နိုင်ငံတ၀န်း လျှပ်စစ်မီး ရရှိရေး အစိုးရ ဆောင်ရွက်ပေးနိုင်ခြင်း မရှိ | ဧရာဝတီ
သတင်း

နိုင်ငံတ၀န်း လျှပ်စစ်မီး ရရှိရေး အစိုးရ ဆောင်ရွက်ပေးနိုင်ခြင်း မရှိ

Hits:1
  | |

လျှပ်စစ်မီး ပုံမှန်ရရှိရေးအတွက် ရန်ကုန်မြို့ မြို့တော်ခန်းမရှေ့တွင် ဆန္ဒပြလှုပ်ရှားသူများ (ဓာတ်ပုံ – ခင်သြ / ဧရာဝတီ)

မြန်မာနိုင်ငံတ၀န်း လျှပ်စစ်ဓာတ်အား သုံးစွဲနိုင်ရန် အလတ်စားနှင့်အသေးစား လျှပ်စစ်ဓာတ်အားထုတ်လုပ်ရေး အတွက် ဗဟို အစိုးရအနေဖြင့် ဆောင်ရွက်ပေးနိုင်ခြင်း မရှိဟု ပြည်ထောင်စု ၀န်ကြီး က ပြောဆိုကြောင်း သိရသည်။

“မြန်မာနိုင်ငံ၏ လျှပ်စစ်ဖွံ့ဖြိုးမှု မြန်ဆန်စွာ အထောက်အကူပြုနိုင်မည့် အသေးစားလျှပ်စစ် ကဏ္ဍ ပုံဖော်မှု အစီအစဉ်ကို လက် တွေ့ကျကျ အကောင်အထည်ဖော် ဆောင်ရွက်သွားရန် ပြည်ထောင်စု အစိုးရအား တိုက်တွန်းကြောင်း” အဆိုနှင့် ပတ်သက်၍ ယမန်နေ့က ကျင်းပသော အမျိုးသားလွှတ်တော် အစည်းအဝေး၌ ပြည်ထောင်စု လျှပ်စစ်စွမ်းအား ၀န်ကြီး ဦးခင်မောင်စိုး က အထက်ပါ အတိုင်း ပြန်လည်ဖြေကြားသွားခြင်း ဖြစ်သည်။

အမျိုးသားလွှတ်တော် ကိုယ်စားလှယ် ဦးဖုန်းမြင့်အောင် ကမူ“၀န်ကြီးက လက်ရှောင်လိုတဲ့သဘောပါ၊ ၀န်ကြီးပြောတာကို စစ် တပ် ကိုယ်စားလှယ်တွေကပါ ကန့်ကွက်ကြတယ်၊ ကျေး လက်ဒေသတွေ လျှပ်စစ်မီးရရှိရေးကိစ္စကို ဗဟိုအစိုးရ က လုပ်ပေးမှ ရမယ်ဆိုပြီးတော့ ကိုယ်စားလှယ်အများစုက ကန့်ကွက်တော့မှ ၀န်ကြီးဘက်က လက်လျှော့သွားတယ်”ဟု ပြောဆိုသည်။

ထိုအဆိုအား မန္တလေးတိုင်းဒေသမှ အမျိုးသားလွှတ်တော် ကိုယ်စားလှယ် ဦးမျိုးမြင့်က တင်သွင်းခြင်းဖြစ်ပြီး ကိုယ်စားလှယ် ၈ ဦး ပါဝင်ဆွေးနွေးကြကြောင်း၊ အတည်ပြုနိုင်ရေးအတွက် မဲခွဲဆုံးဖြတ်ရာ ထောက်ခံမဲ အရေအတွက် များသည့်အတွက် အဆို ကို လွှတ်တော်က အတည်ပြု ပေးလိုက်ကြောင်း ယနေ့ထုတ် အစိုးရ သတင်းစာများ၌ ဖော်ပြထားသည်။

ကျေးလက်ဒေသ မီးလင်းရေးအဆိုနှင့်ပတ်သက်၍ ၀န်ကြီး ဦးခင်မောင်စိုး က ပြန်လည်ဆွေးနွေးရာတွင် အသေးစားနှင့်အ လတ် စား လျှပ်စစ်ဓာတ် ထုတ်လုပ် ဖြန့်ဖြူးရေး လုပ်ငန်းများကို နိုင်ငံတော်ဖွဲ့စည်းပုံ ဥပဒေအရ တိုင်းဒေသနှင့်ပြည်နယ် အစိုးရ တို့ကို လုပ်ပိုင်ခွင့်ပေးထားသည့် အတွက် ပြည်ထောင်စုအစိုးရ က စီမံပိုင်ခွင့် မရှိဟု ဆိုသည်။

