်းဒီလိုမျိုးပြသနာတက်ဖူးပါတယ်။ဒါပေမဲ့နောက်ဆုံးမှာအခြေခံဥပဒေပါပြင်ဆင်ချက်(၁)လွတ်လပ်စွာပြောဆိုခွင့်အရထုတ်ဝေခွင့်ရလို့ထုတ်နေတာနှစ်ပေါင်းမနည်းတော့ပါဘူး။တော်လှန်ရေးကောင်စီ/မဆလခေတ်က အ
    င်းလျားလိတ်ဟော်တယ်မှာသူဘာသာသူကနေတဲ့လူတွေကိုရိုးရာဓလေ့နဲ့မကိုက်ညီဘူးဆိုပြီးဦးနေ၀င်းကလက်သီးနဲ့သွားဆွဲထိုးသလိုမျိုးဖြစ်နေပြီ။ဒီမိုကရေစီကိုသွားမယ်ဆိုရင် ဒီမိုကရေစီကျင့်စဉ်လေးတွေကိုတော့လေးစားလိုက်နာဖို့လိုလိမ့်မယ်။သင့်ရဲ့လက်ကိုလွတ်လပ်စွာဝှေ့ယမ်းနိုင်ပါသည်။သို့ရာတွင်သူတပါးအားမထိခိုက်ပါစေနှင့်။….ဒီလိုဆိုရင်ပြီးရောမဟုတ်လား။…၁၈နှစ်ကျော်မှဖတ်ပါလို့ထုတ်ဝေသူကတာဝန်ကျေစွာရေးပြီးပြီ။… ကျန်တာရောင်းသူနဲ့ဝယ်သူအပိုင်း(ကြားလူနဲ့မဆိုင်တော့ဘူး။)။ဂျပန်ကနိုင်ငံရေးသမားတယောက်အမေရိကန်နိုင်ငံက-ဂရင်းကင်ညွန်ချောက်ကြီးကိုသွားလည်တယ်။ချောက်ကြီးကနက်လိုက်တာ။ပြုတ်ကျရင်အစတောင်ရှာလို့မရဘူး။ဒါပေမဲ့ အစိုးရကဘာအတားအဆီးအကာအရံမှလုပ်မထားဘူး။….လူတွေအဲဒီနားမှာသွားလာနေကြတယ်။ဒီမိုကေ၇စီဆိုတာ… ဒါမျိုးဗျ။…ဦးနေ၀င်းလမ်းစဉ်လိုက်မလား။…ဒီမိုကရေစီလမ်းစဉ်လိုက်မလား။… စောင့်ကြည့်လျက်

  3. မျက်နှာဖုံးကဓတ်ပုံကိုကြည့်လိုက်တော့၊ဘာပညာမှပေးတဲ့အရိပ်ယောင်မတွေ့ရဖူး။ နှိုးဆွပေးခြင်တဲ့ပုံဘဲတွေ့ရတာပါ။ စာပေလွပ်လပ်ခွင့်လေးနဲနဲရလာတာကိုအခွင့်ကောင်းယူပြီးလုပ်စားတာထင်ပါတယ်။ လုပ်စားရင်လုပ်စားတယ်ပေါ့။ ပညာပေးတွေဘာတွေလျှောက်ပြောမနေပါနဲ့။ တိုင်းပြည်ထဲကလူငယ်လေးတွေကခတ်ပျက်ကြီးအောက်မှာကြီးပြင်းခဲ့ရတော့ဟိုမရောက်ဒီမရောက်နဲ့ကိုယ်ခံအားနဲနေကြတော့ဖျက်စီးရတာလွယ်ပါတယ်။ အကျင့်ပျက်တာကိုခေတ်ကြီးကဘဲတိုးတက်နေသယောင်ယောင်နဲ့အူကြောင်ကြားဝါဒနဲ့နေနေကြတာအတော်တောင်ကြာခဲ့ပြီဘဲ။

  4. ဘယ်သူပြောတာလဲ ဒီမိုကရေစီနိူင်ငံ လို့။တော်တော်ပေါရဲ တာဘဲ။ ပညာပေးချင်ရင် တခြာနည်းနဲ့ပညာပေးလို့ရပါတယ်။ ဒါပေမဲ့လည်း အပြစ်တော့ မပြောချင်ပါဘူး။ အပြာစာအုပ်တွေနဲ့ လုပ်စားနေတဲ့ အုပ်စုက ရှိပြီးသားဘဲ။ တရားဝင် အပြာစာအုပ်ပေါ့။

  5. ကိုမြတ်ဆွေ

    သည်စာအုပ်ထုတ်ဝေသူဟာခရိုနီတွေထဲကတယောက်ယောက်ဖြစ်နိုင်တယ်။ကိုဉီးဆွေရေ
    ပိုက်ဆံရတိုင်းရှောက်လုပ်နေလို့မတော်ဘူးနဲ့တူတယ်။ဒါခင်ဗျားလိုင်းမဟုတ်ဘူးလေ။ခင်ဗျား
    အနေနဲ့ငွေရှင်ကြေးရှင်တွေရဲ့အသုံးချခံမဖြစ်သင့်ဘူးလို့ထင်တယ်။

