ဧရာဝတီ | အမှားပြင်ဆင်ချက်

အမှားပြင်ဆင်ချက်

ငလျင် ရွှေတွင်းလုပ်သား သတင်း မှားယွင်း

ယမန်နေ့က “ငလျင်ကြောင့် ပိတ်မိနေသည့် ရွှေတွင်းလုပ်သား ၂၀ လွတ်မြောက်” ဟု ဧရာဝတီက မှားယွင်းဖော်ပြမိပါသည်။ ယင်းသတင်းကို ရွှေတွင်းကုမ္ပဏီမှ တာဝန်ရှိသူတဦးနှင့် ဖုန်းဖြင့် ဆက်သွယ်ပြီး ရေးသားပေးပို့ခဲ့ခြင်းဖြစ်သည်။ ယင်းသတင်း နောက်ဆက်တွဲကို ရေးသားရန် ဧရာဝတီသတင်းထောက်တဦးကို မန္တလေးတိုင်း စဥ့်ကူးမြို့နယ် ကျည်တောက်ပေါက်ကျေးရွာနှင့် ကန်တောင်ကျေးရွာများသို့ စေလွှတ်ခဲ့ပါသည်။ အဆိုပါ ဒေသတွင်းသို့ ရောက်ရှိခဲ့သော ဧရာဝတီ သတင်းထောက်ကို ဒေသခံများနှင့် ရွှေတွင်းကုမ္ပဏီမှ သတင်းမှန်ကန်ခြင်း မရှိဟု ပြောဆိုကြပါသည်။ ထို့သို့ မှားယွင်းစွာ ဖော်ပြရေးသားခဲ့ခြင်းနှင့်ပတ်သက်ပြီး ဧရာဝတီ ပရိဿတ်ကို တောင်းပန်အပ်ပါသည်။