ပြည်နယ်၊ တိုင်းဒေသ အစိုးရများအတွက်၂၀၀၈ ဖွဲ့စည်းပုံ အခြေခံ ဥပဒေ၏ ဇယား ၂ တွင် လုပ်ပိုင်ခွင့်တချို့ပေး ထားသော် လည်း အရေးပါသည့် ကိစ္စများအားအလုံးကို ဗဟိုအစိုးရကသာ စီမံ ခန့်ခွဲပိုင်ခွင့် ရရှိထားသည်။ ပြည်နယ်၊ တိုင်းဒေသ အစိုးရ အတွက် ဇယား ၂ ပါ လုပ်ပိုင်ခွင့်၌ စည်ပင်သာယာ အခွန်ကောက်ခံခွင့်နှင့်ဒေသထွက် သတ္တုများကို စီမံခန့်ခွဲခွင့် စသည့်ဖြင့် ဖော် ပြ ထားသည်။

ပြည်ထောင်စု အစိုးရနှင့် ပြည်နယ်၊ တိုင်းဒေသအစိုးရတို့ အကြား လုပ်ပိုင်ခွင့်အာဏာ များစွာ ကွဲပြားခြားနားကြောင်း၊ လျှပ်စစ် မီး ရရှိရေးအပြင် ဒေသဖွံ့ဖြိုးရေး အတွက်လည်း ဘဏ္ဍာငွေလုံလောက်မှု မရှိကြောင်း သိရသည်။

“ဗဟိုအစိုးရက ကျပ်ဘီလီယံ တသောင်းကျော် (၁၄၀၀၀ ) ရထားတဲ့အချိန်မှာ တိုင်းဒေသ၊ ပြည်နယ် အစိုးရ အဖွဲ့တွေက ဘီလီ ယံ ၉၀၀ ပဲရထားတယ်၊ အဲဒါက ပြည်နယ်၊ တိုင်း ၁၄ ခု အတွက်ပါ၊ ဒီတော့ ဗဟိုအစိုးရရဲ့ သုံးတဲ့ငွေက အဆမတန်များနေ တယ်” ဟု ဦးဖုန်းမြင့်အောင် က ပြောသည်။

ဝန်ကြီး ဦးခင်မောင်စိုး က အသေးစားနှင့်အလတ်စား လျှပ်စစ်ဓာတ် ထုတ်လုပ်ရေး လုပ်ငန်းများအတွက် နည်းပညာပိုင်း ဆိုင်ရာများ ပံ့ပိုး ကူညီပေးရန် ပြည်နယ်၊ တိုင်းဒေသ အစိုးရများက အကူအညီတောင်းခံ လာပါက ဗဟိုအစိုးရ အနေဖြင့် ကူညီပံ့ပိုးပေးသွားမည်ဟု ပြောဆိုသည်။

လျှပ်စစ်ဓာတ်အား ပိုမိုရရှိရေးအတွက် ရေအားလျှပ်စစ် စီမံကိန်းများကို တည်ဆောက်လျှက်ရှိကြောင်း၊ လမ်းပန်းဆက်သွယ် ရေးနှင့်ကုန်ချောပစ္စည်းရရှိမှု ခက်ခဲသော ရခိုင်ပြည်နယ်နှင့် ကယားပြည်နယ် တို့ရှိ စီမံကိန်းတချို့မှာ ကုန်ကျ စရိတ် မြင့်မား သည်ကိုတွေ့ ရှိထားကြောင်းလည်း ၎င်း က ပြောသည်။

ရခိုင်ပြည်နယ် အတွင်း လျှပ်စစ်ဓာတ်အား ဖြန့်ဖြူးပေးနိုင်ရန် တချို့တ၀က် အကောင်အထည် ဖော်ထားသည့် ဘူးသီး တောင် ဒေသရှိ စိုင်းဒင်ရေအား လျှပ်စီမံကိန်းအား ယခုအခါ ရပ်ဆိုင်းထားကြောင်း သိရသည်။

ထိုစီမံကိန်းအား အကောင်အထည်ဖော်ရန် ၁၉၅၂ ခုနှစ် ဦးနုအစိုးရ လက်ထက်မှ စတင်ခဲ့သော်လည်း လက်တွေ့ အကောင် အထည်ဖော်နိုင်ခြင်း မရှိသေးပေ။