  6. မစပ်စု ရေ မြှောက် မပေးပါ နဲ့

  7. လူအမြင် အမျိုးမျိုး ရှိနိုင်ပါတယ် ကျွန်မ လည်းဝယ်ဖတ်ဖြစ်ပါတယ်၊အနုပညာအနေနဲ့ကြည့်စရာများပါတယ်။အလင်းပေးမှု ကအစကောင်းမွန်ပါတယ်။အပြာမဂ္ဂဇင်းမဟုတ်ပါ ဖတ်ကြည့်စေခြင်ပါတယ်ပြီးမှဆုံးဖြတ်ပါ။
    မျိုးဆက်ပြန့်ပွာရေးကျန်းမာရေးပညာပေးစာအုပ်ပုံစံမျိုးလို့ယူဆလို့ရပါတယ်။မြန်မာပြည်မှာ
    အသက်အဆင့်အတန်းအရွယ်သတ်မှတ်တဲ့ပထမဆုံးစာအုပ်ဖြစ်လို့ကြိုဆိုပါတယ်ရှင်

    • အများပြည်သူ အားလုံးသုံးစွဲရန် သင့် လို့ပြောနိုင်တယ် လား

    • Artist ခင်ဗျား
      တဏှာပေမ သမုဒယ ပြန့်ပွားစေရာမဖြစ်အောင် တရားပြတဲ့ပုံစံမျိုး မဖြစ်နိုင်ဘူးလား။
      အသက်အဆင့်အတန်းသတ်မှတ်ထားတာက သူတို့တွေကို (ခိုး)ဖတ်စေချင်လို့ပါ။ ဆွယ်တဲ့သဘော၊ ကြော်ငြာတမျိုးပါလို့ ပြောပါရစေ။

  8. Where can I read it online :) ?

  9. ဘယ်လောက်အကျိုးရှိတယ် မရှိဘူး ဆိုတာ ဝေဖန်ဖို့ စောပါသေးတယ်။
    ကောင်းတာသုံးတဲ့သူတွေအတွက် အကျိုး ရှိနိုင်သလို မကောင်းမှု တွေကို လည်း အများ
    ကြီးကျူးလွန်လာနိုင်ပါတယ်။

  10. နံပါတ်ဖိုး ဘိန်းဖြူတုန်းကတော့ ကျောင်းတွေအထိ လိုက်ဟောပြောပွဲ လုပ် စာ နယ် ဇင်း နဲ့ ပညာပေး လိုက်တာ များများသိ များများစွဲ များများစီးပွားဖြစ်ကြတယ်။

    ခုလည်း ပညာပေး လို့ နာမယ်ခံပြီး ရာဂ ဆွပေး စီးပွား ရှာတာဆိုရင် ဒီမိုကရေစီ စည်းကမ်းပြည့်ဝသော မြန်မာ့နည်း ဟန် အတိုင်း

    စာပေ နဲ့ ခေါင်းလုပ်တာ ဘဲ

  11. ကြုးစားပါ

  12. မြန်မာအမျိုးသမီး

    ဒီမိုကရေစီိဆိုပြီး လုပ်ချင်တာကို စိတ်တိုင်းကျလုပ် လို့မဖြစ်ပါဘူး။နိုင်ငံခြားမှာသင့်တော်ပေမယ့် မြန်မာယဉ်ကျေးမှုနဲ့မကိုက်ညီတာတွေကိုလက်မခံသင့်ပါဘူး။ ဘယ်သူမဆို အိမ်ထောင်ရေးနဲ့ မကင်းကြပေမယ့် အရှက်အကြောက်တရားရှိမှဖြစ်မှာပါ။နားလှည့်ပါးရိုက်ထားတဲ့စာတွေကြောင့် လူငယ်တွေလမ်းမှားလိုက်အောင်လမ်းပြသလိုဖြစ်နေခဲ့ရင် လိပ်ပြာလုံပါ့မလား။တကယ်တော့ ဒီမိုကရေစီကိုလက်ကိုင်ပြုပြီး မိန်းကလေးတွေဝတ်စားဆင်ရင်ပုံတွေကိုလဲဘယ်လိုမှ မြန်မာအမျိုးသမီးတစ်ယောက်အနေနဲ့မကြိုက်ပါဘူး။ကောင်းတဲ့နေရာမှာတိုးတက်အောင်ကြိုးစားသင့်ပါတယ်။လူငယ်အမျိုးသားအမျိုးသမီးအချို့မြင်မကောင်းအောင်ကိုယ်ကျင့်တရားပျက်နေကြတဲ့သူတွေပိုဆိုးကုန်တော့မှာပေါ့။ချက်ပေါ် ပေါင်ပေါ် အတိုဆုံးဘောင်းဘီတွေကိုဝတ်နေကြတာနဲ့ အမျိုးသားတွေမျက်လုံးလွှဲဖို့ ကိုယ်ကျင့်တရားထိမ်းဖို့ခက်နေကြတာတောင် ဒီလိုစာတွေကြောင့်ပိုစိတ်မထိမ်းနိုင်ရင် မဖြစ်သင့်တာတွေဖြစ်လာနိုင်ပါတယ်။ဒီမိုကရေစီရတဲ့တို့နိုင်ငံကြီးတိုးတက်အောင်တတ်စွမ်းသမျှမကူညီနိုင်ရင်တောင် မနှောက်ယှက်သင့်ပါဘူး။