ပြည်နယ်တချို့၌ အကောင်အထည်ဖော်ရန် လေ့လာနေသည့် ရေအားလျှပ်စစ် စီမံကိန်းများသည် ပြည်ထောင်စု အစိုးရ အတွက် အကျိုးအမြတ် မရရှိသည့်တိုင် ဒေသတွင်းပြည်သူများ လျှပ်စစ်မီး ရရှိရေး၊ ဒေသဖွံ့ဖြိုးရေး အတွက် လက်တွေ့ အကောင် အထည် ဖော်ရန် လိုအပ်ကြောင်း အမျိုးသားလွှတ်တော် ကိုယ်စားလှယ် ဒေါက်တာ ဗညားအောင်မိုး က ပြော သည်။

“တနိုင်ငံလုံး တန်းတူ ဖွံ့ဖြိုးစေချင်ရင် ဗဟိုအစိုးရ အနေနဲ့ ချုပ်ကိုင်ထားထာတွေ လျှော့ချပေးဖို့ လိုပါတယ်၊ လုပ်ပိုင်ခွင့် အာ ဏာ ခွဲဝေပေးဖို့၊ ဘဏ္ဍငွေတွေခွဲပေးဖို့ အရေးကြီးပါတယ်၊ လက်တွေ့ လုပ်ပေးဖို့လိုပါတယ်”ဟု ၎င်းက ဆိုသည်။

သဘာဝ သယံဇာတ အများဆုံးထွက်ရှိသည့် တိုင်းရင်းသား ဒေသများအတွက် လျှပ်စစ်မီး ရရှိရေးနှင့် လမ်းပန်းဆက်သွယ်ရေး ကဏ္ဍကို အလေးထား လုပ်ဆောင်ပေးမှု အားနည်းကြောင်းလည်း ဒေါက်တာ ဗညားအောင်မိုး က ပြောသည်။

ရန်ကုန်မြို့နှင့် အနီးတ၀ိုက်ရှိ စက်ရုံ၊ အလုပ်ရုံများ လည်ပတ်နိုင်ရေးနှင့် ပြည်သူများလျှပ်စစ်ဓာတ်အား သုံးစွဲနိုင်ရေး အတွက် ကိုမူ အမေရိကန် ဒေါ်လာ သန်း ၁၅၀ တန် သဘာဝဓာတ်ငွေ့သုံး ဂက်စ် တာဘိုင် ၂ လုံးကို ထိုင်းနိုင်ငံမှ လှူဒါန်း ထားကြောင်း၊ ထိုတာဘိုင် တည်ဆောက်ရန် ဒေါ်လာ ၄၃ သန်းကုန်ကျမည် ဖြစ်ပြီး အကောင်အထည်ဖော်ရန် ဗဟိုအစိုးရကို ပြည်ထောင်စု လွှတ်တော် က ယနေ့ ဆုံးဖြတ်ပေးလိုက်ကြောင်း သိရသည်။

လျှပ်စစ်မီး အခက်အခဲကြောင့် ရန်ကုန်၊ မန္တလေး စသည့်မြို့ကြီးများနှင့် နိုင်ငံတ၀န်း မြို့အများအပြားတွင် လျှပ်စစ်မီး ရရှိရေး အတွက် ဖယောင်းတိုင် ထွန်းညှိ၍ ဆန္ဒပြတောင်းဆိုမှုများ ပြီးခဲ့သည့် မေလ နှင့်ဇွန်လတို့တွင် ဆက်တိုက် ဖြစ်ပွားခဲ့ကြသေး သည်။


WSJ LIVE VIDEO:

3 Responses

Leave a Reply

  1. သူ့ပြည်နယ်လျှပ်စစ်မီးရှိရေး
    သူ့က်စ္စဆိုရင် သူပြည်နယ်က
    ထွက်တဲ့ gas ကိုသူဘာသာ
    ထုတ်ပြီး ဗဟိုအစိုးရကိုမပေးရင်ရလား

  2. လျှပ်စစ်မီး ရရှိစေရန် အစိုးရ ပိုင်း အနေဖြင့် structural reforms များများစွာ ပြုလုပ်ရန် လိုအပ်ပါလိမ့်မည်။ လျှပ်စစ်ဓာတ်အားထုတ်လွှတ်ရာတွင် ယခင်အစိုးရ လက်ထက်၏ အမှားများကို တင်ပြပါရစေ။
    နံပါတ် တစ် အမှားမှာ လျှပ်စစ် ထုတ်လုပ်ရေး စီမံကိန်းများတွင် သတင်းစာ နှင့် မီဒီယာ များတွင် public တင်ဒါ အဖြစ် ကြော်ငြာ ခေါ်ယူမှု နည်းပါးခြင်း။ အထက်ပါ အကျိုးဆက်ကြောင့် ဝန်ကြီးများ မိမိနှင့် ရင်းနှီးသော ပါတနာများကို ကြိုတင် သတင်းပေးကာ တရုတ်ပြည် ရှိ ရေအားလျှပ်စစ် လုပ်ငန်းများတွင် ကြိုတင်သွားဆွေးနွေးခွင့် ပေးထားခြင်းဖြစ်ပါသည်။ ထို အကျိုးဆက်ကြောင့် ဝန်ကြီးများနှင့် ရင်းနှီးသော မြန်မာပွဲစားများနှင့် ၎င်းတို့နှင့် ရင်းနှီးသော တရုတ်ပွဲစားများ ထိုစီမံကိန်းများ တွင် ပြိုင်ဆိုင်မှု မရှိပဲ မိုနိုပိုလီ လုပ်နိုင်ကာ သိက္ခာရှိရှိ ဖြင့် အကျိုး အမြတ်များစွာ ရရှိစေခဲ့စေသော်လည်း နိုင်ငံတော် ဘက်မှလည်း ဒေါ်လာ သန်းရာချီ ဆုံးရှုံးခဲ့ကြောင်းတွေ့ရပါသည်။
    နံပါတ် နှစ် အမှားမှာ ယခင် အစိုးရ လက်ထက်က ပြည်ပငွေလဲလှယ်နှုန်း နှင့် ပြည်တွင် ငွေကြေးဖေါင်းပွမှု ကို ထည့်သွင်းမစဉ်းစားခြင်းကြောင့် လျှပ်စစ် ဓာတ်အားခ ဈေးနှုံးချိုနေခြင်း။ ထို အကျိုးဆက်ကြောင့် ပြည်သူများ ဈေးနှုံးချိုစွာ လျှပ်စစ် ဓာတ်အားကို သုံးစွဲခဲ့ရသော်လည်း ပြည်သူလူထု ထံ ကောက်ခံရရှိမှု နည်းစေခဲ့ပြီး အစိုးရပိုင်းမှ အရှုံးပေါ်ခဲ့ကာ စီမံကိန်းများ တိုးချဲ့နိုင်မှု နည်းခဲ့ပါသည်။
    နံပါတ် သုံး အမှားမှာ ယခင် အစိုးရ လက်ထက် ကို စိုးဝင်း လက်ထက်တွင် ဝန်ကြီးများကို သူခိုးများ ဟု ထင်ကာ ဗဟိုဈေးစစ် အဖွဲ့ကိုထူထောင်ခြင်း။ အထက်ပါ အကျိုးဆက်ကြောင့် တိုင်းပြည် ဘဏ္ဍာများ ဆုံးရှုံးမှု ကို အထိုက်အလျှောက် ကာကွယ်နိုင်ခဲ့သော်လည်း တိုင်းပြည် အတွက် အပေါစားပစ္စည်းများကိုသာ ဝယ်ယူနိုင်ခဲကာ အစိုးရမှ များစွာ နစ်နာခဲ့ရပါသည်။
    နံပါတ် လေး အမှားမှာ ဓာတ်အား ဆုံးရှုံးမှု များနေခြင်း။ ဓာတ်အား ဆုံးရှုံးမှု များ နေခြင်းမှာ ဌာနတွင်း အောက်ခြေဝန် ထမ်းများ ပါဝင် ခိုးပေးခြင်းနှင့် သုံးစွဲသော ပစ္စည်းများ အရေအသွေး နည်းနေခြင်းကြောင့် ဖြစ်ပါသည်။
    အထက်ပါ အကြောင်းအချက် များကို ဦးစားပေးပြင်နိုင်မှသာလျှင် မြန်မာ့စွမ်းအင်ဂဏ္ဍသည် ပြုပြင်ရေး လမ်းကြောင်းပေါ်ရောက်မည်ဖြစ်ပါသည်။

  3. ပဲာလို..အဘစိုး..company တွေဆီကတောင်းလို့ ကောင်းဆဲဘဲလား